الف مبروك الفوز المهم
قبل ما اخش في الموضوع عندي ملاحظه اتمنى من كل الجماهير الهلاليه تقبلها وهي :
اقفال موضع الانتقادات للاعبين الاجانب حتى نهاية الدوري وبعدها نتكلم مع الادارة في هذا الخصوص لان كثير من الجماهير تنتقد اللاعب سيول وهو في مستوى تصاعدي وانا من وجهة نظري سيول لاعب مهم راح يخدم ياسر كثير في باقي مباريات الدوري بتحركاته على الاطراف لأني لما ياسر يكون خارج منطقة الجزاء يريح المدافعين .
نرجع للموضع
تبقى للهلال اربع مباريات
امام الشباب في الرياض
امام الوحده في مكه
امام الاتفاق في الرياض
امام الاتحاد في الرياض
لذا يكون عندنا ثلاث مباريات على ارضنا وهي من صالحنا ولكن كيف
انا يكون عدد الحضور الجماهير اقل شي 50000 الف متفرج وهي ليس صعبه على جماهير الهلال اللتي عودتنا على الحضور وليس كما شاهدنا امام الوطني
اتمنى من جماهير الهلال في الرياض وما جاورها الحضور لأنهم هم من سوف يحسم الدوري بأذن الله تعالى لنكون وقود قوي للاعبين لبذل كل مافي وسعهم في باقي هذي المباريات .
طبعاً مبارة الوحده لاتقل اهميتها ولكن متعود على جماهير الهلال في اي مكان يذهب له يكون حضور الجمهور خيالي .
هل جماهير الرياض سوف تقول كلمتها في باقي مباريات الموسم ؟
بالتوفيق للهلال في باقي مباريات الدوري والكاس
تقبلو تحياتي وتقديري