|
والله يا حبيبي كلامك صحيح ولا في اي جدال لكن انا عندي وجهة نظر اتوقع انها السبب الرئيسي في قلة التعدد في المجتمع اولا : تاخر الزواج ... واحد ما يتزوج الا عمره 26 و اكثر صعب صعب جد اما يمديه يلحق يتزوج الثانية .. اما الزواج المبكر فهو دافع قوي للتعدد .. اعرف واحد عمره 25 و متزوج من زمان وعنده بزارين واجد ... اتوقع متى ماتعين مدرس رح يعرس عالثانية على طوووووول :D بس مثلي ومثلك الي طق الشيب بروسهم لا تزوج وحده ماعد له حيل عالثانية :( و السبب الاخر هو غلاء المهور و تكاليف الزواج وليست تاكليف ليلة العرس .. لكن انت تتزوج الثانية يعني لازم تفتح شقه ثانيه و عفوش و فواتير و... الخ يعني اضرب مصاريفك مع زوجتك الاولى x اثنين :( انا عن نفسي مؤيد و بشده لتعدد الزوجات .. لكن ما اتوقع اني رح اتزوج ثنتين ... للأسباب الي قلت لك :( بيني وبينك سلم لي عالمسيار :naughty: |
سأختصر لك ردي بشرطين إذا كان قادر إذا كان يستطيع العدل و لا يظلم ( لا تنسى أن الله قال *وَلَنْ تَسْتَطِيعُوا أَنْ تَعْدِلُوا [النساء:129] * ) نعم لا مشكلة في تعدد الزوجات و هذا شرع الله تحياتي لكن ليش تحط رقبتك تحت المقصله اكيد ام صخر بالمنتدى !!! :) |
إقتباس:
ليش ماتعتقد ان بعد الاربعين زواج ؟؟ هذا سن اكتمال الرجولة... ورد في القرآن تحديدا ( إذا بلغ اشدّه وبلغ اربعين سنة... الآية ) والعواقب اللي انت ذكرتها هذي كلها حنا اللي صنعناها بأيدينا :yes: الف شكر اخوي |
ياحبيبي خل الاولى تجي وذاك الوقت احاول افكر بالثانية .. :naughty: كلنا ما ننكر ان التعدد رح يحل مشاكل كثير عندنا .. ورح يرخص المهور ورح تقل نسبة العنوسة .. ,, لكن انا ضد التعدد في اشياء كثير منها الظلم والمشاكل اللى رح تصير .. وكثرة العيال لان اذا كثروا العيال رح تكون تربيتهم صعبة جدا .. :yes: فارجع اقول خلنا على وحدة افضل .. :razz: والله يجيبها باسرع وقت .. :ga: يعطيك العافية اخوي فهد :smilie47: على الطرح ,, |
إقتباس:
حنا يالقصمان المهر بين 40 و 50 للبكر... و20 الف للمطلقة... وفيه ناس كثير ماتهمهم المادة :yes: وخويك اللي بالدوام شكله راعي مآسي :d مجتمعنا يالغالي مجتمع طبقي متعدد الثقافات... فينا البدو والحضر والقبيلية والخضيرية :yes: وكل طبقة لها مايميزها من عادات وتقاليد وسلوم :yes: وصعب اني اقدر اوحّد كلمة كل هالطبقات تحت راية وحدة في تخفيض المهور وتسهيل امور الزواج والتعدد :confusedw: لكن انا احاول اوصل لكم فكرة معينة... اللي يقدر وله خاطر يعدد... لايشاور احد في شيء كفله له الشرع :yes: |
الحمدلله على السلامة ياخطييييير كلك حركااااات اجل ماسك خط كم ماشي 200كم في الساعة اجل عطووووك قسيمة سرعه:d لو احلف اتحدى انك سافرت وحدك وبالنسبة لموضوعك شكلك متزوج الاولى والثانية مسيار:d سلااااااااااااام:rose: |
إقتباس:
مو حنا ؟؟ حنا رسمنا لأنفسنا طريق نمشي فيه من فترة زمنية تصل الى خمسين سنة تقريبا... وتوهقنا فيه اجدادنا في ذاك الوقت كلهم كانوا يتزوجون مثنى وثلاث ورباع لكن حنا.... مالت علينا مثل المصريين... اخطب وحدة واقعد ثلاث سنين اجمع مهرها واجهّز شقتها وبالاخير اعيش طول عمري اسدد مهرها وايجار شقتها تحياتي لك :rose: |
إقتباس:
ثانيا انا لما قلت اني سوف اضع رقبتي على حبل المشنقة... ليقيني انني سوف اطرح موضوعا حساسا... والمشنقة المقصودة هي بعض الردود الظاهرة اضافة الى بعض الدعوات الباطنة في صدر من يقرأ و ( تقرأ ) على صاحب الموضوع والشيء الثالث من قال لك اني تزوجت ثانية حتى اتزوج ثالثة اساسا ؟؟ :d |
إقتباس:
مسألة انك لم تقابلي احدا يحرم هذا التعدد... انا معك وممكن... لكن موجودون وبكثرة طاغية :yes: وباقي تعليقك هو يمثل وجهة نظرك كـ( انثى ) وهو طبيعي جدا ولا يستطيع احد ان يلومك فيه... وهو صحيح قلبا وقالبا الف شكر اختي |
إقتباس:
ليش انت قاعد تقرا كلامي والا تسمعه :to: لا يالغالي كلامي هذا موضوع مطروح للنقاش ويتقبل جميع الاراء وليس إلزامي التطبيق :yes: مدري احس من كلامك انك مستثقل دمي بصرف النظر عن نوعية الموضوع :razz: |
إقتباس:
الله يوفقك لكل مايحب ويرضى :rose: |
السلام عليكم ورحمة الله وبركاته . ماشاء الله عليك يالصخرة ملم بكل شيء وخفيف دم الله يحفظك لعين ترجيك . بعذر صديقتي رفضت تتزوج قصيمي تقول كم سنة ويجيب لي شريكة !!!! أنا معك التعدد مطلوب لأن البيوت متروسة بنات والمهور ليست غالية عند بعض الأهالي الذين يريدون الرجل الكفؤ . والزوجة الأولى بالأقناع ستوافق بأذن الله .ولكن بشرط مهم جداً وهو العدل العدل العدل .وأمر آخر يكون عندك قدرة على تربية المبزرة والأعتناء بهم من جميع النواحي . وبعدها الله يقويك ويوفقك .ولو أني متأكدة أنك مكتفي بواحدة ولكن تريد مزيداً من الدعاء من الرجال أياهم ..... يحفظكم ربي جميعاً... |
إقتباس:
والله وانا اخوك يفترض مانحط النظرة التشاؤمية ( دستور ) لنا :yes: يعني خلنا نتكلم بالواقع كم فيه من بنت في البيوت جالسة تحتري نصيبها ؟؟؟ وكم فيه من شاب متزوج ( يسيّر ) على البحرين كل نهاية اسبوع ؟؟؟ العدل يجي مع النصائح والتذكير بما فرضه الله على الرجل من حقوق الزوجات :yes: |
إقتباس:
لكن انا اختلف معك في آخر شيء ذكرته... المسيار عدّد ولا تتزوج مسيار... هذي قناعتي :yes: |
أنا عجبني كلام مواصل عين العقل:naughty: أخونا الصخرة أنا موافقة وما عندي إعتراض على الشرع لكن في عدة شروط أنت أهملت جزء فإن خفتم الا تعدلوا فواحدة:naughty: تبي تفهمني أن الرجل الشرقي ما يميل كل الميل ويذرها كالمعلقة:bigeek: قليييل جدا بعدين فكر في الأبناء كيف بتربيهم وتهتم فيهم وتعطيهم القدر الكافي من الحنان والحب وأنت ما انت قادر تضبط أمورك في زوجاتك الأبناء والأب ما هو موجود في البيت في وقتنا هذا ممكن ينحرفون الأم مشغولة في مشاكلها الشخصية والأبناء يعانون وكبروا ويحتاجون ابوهم اللي ما يقدر يقسم نفسة على ما قال صاحبنا:ga: أقسم جسمي في نفوس كثيرة وأحسوا قراح الماء والماء بارد المجتمع أنفتح أكثر عن عصر النبوة ومتطلبات الحياة زادت إذا كانت الحرمة مريضة مثلا وأستأذنها وتزوج عادي لكن يعدل بينهم أو كانت ما تجيب عيال ممكن يستأذنها وبرضوا بشرط العدل لكن ما يجينا واحد عندة درزن بزارين ويتزوج وحدة ما تجيب عيال ثم يتزوج ثالثة بحجة أن الثانية ماتجيب عيال الحين الناس واحد واثنين وما يقدرون على مصاريفهم تبي تجيب درزن بزارين وين بتربيهم معه أنت كذا سبب في الأزمة الإقتصادية وسبب في البطالة وسبب في تفكك المجتمع ما نصير مثل الديانات الأخرى نحرم الحلال لكن يكون وفق ضوابط وحاجة الفرد وما نقيس حالة ونعممها على كل الحالات لازم نفكر في أكثر من بعد أخوي فهد عندي لك سؤالين الأول هل أنت ترى أن الزواج من ثانية في غالبية ظروف مجتمعنا صح ومحقق فية العدل والأبناء فية أسوياء وماخذين حقهم الكامل من الحب والحنان كما في الأسر اللي ما يمرون بمثل هالظرف؟؟ االسؤال الثاني بعيد عن الموضوع شوي لو الزوج ما يجيب عيال وطلبت زوجتة الطلاق عشان تجيب عيال وش بتكون نظرة الآخرين لها:naughty: ليش هي تضحي عشانة بينما هو قليل الوفاء ما يضحي عشانها:naughty: أنا أشوف تعدد الزوجات في غالبية الحالات ظلم وما يحقق الحكمة من تشريعة لا أنقض الحكم أو أحرمة فالأصل فية الإباحة لكنه ليس إلزامي لأن ظروف كل مجتمع يختلف والظروف الشخصية تختلف إذا الشخص مقتدر ماديا وجسديا وراح يحقق العدل لعيالة وزوجاتة مافية مشكلة لكن سؤال قد لا يكون تبادر لذهنك لين كبرت وشيبت واحتجت لعناية من بتجلس عندة عند اي زوجة وكلهم يكرهونك :ap: وحتى الأبناء شايلين عليك لأنك أهملتهم:ap: تبي أسرة مفككة تحتويك آخر أيامك أو أسرة متماسكة ربيتها على الحب وعطيتها كل إهتمامك:naughty: لك الخيار في الأمر وتبقى هي قناعة شخصية لأن الحكم مباح وليس واجب هناك فرق أنت مسكت الأمر من جانب وما حللت جميع الجوانب لن تكون هناك زوجة مظلومة لو ما صار فية تعدد أنا أعرف وحدة راعت ظروف زوجها واستحملتها كل هالسنين وكانت مكافئتها لوفائها وصبرها زوجة أخرى لما تحسنت الظروف وياكثر تكرار هالحالة عموما كل شخص مجازى بإعمالة يوم القيامة إن كان يستطيعالمعدد الوقوف دون ان يكون شقة مائل هنيئا له بالحب والإشراق |
| الوقت المعتمد في المنتدى بتوقيت جرينتش +3.
الوقت الان » 01:00 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd