مع ابو طلال .... أنت أقرب إلى الحقيقة - نادي الهلال السعودي - شبكة الزعيم

ابو طـــــلال · #1 22/01/2009, 05:40 PM

أحبتي أعضاء منتدى الزعيم >> الزعيم اللى فشلنا قبل كم يوم مع الوطني ... ولانغرز إلا مع الفرق المتواضعة ..

قاهرني الهلال ..... كل ماقربنا من الصدارة .. يتأخر .. وعلى قولة أبو بكر سالم .. كل ماصفت غيمت

ولــــــــــــــــــــــــــــــــــدي ... البكر .. إللى أفتخر فيه عند العربان إستاثمت فيه .. بعيد الأضحى خليته يشوف الخروف وهو ينذبح ومن يومها مااكل لحمة !! وإذا عطيته بطرق تمويهيه ( يستفرغ ) اعزكم الله ..

طبعاً كانت غلطتي .. لأنه هو سألني عن سبب ( قتل الخروف بهذه الشراسة ) خصوصا انه كان مبسوط معها ويركبها ويلعب معها .. قلت وعلى أساس اني فاهم .. ( أقرب إلى الحقيقه )

نذبحة يابابا .. علشان نقطعة

بعدين نحطة بالثلاجة

.. بعدين ناكلة

أحس ان وده يقول ( كفاية يامقرمين )

طبعاً غلطت في التعمق اللى ماله داعي في الشرح .. وطبعا سألت طبيب وأفاد اني مااذكر هالموضوع له نهائياً وهو بينسى وهذا شي طبيعي يحدث عند الأطفال بسنة ... خصوصاً أني في البداية صرت أغرية علشان ياكل .. ازعل عليه مثلاً .. مرات أهددة .. وكل الطرق مافادت .. طنشت لين ماربي يكتب اللى فيه الخير ...

أمـــــــــــــــــــــــــــــــــي .. أطال الله بقائها والبسها لباس الصحة والعافية .. كلمتني في يوم السبت ( مباراة عمان والسعوديه على النهائي ) وكنت مستأذن من العمل ( قايلهم عندي موعد أسنان )

ومزبط القعدة في البيت .. وإلا الوالدة تكلمني جوال وتقول : بليز ماي بيبي

قصدي بالخير يابو طلال .. الله يعافيك وش عندك ؟؟ قلت آمري ياخلفهم .. قالت ميخالف تجي توديني لحرمة الحين .. >> ضاق صدري والمباراة بدت ( الدقيقه الثالثه ) وهاللمباراة حامية من البداية .. قلت ( الحين يمة )؟

قالت إيه الحين الحرمة ماشفتها من تعبت .. مرني ومانطول وانا واقفة بسلم عليها .. قلت طيب

.. بس ماودك تخلينها بكرا

قالت وش بكرا ( واخزياااه بس ) تشره علي المر ة...

قلت طيب بمرك بعد شوي ( مخطط على الشوط الأول وبين الشوطين امرها .. ) قالت : العب عليك شف المباراة وعساكم تفوزون بركلة الترجيح >> مدري من اللى معلمها

طلع مقلب ..

بعده بكم يوم .. وفي يوم الإربعاء فيه عزيمة لأخوي عند خالتي... و امي لها مدة ماشافت عيال اخوي .. يوم جت الساعة خمس العصر .. والليلة العزيمة .. كلمت أمي

... قلت بالخير يمة .. قالت هلا .. قلت الله يعافيتس ياميمتي اليوم مسوين حفلة لأثنين من ربعي توهم مترقين وكلن يبي يجيب شي من البيت .. وانا مواعدهم أجيب جريش مخصوص وشغل بيت .. فعاد نبي بياض الوجه .>

>> إبليس صح ؟

قالت عاد اليوم ياوليدي ؟؟ يووووووووه الجريش يبيلة وقت .. متى أشب عليه .. ومتى !!
قلت عاد يمه من كثر طلباتي .. انا لو مرتي تعرف تزبط الجريش مثلك كان قلتلها .. بس انتي شغلك غير

قالت ميخالف بس لوك قايلي بدري .. يووووووووه

سويت نفسي زعلان .. قلت خلاص وش اسوي ..
الله يهديك بس ياوليدي .. ماتدري ان الليلة بروح لخالتك اخوك يبي يجي مع عياله ومبطي ماشفتهم !! قلت اهااا
طيب واحد واحد ... هذي حقت المباراة ... وعلمتها اني امزح

>> طبعا كان فيه أحاديث جانبية بس رديت المقلب وإرتحت .. وماخليت أحد إلا علمته .. وهذاني اعلمكم ... كوني أقرب إلى الحقيقه

بعض الأخطاء بالكلام .. والإرتباك .. يطلع معه كلام ماله داعي ... مثلاً

*عندنا موظف يبي يقول لمريضة ( ماسمعتي إسمك ) قالها ( ماعرفتيني )

*واحد من الشباب يقول .. مره كنت أسولف انا وواحد وكنت أبارك له بالزواج وكان حديث الزواج .. يقول وانا ابارك له بلغني انه طلق زوجته .. يقول برضه قلت له ( ماشاء الله مبروووك )

لاإرادياً يقول حتى الرجال قالي .. اقولك طلقت تقول مبروك

*مرات يكون طريقي بجانب مقبرة .. وطبعا اسلم على الميتتين وأترحم عليهم .. كان برمضان هالمره ويوم وازيت المقبرة وعلى أساس أني اسلم عليه واقول ( السلام عليكم دار قوم مؤمنون انتم السابقون ونحن اللاحقون ) قلت ( السلام عليكم اللهم اني لك صمت وعلى رزقك أفطرت )

لاعبن فيني الجوع

* مجتمعين في إستراحة وكننا نعلق على واحد .. المهم الرجال كان حليم وصابر

حتى انفجر وصرخ بوجه واحد من العيال وقاله : ورى ماتصير رجال زي الكلب !!!

أعزكم الله ..

العربية أقرب إلى الحقيقة ... والجزيرة الحقيقه كاملة ... والإتصالات السعودية حياة أسهل .. وموبايلي من إختياري .. وجالكسي عندما ت عشق الشوكولا .. وروتانا مش حتئدر تغمض عينيك .. إلخ إلخ ..

طيب حنا ورى مايصير لنا مثلهم : كل واحد يختار له جملة مرادفة ليوزرة .. ورونا شوفة النفس والغرور اللى على أصولة

اخوكم الصغير ابو طلال حيث المصداقية

Hictar · #2 22/01/2009, 05:42 PM

هلا بعمي
بصلي وراجع لك...........................
-----------------
موضوعك يا أبوطلال ما مسكت له راس

كل ما قريت سطرين - تشطح بموضوع ثاني بثالث سطر
دام الدعوة وناسه خلني أعلمك بسوالف صايره:
*خالي الله يسلمك ماسك علي سالفه وأنا صغير وللحين يتريق علي:
مره إتصل على بيتنا وأنا اللي رديت عليه :
بعد ما سلم ، قال لي : مسّه بالخير
أنا سكت ما عرفت وش أرد ( توني بزر )

ويكررها ومصمم أرد عليه ( مسّه بالخير )
وأنا على صمتي

بعد أجزاء من الثواني خربها ، وقالي : لعنبوك رد

---------------
*هذا اللي يسلمك فيه واحد موذي بقرية
ما خلى أحد بحاله ، وتأذوا منه الناس
بعد فتره دخل واحد على شياب بمجلسهم وعلمهم إن ( الموذي ) مات
قال واحدٍ من الشياب : الله يبشرك بالخير ( جعله بجهنم )

قال الشايب الثاني : هذا كفو يدخل جهنم !!!.
جهنم فيها أبوجهل وصناديد قريش ، هو كفو يصف معهم

إستغفر الله العظيم ( فيه شياب منتهين )

------------------
أشوف رائده الزعيم محضره معي ، البنت هذي غطت على الهنوووف بالردود الطويله

ابو طـــــلال · #3 23/01/2009, 12:37 AM

إقتباس

الرسالة الأصلية كتبت بواسطة مواصل من عام 1413هـ


	هلا بعمي بصلي وراجع لك........................... ----------------- موضوعك يا أبوطلال ما مسكت له راس كل ما قريت سطرين - تشطح بموضوع ثاني بثالث سطر دام الدعوة وناسه خلني أعلمك بسوالف صايره: خالي الله يسلمك ماسك علي سالفه وأنا صغير وللحين يتريق علي: مره إتصل على بيتنا وأنا اللي رديت عليه : بعد ما سلم ، قال لي : مسّه بالخير أنا سكت ما عرفت وش أرد ( توني بزر ) ويكررها ومصمم أرد عليه ( مسّه بالخير ) وأنا على صمتي بعد أجزاء من الثواني خربها ، وقالي : لعنبوك رد --------------- هذا اللي يسلمك فيه واحد موذي بقرية ما خلى أحد بحاله ، وتأذوا منه الناس بعد فتره دخل واحد على شياب بمجلسهم وعلمهم إن ( الموذي ) مات قال واحدٍ من الشياب : الله يبشرك بالخير ( جعله بجهنم ) قال الشايب الثاني : هذا كفو يدخل جهنم !!!. جهنم فيها أبوجهل وصناديد قريش ، هو كفو يصف معهم إستغفر الله العظيم ( فيه شياب منتهين ) ------------------ أشوف رائده الزعيم محضره معي ، البنت هذي غطت على الهنوووف بالردود الطويله

هلا خالي ,,,, حيّووه
وين شعارك .. شف وش كاتب القيصر الرهيب في آخر تعليقه

هذا المقصود ..

والله بطل القيصر .. يعجبني اللى يفهمها وهي طايرة

انا بعطيك شعار من عندي .. مواصل من عام 1413 .. للحقيقة ثمن

اما سالفة هالشيبان ..!! منتهين .. ترى قد سمعت مثل هالكلام بمجالس عندنا .. وأشد .. ترى بعض الشيبان أكثر مراهقة وصياعة من المراهقين أنفسهم ..

حياك ابو عابد ..

هلالي من ارض اليمن · #4 23/01/2009, 02:54 AM

^
^
^

حقيقة يا ابو طلال ان الشياب ليس " بعضهم " ولكن اعتقد انهم يتجاوزون " عبارة البعض " الى الكثير

اعرف اثنين شياب يجيدون نظم الشعر من اولئك الاوائل من عصر المتنبي وابو نواس اذا سمعت نظمهم للشعر في مجلس فحتما يجب ان تغلق اذنك أحتراما لحضور الشياب من اهلك

خطيرين هؤلاء القدماء

حزنت على طلال بارك الله فيه .. الولد من منظمة الرفق بالخراف ولكنك احبطت انتمائه التنظيمي في مهده

الله يحفظك لك الوالده ويمدها بالصحة والعافيه

ودائما مع ابو طلال لن تستطيع التوقف عن القراءة ،،،

يعطيك الف عافيه اخي الحبيب

I don‘t know · #5 23/01/2009, 03:40 AM

هلا ابوطلال

الله حيووه

الله يحفظ لك امك والله يلبسها لباس العافية بإذن الله...

طلال مصيره بيتعود ان شاء الله والله يخليه لك...

اما سالفة الإرتباكات هذي يبيلها كتاب كامل وبأجزاء لأخوي مايعرف يركب كلمتين على بعض من زود العجلة والحرارة

اخوي في ذات مرة ومنذو مبطي ايام ماكان صغير كان عنده بزر ويقعد يبي يضحك البزر ويقول له:اغووه

المهم الرجال وهو في محاولات لإضحاك ذلك البزر >>ياخوي مصختها تراك

دق التلفون >>عاد تعرفون كيف يتحمس الصغير للتلفون المهم دقت خالتي ورد عليها بيقول لها:الو ...قال لها:اغووه

وفي ذات مرة من المراريت

كان اخوي طالع هو وولد خالي وهم طالعين حسوا بالجوع وقالوا نبي لنا مطعم المهم قرروا انهم يتعشون بأحد المطاعم وبينما هم ذاهبين لذلك المطعم وبكل شوق وحماس ذاهبين>>شوق وحماس كلمتين لايمكن ان يجتمعن في جملة

المهم تعرفون الواحد لازم يهايط ووده انه يهشي خويه المهم قال ولد خالي ولزم على اخوي قال والله ماتدفع وكل واحد يقول للثاني والله ماتدفع المهم قال اخوي رضخ للأمر الواقع

المهم يوم جاء ولد خالي للهندي بيحاسبه وبينما هو بثقة بيعطيه الفلوس >>او بحسرة ان فلوسه قليلة

ماحصل الا ريال

وثم ممدري وش صار لكن مايبيلها اكيد اخوي دفع

.
.
مع i don't know مش حتقدر تفتح عينيك على موضوع ثاني

R D H · #6 22/01/2009, 05:48 PM

........................

عدنـا والعـود أحمـد ..

السلام عليكم ورحمة الله وبركاته ..

مسّكم بالخير جميعاً ..

أتمنى تكون بخير ..

أعجبتني كثيراً القصه مع والدتكـ .. التي كانت تحت شعار ( اكسب موقف معي )

كثير من الأشخاص الله يهديهم بس .. يجون يطلبون منك طلبات بأوقات صعبه .. أو يطلبون منك شي يخصك وغالي عليك ..

الزبده أنت ماتكون لك خلق الحين .. وهو يدري أنه مالك خلق تسوي اللي يبيه منك ..

لكن يطلبه بقوة عين .. لأنه يبي يشوف ردة فعلك .. ويختبرك أنت شخصياً ..

وبالأصل هو مايبي شي .. بس بيكون احرجك لو رفضت .. أو بتكون كسبت موقف حلو معه لو وافقت وطلع مقلب ..

وكثيراً وقعت في مواقف محرجه .. حيث يقوم أحدهم بطلب شيء مني .. وأنا أرفض ..

ثم بعد ذلك يقول ../ ترا أمزح معك ما أبي إلا سلامتك ..

وقتها أحس بغبنه وقهر شديدين

.. أقول لنفسي ../ ليتني وافقت .. وكسبت موقف لصالحي ..

لذلك أصبحت لو أحد طلب مني شي غالي عندي .. أنا أوافق .. مو لأني فعلا موافق .. بل لأني أكون متوقع انه بس يبي يشوف ردة فعلي .. وغير كذا أكون عارف أنه مستحيل يكون متطفل وبجيح لهالدرجه لكي يتسلبط على شيء يخصني بهذه الجرأه ويأخذها ..

والحمدلله ربي أنقذني من أكثر من موقف هكذا ..

وترا فيه ناس تعشق أنها تحرج الناس على هذه الصوره .. والشخص إذا سوا معك هالحركه أكثر من مره .. أزبد له وقوله بقوة عين ../ لا منب معطيك ..

إقتباس


	بعض الأخطاء بالكلام .. والإرتباك .. يطلع معه كلام ماله داعي ... مثلاً

ذكرتني بقصة ( صندوق البرتقان )

وهي قصه معروفه .. عن مجموعة شباب طلعوا برحله للبر ..

وكان معهم صندوق برتقال ..

وكان جاي معهم واحد لخمه . نظام يحوس أبو الجمله لا جا يتكلم ..

قعد يقولهم ../ ياشباب وين برتوق الصندقان ؟

قالوا له ../ وش برتوق صندقان انت ووجهك ؟

قالهم ../ ياخي برتوق الصندقان وينه ؟

قالوله ../ ياخي وش تقول انت ؟

فجأه تنبه خويهم لغباءه .. وقال ../ أوووه ، قصدي صندوق البرتقان وينه ؟ هههههههههههههه

أو كالذي يقول لك يا أبو طلال .. فرصه سعيده .. أنت بترد عليه وبتقوله ../ أحنا الأسعد ..

أنا مره واحد قال لي عالجوال ../ فرصه طيبه .. رحت قلتله أحنا الأطيب ههههههههههههههه

من هنا وهناك ../ ( صور حياتيه خايسه

لا يعني أنها حدثت لي

)

* لو بيوم من الأيام جا لك صديقك ، واستلف منك أي شي يخصك ، وقال لك برجعهم لك غداً قبل لا أسافر ، وأنت كنت حريص جدا أنه يرجعهم ووصيته مليون مره أنه ماينسى يرجعهم ، .. وفجأه اليوم التالي جاك اتصال منه يقول ../ أنا أسف ماقدرت ارجعهم لأني سافرت ..

هنا انتبه انتبه انتبه .. تنفجر بخويك وتقوله ../ تراني موصيك ترجعهم مليون مره ..

لا لا خلك ريلاكس .. وصدقني بأخر المكالمه بيقولك ../ أمزح معك ، أنزل يالله أنا تحت بيتكم أبعطيك غرضك

* لو كنت كاشخ بقلم جديد .. وجاك واحد تعرفه .. وقال لك ../ ورني القلم ..

أعطيه ياه بكل ثقه عادي .. ولو قعد يتفحصه ثم قالك ../ هديه مقبوله ..

خلك ريلاكس جداً .. وصدقني بـ نهاية المحادثه رح يعطيك ياه مره ثانيه ويقولك أمزح معك ..

ولو ما أعطاك ياه تعال وأنا أعطيك واحد جديد .. بس أهم شي لا تندفع بدلاخه وتقول ../ لا ياخي ترى توني شاريه

.

أكسب موقف معه .. ولو انها مزح ..

* اللحمه سر الحياه

، فاحرص أن تحبب بها أبناءك وأخوتك الصغار .. لا أن تجيب العيد اللي بعد العيد اللي ذبحتوا فيه الخروف ..

وتحاول تبرر ذلك .. بطريقه أرهابيه .. كذا الطفل مارح يقتنع باللي قلته ورح يعتبرها وحشيه غير مبرره ..

لذلك أوصل له المعلومه من ناحيه دينيه .. بأنها سنة مؤكده عن الرسول صلى الله عليه وسلم .. و على المسلمين القادرين أن يضحوا في عيد الأضحى ويعطوا الفقراء والمساكين ..

لكن مب تصورله في خياله فيلم أجنبي مرعب ..

أما بالنسبه لطلال يا أبا طلال .. فلا تقلق .. مصيره لما يكبر ياكلها ياكلها

..

*

إقتباس


	ويكررها ومصمم أرد عليه ( مسّه بالخير ) وأنا على صمتي بعد أجزاء من الثواني خربها ، وقالي : لعنبوك رد

نفس الموقف حدث معي .. ومن خالي أيضا .. ( مشكلة لو كان خالك ماتمون عليه .. ويحرجك

)

مره زمان قبل لا يسافر أخوي الكبير للدراسه .. كنت انا واقف وماسك شنطة اخوي ..

إلا ويجي خالي ويقول ../ ( مثل ما ودعت .. تلاقي ) .. << ( يعني زي ماودعت أخوك .. يارب تلاقيه )

أنا دايما أسمع هالجمله بالمسلسلات بس قهر ماتذكرت وش يردون عليها .. فقلت ../ اهااا

خالي وقتها فطس من الضحك علي

واللي يغبنك أنه ماقالي وش الرد الصح لها

//

بالنهايه .. لا يسعني إلا أن أشكرك أخي الكريم ..

وسعت صدورنا بسواليفك الله يحفظك .. ويخلي لك عيالك وأميمتك وكل أحبابك أن شاء الله ..

تقبل مروري المتواضع ..

لك

دمت بأجمل حال

إبراهيم

ابو طـــــلال · #7 23/01/2009, 04:15 AM

إقتباس

الرسالة الأصلية كتبت بواسطة R D H


	........................ عدنـا والعـود أحمـد .. السلام عليكم ورحمة الله وبركاته .. مسّكم بالخير جميعاً .. أتمنى تكون بخير .. أعجبتني كثيراً القصه مع والدتكـ .. التي كانت تحت شعار ( اكسب موقف معي ) كثير من الأشخاص الله يهديهم بس .. يجون يطلبون منك طلبات بأوقات صعبه .. أو يطلبون منك شي يخصك وغالي عليك .. الزبده أنت ماتكون لك خلق الحين .. وهو يدري أنه مالك خلق تسوي اللي يبيه منك .. لكن يطلبه بقوة عين .. لأنه يبي يشوف ردة فعلك .. ويختبرك أنت شخصياً .. وبالأصل هو مايبي شي .. بس بيكون احرجك لو رفضت .. أو بتكون كسبت موقف حلو معه لو وافقت وطلع مقلب .. وكثيراً وقعت في مواقف محرجه .. حيث يقوم أحدهم بطلب شيء مني .. وأنا أرفض .. ثم بعد ذلك يقول ../ ترا أمزح معك ما أبي إلا سلامتك .. وقتها أحس بغبنه وقهر شديدين .. أقول لنفسي ../ ليتني وافقت .. وكسبت موقف لصالحي .. لذلك أصبحت لو أحد طلب مني شي غالي عندي .. أنا أوافق .. مو لأني فعلا موافق .. بل لأني أكون متوقع انه بس يبي يشوف ردة فعلي .. وغير كذا أكون عارف أنه مستحيل يكون متطفل وبجيح لهالدرجه لكي يتسلبط على شيء يخصني بهذه الجرأه ويأخذها .. والحمدلله ربي أنقذني من أكثر من موقف هكذا .. وترا فيه ناس تعشق أنها تحرج الناس على هذه الصوره .. والشخص إذا سوا معك هالحركه أكثر من مره .. أزبد له وقوله بقوة عين ../ لا منب معطيك .. ذكرتني بقصة ( صندوق البرتقان ) وهي قصه معروفه .. عن مجموعة شباب طلعوا برحله للبر .. وكان معهم صندوق برتقال .. وكان جاي معهم واحد لخمه . نظام يحوس أبو الجمله لا جا يتكلم .. قعد يقولهم ../ ياشباب وين برتوق الصندقان ؟ قالوا له ../ وش برتوق صندقان انت ووجهك ؟ قالهم ../ ياخي برتوق الصندقان وينه ؟ قالوله ../ ياخي وش تقول انت ؟ فجأه تنبه خويهم لغباءه .. وقال ../ أوووه ، قصدي صندوق البرتقان وينه ؟ هههههههههههههه أو كالذي يقول لك يا أبو طلال .. فرصه سعيده .. أنت بترد عليه وبتقوله ../ أحنا الأسعد .. أنا مره واحد قال لي عالجوال ../ فرصه طيبه .. رحت قلتله أحنا الأطيب ههههههههههههههه من هنا وهناك ../ ( صور حياتيه خايسه لا يعني أنها حدثت لي ) * لو بيوم من الأيام جا لك صديقك ، واستلف منك أي شي يخصك ، وقال لك برجعهم لك غداً قبل لا أسافر ، وأنت كنت حريص جدا أنه يرجعهم ووصيته مليون مره أنه ماينسى يرجعهم ، .. وفجأه اليوم التالي جاك اتصال منه يقول ../ أنا أسف ماقدرت ارجعهم لأني سافرت .. هنا انتبه انتبه انتبه .. تنفجر بخويك وتقوله ../ تراني موصيك ترجعهم مليون مره .. لا لا خلك ريلاكس .. وصدقني بأخر المكالمه بيقولك ../ أمزح معك ، أنزل يالله أنا تحت بيتكم أبعطيك غرضك * لو كنت كاشخ بقلم جديد .. وجاك واحد تعرفه .. وقال لك ../ ورني القلم .. أعطيه ياه بكل ثقه عادي .. ولو قعد يتفحصه ثم قالك ../ هديه مقبوله .. خلك ريلاكس جداً .. وصدقني بـ نهاية المحادثه رح يعطيك ياه مره ثانيه ويقولك أمزح معك .. ولو ما أعطاك ياه تعال وأنا أعطيك واحد جديد .. بس أهم شي لا تندفع بدلاخه وتقول ../ لا ياخي ترى توني شاريه . أكسب موقف معه .. ولو انها مزح .. * اللحمه سر الحياه ، فاحرص أن تحبب بها أبناءك وأخوتك الصغار .. لا أن تجيب العيد اللي بعد العيد اللي ذبحتوا فيه الخروف .. وتحاول تبرر ذلك .. بطريقه أرهابيه .. كذا الطفل مارح يقتنع باللي قلته ورح يعتبرها وحشيه غير مبرره .. لذلك أوصل له المعلومه من ناحيه دينيه .. بأنها سنة مؤكده عن الرسول صلى الله عليه وسلم .. و على المسلمين القادرين أن يضحوا في عيد الأضحى ويعطوا الفقراء والمساكين .. لكن مب تصورله في خياله فيلم أجنبي مرعب .. أما بالنسبه لطلال يا أبا طلال .. فلا تقلق .. مصيره لما يكبر ياكلها ياكلها .. * نفس الموقف حدث معي .. ومن خالي أيضا .. ( مشكلة لو كان خالك ماتمون عليه .. ويحرجك ) مره زمان قبل لا يسافر أخوي الكبير للدراسه .. كنت انا واقف وماسك شنطة اخوي .. إلا ويجي خالي ويقول ../ ( مثل ما ودعت .. تلاقي ) .. << ( يعني زي ماودعت أخوك .. يارب تلاقيه ) أنا دايما أسمع هالجمله بالمسلسلات بس قهر ماتذكرت وش يردون عليها .. فقلت ../ اهااا خالي وقتها فطس من الضحك علي واللي يغبنك أنه ماقالي وش الرد الصح لها // بالنهايه .. لا يسعني إلا أن أشكرك أخي الكريم .. وسعت صدورنا بسواليفك الله يحفظك .. ويخلي لك عيالك وأميمتك وكل أحبابك أن شاء الله .. تقبل مروري المتواضع .. لك دمت بأجمل حال إبراهيم

إبراهيم ... الله يسعدك على هالتعليق الحامي .. والسوالف الحلوه .. والنقاط المهمه .. والنصائح الاهم

تعليقك متعوب عليه .. قريته مرتين والثالثه ثابته

بس لاتحلم اني اوافق على طلب أحد لمجرد اني اتوقعها ( مقلب ) .. إفرض الموضوع جد .. وش يفيدني التوقعات

مامثل قولة ( معصي ) على كل طلب .. وخل قلمك بمخباتك .. وحاجتك معك ..

طبعا إلا الجهات العليا مثل الوالدة .. والزوجة .

. اما الباقين قل معصي وانت تظحك

إبراهيم .. ماكلمت قرائة الموضوع أو انك طنشت .. .. وين شعارك اللى يناسب يوزرك ..

تبيني احطه عنك ..؟

خذ عندك .......... R D H مع قوة الدفع الرباعي

تحية لك يابطل .. وأسعدني حضورك وتواجدك

المنفهق · #8 22/01/2009, 05:52 PM

هلا ابوطلال وش الاخبار تصدق

توحشت خشتك بالزااااااااااااف

وسواليفك وحنا واقفين وتقطيع

بالخلق الله يتوب علينا

سلم لى على امك هى اللى تعرف لك اجل موعد اسنان

مع ان سنونك طقم بيالات نصها زنجبيل

وش اخبار التمر ديالك

توصى بشئ من ذيك الديرة اكيد عرفت وين انا

اللحين وابعطيك خيارات

1 السودان

2 كينيا

3 بوركينافاسو

4 المغرب

يا الله يا الذيب ورنى شطارتك وتراى قلت كم كلمه ترمز للديرة اللى انا فيها اللحين

ابو طـــــلال · #9 23/01/2009, 06:03 AM

إقتباس

الرسالة الأصلية كتبت بواسطة المنفهق


	هلا ابوطلال وش الاخبار تصدق توحشت خشتك بالزااااااااااااف وسواليفك وحنا واقفين وتقطيع بالخلق الله يتوب علينا سلم لى على امك هى اللى تعرف لك اجل موعد اسنان مع ان سنونك طقم بيالات نصها زنجبيل وش اخبار التمر ديالك توصى بشئ من ذيك الديرة اكيد عرفت وين انا اللحين وابعطيك خيارات 1 السودان 2 كينيا 3 بوركينافاسو 4 المغرب يا الله يا الذيب ورنى شطارتك وتراى قلت كم كلمه ترمز للديرة اللى انا فيها اللحين

رايحن تسوي إشاعة لملك المغرب

الإجابة ( البحرين ) صح ؟

لارجعت علمني .. خلنا ناخذ علومك ياسيدي المنفهق ( واخا ؟)

وحاول تزر ع هالخط الصحراوي اللى فوق راسك ( فرصه )

ترجع بالسلامة يابعدي ... وشكرا لحضورك ..

وردة الهلال · #10 23/01/2009, 07:39 AM

خخخخخخخخخخخخخخخخخخخخخخخخخخخ

مآآشآآء الله .. موضوع من العيآر الثقيل

وزعت الموضوع ترا

لليم عي ماسنجر يقرونه

يستحق صرآحه

اما طلول صرآحه رحمته بقووووووووووووووووووووووه

انا وانا كبيرة!! ما اشوف والسبب لما الذبيحه تتحرك من حرة الروح

ويطشر ذاك الدم ويسيح

ماحب اشوفهم يذبحونها.

على طآريه ذيك السنه قبل عيد الاضحى جايبين اضاحيهم. الخرفآن مدلعين مايآكلون إلا ربيع

وجآوآ عند قرآوه

مستانسين عليهم

نعطيهم خبز

المسكين انحمر بطنه

مااش ماقدرت معدته تهظم الخبز ومالسكين يشرب مويه كثير من كثرة ماتحمل
الي ببطنه

قام انعزل بزاويه وجلس

وماغير متسدح

المهم الزبده ان الخبز هو ماتحمله وحنا كل يوم خبز له

الخروف بيدوع! وش السوآت؟

قالوا نذبحه خلاص وش نسوي وهو باقي على العيد كم يوم

ويجي ذاك اليوم.واسمع .صوت قوي بتكسير العظم!

المهم نزلت وش السالفه يا امي! ذبحوا الخروف.

ومالقوا إلا يذبحونه تحت غرفتي!! ويسلخونه ويكسرون فيه تحت غرفتي!!

المهم امي طبخت اللحمه.تعرفون شلون منقلبه سودا؟

<من الخبز خخخخخخخخخخخخخ

ماحد مد يده. وانا كل من جيت بآكل.تذكرت صوت الدج بالعظم وابطل

الزبدة. خذت امي اللحم حقه. وعطته نآس

رفضنا نآكله كلنا.

اما الكلمات.. كنا نتكلم ومندمجين..

المهم نتكلم عن الحواجب

شوي نطيت لختي وقلت لها ماني مشقره حواجزك؟

وليومك ماسكينها علي

الثآنيه..

قلت لأختي ذكريني انزل الكسآسآت و [ أصفطـهم ]

المهم انا ما انتبهت إلا إلي تسدحوآ ضحك

وانا للحين مافهمت

قلت شفيكم؟

قآلوآ عيدي الكلمة

واعيدها .ذكروني أنزل الكآسآت وأصفطهم

ويتسدحون مره 2 خخخخخخخخخخخخ

ويوم عدتها فهمت

المشكلة عدتها بالغلط نفسه

تشكرآآت بو طلآل

القيصر رهيب · #11 22/01/2009, 05:54 PM

الله يخلي لكـ أميمتكـ يا ليتهم مصورينكـ وأنت تنجر على خشمك

بالنسبة لولدك البكر والله حاس إن هالولد بيطلع مصري مدري ليه انتبه له بس

القيصر رهيب حتى ظله له مهآبه

ابو طـــــلال · #12 23/01/2009, 05:26 PM

إقتباس

الرسالة الأصلية كتبت بواسطة القيصر رهيب


	الله يخلي لكـ أميمتكـ يا ليتهم مصورينكـ وأنت تنجر على خشمك بالنسبة لولدك البكر والله حاس إن هالولد بيطلع مصري مدري ليه انتبه له بس القيصر رهيب حتى ظله له مهآبه

عليييييوووه ... الله يسعدك على هالتعليق .....

فاهم وش ابي .. تصلحلي ....

أجل القيصر الرهيب .. حتى ظله له مهآبه >>>>>>> والله قوي

ولوك شركة إتصال لااخذ من عندك شريحة علطول بعد هالشعار

القيصر الرهيب .. حياة أسهل

حياك يابطل ... ولاتحرمنا تواجدك وحضورك الجميل

عريب عبدالله · #13 22/01/2009, 05:59 PM

يا حيا الله أخونا الصغير

أجل أستاثمت في طلولي وكرهته في اللحمة

عموما طلولي بيكبر وما صاير له شي الا أحسن له

هذا أحنا كبرنا وما صار شي وعايشين بدون لحمة

ما ضرنا

المهم أنت عديم الإنسانية أجل تخلي ولدك يلعب معه ثم تذبحه قدامة

لا وتعلمة أن أبو الشباب هو اللي كل يوم تاكلون منه وحاطينةبالثلاجة

وتقول ليش يكرة اللحمة

ما ألومة

أشوى اللي ما كرهك على هالسالفة وتخيلك بتذبحة مثل ما ذبحت صديقة العزيز

المهم

أصدق دعاية دعاية الجالكسي بالنسبة لمدمني الجالكسي

أخونا الصغير يسلموا وسعت صدورنا الله يوسع صدرك بالعافية

بالحب والإشراق

ابو طـــــلال · #14 24/01/2009, 02:14 AM

إقتباس

الرسالة الأصلية كتبت بواسطة رائدة الزعيم


	يا حيا الله أخونا الصغير أجل أستاثمت في طلولي وكرهته في اللحمة عموما طلولي بيكبر وما صاير له شي الا أحسن له هذا أحنا كبرنا وما صار شي وعايشين بدون لحمة ما ضرنا المهم أنت عديم الإنسانية أجل تخلي ولدك يلعب معه ثم تذبحه قدامة لا وتعلمة أن أبو الشباب هو اللي كل يوم تاكلون منه وحاطينةبالثلاجة وتقول ليش يكرة اللحمة ما ألومة أشوى اللي ما كرهك على هالسالفة وتخيلك بتذبحة مثل ما ذبحت صديقة العزيز المهم أصدق دعاية دعاية الجالكسي بالنسبة لمدمني الجالكسي أخونا الصغير يسلموا وسعت صدورنا الله يوسع صدرك بالعافية بالحب والإشراق

أهلا أختاااه

على طاري الوصف المقزز ... المطبق مدري شلون الناس تشتهي تاكلة وهي تشوف ال( حواق ) باليدين والخبص هللى يصير قدام عين المستهلك ( حلوه مستهلك ) قصدي البالع

وشعارك هو : رائدة الزعيم .. حب يتجدد .. إشراق يتمدد

>> يمتدد في الحراره ويتبربر في البروره

شكرا لحضورك ومرورك اختي .. وسمعنا انك بتعرسين .. الله يوفقك ويكتب لك الحياة الطيبة ... سمعت من وكالة الأنباء الكينيه