خمسة أسئلة للي فاهم ومسوي فيها عارف قوانين الأحتراف... أرجو دخول ذوي الخبرة
 

كثر الكلام عن قضية عيسى المحياني وعن قانون الأحتراف اللي موجود عندنا.... فحبيت اسأل كم سؤال وودي القى إجابة شافية....
1- في حالة موافقة اللاعب على أعلى عرض هل ينتقل مباشرة للنادي صاحب الأعلى عرض؟
2- في حالة رفض اللاعب أعلى عرض ( نقول مقدم من نادي الأتحاد ب 30 مليون ريال) وش اللي بيصير؟
3- في حالة أنو نادي الهلال طلع عرضه اقل من عرض الأتحاد والنصر هل يضطر انو ينتظر اللاعب الى نهاية عقده ويدفع 70% من قيمة اعلى عرض للنادي وياخذه؟
4- ليه أشترطو أنو تكون جميع العروض لمدة ثلاث سنوات وخمس سنوات قبل فتح المظاريف؟
5-ليه كانت قضية اسامة هوساوي وعرضه المقدم من نادي الهلال لمدة سنة؟

بقووووولك باختصار


كل هذا ضد شيء أسمه



هـــــــــــــــــــــــــلال



وشكرا

نعم ينتقل له



يحول الى لاعب هاوي ..



لا أفتيك فيها ياعزيزي فلست متأكد منها فلذلك لن أقول لك ما اشك في صحته


هذا نظام الفيفا ياصديقي ولم يشترطه الاتحاد السعودي


المفترض ان يكون ثلاث سنوات على الأقل ولكن اتحادنا كان يقول من سنه الى خمس سنوات

فأنت تقدم عرض بــ20 مليون لمدة سنه والاتحاد يقدم كمثال 20 مليون لمدة 3 سنوات

فعرضك يعد الأقوى

فهذي أحد الثغرات التي استخدمها الهلال .

ماشين بالبركة


اتوقع مافيه نظام معمول فيه والا كانت القضيه حلت من زمان

ياخي بالعربي،،مافي شيء اسمه لائحة الإنتقال الاَ في لجنة الاحتراف بالسعودية
الفيفا اقر في عام 2001 احترام رغبة اللاعب في فترة 6 شهور مع حفظ حقوق النادي المنتقل منه..
وتقبل مروووووووووري

فوووووضه تقال انا بزربه سواكن ماتقول تحت مظله الاتحاد السعودي

1- في حالة موافقة اللاعب على أعلى عرض هل ينتقل مباشرة للنادي صاحب الأعلى عرض؟

نعم لكن مع بداية الموسم المقبل

2- في حالة رفض اللاعب أعلى عرض ( نقول مقدم من نادي الأتحاد ب 30 مليون ريال) وش اللي بيصير؟

سمعنا انه يصير هاوي بس مو اكيد
يعني ممكن يرفض العروض ومع نهاية الموسم ينتهي عقده مع الوحده ويختارالنادي الي يبيه

3- في حالة أنو نادي الهلال طلع عرضه اقل من عرض الأتحاد والنصر هل يضطر انو ينتظر اللاعب الى نهاية عقده ويدفع 70% من قيمة اعلى عرض للنادي وياخذه؟

ماعندي خلفيه


4- ليه أشترطو أنو تكون جميع العروض لمدة ثلاث سنوات وخمس سنوات قبل فتح المظاريف؟

ممكن عشان الهلال يوم اخذ اسامه هوساوي بسنه وحد ومبلغ كبير
ولعبها الهلال صح

5-ليه كانت قضية اسامة هوساوي وعرضه المقدم من نادي الهلال لمدة سنة؟

كانو راحياخذون اكبر عرض بعدد السنوات
والهلال اخذ هوساوي سنه وحده ومبلغ كبير

اتمنا اني وفقت بالاجابات
وذا كان فيه خطاا
ارجو المعذره

تحياتي

- في حالة موافقة اللاعب على أعلى عرض هل ينتقل مباشرة للنادي صاحب الأعلى عرض؟

نعم ينتقل اللاعب بناء على موافقته, ويتم تسجيله في كشوفات النادي الجديد مع بداية فترة التسجيل القادمة يعني اي نادي بيشتريه ما راح يلعب معه اللاعب الا السنه القادمة
مثل ما حصل مع اسامه هوساوي عندما انتقل للهلال

- في حالة رفض اللاعب أعلى عرض ( نقول مقدم من نادي الأتحاد ب 30 مليون ريال) وش اللي بيصير؟

على كلام صالح بن ناصر رئيس لجنة الانحراف انه اذا ماقبل العرض يتحول لاعب هاوي ويقول بعد مو بكيفه ,
يحيا العدل


- في حالة أنو نادي الهلال طلع عرضه اقل من عرض الأتحاد والنصر هل يضطر انو ينتظر اللاعب الى نهاية عقده ويدفع 70% من قيمة اعلى عرض للنادي وياخذه؟

يبقى اللاعب هاوي في فريقه الى نهاية عقده ومن ثم يسمح له بالانتقال الى اي نادي يريد ويسمح للنادي بتقديم اي عرض للاعب بشرط ان يقبل اللاعب نفسه بالعرض المقدم له
يعني المحياني جاي جاي الله لا يعوقه بشر


- ليه أشترطو أنو تكون جميع العروض لمدة ثلاث سنوات وخمس سنوات قبل فتح المظاريف؟


لأن كا ن هناك ثغره العام الماضي وهي من سنه الى 5 سنوات واستفاد منها الهلال في قضية هوساوي وتم تعديلها من 3 _ 5 سنوات


-ليه كانت قضية اسامة هوساوي وعرضه المقدم من نادي الهلال لمدة سنة؟

مثلما ذكرت لك ثغره واستغلها الاميرعبدالله بن مساعد الله يحفضه ويرعاه ويخليه لنا

ابشرك راح تنزل قرارات جديده وربك ينصر الهلال

1- في حالة موافقة اللاعب على أعلى عرض هل ينتقل مباشرة للنادي صاحب الأعلى عرض؟

ينتقل له بعد نهايه ال6 اشهر المتبقيه من عقده

2- في حالة رفض اللاعب أعلى عرض ( نقول مقدم من نادي الأتحاد ب 30 مليون ريال) وش اللي بيصير؟

ينتقل الى قائمه الهواه ولكن فيه ثغره بالنظام وهى ( الانتقال الى نادى خارجى )

3- في حالة أنو نادي الهلال طلع عرضه اقل من عرض الأتحاد والنصر هل يضطر انو ينتظر اللاعب الى نهاية عقده ويدفع 70% من قيمة اعلى عرض للنادي وياخذه؟

اجابه السؤال الثانى اتوقع تبين لك الوضع

4- ليه أشترطو أنو تكون جميع العروض لمدة ثلاث سنوات وخمس سنوات قبل فتح المظاريف؟
صححوا الثغره الموجوده بالنظام

5-ليه كانت قضية اسامة هوساوي وعرضه المقدم من نادي الهلال لمدة سنة؟

Oلانه كانت ثغره بالنظام والان تم التصحيح وذلك بانه يكون اقل عرض 3 سنوات


اتمنى انى افدتكــــــ ,,,,,,,,,

ماتم تدوينه بالاعلى استنادا الى لائحه الاحتراف ( قائمه الانتقال )[/