|
بعض الملاحظات على لاعبينا يجب الانتباه لها (( نامي + الزوري + الفريدي )) السلام عليكم ورحمة الله وبركاته بخش بالموضوع دوغري:d موضوعي لمناقشة بعض اخطأ الـلاعبين وخاصة احمد الفريدي وعبدالله الزوري ونامي احمد الفريدي لا احد يختلف على فنه وذكائه لكن فيه بعض السلبيات التي من الممكن ان تخفي نجم هذا المبدع من الملاحظ على الفريدي انه في الاونه الاخيره اصبح يلعب لنفسه وليس للفريق هل من المعقول ان تلعب لنفسك يا أحمد ؟ اصبح يحتفظ بالكورة بشكل كبير جداً ناهيك عن البرودة الغير مبررة ابداً تسحب بـ لاعب خلاص مو حلى تسحب في الفريق كله يعني ؟! سحبت في الي قدامك وفتح معك خويك خانه ومكانه افضل من مكانك وصل له الكورة وبكذا تكون مهمتك خلصت ونحب راسك بعد لكن انك تحتفظ بالكورة وتسحب في اكثر من واحد وبعدين تدور اللي تناول له هذي لا !!! يجب عليك يا احمد ان تركز قبل استلامك للكره فـ مهتمتك تقتضي ايصالها للمهاجم بشكل صحيح لذلك يجب عليك ان تعرف اين ترمي بالكورة !! بصراحه لعبك بالاونه الاخيره بـداء يقلق الكثير من الجمهور ويجعلهم يضعون اكثر من علامة استفاهم حول مستواك لذلك الله يرحم والدينك فكنا من البرود و وصل الكورة بشكل صحيح وسريع لانه هذي هي مهمتك الاساسية وسامح الله من لقبك بـ الثنيان لان هذا اللقب بداء يقلقك اكثر من عطاءك مو لازم تسحب بكم لاعب علشان نقول انك مثل الثنيان ؟! الان جاء الدور على الـ لاعب الخلوق والمبدع نامي نامي مدري وش يحس فيه بالضبط في بعض الاحيان لدرجة اني مدري هل هو يعلب معنا ولا معهم ؟ ياخذ الكورة ويوصل النص وتتراعد رجوله ويرجعها للمدافع ولا عطاها وسط الفريق الخصم ؟ لين متى يانامي وانت لاتستغل مخك وتلعب بثقه ؟! نامي رسالة اوجها لك وانتبه لها جداً انت الان وجدت الفرصه وهذه هي فرصتك لاثبات انك كفو لمثل هذه الخانه لذلك ان تهاونت او (( فهيت )) تأكد انه بيجي اليوم اللي تحصل نفسك مثل >> مسفر القحطاني لاعب الظهير لابد ان يكون سريع ولبيب وذكي والنواحي الدفاعيه لولا الله ثم ويلهامسون ولا جهتك بتروح شوارع :to: اهم شئ حاول تلعب بثقه وركز جداً وارجوا منك التركيز على النواحي الدفاعيه كثيراً : : عبدالله الزوري الجميع اقتنع من مستواك لكن صـ اصارحك بهذه الحقيقة انت لاعب جيد لكن لاتقدم ماهو مطلوب منك بشكل صحيح وهذه الملاحظات يعلم الله انني دائماً الاحظها عليك في كل المباريات اللي شاركت فيها ( كم كورة استلمتها ياعبدالله ولا سلمتها صح ؟ ) كم آوت خطأ وانت لاعب دولي ؟ <<< وتنطبق على نامي ايضاً واكثر مايضايقني فيك الكنترول السيئ جداً يعني معقوله ماتعرف تثبت كورة صح ؟! ارجوا منك التركيز على الكنترول لانه مهم جداً وبإمكانك ملاحظة كم كورة طلعت آوت وهي كانت قادمه إليك ! هذا هو موضوعي ويعلم الله انني في كم مره احاول اكتبه لكن ترددت واليوم قلت لازم اقول هالموضوع لانه بجد يضايق لان فريقنا بحمدالله اصبح كامل ولاينقصه الا القليل وماقلته هو من القليل تحيتي للجميع |
كلامك سليم ماعدا الزوري انا اشوف ان لاعب بعمره ممكن تحدث منه بعض الأخطاء ولاتنسى انها نهاية موسم يعني الإرتباك موجود ويجب الوقوف مع اللاعبين |
^ ^ ياهلابك اخوي العزيز بس الزوري كلامي ينطبق عليه من اول يوم شارك فيه مع الهلال اسعدني مرورك وتحيتي لك |
اختلف معك في نامي والزوري ........ |
^ ^ احترم وجهة نظرك واختلاف الرأي امر طبيعي |
الفريدي اوكي كلامك سليم ام نامي من الاصل ماعنده ما عند جدتي.. اما الزوري ماعليه بالعكس ممتاز.. ومستحيل يجيك لاعب كل المباربات مستواه ممتاز |
كلامك في محله وانتقاد انشاء الله من محب للزعيم وانا والله عندي نفس ملاحظاتك |
وش رـآايك تلعب بدالهم ..؟ كثرت هالمواضيع والله .. انتقاد بإنتقاد !! اللاعبين بنهايه الدوري ومحتاجين تشجيع .. وحنا نسفل بهم .. (( ننتقدهم )) .. انا لي ساعتين وقريت نفس محتوى الموضوع عشر مرات .. كل الكلام عن نامي وارتباكه .. والفريدي وبروده واحتفاظه بالكوره .. والزوري وتمريراته !! الى متى !! |
إقتباس:
: صحيح كلامك مستحيل احد كامل لكن الملاحظات بسيطه ويقدرون يتلافونها مع المستقبل بكل سهوله اذا ركزوا عليها تحيتي لك |
والله اخوي ما اشوفـ ان الزوري كنتروله سيء جدا جدا لكن انآ ارى ان كنتروله لا بأس به لكن ليس بالكنترول الخرافي لكن يعتبر كنترول " يوآجه " على الأقــل أما الفريدي اتفق معك بشكل كبير لكن لو يخلي عنه البرود صدقني بيفلح و نآمي لآ زآل بحآجه إلى ان يتطور بشكل أكبر اشكرك على موضوعك الهادف والرآئع أمنيآتي للزعيم بالتوفيــق |
إقتباس:
ربي يسعدك وان شاء الله يستفيدون من النقد تحيتي لك |
إقتباس:
اخوي اعتقد موضوعي نقد مو تسفيل وتجريح باحد مابي اقولك اني لو العب افضل من نامي لان نامي بصراحه مدري كيف يعلب اصلاً اتفق اننا بنهاية الدوري لكن الملاحظات للمستقبل مو انه لازم تضبطون المباراة الجايه تحيتي لك |
كلامك في محله وصحيح 100% وصح لسااااااااانك |
إقتباس:
اهلا فيك اخوي وبالنسبه لي اشوف انه اهم شئ عند لاعب الظهير الكنترول الصحيح وتقدر تراجع مباراريات الهلال ولا المنتخب وتشوف كم كورة تطلع من رجل الزوري تحيتي لك |
انا احترم وجهت نظرك بس يليت نخلي الملاحظات للمدرب وللاداره الفنيه صدقني تشجيعك يحمسهم وانتقادك وملاخظاتك تخفيهم تحياتي لك |
| الوقت المعتمد في المنتدى بتوقيت جرينتش +3.
الوقت الان » 09:43 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd