من هو اللاعب الّلي خلانا ننسى ( تفاريس ) >> منتب عاقل ياعبدون على غفلة - نادي الهلال السعودي - شبكة الزعيم

ابو طـــــلال · #1 23/01/2009, 03:38 AM

في البداية أرحب بكل من زار صفحتي المتواضعة ...

واحيي حبيب الشعب عبدون .. وإللى دايما يتحفنا بالمعلومات المفيدة من خلال أسئلة أهدافها ومظمونها أهم من كونها أسئلة واجوبة ..!

لذلك أشكر الاخ عبدون هالجهد وعسى الله يعطيه الف عافية ويجعلة ذخر ...

عاد انا حبيت أقلد ... تخبرون بدت ( الغيرة ) تلعب فيني

ونزلت لكم هالسؤال المطروح في عنوان موضوعي ...

من هو اللاعب اللي خلانا ننسى اللاعب ( تفاريس ) واللي راهن الجميع بأنه لايمكن سد مكانه ..

إلا ان هذا اللاعب السعودي 100% قد سد المكان وكسب رضى الجميع رغم صغر سنه وقلة خبرته إلا إنه ماشاء الله تبارك الله ماشي في الطريق الصح ... واتمنى له التوفيق ..

اكيد كلكم عرفتوووه !!

صح ...؟

=======

مباراة بكرا ليتهم يلعبونها في جدة علشان يحضر جمهور الرياض .. وادري ان فيه ناس تبي تزعل .. وخصوصا من جمهور الهلال في الرياض ... بس بكرا شوفوا الحضور و نتكلم .. ! حتى الرئيس طالبكم بالحضور .. وسامي الجابر يعتب على الجمهور الهلالي في الرياض ... وغير كذا .. انا شخصياً تارك أشغالي وأعمالي واعتب عليكم بعد وودي تحضرون المباراة ... صحيح اني انا بحضرها في البيت

بس ولو انا شايب ... انا يوم كبركم وانا احضر مباريات الهلال في كل مكان ..

=======

واحد يقولي .. ابو طلال ياخي انت بالمنتدي دايم تطالب الجمهور بالحضور وانت ماتحضر في الملعب !!

ودايم اشوفك تشجع الجميع على الإشتراك في قناة الزعيم كدعم للزعيم.. وانت تشوفها على فك التشفير في الـ DSL

ودايم تطالب أي هلالي إنه ينقل خطة لموبايلي وانت جوالاتك كلها من الإتصالات وواحد في شركة زين !!

تهقون اني بيّاع كلام .. !

بالنسبة للحضور ..أي مباراة في ملعب الملز أحضرها ...... و في مدينة الملك فهد مستحيل أحضرها لأسباب بعدها عند دوامي وانا مااطلع إلا 8 بالليل .. لكن الملز قريب حتى لو طلعت من دوامي للملعب .. يعني ظلمني في ذي

اما سالفة الــ DSL صحيح اني فاك الشفرة و السبب أني راعي أفلام أمريكيه يعني ابي قنوات الشوتايم كلها .. والأوربت .. وجت معها قنوات الــ ART واللى جت معها الزعيم ( يعني حظي ) حلو .. قناة الزعيم جتني بلّوشي .. أقول لا ؟

وسالفة موبايلي .. طلعت رقم من موبايلي .. وفيه مناطق خاصة في البيت ماأقدر أتكلم منها وحتى اللى يتصل علي يلقاه مقفل .. والكثير من أصدقائي يشتكون من نفس هالمشكلة .. تحدثت كم مره من موبايلي عن هالمشكلة وماحلّوها .. وش أسوي .. مااكلم ؟؟ طبعا والنعم في موبايلي مانقول فيهم شي

بس ولو انا احتاج خط أبراجة ( حيه ) والحي يحييك والميت يزيدك غبن ..!! تلموني بالله !؟

الحين بالله عليكم .. وبعد ماعلمتكم الأسباب .. تلوموني ؟؟ وصدق على قولة خويي ( إنت نصاب وبيّاع كلام )

تحية لكم جميعا .. وبالتوفيق للأزرق وتحية خاصة للغالي عبدون

اخوكم الصغير ابو طلال

عاشق هلاله · #2 23/01/2009, 03:42 AM

هوسـآآوي ..

مـآ قـصــرررررررررررررت يآلغلآ

ابو طـــــلال · #3 23/01/2009, 03:59 AM

إقتباس

الرسالة الأصلية كتبت بواسطة عاشق هلاله


	هوسـآآوي .. مـآ قـصــرررررررررررررت يآلغلآ

هوسااااوي ماعليه كلام .. وعزالله انه مكسب ... بس مهوب هو المقصود ..

بعدين الشخص المقصود توه حاصل على جائزه أفضل لاعب .. في مسابقة ( ماااااء )

شكرا لك ولحضورك ياكابتن

الملتاع97 · #4 23/01/2009, 03:44 AM

هوساوي والمرشدي .. عينان في دفاع الزعيم ..

ابو طـــــلال · #5 23/01/2009, 04:04 AM

إقتباس

الرسالة الأصلية كتبت بواسطة الملتاع97


	هوساوي والمرشدي .. عينان في دفاع الزعيم ..

لاعبوا الهلال كلهم عيوني في فريق الزعيم ...

المهم عندك الإجابة ؟

انا والتايب حبايب14 · #6 24/01/2009, 07:12 PM

إقتباس

الرسالة الأصلية كتبت بواسطة الملتاع97


	هوساوي والمرشدي .. عينان في دفاع الزعيم ..

...

الا والله انك صادق

دحيم اللوح · #7 23/01/2009, 03:44 AM

ههههههههههههههههههههههه الله يذكر عبدون بالخير

صراحه ما اعرف اللاعب ؟ ؟ ؟ هع

ابو طـــــلال · #8 23/01/2009, 04:05 AM

إقتباس

الرسالة الأصلية كتبت بواسطة دحيم اللوح


	ههههههههههههههههههههههه الله يذكر عبدون بالخير صراحه ما اعرف اللاعب ؟ ؟ ؟ هع

ماعرفت اللاعب ؟؟ صدق انك دحيم اللوح

بس هين ( هع ) ذي فيها بلى

حياك ياكابتن .. وتحية لعبدون

هلالي دووووووم · #9 23/01/2009, 04:06 AM

إقتباس

الرسالة الأصلية كتبت بواسطة دحيم اللوح


	ههههههههههههههههههههههه الله يذكر عبدون بالخير صراحه ما اعرف اللاعب ؟ ؟ ؟ هع

الله يرجك على ذا الاسم

الكاسر وخصمه خاسر 20 · #10 23/01/2009, 03:49 AM

هوساوي والمرشدي .. عينان في دفاع الزعيم ..

المـشـاكـس · #11 23/01/2009, 03:55 AM

هلا والله ابو طلال

..
يا الله حي اخوي الصغير

..
وشلونك .. اخبارك ؟ ..

اتوقع ان عرفت هالاعب اللي نسانا تفاريس

..
هو فهد المفرج

..
<<< لو يقرأ الهاوي هالرد .. مدري وش ممكن يجيه

..

ابو طلال ..
الفن من منبعه ما يستغرب ..
والهلال مصنع للمواهب .. ومكان مناسب لصقل النجوم ..
وكل اللي نحتاجه .. هو خامة لاعبين جيدة

..
<<< عشان بس تعرف اني متابع لقاء عبدالرحمن بن مساعد

..

شفت موضوعك يا عبدون الغفلة

..
وقلت خلني اسلم عليك واشوف اخبارك ..خصوصا اني مبطي منك

..

على طاري عبدون ..
حسيت اني اشجع هلال غير الهلال اللي يسأل عنه عبدون

..
بس لا شك انه يفيدنا كثير بهالاسئلة

..

نشوفك يا بعدي

..
وبالتوفيق للهلال بكرة ..
ولو اني من عرفت النصر ما خفت منه

..
بس الشرهة مو عليهم .. على اللي سمى هالمباراة ديربي

..

ابو طـــــلال · #12 23/01/2009, 05:59 AM

إقتباس

الرسالة الأصلية كتبت بواسطة المـشـاكـس


	هلا والله ابو طلال .. يا الله حي اخوي الصغير .. وشلونك .. اخبارك ؟ .. اتوقع ان عرفت هالاعب اللي نسانا تفاريس .. هو فهد المفرج .. <<< لو يقرأ الهاوي هالرد .. مدري وش ممكن يجيه .. ابو طلال .. الفن من منبعه ما يستغرب .. والهلال مصنع للمواهب .. ومكان مناسب لصقل النجوم .. وكل اللي نحتاجه .. هو خامة لاعبين جيدة .. <<< عشان بس تعرف اني متابع لقاء عبدالرحمن بن مساعد .. شفت موضوعك يا عبدون الغفلة .. وقلت خلني اسلم عليك واشوف اخبارك ..خصوصا اني مبطي منك .. على طاري عبدون .. حسيت اني اشجع هلال غير الهلال اللي يسأل عنه عبدون .. بس لا شك انه يفيدنا كثير بهالاسئلة .. نشوفك يا بعدي .. وبالتوفيق للهلال بكرة .. ولو اني من عرفت النصر ما خفت منه .. بس الشرهة مو عليهم .. على اللي سمى هالمباراة ديربي ..

هلا يابعدي ... والله لك وحشة ياخوووك .. وينك فيه انت .. قاطع المجلس ؟! وإلا لهيت مع بطولة الخليج ؟

زين اللّى شفناك .. لاتقطع ..

بس ( المفرج ) ذي يبيلها رسالة خاصة مااقدر اعلق عليها هنا

الله يرجك يالمنسم

وصدق الشرهة على من سمى هالمباراة ( ديربي )

صاكينهم الليل والنهار ومصرين على ديربتي .. إلا بالقوة منافسين لنا

سعيد بتواجدك ياالذيب .. لاتحرمنا تواجدك .. وسير علينا ياسمي الضبي وش عاد