|
احمد الفريدي الموهبة الهلالية & ورأي كوزمين فيه .....!؟ السلام عليكم ورحمة الله وبركاته .. احمد الفريدي بصراحة كثر الكلام عنه فيه من قال مزاجي، ومغرور، بطيء، يعطل الهجمة .. ياجماعة الكل متفق على مزاجيته ونرفزته الزايدة لكن ارجوكم شوي شوي على الولد ياناس توه صغير والله الولد فناااااان تبي تنقد انقد بهدوء وبدون سب وتجريح .. انا بعد اشوف انه لازم ينبه ويتكلمون معه ويحاولون ينصحونه وان شاء الله سامي ماراح يقصر بس اشوف المواضيع كلها عنه تكلموا عن سيول اللي والله مدري من وين جايبينه يلعب ع الواقف اول مره اشوف مهاجم او جناح يلعب بدون مايركض وشايف نفسه ومتنرفز وفوق هذا يضرب بعد جالسين تتكلمون عن الفريدي وتاركينه هو والزوري اللي يبيله تنبيه بعد مستواه نازل مره وحتى قتاليته فاقدينها .. انتم تعون ماتفعلون << سلطان بن فهد :d .. اما موضوع انه يمسك الكورة وياخرها انا اشوف هذا مو عيب بالعكس هذي ميزة بالفريدي وغالبا صناع اللعب ضروري تكون عندهم الميزة هذي مثل ريكيلمي وتوتي و .. و... الخ .. صانع اللعب يمسك الكورة ع اساس يطلع زملائه ويلعب الباص باحسن مكان .. يعني هذا رايي ويمكن يكون غلط ويمكن لا .. قبل 3 شهور تقريبا قابلت كوزمين بالنادي وجلسنا نتكلم معه انا ومعي كم واحد المهم سالته عن اللاعبين قال انه يعجبه الزوري كثير :smilie47: وسالته انا عن الفريدي قال هذا فنان فنان :smilie47::d بس قال لازم يترك المزاجيه شوي ويقول حاليا افضل صانع العاب سعودي .. والله ماكنت ابي اقول هالكلام لانها كانت سواليف عاديه يعني بس عشان الكلام الكثير والانتقادات الاذعه لاحمد << حلوه لاذعه مدري وشلون طلعت !!:d اخيرا اتمنى منكم اثراء الموضوع بارائكم عشان نستفيد من بعض .. ع فكرة غدا باذن الله مناقشة مشروع التخرج ادعولي بالتوفيق الله يجزاكم خير .. وآسف ع الاطاله ...:rose: |
إقتباس:
مع احترامي لك ماتفهم كوووووووووره واذا كان المهاجمين يصيحون هات الكوره يالفريدي ولاهو يسمع لو قلت عنده مشكله في الاذن اصدقك وآخر الكور اللي نتكلم عنها مع الاهلي جلس يمشي على خط الركنيه تقول بيصدم القائم ولاهي اول كوره له يسويها اتمنى من كوزمين يجلسه مع الاحتياط شوط واحد علشان يحس.. وبالتوفيق للزعيم |
إقتباس:
|
اذا كان اللاعب يمسك كورة كثير هذا يُسمى "ستايل لاعب" وليس عيب في اللاعب بالتوفيق للفريدي ولجميع لاعبي الزعيم |
الفريدي موهبه قادمه للكرة السعودية آحبك يا أحمد موووت...وحسرة أني ما سلمت عليك وتصورت معاك في مطار المدينة قبل دورة الخليج...يالله الجايات آكثر خخخخخ -- آعتقد انه الكابتن آحمد عمله نادره في السعوديه لهدوئها في اللعب يعني شفنها في مباراة الاهلي بين المدفعين على القوس ثبت الكره بكل هدوء وسددها لاحظوا ياخوان انه حاول يضاعها كالعبه اوربيه وهذا ما يفتقده الكثير من لاعبي السعوديه اللي يلعبوا من باب امغط يمكن تدخل .. تمريراته رائعه جدا وتسحيبه ياعيني عليه.. احمد يعيب عليه النرفزه والعصبيه وهذا لقلة الخبره ومع الايام راح يتعلم ... وفي الاخير اتمنى التوفيق له وربي يحفظه لعين ترجيه .. واقول تعصب تنرفز تنطرد وحتى لو تنشطب ...راح آضل آحبــــ15ــك اما الزوري عليه مراجعة نفسه .. ما كان البطل كذه وآكيد ما ساء لها الدرجه ... تحياتي لكم جميعا...وللغالي يا ليل خبرني |
والله انه فلته ..صح يعيبه البطئ في بعض الكرات لكن توه زغنووون وبكره مع الخبره والله تشوفون اسطوره جديده (ان شاء الله) ... والله غيرنا يتمنون لو يكون معهم زيه وبرجل وحده |
والله هذا اللاعب فنان لكن يعيبه بعض الاشياء ينبغي ان ين عليها الا وهي انه يتنرفز ليه انا صراحة توقعت ياخذ احمر مباراة الاهلي شفتوا كيف يتناقرون هو وهزازي ولا صراحة اتمنى له التووفيق هذي وجهة نظرك ونحترمها ياليل خبرني!!!!!!!!!! |
صــــــح كــــلآمــــكـ .. مـــشــكــوـر .. آخ ــــــوي .. |
مشكور اخوي على الموضووع وان اختلف مع اللي بنتقد الفريدي واعتبر هدي ميزه في الفريدي كانت في الشلهوب وصار يخاف ان الكورة تروح منه وصار تدني في مستواه والخوف من الجمهور هو السبب بعدين الفريدي وسط مو مدافع علشان يطير كوره بالعكس لازم يلف على نفسه وياخد لاعب ولاعبين ويعطي الهجوم فرصه يتمركز بعدين يمرر اتمنى انك تنتبه للاعبين غير الفريدي مثل المحترف سيـــول .... اما عن موضوع الزوري انا اقوول ان سبب تدني مستوااه انضمامه للمنتخب واللعب اساسي وهو لاعب صغير واتمنى ان اهل الخبره مثل سامي ينبهونه ويعطونه نصايح تفيد مستقبله........ واااااااااااااااااااسف على الاطاله ان شاء الله الصورة وضحت بس |
الفريدي فناان بس يبيله ينتبه لنفسه ويترك المزاجيه لان مع المنتخب تقول هذا الفريدي الي يلعب بالهلال ؟. |
مشكووووور يالغالي ومته تكيت انت وكوزمين :) لاتفقش علينا ههههههههههه اما عن انه فنان ان اوافق كوزمين الراي لاكن بطيئ وعن الزووري بعد الخليج سراحه مستواه غير لائق وارجو انك وانا اخوك تخلي النت هالايام وتهتم بمستقبلك ابرك لك وبعدين ارجع لنا بمواضيع وفقشات اطلق :):):):):) |
اللاعب احمد الفريدي لاعب كبير بمستواه لكن يعيب عليه التحفظ بالكرة لمدة اطول مما يسهل على الخصم قطع الكرات التي بحوزته وعليه التنبه بانه يلعب ضمن مجموعة والله الموفق |
السلام عليكم ورحمته الله وبركاته أحمد لاعب ممتاز وله مستقبل جيده بس الله يهديه النرفزه والعصبيه والخشونه الي مالها داعي واخرتها الكرت الاصفر الي اخذه الله يوفقك يا أحمد وحنا ما نقول هذا الكلام اللا عتاب محب |
لانختلف جميعاً على أن الفريدي لديه بعض السلبيات البسيطه وفي نفس الوقت نتفق جميعاً على أن الفريدي موهبه ومشروع لاعب لانريد أن نخسره فهو لاعب بحجم الثنيان ولكن بنسخه مطوره عموماً تظل النقاط السلبيه في الفريدي لاتذكر مقارنة مع الفائده الكبيره التي يستفيدها الفريق في ظل تواجده.. فهو يحدث التوازن في وسط الفريق وبإمكانك التأكد من ذلك في حال عدم مشاركته مع الفريق ولاحظ الفرق في منطقة الوسط.. ويبقى جميع ماذكر من سلبيات في حق الفريدي هي في الأساس امور بسيطه ومن خلال التوجيه الإداري والفني للاعب سيتم تجاوزها وترى الفريدي في أبهى صوره الإبداعيه.. تمنياتي لك عزيزي بمناقشه "حاده"مقرونه بدرجة الإمتياز:clapping: :rose: |
%احمد كبيــــــــــــــــــــــــــــــــــــــــر والله يوفقه% ... والزوري بعد كبيــــــــــــــــــــــــــــــــــر .. بس مستواه نازل شوي "اخوي قصر الزعامه ما قصرت" ومشكور اخوي على الموضوع |
يا عياااال لا تهاوشون أحمد كلنا نتفق أنه افضل صانع لعب سعودي له مستقبل باهر بس أتفق معكم بأنه بطيء وبارد |
طيييييييب شوووف ياسر في مبارات النصر والاهلي كيف وجهه وهو يعصصصصصصصصصب عليـــــــــــــــه يا ليت تتابع المباريات الاخيرهـ تعررف ليش قلنــا كذا يا ليت تكتب شي اجل مو عيب اللي يمسكـ الكورهـ ليش قاعد يتمرن ولا يلعب مباراة مهمــه |
يعجبني بالفريدي يستخدم نقاط ضعف الخصم واتمنى شوي يلحق نفسه علشان سلبياته فااااااااااااااااضت تحياتي |
اخوي انا ماني معك الفريدي مزاجي وبطء ويعطل الهجمة |
| الوقت المعتمد في المنتدى بتوقيت جرينتش +3.
الوقت الان » 01:09 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd