الجوهر طلع يستقوي على تايلاند والبحرين وطقتهم
 

السلام عليكم

مدرب مهزوم 1 - 0 ولازم يفوز ولا بيطلع ومع هذا يدافع .

أبعد الشيحان بدون سبب ...... بلا اصابه بلا خرابيط هذا هو لعب في كاس البحرين

نفس الشي سعد الدوسري

في كاس اسيا وكاس الخليج لعب بتشكيلة تختلف تمااااااااما عن تشكيلة كاس العالم !!! والتشكيلة الأولى كانت افضل بكثيير


الشلهوب والجمعان المفروض يلعبون من اول المباراه ومثل ما شفنا بعد ما دخلوا اليوم شفنا كم هجمه حلوه .

لو الجوهر لعب ضد السينغال بعد مباراة السنغال مع فرنسا و مع الدنمرك انا متأكد انه بيقفل خط الدفاع ويدافع الي اخر ثانيه من المباراه وبيخسر عشرة صفر بدال الفوز 3 - 2 .... ليه ؟؟ لان السنغال منتخب فاز على فرنسا !!!!

في تصريح له قال ان احسب حساب الكميرون ولا احسب حساب المانيا واخرتها ثمنيه و واحد !!!

كل هذا والي اللحظه هذي ما بعد سمعناه يقرر الأستقاله !! والله انه قوي وجهه من جد !!

الي كل من انتقد الدعيع بعد مباراه اليوم لا تنسون ان معه اصابه في الكتف وهو في نادي الهلال , ونفس الشي الخوجلي مصاب قبل لا يمشون لليابان يعني ما فيه الا مبروك زايد... ليه ما لعبه الجوهر مثل ما لعب لعيبه اول مره تلعب مع المنتخب مهوب اول مره تلعب في كاس العالم !! واذا ماعندك ثقه فيه ليه تختاراه اساسا مع التشكيلة !!

الجوهر لم يفتي بنفسه باصابة الشيحان و الدوسري و المشعل بل الجهاز الطبي .
شوفوا فرنسا اصابة لاعب واحد اخرجها من كأس العالم و هي البطل و المرشح الأول

ومن قالك ان الجهاز الطبي افتا بأصابة الشيحان ؟؟ ما افتو ولا يزعلون , المدرب بيستغني عنه لقصر طوله وانه ما ينفع قدام الكميرون والمانيا , وهذا مهوب عذر , ولا الاصابه مجرد تصريفه !!!

هذي مشكلة بعض الصغار في السن الي يدعون انهم فاهمين كوره, لاعب يبدع طول عمره وانووواع المدح فيه , وفي مباراه غلط غلطه وحده بس قالو هذا اسوء لاعب وهذا فشيلة وهذا لازم يعتزل و و و و .......الخ. والمشكلة ما يشوفون وش الأسباب !!!

وفي مباراة المانيا المسيكين تمصع وانكرف وحملوه الخساره , ونسوا تخبطات الدفاع والوسط ونسوا ان لو خلصوا الكور زين الناس وقطعوا هجمات الالمان كان ماصار الي صار

في مباراة الكميرون لو الجوهر مالعب التفخ عبد الله سليمان ولعب بداله لاعب نشيط خفيف كان ماجا الهدف وطلعنا من المباراه متعادلين على اقل تقدير ! .

في مباراة ايرلندا لو الاعب الي سجل الهدف الأول كان مراقب وممسوك بدال ترركه لحاله وماخذ راحته كان ماجا الهدف الاول ! . نفس الشي الهدف الثاني ماكان فيه مراقبه لصيقه ! . الهدف الثالث صحيح الدعيع كان له دور كبير فيه والسبب الأصابه الي في كتفه , وفي الأعاده كان واضح انه حاول يمسك الكوره بيد وحده ( وش الله حاده يمسك الكوره وفالنهاية ينخلع كتفه, هذي لك يالعاشق أكرر وش الله حاده , وانت فاهم قصدي )

الجوهر لازم يبعد عن المنتخب

ويكفيه مدرب حراس وتخب عليه
ومدرب عالمي يجب ان يدرب المنتخب ولمدة 4 سنين

واذا كان الدعيع مصاب مع الخوجلي
فمن هو المسئول عن ضمهم

الواسطات أم ناصر الجوهر .. فهمونا !!!
 

من هو سبب المشكلة إذن ؟!
خوجلي سافر إلى اليابان بعكازيه !! و الشيحان كان سليم 100 %
و ناصر الجوهر ليس بذلك الغباء .. ليستبعد لاعبا كانت له اليد الطولى في التأهل للمونديال !!


تعليقا على من طالب بإبعاد الدعيع ..
من شاهد المباريات فعلا .. للأحظ أن الدعيع لم يخطئ في أهداف غيرت من مجرى المبارة .
فالأهداف التي أتت عليه و كانت بالفعل خطاؤه هي الهدف الثاني أو الثالث في مباراة ألمانيا .. و هدف إيرلندا الثالث ..
لذا لم يخطئ في أهداف غيرت من مسار المباراة .. فلذا لن نعتب عليه .. لولا وجود الدعيع .. لأنهزمنا 18/0 مع ألمانيا و 6/0 مع الكاميرون و 8/0 مع إيرلندا ..

1-الجوهر مساعد مدرب.
2-عبدالهادي=======>يفصل.
3-مدرب عالمي لمدة اربع سنوات.
4-لايقتصر المنتخب على الانديه الكبيره مثل(الهلال,النصر,الاتحاد,الاهلي,الشباب)ولكن ياخذون من الفرق اللي فيها لاعبين متعطشين لفرصه عشان يثبتون وجودهم ويظهرون انفسهم.




الله يعوظنا في 2006 باذن الله اذا تاهلنا

ولتطور الكره السعوديه اقترح الغاء فكرة الاعبين الأجانب , لان ما قد شفنا ولا لاعب اجنب على مستوى بأستثناء سيزار . وطبعا بيتيح للاعب السعودي الواعد فرصة المشاركة وأثبات جدارته .

وش نسوي