29/01/2009, 12:54 PM
|
| زعيــم مميــز | | تاريخ التسجيل: 20/04/2008 المكان: مدري فين
مشاركات: 1,519
| |
|
مزاجية الفريدي.... برود سؤؤل ..تطور ويلهامسون.. جمهور الغربيه..علم السويد.. وشي خلاني اتفائل بأن الدوري هلالي
السلام عليكم ورحمة الله ... شخباركم ؟ والف مبرووك الفوز على الاهلي وعقبال مواصلة الانتصارات
عندي نقاط سريعه راح استعرضها لكم بخصوص المباراه ... اولآ: الهلال سوى الأهم .. جاب هدف بدرري وقفل مع عدة محاولات هجوميه .. بس ماكان هناك ذيك الفعاليه
المطلوبه ..محاولات الفريدي كان يقابلها بروود من سؤؤل .... اللي اقدر اطلق عليه لقب (( الثلجــه))
بصراحه رفع ضغطنا وحنا حاضرين الملعب .. بس احس انه بدأ شوي شوي يتأقلم ..بس لسى ماشفنا منه
شي ... لكن لعل وعسى بالمباريات القادمه يكون افضل من كذا .
ثانيآ: الفريدي لاعب ممتاز ومقاتل ولكن بصراحه مزاجيته احيان تذبحنا .. اكثر من مره يستلم الكره ويتأخر
بتمريرها بشكل سليم .. ويمكن لاحظتو الشوط الثاني في اكثر من مره يكون [[ ويلهامسون]] في موقع
ممتاز وينادي الفريدي لكن الفريدي يصر على الاحتفاظ بالكره وتمريرها من العمق وسط زحمه المدافعين.
لكن مانبخس الفريدي حقه لأنه بالشوط الأول كان متعب شوي للجهه اليمنى للأهلي ..
ثالثآ : مكان خالد عزيز لسى فاضي .. وبالاصح نحتاج لخالد عزيز بجنب رادوي .. ووقتها ماراح نخاف على المحور
وكلنا شفنا الوضع امس ..
رابعآ : الظهير الايمن اذا استمر بهالشكل اعتقد راح نعاني كثيررررررررر .. مع احترامي لمحمد نامي .. بس
احس ان الهلال فوق مستوى لاعب مثله .. لا جانب دفاعي ولا جانب هجومي ولا ثقه ولا مشاركات
فعليه خلال الهجمه الهلاليه .. وحتي ( الأوفر) عنده مرررررره مو تمام .. ومدري لا متى والاداره الهلاليه
راح تستمر بالتجاهل لمركز الظهير الأيمن ..؟ وممكن يجي واحد ويقول انت ياهلالي مكه متحامل على
محمد نامي... بس اتحدى اي هلالي يحب الهلال يقدر يقول ان محمد نامي مغطي خانته صح ..
خامسآ : جمهوووووووور الغربيه كالعاده كان في الموعد .. وانا اول الحاضرين  .. تصدقون اخذت علم
رومانيا .. وكنت بآخذ علم كوريا بس قلت مو وقته .. لمن يلعب سؤؤل زي الناس آخذه خخخخخخخخخخ
سادسآ : ويلهامسون من مباراه لمباراه يثبت انه لاعب ممتاز .. بالامس كان قمه .. في الهجوم والدفاع والوسط
متواجد .. لو يسمحون له يغطي مركز الدعيع غطاه  .. بجد هاللاعب ظلمناه بالبدايه . بس اعتقد
إنه جدآ ممتاز .. وكل مباراه يتطور مستواه .
سابعآ : بداية المباراه شهدت نزول المدرب كوزمين .. واللاعب رادوي .. عاد الجمهور جلسوو يصارخون بأسم
كوزمين كثيرر .. وكان كوزمين يبادلهم التحيه .. لكن اللي ضحكني ان جمهور الغربيه ماشجعو رادوي
وهو نازل مع كوزمين .. وبالاخير اكتشتفت ان الجمهور ماعرفوو رادوي لأنهم اول مره يشوفونه على
الطبيعه خخخخخخخخخخخ..
ثامنآ : من مفاجآت مباراة امس الحلووووه حضووور رئيس الهلال السابق [[ محمد بن فيصل]] مع البعثه وبصراحه
قوبل بعاصفه من التصفيق الحااار ... وكأن الجمهور يقول وحشتنااا يامحمد بن فيصل .. وكان حضوره
لإعطاء الفريق دفعه معنويه .. طبعآ بتواجد الامير عبدالرحمن بن مساعد ونائبه نواف بن سعد ولاننسى
بندر بن محمد اللي دائمآ يكون متواجد في مباريات الغربيه .
تاسعآ : مالاحظتو ان هدف الهلال كان نسخه كربونيه من هدف الهلال بالنهائي العام الماضي مع الاتحاد . واللي
اخذنا درع الدوري من خلاله ؟ يعني بعد الهدف والفوز صرت متفائل بأن الدوري للهلال ان شاء الله .
عاشرآ : كل الشكــر لجمهور الغربيه اللي حضرو الملعب ليثبتو للجميع بأن الهلال صاحب الشعبيه الأولى
بين كل الانديه .. لكن تمنيت عدم تواجد علم السويد بالمدرج .. لأنه يحمل الصليب .. بس الظاهر
الأخ اللي جاب العلم مو مسجل بالمنتدى .. يعني بالعربي مامرت عليه هرجة الصليب هــع ..
واخيرآ : نتمنى لزعيما التوفيــق .. وموعدنا لقاء الهلال والوحده في مكه بعد شهر تقريبآ من الآن
واتمنى مااكون ثقلت عليكم ... للجميع محبتي ... وعلى الزعامه نلتقي.. فمان الكريم |
الوضع الشجري
