|
انتحار عنز !! 1- حرّاثة !! 2- رشرش !! 3- جيب فيكس آر !! 4- ماطور مخيّم !! 5- غرفة نوم .. معها تسريحة وكمدينتين !! أهم شي السرير يصير فيه مسجل أبو بابين ولمبة !! لزوم الخثرة !! 6- ميكروويف ومقاضي مطبخ من طقطق إلى السلام عليكم !! 7 - بقرتين !! وتراي مقاطع المنتجات الدنماركية!! يعني إن صارن البقر دنماركيات .. اعتبروا الصفقة مرفوضة !! 8 - مواعين وبيالات وكيسان وقدور و فرن للبيت وفرن للشغالة ومرواح قعاديّـة وخلافه !! 9- و يبي لي توظيب قير ومكينة !! وطقم كفرات (قود يير) مع الاستبنة يعني خمس كفرات .. كفر ينطح كفر !! وكل ذولي ( يا يجي لهن ضمان بنكي ) يا أغسلوا يدكم ينتقل اللاعب !! 10 - إيه صح قبل أنسى .. ترا فيزة الشغالة مطـّوفة ثلاث سنين .. ولا ودهـّا ترجع وحنـّا ما نبي نغصبها لأن أهلها مستقرّين هنا .. جو ولا رجعوا !! المهم شوفوا لكم واحد بالجوازات يضبـّط أمورها !! وإلا تراي ابنشب لكم في الصفقة !! شغـّالتي أهم من النادي !! -------------------- تعرّفون قصـّة ذيك العنز المهايطيـّة !! اللي غثــّونا بها مدرّسين منول .. وإنها تبي تنطح جبل .. وإنها اخذت عزم وجت مسرعة .. ونطحته !! المهم .. ترضرضت جبهتها .. فما نفعها " هياطها " !! لأن شموخ الجبل أسمى من أن تحرّكه ( عنز ) !! طبعا أكيد كلنا نعرف (العنز) .. وإلا لا ؟! هههههههه الله يقطع بليسكم بلا .. لا يروح تفكيركم لبعيد وتحسبوني أقصد اللي ( يثاغون بقنواتنا الرياضية ) !! واللي كثرت مداخلاتهم و ( مثاغاهم ) !! و ( مناطحهم ) !! خصوصا هالفترة وتزامنا مع أحداث انتقال " عيسى " !! يا حليلي أثري حبيّب ولا طرا على بالي نهائيا هالتفكير !! طبعا مثلي مثل أي هلالي منصف .. يحترم الوحدة ( النادي والتاريخ والكيان والجمهور العاشق الوفي ) !! لكن يا كثر أعضاء شرفكم كثراه !! أتوقع بمبارياتكم الجايـّة لو حضروا للمبارة كل اللي دقوّا وصرّحوا .. تسان يبنون لكم استاد جديد من كثركم !! الغريب وينهم كل الفترة اللي راحت ؟! وينهم في قرارات مصيريّة غيّرت معالم وشكل (الوحدة) !! لكن ما ألومهم مشاغل الدنيا وغثاها !! ** لكن عندي سؤال صغنطوط أوي .. آآآآد كدا : هل تعتبرون أن عودتهم بهذا الجبروت والقوة .. و ( الطفاقة ) هو من أجل (مصالح شخصية ) !! ولاآبو آآبو (النادي) على آبوو أأبووو (الكيان) !! على آآآبو أأبوو (رغبة اللاعب ) !! على آآآبو آآبو (المصلحة العامة) !! ** حكمة : يقول الفيلسوف الفرنسي دنيس ديدرو (الشك عيب الأحمق ، والسذاجة عيب العاقل ) !! فأنا صراحة ما أدري هل سالفة الضمان البنكي .. هي (سذاجة) العقلاء !! أو شك (الأغبياء) !! --------------- و أبت (العنز العارضية ) إلا أن تقول كلمتها في هذا المحفل !! طبعا العنز العارضية .. هي اللي تجيك آذانها طوال .. والعيون عسلية !! وفيه إشاعات تقول إنها تحط ميك أب و كحل في المناسبات !! المهم ما علينا من الشكل الخارجي .. خلونا في المضمون !! لأن العالم الفيزيائي باسكال يقول ( قوة الإنسان وكرامته تكمن في فكِره ِ ) !! لأن العنز كل ما بغت شيء ( ثغت ) !! إذا زهقت (ثغت) !! إذا جاعت (ثغت) !! إذا جت تطلع تمشّى (ثغت) !! إذا زعلـّها أحد (ثغت) !! إلى آخر لحظة بعمرها وهم جارّينها مع أذنها يبي يقصبونها .. تلقاها ( تثغي ) !! يقول العالم مغاط : جميع الأصوات التي تخرج من خشة العنز (متشابهة) !! لا يستطيع تمييز إختلافاتها إلا (التيس) !! لذلك انتبهوا تقولون أنا أبفسّر كلام (العنز الفلانية وإلا أبحط نفسي مكان التيس العلانـّي) !! فالإنسان مختلف كليا بـرقيّ فكره وتنوّع اختياراته .. وقدرته على تقييم البدائل !! فنجد رجالات الهلال .. أفصح لسانا !! وأوضح بيانا !! فلكل موقف ٍ (قائمة حلوله) !! ولكل حادثة (أجندة ُُ ُ تسيطر عليها) !! ------------------- - فهالفترة هي أطلق فترة للترزز والتبيجح قدّام الكميرات !! و عبر الجرايد !! واللي يحس إنـّه مسحوب ٍ عليه سواءا صحفي محسوب !! أو إعلامي مهمـّش !! أو أديب ساذج !! أو إداري أفدغ !! أو محلل أحمق !! وكل من أراد الثغي فليثغو !! ولن تنالوا من هلالنا إلا كما نالت ( تلك العنز ) حينما نطحت ذلك الجبل !! وسيبقى الهلال عزيزا !! بشموخ قاماته !! وسمّو سماواته !! وعلوّ رجالاته !! ووعي محبيــــّه !! منّ مدّ الكف مصافحا !! فلن نصعّر له الخد !! ومن جاءنا مقبلا فتحنا له القلب مجلسا يتكيؤ بجنباته .. وإن أعرض أعرضنا !! وإنا دنا دنونا !! |
مغاط ... بحق أنت الكاتب الوحيد الذي حينما أقرأ له .. يتمغط عقلي !! مره تجيبني يمين ومره يسار .. وفي الأخير تقرب اليمين إلى اليسار .. وتقول أمش مستقيم !! المثل العربي الجديد يقول : (( يا جبل ما يهزك نطحت عنز )) وأنا أقول أدخل زريبت غنم .. على قولة أخوانا الزوله .. وأتحداك تفرق بين الأصوات !! وإذا جلست جنب الزريبه .. يزعجونك لكن ما يقدرون يغيرونك من مكانك .. فيه نقطه غفلت عليك أخي وليس أنا من يقيمك .. انت الذي تسقيهم وتأكلهم .. ولا في يديهم حيله غير الأزعاج والنحيب .. هذا حالهم مع المحياني !! الأمر في يد رجال الهلال .. وشكرا |
موضوع جميل وتشبيه آجمل من عضو جميل آسمه مغآط:smilie47::d والمحيآني بيجي للهلآل وخزينه الوحده مو دآخل فيهآ ولآ ريآل فقط بدل تدريب .!!:yes: |
اما العنوان لحاله خخخخخخخخخخخخخ |
العنوان خلاني استغرب بالدخول بس العنوان جذاب للجمهور هههههههههههههههههه |
أحلى تحية لأحلى عالم أحياء في العالم (البروفيسور مغاط) <<<< ما تركب :d مشكور على موضوعك الرئع كالعادة ماجد11 |
عنز هاه لا و عارضيه على وزن الغزال العارضيه !!! طيب :) |
هههههههههههههههههههههههه وش ذا العنوان والله قلت اذا دخلت الموضوع بلقاهم حاطين (عفواً غير مصرح لك بالدخول لهذه الصفحة) لكن موضوع في محله ومميز من العضو المميز مغاط عوافي على القلم الرائع الذي ينتمي لإبداعك المستمر بالتوفيق للزعيم الاسيوي |
طبعا العنز العارضية .. هي اللي تجيك آذانها طوال .. والعيون عسلية !! وفيه إشاعات تقول إنها تحط ميك أب و كحل في المناسبات !! ههههههههههههههههههههههههههههههه والله العنز هذه معروفة وما تسوى قيمة البرسيم اللي تأكله وسمعت إنهم بيذبحونها في العيد لأن ما فيها لبن أستاذي مغاط أبدعت في مقالك ووضعت اصبعك على جرحهم |
الله عليك يا مغاط ... :) تشبيهاتك جميلة :) اما عن الموضوع ... فالمحياني هلالـــي هلالــــــي باذن الله ... كما حدث من هوساوي ... والعنزة ما تهز جبل !! تح ــــيآتــــــــي |
ههههههههههههههههههههههههه |
لي عوده انا ايضا بعد القراءه |
ياخوي ياحبي لك ولسوالفك مـــاينمل منها ابد نقرأ على امل اننا بعيدين عن نهاية المقال بصدق اقولها لك .. انت فتح جديد في كتابة المقالة الهزلية لاتشبة احد حتى وان اقتربت في اوائل اطلالتها من الاخ العضو القديم ابو سارة الهلالي ولكنها الان سارت في مسار متفرد لايشبة احد بحيث اصبحنا نرى مؤخرا مغاطين ومغاغيط بكثرة يسيرون على نفس النهج ولكن هيهات لدينا الاصل هنا ونبحث عن التقليد ..؟!! اكيد صعبة .. تحياتي لك ايها المبدع الاصيل والاصلي |
ياعيني عليك والله مبدع . والعنز ذي ابلشتنا السراحه . |
يقول العالم مغاط : جميع الأصوات التي تخرج من خشة العنز (متشابهة) !! لا يستطيع تمييز إختلافاتها إلا (التيس) !! ^^^ ^^ ^ والله انك كبير |
| الوقت المعتمد في المنتدى بتوقيت جرينتش +3.
الوقت الان » 02:13 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd