25/01/2009, 07:28 AM
|
| زعيــم فعــال | | تاريخ التسجيل: 13/10/2008
مشاركات: 242
| |
| عزيزي عبدالرحمن بن مساعد قالها قبل اللاعب الأجنبي اصبروا عليه إلى متى واحنا على طول نحكم على اللاعب
طارق التائب مهاري عشان كذا عشقناه من اول مره لأن اللاعب المهاري اذا اخذ الكوره قام يسوي فيها مهارات اما اللاعب الغير مهاري فصعب ينحب
خالد عزيز مثال للاعب الغير مهاري والجميع كان يسب في خالد عزيز وشوف خالد عزيز الحين كيف مؤثر في الفريق
دائما الأجنبي لازم نعطيه الفرصه للتأقلم يا اخي فكر فيها لاعب ما يعرف يتفاهم مع اللاعبين إلي معه في الملعب
عاد مشالله تعرف أغلب اللاعبين السعوديين يعرفووون انجلييزي مضبوط يعني صعب جدا يتأقلم لا لغه ولا عادات وبس مباراتين
ليلو في بداياته كان ممتاز وفجأه مدري وش صار له يعني هي مسأله توفيق وانسجام مع الفريق والمدينه حتى وسبب نجاح ليلو في البدايه انه كان مهاري ويمسك بالكوره ويلعب لحاله عشان كذا نجح في البدايه
وصدقني التايب ناجح الحين لأنه عربي ومتأقلم
وبعدين عزيزي المطوع مهاجم ثاني مو صانع ألعاب والهلال بدون التايب ترا كان يفوز انا مستغرب اصراركم ان الهلال بدون التايب ولا شي
اذا تبغى نتائج اجل الهلال بدون كماتشو ولا شي وتبغى ترجع للبطولات شوف كم بطوله مع كماتشو خلال سنتين وشوف كم بطوله مع التائب في سنتين
5 لكماتشو و 2 مع التائب مع العلم ان كماتشو الكثيرين طالبوا باستبعاده وكان اللاعب المؤثر
صدقني عزيزي الهلال بالتائب ولا بدون التائب هو الهلال واذا كنت تعرف الهلال صح على قولتك ما راح تذكر ان الهلال يتأثر بغياب التائب تبي تعرف ليه ارجع لمباريات هالموسم وشوف
انا لست ضد التائب ولكن انا ضد جمهور اللاعب الواحد صحيح التائب نجم كبير وله تأثيره في الفريق ولكن الهلال بدونه يستطيع الفوز بكل البطولات المتاحه امامه ومهما صار الهلال يبقى الهلال
واتمنى من الجميع دعم الأمير عبدالرحمن بن مساعد والاهتمام بالحضور في الملعب المشكله اننا اكثر ناس ننتقد ونتكلم وفي الأخير تجي تلقا الملعب فاضي والله شي يرفع الضغط
والله المفروض ننتقد انفسنا قبل ما ننتقد اللاعبين او الاداره
وبالتوفيق للزعيم ان شاء الله |
الوضع المتطور
