نادي الهلال السعودي - شبكة الزعيم - الموقع الرسمي - مع ابو طلال .... أنت أقرب إلى الحقيقة

- منتدى المجلس العام (http://vb.alhilal.com/forumdisplay.php?f=1)

- - مع ابو طلال .... أنت أقرب إلى الحقيقة (http://vb.alhilal.com/showthread.php?t=703018)

إقتباس:

الرسالة الأصلية كتبت بواسطة ولد عنزة (مشاركة 10799795)

,,

يآلله حـي آبو طلآل :smilie47:
آلله يخلـي لك ولدك وآميمتـك :rose:

آلآ آقول آبو طلآل تصدق آني عكـس ولدك

آنآ مآ آكل الدجآج والسمك < عدلتهآ بعد مآ نبهنـي وآحد من الاعضآء الله يعطيه العآفيه

آمآ بآقي اللحوم آهلآ وسهلآ :d وخآصه لحـم الغنــم :smilie47:

تصدق حتى اذا الشباب طلبوآ شورمآ آنآ اقول ابي شورمآ باللحــم :razz:

آلمهـم /

على سآلفه الارتبآك وآلآخطآء , مره رحنآ آنآ وخآلي نعزي وآحد مآت آبو لهـم

آلمهـم يوم قررنآ نطلـع سلمنآ عليهـم وجآء خآلي قآلهـم فرصـه سعيـده هههههههههههه

ههههههه :d

مشكور آبو طلآل ووجهـك آبيض يآلحر :smilie47:

,,

هلا بذيبان .... قبل ماأنسى .. تصدق كل ماشفت يوزرك اتذكر شي ابي اقولك إياه بس أنسى ..:yes:

تحيا وتدوم يابعدي ويجزاك خير ويخليلك من تحب يالغالي
شف ياكابتن .. انا لو أقعد عن الدجاج عشر سنين مااكلته عادي .. مالي فيه سبحان الله ..

أما اللحيمات .. وخصوصا الحويشي :naughty: ( لعبتي ) :naughty:

والسمك والله اني أحبه بس مالي خلق اطلع الشوك وآكل على أعصابي .. ماش يبيله واحد فاضي :laugh:

الدجاجة لاتذكرت لها بعض المناظر استحقرها ياخي ... سوري طبعاً مااقصد اهين الدجاج :bx: بس هذا رأئي :d

اكرم الله النعمه

شكرا لك ياخلفهم وفرصه سعيدة :bx:

إقتباس:

الرسالة الأصلية كتبت بواسطة RO7_ALHILAL (مشاركة 10799796)

هههههههههههههههههههههههههه
ياعسى الله يلبسها العافيه ويخليهـا لكم ويطـول بعمـرهاا :rose:

،،

اما بالنسبه لولدك ياكثر هالاشكاليات عندنا ، بس كلها فتـره وهو يقوولك يبـه جب لنا خروف على كبره :laugh:
وان كانه يحب اكل المطاعم ، عطه من المطاعم ولا خلص اكل قله شفت هذا لحم وطعمه حيلوو :naughty:
وعسى ربي يصخرهـ لك ويخليه يآكل لحم :ap:

وبالنسبه للشعارات >> للزين عنوان :laugh:

فتك بالعافيه :smilie47: :rose:

الله يجزاك خير على هاالدعوه اخوي .. :rose:

عاد انا اللى بركض أجيب خروف له لاقالي ؟؟ تش مير :bx: ومرات اغشه بقطعة لحيمة .. مرات تمشي .. ومرات ( الغالب ) يكفشني ويطلع اللقمة .. ويزعل بعد > كنه يقول ليش تخدعني :no:

للزين عنوان ... بارك الله فيك s13s وتراني مدري هو انت ولد وإلا بنيه >>> منيب أشوف بالليل :bigeek:

إقتباس:

الرسالة الأصلية كتبت بواسطة fff (مشاركة 10800457)

هلا والله وغلا ابو طلال :smilie47:

والله ماينلام طلال باللي شافه احمد ربك وحالته وقفت على كذا .. :to:
انا اذكر مرة وانا صغير ما كنت اعرف ان اهلي سفاحين .. :bigeek:
طبعا كانوا اذا ودهم يضحون كرشوني جوه البيت وبعدين يسمون .. :d
ولما اسالهم عن الاضحية يقولون وديناها عند الجيران .. :razz:
مرة من المرات ابوي جاني وقال لي ياوليدي انت صرت كبير ولازم تعرف الحقيقة المرة :yes: تعال ابيك برى .. !!:bigeek:
وشوي الا وذاك الهرفي اللي يحبه قلبك جالسين يجرونه .. :ga:
ويوم اسدحوه وانا اطب عليه احسب الدعوة هواش .. :confusedw:
وشوي الا واشوف السكين يلمع و قلت الدعوة فيها قاتل ومقتول .. :bigeek:
ويوم بدوا ينحرونه وبدا الدم يسيل بدت معدتي تلعب وطلعت كل الاكل اللي اكلته قبل شهر .. :to:
وكرهت اهلي وكرهت العالم توني اعرف انهم وحوش مو اوادم .. :ap:
ابوي تحسف بعدها وتمنى انه ما قال لي تعال .. :no:
وقعدت تقريبا بعدها 3 سنين ما اكل لحم ولا احضر عزايم ..
وكنت اكره عيد الاضحى اكثر من الخرفان .. :d
بس لما كبرت شوي عرفت ان هذي سنة الحياة ويوم لك ويوم عليك مش كل يوم معاك .. :bx:
وسلمت بالامر الواقع وصرت الحين انا اذبح واسلخ واقطع > نصاب :razz:
ما يستفاد من القصة .. :laugh:
1 . عرفت حقيقة اهلي :smilie47: بعد ماكنت مغشوش فيهم .. :d
2 . طلو الله يخليه لك ويرزقك بره رح يتفهم الموضوع بعد مده ويعرف ان هذا شئ طبيعي .. :yes:
3 . لا تخلي البزارين يلعبون مع الخروف وفهمهم انه شئ متحوش علشان اذا شافوه ينذبح ما ينصدمون .. :d

على طاري امك الله يخليها لك مرة اهلي بيسافرون وانا بقعد لحالي بالبيت ..
طبعا امي :smilie47:كتبت لي كلام رومنسي :ga:على بطاقة وغلفتها ورزتها على الكومودينو بغرفة نومي ..
وسافرت وكنت كل يوم اكلمها ولا على بالى .. :d
وما انتبهت للبطاقة الا قبل ما يرجعون من السفر بيوم .. :to:
بعدها صار مالي وجه اكلم امي .. :no:
لو كلمتها وشكرتها بتقول بدري انت ووجهك .. !!
ولو ما كلمتها بتقول الشرهه مو عليك على اللي حسسك ان فيه شخص مهتم فيك ..:fi:
لكن توكلت على الله وكلمتها وقلت لها ان توني اشوف البطاقة والغلط منها لانها ما قالت لي قبل ما تسافر شين وقوي عين .. :bx:

اما الغلط فاذكر مرة كنت عازم واحد من اخوياي واخوانه وعيال عمه ..
ويوم قلطتهم على الاكل واحد من اخوانه ملقوف قال بزواجك ..
انا مع الربكة والحوسة نسيت ردها ابي احاول اتذكر مافي امل :to:
والمشكلة ذاك جالس يكررها يبي من الرد ..
وشوي طب خويي بالسالفة وقال ترى اخوي يقول بزواجك ..
قلت طيب اصبر شوي ابي اتذكر ردها .. :d
قال قول له وانت حاضر قلت وانت حاضر وتعال دور وجهي بعدها ..
حلفت اني ما اعزمه لو يجي من المريخ مو من الخرج .. :naughty:

احس اني طولت :to:
يعطيك العافية ابو طلال على هيك موضوع ,,:clapping:

[ fff للحياة عنوان ] :naughty:

عمي ... ( للحياة عنوان ) s13s انا منيب معلق واجد على تعليقك ..

بس ودي اشكرك على حضورك الجميل ..

وأدعي لك إن الله يسهل أمرك وينولك اللى في بالك ..

وكانه خير لك إن ربي يستجيب وكانه شر ان ربي يصرفك عنه ..

وش رايك فيني ؟:naughty: بس وش عندك بــ 1 / 3 / 2009 ؟؟

تذكرت جدتي مره قلت لها .. تكفين إدعيلي .. عندي موضوع وأتمنى يتم .. قالت أدعيلك الليل والنهار .. وإن شاء الله يسهل امرك .. يوم إلتفتت علي وقالت : وش عندك ؟ عسى يبي يجيك ( قروش ) ؟؟ سكت انا وماقلت شي .. قالت : هين تجحد عن .. انا سامعة انه يبي يجيك دراهم !! ههههههه
ياحليلهن هالحريم ودهن يعرفن كل شي :bx:

إقتباس:

الرسالة الأصلية كتبت بواسطة مـلـك الـغـربـة (مشاركة 10799871)

هلا أبو طلو :smilie47:

مالك داعي على هالحركة البايخة مع طلو :smilie47:

اخوي اصغر مني بثالث ثانوي الى يومك ماعمره قام معنا الصبح عيد الاضحى يذبح لانه وهو صغير شاف الوالد وعماني وهم يضحون وتعقد والى يومك العقدة :cry: << الكرف كله يوم العيد علي :cry:

يمكن طلو يتعقد من ذبح الضحايا او ذبح الذبايح بالبر ولا يصير قرم مثل ابوه :d

الله يخلي لك الوالدة ويخلي لي امي :smilie47: وابوي :smilie47: واخواني :smilie47: واختي الصغيرة :smilie47: وكل من احب :smilie47: :d

وعن الجملة المرادفة لـ يزوري : [ مـلـك الـغـربـة فـي رحـلـة الـغـربـة ] :naughty: :d

مافيه [ برايفت ]؟؟ :d

بالمهلى .. حياك ياكابتن ( ـه )

ماباليد حيلة .. احسبة شنب مثل أبوه طلع على خواله :razz:

أخوك شاف الوالد ومعه عماني ؟؟ من دولة عمان يعني ؟:razz: >>> ياسخفي :razz:

حياك وأسعدني حضورك ومرورك s13s

إقتباس:

الرسالة الأصلية كتبت بواسطة السمسار الهلالــي (مشاركة 10800644)

هلا بـ ابو طلال

الله يخلي لك امك ويبارك لك في ابنك

:smilie47:

..

* الاطفال دائما يتاثرون باي شي , ولد عمي عمره 7 سنين متاثر في ابوة
انه اقوى واحد ياشيخ :d , لان ابوة عسكري ,!

وكذا مرة يجي باللبس الرسمي والمسدس في حزامة :d ,,!

ومن ازعاج الابن لـ والدة , شرى له لبس عسكري ,’ والعابه دايم تكون حربية :d

,

اعذرني ع المرور الخطافي يالطيب :rose:

.
.

السمسار الهلالي

ان طاب ابوزيد الهلالي, جرح ابن غانم يطيب
:naughty::smilie47:

ان طاب ابوزيد الهلالي, جرح ابن غانم يطيب

متعوب عليه هالشعار :alzaeem:

وشاكر لك حضورك ومرورك يالغالي وإضافتك الجميلة ......

والف شكر على الدعوتين بالحلوتين ... ويخليلك ياكابتن

لاتحرمني تواجدك الدائم s13s

إقتباس:

الرسالة الأصلية كتبت بواسطة الـصـخـرة (مشاركة 10800903)

ابو طـــــــــلال

يامن تغلغلت كما الـ( كومفورت ) داخل نسيج مخيخاتنا لتضيف اليها نعومة الحرير + عبير الورد :rose:

انا بكل صراحة ما احب الردود الطويلة انطلاقا من القول المأثور ( مالكم بالطويلة ) :d

لذلك سوف اكتفي بشكرك... واحتمال مستقبلا اعزمك انت وولدك على لحم غنم :naughty:

حيالله تفاريس شبكة الزعيم s13s

انا ابي حقي ( ناشف ) وترى اللحمة غاليه

حياك الله يابو الكباتن .. يقولون انك بجدة حاضر المباراة ؟! شلون عرض اهداف الإتحاديه ؟!:naughty:

هلا ابو طلال ...s13s

إقتباس:

ولــــــــــــــــــــــــــــــــــدي ... البكر .. إللى أفتخر فيه عند العربان إستاثمت فيه .. بعيد الأضحى خليته يشوف الخروف وهو ينذبح ومن يومها مااكل لحمة !! وإذا عطيته بطرق تمويهيه ( يستفرغ ) اعزكم الله

ذكرتني باولد خالتي ! وهو صغير اخذه ابوه معه بالعيد وشاف الخرفان بعدها ما صار ياكل لحم ونفس حاله ولدك يستفرغ
والحين هو بالجامعه والى الان ما ياكل لحم:to:
ان شاء الله ما تطول هذي الحاله عند طلال :)

بعض ردود الشباب انهم ما يستحملون يشوفون خاروف ينذبح ..!! شي غريب او انا الي مدري وش ابي !!
تقريبا وانا بأولى او ثاني ابتدائي كل ضحيه اتكي عند ابوي والشعب الكريم الي معه اجلس اتفرج مدري وش المتعه بس ما كنت احس بشي الوضع عادي جدا .. حتى وهم يصلخون اذكر كنت اكل الكبده نيه .. حسيت نفسي سفاحه :d
طبعا هذا من زمان ذا الحكي بس الحين اتوقع بيصير العكس شكلي بصير زي طلال :razz:

مره وحده رايحه لعزا بدال ما تقول عظم الله اجرك قالت كل عام وانتي بخير .. الحرمه الي تعزيها قلبت من صياح لضحك

شعاري منيره قلب خالد :rose::smilie47:

:d

اهلين ابو طلال , اجل انا صالح الداود :laugh: وما لقيت الا هذا :d
ماشي الحال , نمشيها هالمرة عشان طلال :yes:

موضوع جميل كصاحبه .

لك تحياتي ,,

إقتباس:

الرسالة الأصلية كتبت بواسطة عاشق الموهوب 10 (مشاركة 10800947)

هلا والله أبو طلال:rose: ..

بسالفت ولدك طلال ذكرتني يوم انا صغير .. لما يجوون بيذبحون الأضحيه أحط يدي على عيني عشان ما أشووف شلال الدم اللي بيصير :d ..

و الله يسامحك مالك داعي تجرح ولدك:no: .. ياخي الأطفال قلوبهم رهيفه مو مثلنـا:razz:.. لكن ان شاء الله مع الوقت راح ينسى .. و أنت حببه فيها بطريقتك ..

الله يخليك لأميمتك ويخليها لك ..
بالنسبه لي اذا كانت فيه مباره مهمه .. فتصير حالت استنفار بالبيت .. كل البيت يعرف ان اليوم في مباره لا أحد يقول ودي أو جيب .. وإذا فاز فريقي وناسه وفله واذا خسر محد يكلمني بذاك اليوم ..

أبو طــلال:smilie47: ..
لا تحرمنآآ من مواضيعك .. أنا بصراحة أستمتع وأنا أقراها ..
تقبل مروري ..

هلابك يابطل ..

اما الطقوس اللى أمارسها في كل ليله يلعب فيها الزعيم ( قبل الحدث ) وبعد الحدث .. تنتهي بعد صافرة الحكم .. بس هالتحاليل هاليومين صايرة اكثر حماس من المباراة نفسها ... :naughty:

شكرا ياكابتن .. وسعيد بتواجدك وحضورك ... وأكثر متعة بمشاهدة يوزرك فلا تحرمنا منه

==========

إقتباس:

الرسالة الأصلية كتبت بواسطة حمد الاحبابي (مشاركة 10801626)

مرحبا الساع

ولدي سلوم شاف عمة يذبح ذبيحة في السيح ((البر))

ومن يومها يتخبل اذا شاف السكين وعلى طول يشلها ويطلق التهديد في كل الاتجهات !!!

وزودها شوي مع الشطة اذا شافني اقرب لصحن قال ياددة((جدة)) بابة ياكل فلفل
ومعاد يقربني عند ضرب الخمس

لن بصراحة امة عطتة مرة ملعقة فلفل لنة جاب مصطلح مب حلو؟ ومن يومها الاموار طيبة

((ومع مجلس الهلال انت في قلب الحقيقة))

هلا ابو قحط .. يالله حيّه ..

ماسك علينا ( الشيبة ) .. و أخرتها يطلع عندك ( سلوم ) الله يخليه لك قل آمين ويطلع أبرك من أبوه ..

شكل سلوم القعدة يالشايب .. إظهر وبان .. عليك الأمان ..

انا اقول هالشخص ( شايب ) من ردوده وحاس انك طاق الأربعين بالراحة ..

ياترى كم واحد معرس وعنده عيال ومتنكر بيوزر عزّابي ( فرفوور ) :bx:
الله يخليلك سلوم .. وعساه يبر فيك .. على طاري الفلفل .. فيه فلفل ( صغير ) وحااااااااااااار بقوه ولونه أحمر ( ترى شكله يشبة الفراولة ) المسكين مره عطيتها ولدي وقالي وشو هذا بابا .. قلت فراولة .. يوم أكلها :to: وانا ماتوقعت انه يثق فيني لهالدرجة العمياء :ap: وبصراحة صار شكلي بايخ .. شلون أكذب عليه .. عاد سويت نفسي ماادري انها فلفل وني فعلا توقعت انها فراولة .. ووديته للملاهي ذيك الليله وانتهت السالفة على خير .. بس للحين مانساها .. وشكله يبي يردها لي .. بس مسالة وقت لاأكثر :naughty:

تحية يالإحبابي ... وشكرا لحضورك يالشايب s13s

=========

إقتباس:

الرسالة الأصلية كتبت بواسطة htlr 20 (مشاركة 10801834)

الله يحفظ لك امك ويمدها بالعمر والطاعة

يقولك لكل فعل ردة فعل

ويوم جرتك امك على خشتك .... قررت انك ترجع كرامتك وترد الصاع صاعين :d

ياما انسحبنا وطاحت وجيهنا ---- ][انا اعطيك مثال][
........................

مرتن من المرات استيقظت في الصباح الباكر المزهر الممتلئ بقرف المدارس

لاذهب لما تسمى ببيتي الثاني .

يوم وصلت المدرسه وخشيت داخل ورحت لم الفصل وبالتحديد الى طاولتي الممتلئه بالعلك والزعفران الجميل

ردهت طاولةً فاضيتاً لا عليها انسان ... [ ردهت بمعني شفت وفي روايه لاحظت ]

فقشيت اغراضي ورحت لم الطاوله ــ وجاك واحد يقولي صاحب المكان غايب وانا استاذنت منه اجلس بمكانه

وانا اللي آلقف خشته تبويس اقوله تكفى ابي اجلس في ذا المكان مرتاح هنا ][ بدوي طاح في تمره ][ :d

ومحاولات يمين يسار فوق تحت واسبح <--- تعمقت شوي :d

واخر شي قالي اصلن نا ما ودي اجلس في ذا المكان بس كنت ابي استهبل عليك

وهذي كانت قصتي مع الطاوله { ان شاء الله راح تلاقيها في جرير }

لو يتعين اوباما رئيس وتنسحب اسرائيل وتصير فطيس ما راح تلاقي مثل htlr 20 ونيس :d
.......

اسف على الاطالة

هذا ما لدي

تقبل مروري

htlr 20

الله يجزاك الجنة يالغالي وشكرا على الدعوة الحلوه .. ويخليلك غاليك ..

شاكر لك حضورك الجميل وإضافتك الممتعة :d

بس هالشعار فيه لغة التحدي ظاهرة بشكل كبير .. وش يقرب لك سبايدر مان ؟:naughty:

لو يتعين اوباما رئيس وتنسحب اسرائيل وتصير فطيس ما راح تلاقي مثل htlr 20 ونيس

والله قوي :clapping:

=========

إقتباس:

الرسالة الأصلية كتبت بواسطة أبو لارا@ (مشاركة 10802211)

هلا بك أبو طلال :rose::rose:
الله يحفظ أمك .. ويطول الله بعمرها .. ويعطيها الصحة والعافية
أما بالنسبة لولدك حرررررام عليك لاتعقده تراه صغير.. ودلوع
ولاتذبح البقرة :dعفوا الخررررف :yes:عنده
أواشتر له خرررروف ثاني وخله عنده ولاتذبح عساه يرجع ياكل لحم
وإن شاء الله ولدك يكون من الصالحين بإذن الله

الله يقطع بليسه صدقـــ ما يستحي هذا الولد:bx::bx::bx:

أبوطلال ...أنت أقرب للحققية >>> صرت قناة العربية وأنا ما أدري:d
عندك برنامج بانوراما.. أو صناعة السيلكون :d
عفوا صناعة الموت :yes: أو آخر ساعة :d :d
أما على سالفة الغلط في الكلام فأذا عصبت أنواع الغلط الذي يطلع مني
ما أعرف كيف أرتب الكلام :bx::bx:
..
ألف شكر لموضوعك الرائع يا خييو أبوطلال

هلا ومسهلا ابو لارا ...

حياك وبيّااااك وشكرا على الدعوتين يالغالي والله يتقبل

أبو لارا .... عندما يعشق اليوزر :naughty:

شكرا لك :rose:

هههههههههههههههههههههههههههههههههههه

ياخي انت فاقد والله العظيم فيك شي .. يانك مسوي حادث ايام المراهقه وانقلب عقلك او انك منسم :bx::d مع انك دايم اقرب للحقيقه علمنا عقلك وشفيه :smilie47::d

ياخي وش اسوي فيك تكفى يااخوي الصغير :naughty:

بالنسبه لسالفه ولدك الله يخليكم لبعض .. تصير واجد عند العربان الصغار :d

هههههههههههههههه سالفه امك الله يخليها لك ويطول بعمرها ويرزقها الصحه والعافيه

شي :d

ورى ما تصير رجل مثل الكلب هههههههههههههه يقصد بوش يمكن :d

مبدع والله يحفظك لنا ولاهلك :smilie47:

ممكن تتقبل مروري :rose::smilie47:

إقتباس:

الرسالة الأصلية كتبت بواسطة sowaid (مشاركة 10802772)

هلا ابو طلال
عسا الله يخليلك امك وولدك
ومشكور على الطرح الراائع
لاعدمناكـ

هلابك اخوي .. الله يجزاك خير

شكرا يالغالي على دعواتك وحضورك ولاتحرمنا منه :rose:

=========

إقتباس:

الرسالة الأصلية كتبت بواسطة هلالي من ارض اليمن (مشاركة 10805420)

^
^
^

حقيقة يا ابو طلال ان الشياب ليس " بعضهم " ولكن اعتقد انهم يتجاوزون " عبارة البعض " الى الكثير :naughty:

اعرف اثنين شياب يجيدون نظم الشعر من اولئك الاوائل من عصر المتنبي وابو نواس اذا سمعت نظمهم للشعر في مجلس فحتما يجب ان تغلق اذنك أحتراما لحضور الشياب من اهلك :d

خطيرين هؤلاء القدماء :d

حزنت على طلال بارك الله فيه .. الولد من منظمة الرفق بالخراف ولكنك احبطت انتمائه التنظيمي في مهده :cry:

الله يحفظك لك الوالده ويمدها بالصحة والعافيه

ودائما مع ابو طلال لن تستطيع التوقف عن القراءة ،،،

يعطيك الف عافيه اخي الحبيب :smilie47:

شكلك تقصدني طرًوووقي :naughty: >> وهالوجة الدليل

بس تمون .. تخبر انت وهالخنجر اللى معك الواحد مايقدر يقول شي .. أخاف يطلع ومايدخل إلا بدم .:bigeek:.

يطولي بعمرك طارق حضورك يسعدني دائما .. دائما .. دائما .. لاتحرمني منه يابو سته :smilie47:

==========

إقتباس:

الرسالة الأصلية كتبت بواسطة I don‘t know (مشاركة 10805886)

هلا ابوطلال:smilie47:

الله حيووه:clapping:

الله يحفظ لك امك والله يلبسها لباس العافية بإذن الله...

طلال مصيره بيتعود ان شاء الله والله يخليه لك...:yes:

اما سالفة الإرتباكات هذي يبيلها كتاب كامل وبأجزاء لأخوي مايعرف يركب كلمتين على بعض من زود العجلة والحرارة:d

اخوي في ذات مرة ومنذو مبطي ايام ماكان صغير كان عنده بزر ويقعد يبي يضحك البزر ويقول له:اغووه:bx:
المهم الرجال وهو في محاولات لإضحاك ذلك البزر >>ياخوي مصختها تراك:d
دق التلفون >>عاد تعرفون كيف يتحمس الصغير للتلفون المهم دقت خالتي ورد عليها بيقول لها:الو ...قال لها:اغووه:d:d

وفي ذات مرة من المراريت:razz: كان اخوي طالع هو وولد خالي وهم طالعين حسوا بالجوع وقالوا نبي لنا مطعم المهم قرروا انهم يتعشون بأحد المطاعم وبينما هم ذاهبين لذلك المطعم وبكل شوق وحماس ذاهبين>>شوق وحماس كلمتين لايمكن ان يجتمعن في جملة:d:d:d

المهم تعرفون الواحد لازم يهايط ووده انه يهشي خويه المهم قال ولد خالي ولزم على اخوي قال والله ماتدفع وكل واحد يقول للثاني والله ماتدفع المهم قال اخوي رضخ للأمر الواقع:d المهم يوم جاء ولد خالي للهندي بيحاسبه وبينما هو بثقة بيعطيه الفلوس >>او بحسرة ان فلوسه قليلة:bx:

ماحصل الا ريال:laugh::laugh: وثم ممدري وش صار لكن مايبيلها اكيد اخوي دفع:d

.
.
مع i don't know مش حتقدر تفتح عينيك على موضوع ثاني:d

مرحبتين يالذيب ... إستمعتنا بتعليقك والقصص الجميلة اللى فيها ..

شاكر لك تواجدك وحضور ك .. لاتحرمنا منه

وجزاك الله خير على دعواتك .. وربي يسعدك ويحفظك s13s

=========

إقتباس:

الرسالة الأصلية كتبت بواسطة وردة الهلال (مشاركة 10807430)

خخخخخخخخخخخخخخخخخخخخخخخخخخخ

مآآشآآء الله .. موضوع من العيآر الثقيل:smilie47::d

وزعت الموضوع ترا :d لليم عي ماسنجر يقرونه:smilie47:

يستحق صرآحه:rose:

اما طلول صرآحه رحمته بقووووووووووووووووووووووه

انا وانا كبيرة!! ما اشوف والسبب لما الذبيحه تتحرك من حرة الروح:cry: ويطشر ذاك الدم ويسيح:cry:

ماحب اشوفهم يذبحونها.

على طآريه ذيك السنه قبل عيد الاضحى جايبين اضاحيهم. الخرفآن مدلعين مايآكلون إلا ربيع:d

وجآوآ عند قرآوه :dمستانسين عليهم:dنعطيهم خبز:d

المسكين انحمر بطنه:d مااش ماقدرت معدته تهظم الخبز ومالسكين يشرب مويه كثير من كثرة ماتحمل
الي ببطنه

قام انعزل بزاويه وجلس:d وماغير متسدح:d

المهم الزبده ان الخبز هو ماتحمله وحنا كل يوم خبز له:d

الخروف بيدوع! وش السوآت؟

قالوا نذبحه خلاص وش نسوي وهو باقي على العيد كم يوم:razz:

ويجي ذاك اليوم.واسمع .صوت قوي بتكسير العظم!:d

المهم نزلت وش السالفه يا امي! ذبحوا الخروف.

ومالقوا إلا يذبحونه تحت غرفتي!! ويسلخونه ويكسرون فيه تحت غرفتي!!

المهم امي طبخت اللحمه.تعرفون شلون منقلبه سودا؟:d <من الخبز خخخخخخخخخخخخخ

ماحد مد يده. وانا كل من جيت بآكل.تذكرت صوت الدج بالعظم وابطل:cry:

الزبدة. خذت امي اللحم حقه. وعطته نآس

رفضنا نآكله كلنا.:ap::d

اما الكلمات.. كنا نتكلم ومندمجين..

المهم نتكلم عن الحواجب:d

شوي نطيت لختي وقلت لها ماني مشقره حواجزك؟:d

وليومك ماسكينها علي:d

الثآنيه..

قلت لأختي ذكريني انزل الكسآسآت و [ أصفطـهم ] :d

المهم انا ما انتبهت إلا إلي تسدحوآ ضحك:d وانا للحين مافهمت:d

قلت شفيكم؟:dقآلوآ عيدي الكلمة:d

واعيدها .ذكروني أنزل الكآسآت وأصفطهم:d ويتسدحون مره 2 خخخخخخخخخخخخ:d

ويوم عدتها فهمت :d

المشكلة عدتها بالغلط نفسه:d

تشكرآآت بو طلآل:rose:

تعليقك أكبر ثقل من موضوعي المتواضع .. لاعاد تبطين عنا s13s

شاكر لك حضورك وتواجدك وقصصصك الجميلة ...

وهالموضوع مايحلى إلا بتواجد الأعضاء الرائعين أمثالك أختي

انا بعلق على خرفان هالوقت ... خروف هاليومين بسكين ( خضرة ) يموت ولايتحرك ويقاوم ...

خرفااان اول ياجماعه فيهن نشاط .. تلقى إثنين ماسكين الرجلين وإثنين الإيدين .. وثلاثه فوق بطنه .. وإذا ذبحته وقطعت الرقبة .. يقوم وفيه نشاط ويركض بالحوش والسكين في رقبته !! حتى مرات يطلق السكين ويهدد الأطفال >> لاعاد قوية ذي :razz:

الله يعطيك العافيه اختي ويسعدك يارب .. حضورك جدا جميل

بس ترى ماقلتي وش شعارك ؟

اتوقع شعارك بيكون ( وردة الهلال .. عصر من التميز ):laugh:

============

إقتباس:

الرسالة الأصلية كتبت بواسطة رنـــــد (مشاركة 10808032)

اهلن اهلن ابو طلوو الله حيووه ابو المصداقيه :laugh:

مسه بالخير جميعـآ :to:

طلال الله يصبره ومصيره بيكبر ويعرف الحقيقه:yes:

وامك الله يخليها لك ويلبسها لباس الصحه فديتـ ـها:smilie47::rose:

رنــد ((حيث كانت الطله البهيه )) :naughty: مهاااايط :d

يسلموو ع هييك موضوع :rose:

سي يا

هلابك اخيتي رند ...

مسيك بالنور والسرور .. وعسى الله يوفقك في الإختبارات وينجحك وتطلعين عاد من هالرابعه إبتدائي :ap:

والله يسعدك ويجزاك خير على الدعوتين الحلوه ..

مهايط ههههههههههه حيث الطله البهيه .. :clapping:

إقتباس:

الرسالة الأصلية كتبت بواسطة الهنوووف (مشاركة 10814712)

وعليكم السلام ورحمه الله

اهلين ابوطلال

ياعميري استاثمت بذا الضعيف :d
بس يستاهل ههههههههه قول له لاتسألوا عن أشياء إن تبدَ لكم تسؤكم :d

انا كنت اكل سمك عادي بس من شفته مرهـ وانا باديتن اكرهه :d
واكله بس لامدته لي امي او ابوي علشان ماكسفهموش:d:smilie47:

الله يخلي لك الوالدهـ احلى شي مقالب الاهل :smilie47: ماننحرمش

قفلتي
موضحه بردودي عاد :d
الهنوووف كانت هنا ورحلت :ga::smilie47:

وان بغيت غيرها بس فيها غرور :bx:

في سطور المجلس بسجل حضوري=هنوووف الرياض بالزين مكتوبي .
..في سطور الزعيم بسجل حضوري=هنوووف المجلس بالزين مكتوبي:d
في سطور موضوعك بسجل حضوري=هنوززف الزعيم بالزين مكتوبي

اختار الاجابه الصحيحه :d
:bx: تصدق اعجبتني شكلي بعتمدها :d
بس نغير بالزين علشان لانتهم بالغرور :ap:
وعسانا نسلم

\
:smilie47:
/
عوافي ابو طلوو :d
الله يوسع صدرك بالرضا والعافيه s13s

الهنوووف

كانت

هنا

ورحلت

إقتباس:

في سطور موضوعك بسجل حضوري=هنوززف الزعيم بالزين مكتوبي

8
8
8
8
هنوززف >> هذا مااقصده في موضوعي مثل هالخرابيط :ap:

الهنوف .. شكلك مشيكة على الإملاء ألف مره بس ربي كاتب انك تخطين .. هنووززف >> لا ومدلعة نفسها بعد :bx: احس ان سنونك اللى قدام طايحة على هالكلمة :laugh:

قلت شعار .. بسيط .. مهوب قصيدة كاملة >> ياهالفراشه اللى لاتقبل إلا بالكثير :bx:

ماشاء الله عليك يالهنوف .. امك وابوك يمدون لك الأكل !؟؟ ياألللللللللللله .. هالحركة أحسبها بس بالمسلسلات انا مااذكر مدة يد إلا والقصد منه ( كف ) او ( قبصة ) وانتي يمدون لك الأكل يوكلونك !!:bigeek:

شكرا لك ولحضورك اختي

=========

إقتباس:

الرسالة الأصلية كتبت بواسطة سوليدره (مشاركة 10814863)

,,,

مرحـبا

وش رأيك برجال سمعت فيه ما يقدر يشوف الخروف وهو ينذبح :d لا ويبكي بعد لا شاف الدم و الخ الخ :d

عط طلول حبة شوكلاه و بيأكل :d أعتقد أنه بيأكل ترى مب متأكدة ..

والله يخلي لك ولدك وأمك يارب

( حيثُ كان الجمــال ) :d:d:d

<<< احد عنده مانع ! :razz:

إقتباس:

حيثُ كان الجمــال )

<<< احد عنده مانع

ميزه المنتديات والنت إن اي واحد يقول اللى يبي وماحد يقدر يمنعه ولا يكذبة :naughty: وإذا انتي كان الجمال .. انا منبع الجمال >> اتحدى احد يثبت العكس :bx:

حيااك الله اختي .. ربي يسعدك على حضورك ومرورك الجميل s13s

مـــــــرحبا

اولا مبروك الصداره ولوا نهـــــــا بالأهداف بس ولو شي احن من لاشيئ

بالنسبه لــــطلال الله يلوم الي يلومـــــــــــه بصراحه منظر الذبح والدم

يخوف ويقلب التسبد :no:

و امــك كانت بتختبر مـــدى برك بها حــتى في اصعب المواقف :bx:

وانت ماشاء الله ماعندك وقت على طول رديت الدين

مع فديت السعودية حتما ستجد الفائدة :razz::ap:

دمــــــــت كما تـــــــــــحب :rose:

إقتباس:

الرسالة الأصلية كتبت بواسطة عاشق المستحيل (مشاركة 10826875)

والله يابو طلال ماعتقد طلال بياكل مره ثانيه :naughty:

انا عندي الحكومه واخواتها ماياكلون نهائي بسبب انه ذبح خروف قدامهم بالعيد ومن يومها

اعلنوا المقاطعه :d

بس بيني وبينك بخربها جايب ذبيحه جايب :naughty:

والي ماياكل بكيفه:naughty:

<<حس انه قوي

ومشكور اخوي على الموضوع

ماعندي اضافات الاخوان ماقصروا

واعلم اني من المتابعين لك وان كنت قليل المشاركات

تحياتي لك,,,:smilie47:

ماشاء الله عليك .. ماحد ياكل غيرك اللحم .. اجل بنات المذن صاحبات الكلمة الأقوى والحس الأعلى في بيتكم :laugh:

الدجاج والله لو اقعد عشر سنين ماسألت عنه .. اللحم مدري منهو المهبول اللى ماياكلة :naughty:

وسعيد بتواجدك وأشترف بالمتابعة ولاتحرمني حضورك يالغالي s13s

إقتباس:

الرسالة الأصلية كتبت بواسطة أبو ميار (مشاركة 10829394)

أبو طلال أبعطيك الزبدة بالموضوع :

أبو ميار ... حيث المغامرة :D

أبو ميااار ... حيث المهايطة :bx: >> مناسبة اكثر لو لاا :naughty: