الله يخلي اعضاء شرف الهلال اللي دخلوا كلمة (عشرين مليون) في قاموسكم يا عمران العمران - نادي الهلال السعودي - شبكة الزعيم

STS2005 · #1 30/01/2009, 07:53 PM

بسم الله الرحمن الرحيــم

ماوجه الشبة بين ناديهم والبالتوك ؟؟

الجواب هو ان اي واحد اسمه (مصبوغ بلون البنفسجي ) يقدر ياخذ (المايك) ويتكلم على راحته بدون ما يرفع يده ..

معك كم مليون في (حصالتك) يعطونك لقب عضو شرف وجوال بشريحه فيها رصيد وارقام القنوات الفضائيه وكلم على راحتك
باسم ناديهم ( وحش ) على كيفك في الهلال ..

لكن خويــنا عمران العمران عشان ( قطته ) كبيره حب انه (يداقش) الكبار من اعضاء شرف الهلال لكن اختار المواجهه في قناة يعرف مسبقا ان الهلال مقاطعها بكلمة رجال كحد السيف ..

ورددوا كلمة عشرين مليون اكثر من مره .. وكان هذا الرقم هو الرقم الذي جلسوا اسابيع لكي يحفظوا كيف ينطقونه فلا عجب فاكثر صفقه تكلموا فيها لم تتعدى خمسة ملايين ونصف .

اذا يا عمران يا شهبندر التجار .. معك قروش وصرت كاش .. الله يزيدك ..

لكن السئوال (وينك من زمان )

وينك لما ناديك انحرم من اللاعب الاجنبي لمدة موسم كامل لعدم تسديد مستحقات لاعبين سابقين وبقرار من الفيفا
لولا تدخل الاتحاد السعودي وتسديد المال من دخل النادي من المباريات لكان فريقك الان في الدرجة الاولى ..

وينك يا المليونير ..
عندما رفع نجمكم العجوز دينلسون قضيه وكان سيحرمكم من التعاقد مع اي لاعب اذا لم تدفعوا له (ثلاثه مليون )
معقوله ما معك ثلاثه مليون ؟؟ ياراعي الاربعين مليون ..

وينك لما نائب الرئيس المستقيل (عرض) رئاسة النادي بخمسين مليون ريال لاي واحد يقدر يدفعها وياخذ الجمل بما حمل
تخيل (خمسين مليون هي قيمة ناديك) يعني قيمة ويلي

واحمد ربك ان ما جا عضو شرف هلالي ودفع الخمسين مليون و صار رئيس ناديك وقفله .

وينك .. في تجديد عقد الحارثي ..
والتي تكفلت بها الاتصالات السعودية حسب تصريح رئيس ناديك وهي للاعب الاول في ناديكم ..

واللحين جاي تقول ( اعضاء شرف الهلال ماخلصوا الصفقه )؟؟

كيف نخلصها وانتو ناشبين في حلوقنا ..بعد ما صرح المحياني انه يرغب في الهلال ..

طلع علينا ابو مكياج وقصة ان الهلال معطيه وعد في الدخول للمنتخب ..
وطلع علينا ابو سيديات وغسيل المعدة ..
وطلع علينا نائب رئيسكم وقال لو ما يجينا غصب بنشتكيه ووكيل اعماله ..

قسم بالله لو ان المحياني سيارة ما شريته خوف من العيــن

اخيرا .. احمد الله ياصاحب الملايين ان (علاء الكويكبي) اقصد (عربونك) رجع لك وان رجال الهلال ما ورطوك وانسحبوا من الصفقه .

واعلم ان اعضاء الشرف لنادي الهلال هو الخط الاحمر بالنسبة لنا .. لن نسمح لاي احد ان يتجاوزه ..

مع التحية ..