خـالد عزيـز والقـرار الـذليـل .... واستـاد جـدّة ( مقبـرة بشـرية )
حيـــــــــــــــاكم
وش السالفة ياجماعة الخير ؟؟ 
وش يحسّون به اللي منعوا خالد عزيز من المشاركة في المباراة ؟؟
ياخي لجنة المنتخبات هذي عليها طلعآآآآآآآآآآت 
بأي حق وبأي نظام وبأي قانون تمنع لاعب محترف ( سليم ومعافى وجاهز ) من المشاركة مع فريقه ؟؟ الحين اللاعب أصيب مع المنتخب ورجعتوه لنا ( معطوب ) 
وقلنا مافيها شي يستاهل الاخضر
وقعدنا نعالج اللاعب ونشيل ونحط حنا وايّاه
ويوم صار جاهز يجينا خطاب وتقولون لايلعب !!!! ياجماعة قلتها سابقا واقولها مرة ثانية..
رياضتنا محكومة بـ( قانون الغاب ) 
اقسم بالله عندنا قرارات وانظمة ولوائح وخزعبلات وهرطقات مالها مثيل والله لو يدري عنها بلاتر ان تجيه نوبة صرع 
- عطوني اتحاد رياضي في العالم يتوقف الدوري فيه سبع مرات في الموسم
- او اتحاد رياضي يتم فيه تطبيق عقوبة مخففة بالمصطلح العلمي المدروس ( نصف المدّة )
- او اتحاد رياضي يتم فيه التنسيق مع رئيس نادي لجدولة مباريات فريقه في بيته
- او اتحاد رياضي يتم فيه معاقبة جماهير فريق على سوء تصرفها مع فريق ثاني بمكافأة جماهير فريق ثالث مالهم دخل باللي صار
- او اتحاد رياضي يتم فيه منع لاعب محترف من دخول الملاعب السعودية ومنع جميع الاندية من التعاقد معه مستقبلا والسبب إن فريقين اختلفوا في قضية التعاقد معه
- او اتحاد رياضي غالبية من يعمل فيه من مسؤولين تم تعيينهم في ( سنة الغرقة )
- او اتحاد رياضي يتم فيه تفصيل بطولة ( اولومبية ) وتقديمها بنظام الدفع الرباعي لاحد الاندية ( الداجّة )
- او اتحاد رياضي يسحب جميع اللاعبين الدوليين من انديتهم قبل المباراة الدولية بشهر كامل للدخول في معسكر ( لايهش ولاينش ) ومن ثم يعيدهم الى انديتهم مدججين بإبر البنج
- او اتحاد رياضي يعتمد على تقنية ( البلوتوث ) في تقديم الاستشارة و ( البثارة )
- او اتحاد رياضي يمنع الجماهير من ادخال اللافتات والاعلام التي تحتوي على عبارات ترحيبية كما هو معمول في الليجا والكالتشيو
أي ليجا و أي كالتشيو ياعمّي... 
وسع صدرك... you are in SAUDI ARABIA 
.
.
.
ستاد الامير عبدالله الفيصل... كارثة بيئية
مباراة الامس هي ثاني مباراة احضرها في هذا الملعب الكئيب
المباراة الاولى كانت قبل 15 سنة... نهائي ابراهيم العمر الله لا يحلله ولا يبيحه 
اذكر اني جيت ووقفت سيارتي في مواقف النادي ورحت بالباص مع الاعضاء اللي يحملون بطاقة العضوية.. في ذلك الوقت ادارة النادي وفّرت لنا باص والسواق مصري.. وطول الرحلة كان المصري ياكل موز والله العظيم مثل ما اقول لكم... جنبه حوالي 2 كيلو موز وطول الطريق كل ساعة تقريبا يزرط له موزه وانا حايمة كبدي ومن اولها حسيت ان الوضع غير طبيعي.. ولما وصلنا جدة ورحنا للملعب كانت الفوضى على اكمل وجه.. وبالطقاق والعافيه حد ما دخلنا للملعب بسبب رجال الامن اللي ما اقتنعوا اننا اعضاء النادي وجايين على حساب النادي.. حتى جاهم الامير بندر بن محمد 
وتفاهم معهم بما يرضي الله المهم اني وقتها يوم دخلت للملعب... قلت يازينك يالسواق المصري انت وموزك... توّني اشوف حومة الكبد اللي على اصولها وبالامس
بعد 15 سنة من ذيك الزيارة... صدقوني كل شي مثل ماهو بدون أي تطور بل بالعكس... الامور تزداد سوءا
والله مو ملعب... junkyard وانتم بكرامة
حتى اني اول ماوصلت الرياض صباح اليوم نصيت ملعب الملز وقمت احبّب البوابة حقته واتمسح فيها فرق شاسع ومافيه أي وجه للمقارنة
ياجماعة الخير
يا اصحاب الخطط المدروسة
ترى جدة ثاني اكبر مدينة في المملكة
والله العظيم عيب ومسخرة هالملعب 
الوضع المتطور
