إذا خلص الفول ... انا مش مسؤول ... ( خاص بعشاق الفول والتميس ) - صفحة رقم 2 - نادي الهلال السعودي - شبكة الزعيم

عاشقه الزعيــم · #16 25/01/2009, 01:27 AM

أحيــآنــا ً أحــس أن الفــول يســـبب الغبــآء < تكفين لآتحسـيّـن

صــرآحــهـ أنــآ مآني من عُشــآق الفــول

عمومــا ً عــوآفي ع المــوضوع

فانتا أزرق · #17 25/01/2009, 02:01 AM

هلا والله بالصـخـرة

الله يحيك

موضوعك رهيب بس قريت العنوان خشيت ,,

الفول احسن شي بس له اوقات خياليه ..

خصوصـا وقـت الاختبـارات

تحس له طـعـم غـيـر ..

الكــابيتـانـو · #18 25/01/2009, 02:13 AM

اومااااااااااااااااا اقوم من سابع نومه عاد الشتاء يا زين التسدح والتبطح على السريير

الله لا يحرمني من ميمتي تنهبل لين جت تقومني في الشتا اومااا الصيف فالحل سهل

طف المكيف امي ذيبه

احس اني بديت اشطح

بس اهنيك على ذوقك بس اهم شي لا تقولي تعش فول ترا بيتفقع وجهك

عشان ليلتك يكون الوضع مزري خاصة اعرفلك ناس مع الفول لبـــــــــــــــن جوهــــــــــم فكوك

بلا قرموشي بلا هم با بصيييييييييييل وبس يقلع ام الدعاية

شكرا يا الصخرة واهنيك على اسلوبك يا جمييييييييييييييييل

وردة الهلال · #19 25/01/2009, 02:44 AM

اووووووووووووووووووووووه بس

على اني اكرهه فترة بس رجعت آكله

بس لحطوآ العدس انسآه

رغم أني من ..

إقتباس


	هناك ناس محرومون من نعمة الفول بسبب مايسمى بـ( انيميا الفول ) وهو بسبب نقص في احد الانزيمات في كريات الدم الحمراء وتم اكتشافه عام 1956 م ويعتبر من اكثر الامراض الوراثية انتشارا... ويعاني منه اكثر من 400 مليون شخص حول العالم... وهو عبارة عن حساسية مفرطة لنبات الفول وقد يتعرض المصابون بهذه الحساسية الى اضطرابات خطيرة

إلا أني احب الفلافل والعدس والفول وش اسوي طيب!!

طبعا لـ أكلت ايام ورى بعض تجيني نفضه

فا الافضل انه مره بالاسبوع ولا مرتين بفترات متبآعده

حتى المكسرآت تسبب مشكله

نرجع للفووول

خذ لك معصوب القرموشي وآكله وانت مغمض الله يجزاه خير إلي علمني عليه

يوم رحت مكه جآبه لنا ابوي اوووووووووووووووووف ماتفكه

رغم اني مانيب بآحب المعصوب بس القرموشي شي تآآآآآآآآآآآآآآآني

الفول حقهم موب شي ماعجبني

صدق فوالين مكه شي تآآني

عآآد تعال لفوآآلين الدمام!! تكره اليوم إلي تآكل فيه فول عندهم

بس رح جده عآآد

حآآجه تآآنيه

<ذآقته بالجنقل لآند ليومكم تتحلم فيه 9 سنين وانا اتحلم اروح جده مره 2 عشآن الفول

مآآش لمسكت غلط عآآد

عاد مسويينه بالسمن البلدي اوووووووووووووووووف

موضوعك فتح جروح ملايطتها داخلي

عوآآفي صخريتاآآ..

مَاهِينُورْ · #20 25/01/2009, 03:15 AM

..

أويلااااهـ

أنا من عشاق الشكشوكة والفول والصبة وووو

يا رب لك الحمد كل شي أحبه

الله يديمها من نعمة

كل الأطعمة لها فوائد مو بس الفول

بس وين الشهية اللي تنفتح لكل الأكلات

الفول مشكلته يجيب الحرقاان

..

الله يعطيك العافية الصخرة

..

لمن دخل الموضوع وهم ليسوا من عشاق الفول
بل عشاق الشكشوكة أهدي لهم هذه :

ترى مو أنا اللي مسويتها

عليكم بالعافية

الصاعدي20 · #21 25/01/2009, 03:40 AM

اذا خلص الفول ازول مش مسئوول

عريب عبدالله · #22 25/01/2009, 05:01 AM

إقتباس

الرسالة الأصلية كتبت بواسطة nor alshams


	.. أويلااااهـ أنا من عشاق الشكشوكة والفول والصبة وووو يا رب لك الحمد كل شي أحبه الله يديمها من نعمة كل الأطعمة لها فوائد مو بس الفول بس وين الشهية اللي تنفتح لكل الأكلات الفول مشكلته يجيب الحرقاان .. الله يعطيك العافية الصخرة .. لمن دخل الموضوع وهم ليسوا من عشاق الفول بل عشاق الشكشوكة أهدي لهم هذه : ترى مو أنا اللي مسويتها عليكم بالعافية

أنا أنعزمت على الشكشوكة من نور

الصخرة نبي تميس سحبنا كلامنا عن الكعك

أنا أفضل الشكشوكة مع التميس إرضاء لكل الأطراف

أتوقع أنك جايع أثناء كتابة الموضوع

بالحب والإشراق

sowaid · #23 25/01/2009, 06:25 AM

الله يعطيك العافيه اخوي ع الطرح
المميز

لاعدمناكـ

Fahad Al Sudais · #24 25/01/2009, 08:02 AM

إقتباس

الرسالة الأصلية كتبت بواسطة best_01


	اووووما اقوم من النوم عشان فول <<< طيب يوم تدخل الدوام ويالله نصحى بس لو انه صبة يمكن ... شي خفيف <<< ايه هين مشكور اخوي على الموضوع وتقبل مروري

المشكلة انكم تطقّون التوقيع ثمان وعشر... وماتجي ثمان ونص الا والمطعم ( يغص بعشاق الفول )

وخصوصا بهالجو البارد.. الفول يحكي مع زيت الزيتون او السمن

بس حلوة ( الصبة شي خفيف )

<<< تحس يتطنز

Fahad Al Sudais · #25 25/01/2009, 08:07 AM

إقتباس

الرسالة الأصلية كتبت بواسطة ولد عنزة


	,, حيـآ آلله الصخره آشتقنـآ لموآضيعك آلمهـم الفـول الصبح له طعـم بس لآيكون عندك آختبـآر آو مآ شآبه آول يقولون لي آن الفول يخلـي آلوآحد متنح , عآد آنآ قلت هالمصآريآ يدغون بـ الفول لمـآ يقولون آميـن ومآ اذكـى منهم, وآجيـك اضرب بالفول لمـآ طلع من خشمـي ومن بعدهآ جلسـت متنح واشوف التلفزيـون الي قدآمي ثلآثه آلمهـم وخذ لفـه بآلحآره على الاقـل آرجع الى كآمل قوآي العقليـه وآشوآ رجعنـآ خـفت التنـآحه وآقوم اذآكر لـ آختبآري سجلنـي عندك من المتآبعيـن لموآضيعك

هذي مشكلة الفووووول

تدغ وتدغ وتدغ وتدغ ليييييييين يفيض مع خشمك وانت ماتحس

وبعد ذلك << (فصحى معتبره)... تعرف حجم التوهيقة اللي انت فيها

بس حاول انك قبل ماتاكل الفول... تشرب لك كوب شاهي... وكوب بعد ماتاكله..

ويكون شاهي نعناع... يساعدك على الهضم بشكل ممتاز

Fahad Al Sudais · #26 25/01/2009, 08:13 AM

إقتباس

الرسالة الأصلية كتبت بواسطة وجــدان


	وعشاق الزيتون والعسل مالهم رب

هلا والله

هذولا اسمهم باللغة الفصحى ( عشاق النواشف )

والنواشف بالنسبة لي ماتنفع فطور.. للعشاء فقط لاغير

الفول والعدس والقلابة والكبدة والمقلقل والشكشوكة والتميس والفلافل كوووولها فطور

الجبن والزيتون والقشطة والمربى والحلاوة واللبنة والزعتر هذي عشاء وبس

هذي نظرتي للحياة <<< وش عنده شكسبير

بيبسي وسنكرس · #27 25/01/2009, 08:54 AM

هلا والله الصخرة..
انا الحمد لله اكل كل شي الا الكبدة !! واذا اكلته يالله بالمهاوش

بس اقوم من سريري

والله ياهي بعيييده

القلابه ادري انها مفيده بس كل الفوائد ذي اول مره ادري

ايه والله منتب سهل يا القلابة

بس المصاريه وشلون ياكلونه كل ابو دايم وما يصير لهم شي !!

الله يعطيك العافية..

أختك.. عاشقة الصبة

Fahad Al Sudais · #28 25/01/2009, 09:05 AM

إقتباس

الرسالة الأصلية كتبت بواسطة mish6l


	والله كأنك تقرأ أفكآري .. ... أمس تعشيت فول .. تخيل مع مبآرآه الهلآل والنصر أغمس فول .. والله تحمست مع الفول أكثر من المبآرآه .. بس تبي الصدق .. .. و بيني وبينك و لآحد يدري .. اليوم بالمدرسه صآرت تفجيرآت بالفصل الله لآ يوريك من الفول الله يهديه بس .. والله يآ بطني بالفصل أحس شوي وينفجر وأنآ مآسك نفسي لآ تقوم حرب من ورى هالفول .. بس تبي الصرآحه .. يآزين الفول لآ شربت بعده بيبسي حق الفوآل اللي بقزآزه ورحت بعدهآ تنآم .. الله لآ يهينك على الموضوع الحلو وعسىآ ربي يوفقك بدنيآك ..

منتب صاحي... احد يتعشى فووووول

قلنا لكم الفول فطور.... والعشاء نواشف

الله يكون بعون الكائنات البشرية اللي معك بالفصل

هلا وغلا

Fahad Al Sudais · #29 25/01/2009, 09:09 AM

إقتباس

الرسالة الأصلية كتبت بواسطة القيصر رهيب


	من لاعب(ن) عليكـ وقايل لكـ إن التناحه هي الحواله .. ؟

عادي عادي... تصير في احسن العائلات

التناحة قد تتسبب بشيء من الحوالة احيانا

Fahad Al Sudais · #30 25/01/2009, 09:12 AM

إقتباس

الرسالة الأصلية كتبت بواسطة شبوط


	اهنيك على اسلوبك يامبدعهم ترى مرة رحت مطعم كبدة الا ويجييك ذاك الكاشير يقول للطباخ عطني واحد كبدة نص مستوي عاد قلت ياولد وش رايك نجرب النص مستوي صراحه كرهني في الكبدة ترى بعضهم ياكلونها نييه بدون طبخ يحط الملح والبهارات ويسم بالله بالهناء والشفاء سلااااااااااااااااام

ترّوووك

تراهم يصبّون عليها خل... شكلك ماتدري وجيت مدرعم ودغّيت فيها كذا

كبدة الحاشي نص استواء بالضبط مثل الشابورة... قرمش قراميش

خلّك في كبدة الغنم ولاتتوهق مرة ثانية