|
فرحانين بالصدارة ؟؟ ترى الفارق هدفين إنتبهو بعد أربعة الإتحاد على الليث ( الميت ) المتوسط .. زادت غلة الاهداف لدى الإتحاديين .. وأصبح الفرق بيننا وبينهم هدفين فقط .. لصالحنا حتى هذه اللحظة يعني يجيبون ثلاث اهداف تروح الصدارة لهم .. بالإهداف إذا تساوينا بالنقاط موضوع الأهداف لابد ان يكون في الحسبان ..:yes: الزعيم عليه ان لايرحم .. يكون مثل الإتحاد .. يجيب أهداف على قد مايقدر .. خصوصاً إن كان الحسم بيد الأهداف ولاننسى ان هجومهم أقوى .. والكفة تكون للهجوم على الدفاع .. *كنت افكر نسوي مصالحة مع قناة أبو ظبي الرياضيه واكتب موضوع عن هالامر .. بس بعد ماشفت ( الهريفي ) صار محلل عندهم صرفت النظر ( يعني هونت ) :razz:>> خسروني قناة ابو ظبي الرياضيه :naughty: * الإتحاد متلخبط .. مرتبك .. لاعبينه .. إدارته .. جمهوره وحتى إعلامي النادي .. خايف من تكرار سيناريو العام الماضي :yes: * قالو ليش جمهور الأهلي يشجع الهلال وهو مهزوم !! وششكو في جمهور الاهلي .. وكانت جماهيرهم ( مرتزه ) بجمهورها وأعلامها وصحافتها مع كل فريق يلعب ضد الهلال وكانوا يقولون نعشق اللعب الجميل ..! ليه مايكون جمهور الأهلي يعشق بعد اللعب الحلو وإلا يوم صارت على الهلال أصبح جمهور خاين !:confusedw: * المحياني راح .. المحياني جاء .. وقع .. ماوقع .. ترى السالفة هي هي اللى نفسها تنقال وتنعاد .. في سالفة المحياني تذكرت جملة قالها عادل إمام في مسرحية شاهد ماشفش حاجة يوم قال لعمر الحريري ( هي ألحت ) قالها .. ا هااا يعني ( أصرت ) رد عليه عاد إمام .. لا هي ألحت .. قاله ايوه يابني يعني ( أصرت ) ؟؟ قال لا هي الحت .. ألحت يلح .. إلحاحاً .. أصرت يصر ( إلحاحاً ) وهي كلها واحد .. وعلى قولتهم وين إذنك ياحبيش قال منّا يتكلمون بموضوع إن قلت ان كلهم صح .. فهم صصح .. وإن قلت كلهم خطاء فهم خطاء .. بس فرصه المحياني انها كشفت مدى الحقد والكره على كل ماهو هلالي .. * لهم خمس سنين مافازا علينا .. تعديناهم في كل شي .. بطولات .. جمهور .. صفقات لاعبين على مستوى ... إلا انهم وبعد كل هزيمة ماعندهم خير ( ماجد عبد الله جايب 21 هدف على الهلال ) وحنا اكثر فوز عليهم تاريخياً :razz: * تسجيل ... غسيل .. مؤامرات .. شكاوي .. قضايا .. مفردات تكثر عند الأصفرين .. بس سؤالي ( متى يعقلون ) ؟ * نطلب من قناة الزعيم تقديم المزيد .. وأنا اطالب جمهور الزعيم بدعم القناة بكل شي .. * تحية خاصه للأستاذ : عادل التويجري .......... والأستاذ : سامي اليوسف وعساكم على القوة أخوكم أبو طلال الصغير s13s |
يالله انك تحيينا حياة طيبة... انت الى الحين حي ؟؟؟ لا اله الا الله... يحيي العظام وهي رميم ههههههههههههههه يا حبي لك يابوطلال مسألة الدوري... لاتتعب نفسك وتحاول تدخلنا في جو ( ثورة الشك ) ياخليفة ام كلثوم محسومه يابعدي ومالها الا هلالها وسالفة انك تبي تسوي هدنة مع قناة ابوظبي... اثرك من جماعة ( هوّنّا ) ؟؟ أمّا سفهاء الجار ومتى يعقلون... ما اظنهم يعقلون حتى يلج الجمل في سم الخياط مشكور اخوي الصغير |
ابو طلال راح اتكلم عن جزئيه وحده من موضوعك فارق الاهداف ما ينظرفيه الا بعد ان يتساوى الفريقان في النقاط ان يتساوى الفريقان في مواجهاتهم المباشره ((يعني يتعادلون في الرياض صفر ــ صفر)) يعني هو الخيار الثالث لـ حسم الدوري لكن ان شاء الله الهلال راح يحقق اللقب بدون ان يلجأ لـ هذا الخيار ((الثالث)) :) |
يالله ان تحييه وتخليه :smilie47: اتمنى الصداره للاتحاد بفارق الاهداف حتى اخر مباراه .. لكي الهلال يلعب عالفوز وليس عالتعادل :yes: مثل العام :razz: اذا كان الهلال الاول بفارق الاهداف حتى اخر مباراه مع الاتحاد راح يكون الاتحاد له كلام ثاني ... اهم شي ان الهلال يفوز لو بهدف وحيد .. وان شاء الله يستمر مسلسل الفووز :smilie47: ابو ظبي هههههههههه الهريفي وبكره بيجيبون البكيري :d * المحياني راح .. المحياني جاء .. وقع .. ماوقع .. ترى السالفة هي هي اللى نفسها تنقال وتنعاد .. في سالفة المحياني تذكرت جملة قالها عادل إمام في مسرحية شاهد ماشفش حاجة يوم قال لعمر الحريري ( هي ألحت ) قالها .. ا هااا يعني ( أصرت ) رد عليه عاد إمام .. لا هي ألحت .. قاله ايوه يابني يعني ( أصرت ) ؟؟ قال لا هي الحت .. ألحت يلح .. إلحاحاً .. أصرت يصر ( إلحاحاً ) وهي كلها واحد .. وعلى قولتهم وين إذنك ياحبيش قال منّا هههههههههههههههههههههههههههههههههههههههههههههههههههه * تسجيل ... غسيل .. مؤامرات .. شكاوي .. قضايا .. مفردات تكثر عند الأصفرين .. بس سؤالي ( متى يعقلون ) ؟ اسالهم لا تسالني :d موضوع كويس جدا يامال العافيه يابو طلال اخوي الكبير :smilie47: ممكن تتقبل مروري :rose: |
ياخوي الله يوفقك تكفى لا تزيدهااا علي :) ومااتوقع ان مباراه الهلال والاتحاد الاخيره تنتهي بالتعادل بعدين الهلال كيف يفوز بدون مايسجل اهداف يعني إذا زاد الاتحاد اهدافه بالفوز .. حتى الهلال بيزيد اهدافه بالفوز والفاارق 3 اهداف وهي تحسب ( بما له وماعليه) وانا متطمن من ناحيه الدفاع والحراسه ماشاء الله تبارك الله اما هم دفاعهم شوارع خخخخخخخخخخ شكرااااااا لك اخوووووي ابو طلال |
إنشاء الله الهلال يبيض وجيهنا ويهزم الاتحاد ولا يكون طموحة التعادل معه |
ان شاء الله مع رجعة التايب تزيد الاهداف والعنبر يلعب محل سول راح يسجل الهلال في المباراة الواحدة عشرة ماهو هدفين بالتوفيق للزعيم |
ماقصرت اخوي من ناحية النقاط والله انها ببالي وعساهم يشدون حيلهم خصوصا طريقة كوزمين ايطاليه يجيب هدف ويقعد يحافظ عليه مع ان تبديلاته هجوميه بس خططه دفاعيه والله يستر ....... |
يارب لك الحمد ان الاتحاد يمتلك مدافع بمواصفات تكر ,, هو اللي اهداء لنا الصداره :D ,, |
بالتوفيق للهلال ومن انتصار الى انتصار إن شاء الله |
الاهدااااف مالها دخل ابد اهم شي النقااااااااااااط والفوز على الاتحاد |
الفارق 3 أهداف وليس هدفين حيث انة للهلال 36 هدف وعلية 6 = الفارق 30 هدف بينما للاتحاد 45 وعلية 18 = الفارق 27 هدف وان شاء الله الهلال يحسمها بكل الحالات |
الذي صدر مؤخرا ان الاهداف ليس لها علاقة يحسم الدوري بالنقاط واذا تعادلوا ينظر لنتيجة لقاءاتهما واذا كانت المباراة الثانية انتهت تعادل باي نتيجة 0/0 1/1 2/2 ؟؟؟؟؟؟ سيتم حسم البطولة باقامة مباراة فاصلة ويحدد مكان المباراة واتوقع بالشرقية ؟ |
والله أنك لحست مخي . أنا أتذكر الفرق ( 3 ) اهـداف تـاكد من معلوماتك :to: :bx: بالنسبه للموضوع . انا اقول الهلال المفروض مايطالع ولا يفكر بالاتحـاد .. نلعب المباريات الجايه مباريات نهائيه ولا تفكر الا بالفوز وبس . :alzaeem: :ga: |
فقط توضيح للجميع حول الآلية الصحيحة فى حسم بطولة الدوري مع اقتراب نهاية دوري المحترفين السعودي واشتداد المنافسة بين ناديي الاتحاد الزعيـم على المركز الأول وصدارة الدوري وفي ظل والنقطي التقارب الفني أوضح فيصل العبد الهادي الأمين العام للاتحاد السعودي لكرة القدم لـ «عكاظ» بأن دوري المحترفين السعودي سيحسم بنفس النظام الذي تم به حسم الموسم الماضي وفق الآلية التالية: • الفارق النقطي وبالتالي لا ينظر الى مواجهات الفريقين او عدد الأهداف • في حالة تساوي النقاط يحسم بالمواجهات بين الفريقين • في حالة تساوي النقاط وتساوي المواجهات اما بالتعالات او تحقيق الفوز لفريقين بنفس النتيجة او الفارق من الاهداف فإن الدوري يحسم بفارق الاهداف ( مالك يطرح منه ماعليك ) • في حالة تساوي فارق الاهداف فانه يحسم لصاحب الرصيد الاعلي من الأهداف من جهة اخري فانه في حالة استمرار تساوي فريقي الاتحاد والهلال بعدد النقاط وكذلك معدل الاهداف الحالي فان مواجهة الاتحاد أمام الهلال بالرياض تتطلب من الاتحاد الفوز فقط لتحقيق بطولة دوري المحترفين السعودي . اذا لم يتعثر فى مباراة قبل ذلك. |
| الوقت المعتمد في المنتدى بتوقيت جرينتش +3.
الوقت الان » 12:45 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd