السلام عليكم زعماء وزعيمات

كيف حالكم انشاء الله طيبين

أولا أنا أحد جماهير الهلال بالرياض
وحضرت الديربي مع النصر

ولكن لاحظت في الفترة الأخيرة تطاول بعض المحسوبين على المنتدى
في انتقاد جمهور الرياض وانه مايحضر
وانه جمهور نهائيات فقط

أنتم لماذا تتحدثون عن الجمهور الي مايحضر وكأنه فعل جريمة أو ترك واجب ديني
بالعكس الحضور كان أكثر من المتوقع
وكان عددهم ضعف عدد جماهير النصر
أدري بيجي واحد ويقولي جماهير الفقر متوقعين الهزيمة عشان كا ما حضروا
أقول بعد جماهير الهلال متوقعين الفوز على نادي الفقر

وصراحة لما بحثت في أسباب عدم حضور جماهير الهلال وجدتها مقنعة وكثيرة مثل :
1- برد
2- المباراة تقام منتصف الاسبوع وليس في يوم اجازة
3- استاد الملك فهد بعيد ويقع خارج مدينة الرياض
4- تذكرة الدخول 20 ريال ويذهب دخلها لنادي الفقر فحرام ندفع من جيوبنا فلوس تذهب لنادي الفقر
5- أن هذه الفترة هي فترة اختبارت بالنسبة للجامعيين
6- أن رجال الأمن في استاد الملك فهد معروفين بالملعنة والوصاخة ويكرهونك في المباراة
7- أن المباراة مباراة 3 نقاط أمام فريق ضعيف وليست مباراة حسم

ومع هذا كله حضر جمهور الرياض
وقهر كل الظروف الي ذكرتها
وملأ الواجهة وعلى يمين المنصة
وتفاعل مع المباراة وشجع بحماس
ولم يقصروا

أدري بيطلعلي واحد يقولي شف جمهور الشرقية وجدة والقصيم
أقوله هذولا ماعندهم غير مبارة وحدة للهلال في السنة
يعني لو ماحضروها لازم ينتظرون سنة عشان يشوفون الهلال في الملعب
اما الهلال في الرياض كل شوي يلعب مباراة
ويلعب في الرياض في الموسم الواحد أكثر من عشرين مباراة في البطولات المختلفة
يعني لو الواحد يحضر كل مباريات الهلال في الرياض
كان خلصت فلوسه من كثر ما يدفع تذاكر هذا اذا مادفع تذاكر اخوياه

أعتقد أن واجبنا جميعا في المنتدى أن نشكر الجماهير الي تحضر
وبالنسبة للجمهور الي مايحضر فالغايب عذره معه
ويجب أن نحفز الي مايحضر بدل أن ننتقده



وفي الختام تقبلوا أرق التحيات

انا معآآآآآآآآآآكـ


وبعـدين الي يقول جماهـير الشرقيهـ والغريبهـ الله يخليهـ الملعـب الي عندهمـ بسرعهـ يتملآ لو على قطرهـ


لكـن هنآآ كبيـر لو دبـل الشرقيهـ يجون ما اتملآ

اتفق معـــك في كثير من النقاط واختلف معـــك في بعضهـــا

.
.
استغرب كلمة جمهـــور الرياض؟ جمهور القصيــم؟ جمهور الشرقيــة...

هل حب نادي الهلال في قلوب اهل القصيم او في الشرقية فقـــط؟

بل كل من يحب زعيمنـــا فإنه سيأتي في اي مكـــان كـــان,,,
ولكن للضرورة احكـــام...!

اتمنى من الجميع التكاتف في دعم النادي بالحضور في كل منطقـــه,,, وعدم وضع مجال للمندسين بالتفرقة من خلال كلمات مثل جمهور الرياض.. جمهور الغربية... جمهور الشرقيــة...... في الاخر كلنـــا عشاق لنادينا باختلاف المناطق التضاريسيــة فقـــط...

ربما اننا نبعد عن بعضنا المسافات ولكن نتفق في حبنا لهذا الكيان


شاكر لك اخوي

شاكر لكم مروركم

وإذا قلنا جمهور الرياض
نقصد جمهور الهلال المستقرين في مدينة الرياض
و عشق الزعيم واحد حتى لو نسكن في أمريكا

نقول اخي كما قلت اللي يحضر الله يجزاه خير وعلى اجر, والغايب عذره معه
لكن اللي فاضي ولا عنده شغل ياليت يحضر المباريات الجايه لانها مهمة جداً .

ملحوظة : هناك الكثير من الشباب يشاهدون مباريات الهلال من المقاهي (القريبه من الملعب) ياليت يعلموننا الشباب ماهي المشكلة فيما لو انهم حضروا .( نريد شوية دعم )

نعشق الهلال من أجل الهلال

لن تسيــر وحيــداً
You'll Never Walk Alone

بصراحة جمهور الرياض هذه السنة ما عندك أحد ... وعلشان ما تجيكم حساسية من المقارنات بالغير

ياخي خلك واقعي وقارن حضور مباريات الهلال قبل أربعة مواسم بنفس الملعب ونفس الظروف والحضور حالياً ...

فرق واضح .. لأن البعض يبي يقلب بين القنوات ويبي يشوف تحليل ومقابلات واتصالات وفقرات تحكيمية ...

أتوقع إن تطور التغطية التليفزيونية لها دور كبير في تناقص الحضور بالرياض

الأمر الآخر أعرف مشجعين هلاليين من مناطق أخرى يحضرون معظم المباريات الكبيرة للهلال بالرياض .. وهم كثر ... يعني أقلهم يضرب مشوار 350 كيلو .. وانت تقول لي ملعب الملك بعيد

ولاحظ إنهم يحضرون للهلال سنوياً ما يقارب خمس مباريات (غير اللي تنلعب في مدينتهم) وتقول لي جمهور مباراة ومباراتين ...

لا والله إلا راحت أيام جمهور الرياض اللي كان يملى العين ويطيب الخاطر ....

جمهوووووووور الرياااض حضروا وماقصروا

وبعدين تقارنوا ملعب الشرقيه أو ملعب القصيم بالأستاد

الأستاد كبييييييييير

الجمهوووووور اللي في الوااجهه كثر

ملعب الشرقيه كله

أنا أبيكم تقارنون عدد الجماهير في ملعب الشرقيه

بعدد الجماهير اللي حضروا مباراة النصر

وانــآآآآآآ معك في هالنقاااط المهمه

شوف جمهور الشرقيه\مباراة الاتفاق

شوف جمهور القصيم\الرائد-الحزم<<<اظن

شوف جمهور الغربيه\الاهلي-الاتحاد

الرياض\النصر-الشباب-الاهلي-الاتحاد-نجران-الاتفاق-الرائد-الحزم>>>شوف كم مباراه

والله يمكن الف ريال تخلص

وذولي يقولون جمهور نهائي

أنا ما يقهرني غير الجما هير اللي تروح المقاهي
ما دامك رايح روح الملعب
والله ان الواحد يصرف في المقاهي أكثر من الملعب

ماشاء الله الهلال فى كل مكاان عنده جمهووور

ومشكوور على المووضوع

من اللي يسمعك ويفهم فيه ناس تطعطع وببببببببببببببببببببببببببببس

بالتوفيق للزعيـــــــــم

<<<<<<<<<<<<<<<< فعلا الغيب عذره معه >>>>>>>>>>>>>>>>>>

والله كلامك صحيح......!

وبإذن الله ان الجمهور بيرد عليكم وبيحضر المبارايات الجايه..

ان شاء الله
الجمهور يتفاعل مع الأداء الهلالي المميز
ويحضر في قادم المباريات

لاتفشلونا عند الرومان