|
اولا موضوع بحثك مررره حلو بالنسبة لي علاقتي بأخواني مرره حلوة ولله الحمد مافي رسميات بينا بل في كثير من الاحيان يناقشوني في مواضيع ويبغون رأيي فيها واحس بالاحراج منها لكن اتجرأ واتكلم معهم بحدود الادب وايصال المعلومة الصحيحة حتى انا الجأ لهم بدل (البابا والماما) في مشاكلي الزوجية واسمع وجهت نظرهم واستفيد منهم كثييييييير اما بالنسبة للمشاوير والروحات والجيات فلله الحمد مانقطعت حتى بعد زواجي وانا كمان من فتره لفتره لازم اخذلهم هدية عشاء في مطعم او اعزمهم عندي على اكله يحبوها استشيرهم في كثير من الاشياء حتى لو ما اقتنعت برأيهم بس احسسهم انو رأيهم مهم واني ما استغني عنهم الله يخليهم لي ويخليني لهم بالمختصر علاقتنا مرره حلوة وقوية اكثر من ماهوا متصور وهذا يعود بعد فضل الله للوالدين اللي غرسوا هالشي فينا ****** >>>> لاتنسوا تقولوا مشا الله <<<<<********* ,,, بالتوفيق يالقناصة |
السلام عليكم ورحمة الله وبركاته. علاقة البنت مع أخوها أو الشاب مع أخته .تعتمد على تربية الأهل . يجب أن يسود الأحترام من الطرفين ويجب على الفتاة خدمة أخيها في حدود أستطاعتها وهو يكون في خدمتها في حدود مسئولياته . وهذا يزرع من الصغر في جميع أفراد العائلة . إذا ساد الود والأحترام جو المنزل والله لن نرى إلا كل خير . وهذا ما أراه فيما حولي .... يحفظكم ربي وفي أمان الله ... |
بالعكس يا أختي أنا أحس إن معظم الشباب يشيلون هم خواتهم أكثر حتى من أنفسهم طلعنا ستة لكندا .. ثلاثة مننا عنده خوات انا واحد منهم يوم جينا نرجع للسعودية أول مره و جايين نرجع بهدايا اللي ما عندهم خوات رجعوا بالباص أول شيء و أنا و الاثنين اللي معي طولنا في السوق عشان نرجع بأفضل الهدايا لاخواتنا .. سحبنا على الأباء و الأخوان و ركزنا على الأمهات و الإخوات خويي .. كل ما راح لمكان شرى لاخته هدية منه .. راح للندن و رجع بهدية .. راح باريس و رجع بهدية و راح لايطاليا و رجع بشنظة خويي الثاني ضبط أخته يوم جت تتزوج باللي يقدر عليه أنا أكثر ما كلفني في روحتي للمكسيك عقد فضة و سلسال للوالدة الله يحفظه و لأختي ما بغيت أفوت فرصة وجودي في المكسيك و اللي عندها أفضل أنواع الفضة في العالم و ارجع بدون شيء خلك من الفلوس .. كل الشباب اللي اعرفهم لهم جلسات خاصة مع أهاليهم و بالذات اخواتهم .. فيه واحد من الشباب كل ما قلت له اطلع معنا قال انا طالع مع اختي فلانة ( عادي يقول اخته لانها بنت خالتي :d) أنا مقصر شوي هاليومين و ساحب ما كلمتهم من زمان بس الشيء هذا صار علشان الاختبارات ع العموم لا تتبلين على الشباب :smilie47::d عوافي |
إقتباس:
ودائما احاول اتعامل مع اهلي بأسلوب راقي جدا ومن شدة اعجابي بعلاقتي مع اختي اتمنى اني اتزوج وحده مثلها وهي بعد نفس الحكاية لدرجة انها بدت تغار من خطيبتي .. حاسدتها علي :d |
سؤال للبناااات / لما تعتقدين ان افضل الرجال هو اخوكـ تقدرينه وتحطينه على راااسك يعني هو المثل الاعلى لكــ بالحياة لدرجة تتمنين ان زوج المسقبل يكون مثل شخصية اخوكــ .. لكن مع هذا تشوفين ان اخوكــ مع كل هالاحترام ماعطاك وجة ولادرى عنكــ هل جربتي هذا وماهي ردة فعلك << ودكـ بالحقيقهـ .. أخوآني لآيعطوني وجهـ :no: ولآ أنآ أعطيهم وجهـ :naughty: يعني مآبينآ إلا الإحترآم .. :clapping: >>> والتعليق :to: إللي مآأدري وش يبي :d الله يصلحنآ :rose: |
إقتباس:
جبتيها وانا اختتس هذا اخوي الكبير بزااتوو بس مو معاي .. مع اختي التسبيره انواع التعليقات والتنكيت الي ماله سنع وعدم الإحترام ليه؟ لأنهـا ماترد له طلب وتحترمه حيييل وتعامله آكشخ معامله :razz: اما أنـا لأني ناشبه لأووم حياته محترمني ويخاف مني < إيه هين :smilie47::d لا من جد إذا طنشناهم وماعطيناهم وجه يمشون ع الصراط المستقيم :rose: اما اخواني الصغار بكل امانه يخافون مني شديد :razz::d ودي احبهم واعبر لهم بس ماش مافي مجال ماينعطون وجه :smilie47::d إقتباس:
شوفي يعني لو أحد كذا من برا يجي ويسألني عن فهيدان طبعـا بمدحه وأطيره للسما السابـعه لأنـه اخــوي :smilie47: وهو يستاهل المدح لو يخفف ثقالة الدم شوي :rose::smilie47::d اما لو نجي للجد بيني وبينك ( الله يعين خطيبته عليه) :d الي يقهر إنه ابو وجهين معنـا وجه ومع خطبيته وجه ثاني :dizzy: :d ( تخيلي ذاك اليوم يقول قدام خطيبتـه : يلوموني ياعمري صكي الباب .:bigeek:. الله واكبر عليك 20 سنه ماتناديني غير ام لسان الحين صرت عمرك مسوي يعنني رومانسي قدام المدام :no::smilie47: بس الحمد الله من خطب واخلاقه في تحسن :whacko: الله يثبته بس :stoned: شكرا قلبـو:rose: |
شوفي انا دايم احب اجنن فيهم و اماطل فيهم لين ما يحققون الي ابي:naughty: طبعا اذا كانو يقدرون عليه بس اكون حاط بنفس سوهـ ولا لا انا لازم اسوي الي طلبوهـ مني لازم لازم لازم عشاني لازم بيوم بحتاجهم والله لو وش يصير بحتاجهم بحتاجهم وانشاء الله اكون ساعتس بالبحث |
بالنسبه لي انا وخواتي كأننا ربع رغم ان جميع خواتي تزوجوا وخلوني وحيدا فريدا بالبيت علاقتنا اكثر من ممتازه واسبوعيا آخذهم من بيوت ازواجهم واطلع اعشيهم وامشيهم تقووووووول كأننا ربع ,, ومتعلقين فيني بشكل ماينتصور لاني اخوهم الوحيد ودايما يتصلون فيني ويسألون عن اخباري يعني العلاقه بفضل الوالدين ممتاااازه لأبعد حد واقرب اخت لي الي اصغر مني:smilie47: اهي الي تفهمني وتعرف لي كأنها توأم روحي واختي اكبر وحده:smilie47: احسها مثل امي تخاف علي كثير يعني ولله الحمد العلاقه رائعه قولوا ماشاء الله |
مشكوور ع الفكره الحلوه .. ..~ مجرد متآبع للموضوع .. :) ,, , |
إقتباس:
قويه ان الاخت تشوف ان اخوها هو المثل الاعلى ؟؟؟ يمكن تقدره وتحترمه وتكون بينهم محبة اخوان لكن مع احترامي لك اختي عيت تدخل راسي فكرت ان البنت تشوف اخوها افضل رجل >> ودي اصدق:) إقتباس:
فبعض دايما قلبهم ع قلب واحد واي شي يسويه يقولها وانا كنت كذا مع اختي لكن صار منها موقف معي وصارت علاااقتي باختي علاقت احترام فقط يعني ماكنت زي اول كل شي اقوله لها واي شي تبيه اجيبه لها،، لكن للاسف موقف واحد خرب ام السالفه ،، وصارت بالنسبه لي اخت احترمها واقدرها فقط وصرت رسمي جدا جدا معها . ومشكوره اختي الثانيه :) >>قاعد افضفض لك ويسلمو واسف ع الاطاله ،، |
يعطيك العافيه على الموضوع الخطير ماسكينها علينا اقضي حاجات خواتي اوديهم للي يبون :no: نبي تفلونها معنا مثل ماتفلونها عند اخوياكم :naughty:>>مافيه امل اخوي اموت عليه موب بس لانه اخوي لانه ماعندنا عيال غيره هو مايقصر ابدا يوديني ويجيبني الى دجه انه حافظ اسما المحلات واحيانا هو يروح يرجع شى اشتريته ومالي حلق اروح للسوق هو يروح بدالي احترمه وكل ابو شى بس انه مايمون علي ولايسولف على وش سوى ووين راح يمكن لاني اكبر منه ب9 شهور :naughty::naughty: مشكته مايعرف يعبر عن حبه الا بالمشاوير:smilie47: > وش السواه بـوه :no: الله يوفقك بحثك:rose: |
ودي اقول واقول لكن وش اقول.. اخواني احنا بعالم وهم بعالم للاسف.. الواحد بهالزمن همه نفسه وبس وربعه وعالمه.. اما الاهل والخوات مالهم وجود عنده الا مجاملات تمنيت اخواني يفكرون يطلعونا معهم يتذكرونا ..احنا جدا جدا محترمات معاهم لكن مافي مشاعر اتجاهنا احنا البنات واذا بالقلب مانبيه لانه مانفعنا بشي.. وكل السبب الوالدين خصوصا الاب اذا مايقرب بين الاخوان هنا المشكله وتكبر معاهم.. يعني انا اشوف الاسباب في تجاهل الاخ لاخته هو الوالدين والتفرقه بين البنات والاولاد.. واذا الغلط من الولد على اخته للولد مسموح والعكس صحيح..وطبعا يكبر عليها.. ولا ننسى حتى الشاب اذا كبر وتزوج بيصير عنده بنات واولاد هل يرضى تكون تربيه ابناءه على هالطريقه ماظن عشان كذا اللوم يقع عليه ..اخته ..اخوه..لحمه ودمه..اتمنى كل الاخوان الي يقرون الردود واخص الي مايهتم باهله كاكل يعيد النظر ويراجعه حساباته ويقرب بينه وبين اهله لان في الاخير مالك غنى عنهم ومالهم غنى عنك.. اسفه على الاطاله..وشكرا لك على الموضوع..واتمنى ردي يفيد بحثك....كل الود.. |
سؤال للشباب \ لما تشوف اختك تعاملها معاك رااقي وحلو تتكبر وماتعطيها وجه اذا انتي تعانين من هذا الشي مو معناتو انها ظاهره .. بعدين مافي مثل غلا الاخت |
إقتباس:
اتكلم ايضا عن التعامل ،، كيف تتوقع انهن ينظر لك كل الشكـــر اخوي عسااااااك عالقوه |
إقتباس:
لابالعكس يااخوي انا ماانظر نظرة تشائميه للشباب ولااعرف ايضا مافي خواطرهم اللي اعرف انا اعيش في مجتمع نسائي وارى صديقاتي وقريباتي واعرف كيف علاقتها مع اخونهن ،، يعني لدرجة تلقاها مسميه اخوه بالجوال لقب روووووعه تسميه الامير ،، او الكنج ومن القاب الحلوه يعني مشالله القى بنات تقدر اخوها تقدير كاااااااامل فهنا السؤال ماذا لو يعرفون الشباب ماتكن له اخته من مشاعر وحب هل سيكون تعامله افضل ام سيظل كما هو ؟؟ شكــــرا لمرورك |
| الوقت المعتمد في المنتدى بتوقيت جرينتش +3.
الوقت الان » 04:36 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd