الفريدي يمصخها بابطاء الهجمة قدر المستطاع للاستعراض وعدم لعبه بجماعية أحياناً (وإن ناول ما يناول إلا لياسر :p)، وفوق هذا يتنرفز بسرعة ... لكن أي متعة كروية هاللي يتمتع بها الزعيم؟
أسلوب اللعب الحالي، مع فعاليته، إلا أنه يقتل أبو المباراة ومتعتها.
شف أسلوب لعب ياسر مع المنتخب إجمالاً، ومع الهلال ... كأنهم حاطينه قدام عشان يقول: لا تتفلسف، وشتها وبس. وبعدها يجيك واحد يقول: ليه ما يلعب ياسر معنا زي ما يلعب مع المنتخب؟
والدفاع، موجود بس عشان يتبادل الكرة لأطول فترة ممكن قبل لا يطلعها لقدام، وهالشيء ما يصير إلا إذا كانت مناولة من الدعيع، لكن إن قطعوها من الفريق الخصم، راح يشتتونها علطول (شخبارك يا هوساوي؟
) حتى لو ما فيه داعي لهالشيء.
اللي ينشاف هو أن محد مسموح له بالاستعراض إلا التايب، وحتى هو أحياناً يمصخها، وكأن كل مناولة لازم تصير باص عيون.
اللعب الممتع هو اللعب السريع، اللي الكرات فيه ما تنقطع (وهالشيء ما شفناه لا قدام النصر ولا قدام الأهلي)، اللي تشوف فيه اللعيبة ما يتسدحون على أي لمسة للمطالبة بفاول، والدليل شف شلون المباراة تغيّر رتمها نوعاً ما بنزول المبارك.
في النهاية، الفريدي يبيله فترة عشان ينضج، وهالشيء ما يكون بمعاقبته ووضعه على دكة الاحتياط واستبداله بلاعب ليس في أفضل حالته، بس عشان نقول "تبطلها يا فريدي، وإلا لا؟"
الوضع المتطور
