نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/index.php)
-   منتدى المجلس العام (http://vb.alhilal.com/forumdisplay.php?f=1)
-   -   مع ابو طلال .... أنت أقرب إلى الحقيقة (http://vb.alhilal.com/showthread.php?t=703018)

عاشق الموهوب 10 22/01/2009 08:50 PM

هلا والله أبو طلال:rose: ..

بسالفت ولدك طلال ذكرتني يوم انا صغير .. لما يجوون بيذبحون الأضحيه أحط يدي على عيني عشان ما أشووف شلال الدم اللي بيصير :d ..

و الله يسامحك مالك داعي تجرح ولدك:no: .. ياخي الأطفال قلوبهم رهيفه مو مثلنـا:razz:.. لكن ان شاء الله مع الوقت راح ينسى .. و أنت حببه فيها بطريقتك ..

الله يخليك لأميمتك ويخليها لك ..
بالنسبه لي اذا كانت فيه مباره مهمه .. فتصير حالت استنفار بالبيت .. كل البيت يعرف ان اليوم في مباره لا أحد يقول ودي أو جيب .. وإذا فاز فريقي وناسه وفله واذا خسر محد يكلمني بذاك اليوم ..

أبو طــلال:smilie47: ..
لا تحرمنآآ من مواضيعك .. أنا بصراحة أستمتع وأنا أقراها ..
تقبل مروري ..

حمد الاحبابي 22/01/2009 10:00 PM

مرحبا الساع


ولدي سلوم شاف عمة يذبح ذبيحة في السيح ((البر))

ومن يومها يتخبل اذا شاف السكين وعلى طول يشلها ويطلق التهديد في كل الاتجهات !!!


وزودها شوي مع الشطة اذا شافني اقرب لصحن قال ياددة((جدة)) بابة ياكل فلفل
ومعاد يقربني عند ضرب الخمس


لن بصراحة امة عطتة مرة ملعقة فلفل لنة جاب مصطلح مب حلو؟ ومن يومها الاموار طيبة




((ومع مجلس الهلال انت في قلب الحقيقة))

htlr 20 22/01/2009 10:21 PM

الله يحفظ لك امك ويمدها بالعمر والطاعة

يقولك لكل فعل ردة فعل

ويوم جرتك امك على خشتك .... قررت انك ترجع كرامتك وترد الصاع صاعين :d

ياما انسحبنا وطاحت وجيهنا ---- ][انا اعطيك مثال][
........................
مرتن من المرات استيقظت في الصباح الباكر المزهر الممتلئ بقرف المدارس

لاذهب لما تسمى ببيتي الثاني .

يوم وصلت المدرسه وخشيت داخل ورحت لم الفصل وبالتحديد الى طاولتي الممتلئه بالعلك والزعفران الجميل

ردهت طاولةً فاضيتاً لا عليها انسان ... [ ردهت بمعني شفت وفي روايه لاحظت ]

فقشيت اغراضي ورحت لم الطاوله ــ وجاك واحد يقولي صاحب المكان غايب وانا استاذنت منه اجلس بمكانه

وانا اللي آلقف خشته تبويس اقوله تكفى ابي اجلس في ذا المكان مرتاح هنا ][ بدوي طاح في تمره ][ :d

ومحاولات يمين يسار فوق تحت واسبح <--- تعمقت شوي :d

واخر شي قالي اصلن نا ما ودي اجلس في ذا المكان بس كنت ابي استهبل عليك

وهذي كانت قصتي مع الطاوله { ان شاء الله راح تلاقيها في جرير }


لو يتعين اوباما رئيس وتنسحب اسرائيل وتصير فطيس ما راح تلاقي مثل htlr 20 ونيس :d
.......

اسف على الاطالة

هذا ما لدي

تقبل مروري

htlr 20

" أَبُو لارا " 22/01/2009 10:55 PM

هلا بك أبو طلال :rose::rose:
الله يحفظ أمك .. ويطول الله بعمرها .. ويعطيها الصحة والعافية
أما بالنسبة لولدك حرررررام عليك لاتعقده تراه صغير.. ودلوع
ولاتذبح البقرة :dعفوا الخررررف :yes:عنده
أواشتر له خرررروف ثاني وخله عنده ولاتذبح عساه يرجع ياكل لحم
وإن شاء الله ولدك يكون من الصالحين بإذن الله
إقتباس:

*عندنا موظف يبي يقول لمريضة ( ماسمعتي إسمك ) قالها ( ماعرفتيني ) :ap:



الله يقطع بليسه صدقـــ ما يستحي هذا الولد:bx::bx::bx:
أبوطلال ...أنت أقرب للحققية >>> صرت قناة العربية وأنا ما أدري:d
عندك برنامج بانوراما.. أو صناعة السيلكون :d
عفوا صناعة الموت :yes: أو آخر ساعة :d :d
أما على سالفة الغلط في الكلام فأذا عصبت أنواع الغلط الذي يطلع مني
ما أعرف كيف أرتب الكلام :bx::bx:
..
ألف شكر لموضوعك الرائع يا خييو أبوطلال

sowaid 22/01/2009 11:50 PM

هلا ابو طلال
عسا الله يخليلك امك وولدك
ومشكور على الطرح الراائع
لاعدمناكـ

ابو طـــــلال 23/01/2009 12:37 AM

إقتباس:

الرسالة الأصلية كتبت بواسطة مواصل من عام 1413هـ (مشاركة 10799094)
هلا بعمي
بصلي وراجع لك...........................
-----------------
موضوعك يا أبوطلال ما مسكت له راس :d
كل ما قريت سطرين - تشطح بموضوع ثاني بثالث سطر
دام الدعوة وناسه خلني أعلمك بسوالف صايره:
*خالي الله يسلمك ماسك علي سالفه وأنا صغير وللحين يتريق علي:
مره إتصل على بيتنا وأنا اللي رديت عليه :
بعد ما سلم ، قال لي : مسّه بالخير
أنا سكت ما عرفت وش أرد ( توني بزر ) :d
ويكررها ومصمم أرد عليه ( مسّه بالخير )
وأنا على صمتي :d
بعد أجزاء من الثواني خربها ، وقالي : لعنبوك رد :d
---------------
*هذا اللي يسلمك فيه واحد موذي بقرية
ما خلى أحد بحاله ، وتأذوا منه الناس
بعد فتره دخل واحد على شياب بمجلسهم وعلمهم إن ( الموذي ) مات
قال واحدٍ من الشياب : الله يبشرك بالخير ( جعله بجهنم ) :d
قال الشايب الثاني : هذا كفو يدخل جهنم !!!.
جهنم فيها أبوجهل وصناديد قريش ، هو كفو يصف معهم :d
إستغفر الله العظيم ( فيه شياب منتهين ) :d


------------------
أشوف رائده الزعيم محضره معي ، البنت هذي غطت على الهنوووف بالردود الطويله :d


هلا خالي ,,,, حيّووه
وين شعارك .. شف وش كاتب القيصر الرهيب في آخر تعليقه :bx: هذا المقصود .. :laugh: والله بطل القيصر .. يعجبني اللى يفهمها وهي طايرة :bx:

انا بعطيك شعار من عندي .. مواصل من عام 1413 .. للحقيقة ثمن :yes:

اما سالفة هالشيبان ..!! منتهين .. ترى قد سمعت مثل هالكلام بمجالس عندنا .. وأشد .. ترى بعض الشيبان أكثر مراهقة وصياعة من المراهقين أنفسهم .. :razz:

حياك ابو عابد .. s13s

هلالي من ارض اليمن 23/01/2009 02:54 AM

^
^
^

حقيقة يا ابو طلال ان الشياب ليس " بعضهم " ولكن اعتقد انهم يتجاوزون " عبارة البعض " الى الكثير :naughty:

اعرف اثنين شياب يجيدون نظم الشعر من اولئك الاوائل من عصر المتنبي وابو نواس اذا سمعت نظمهم للشعر في مجلس فحتما يجب ان تغلق اذنك أحتراما لحضور الشياب من اهلك :d

خطيرين هؤلاء القدماء :d

حزنت على طلال بارك الله فيه .. الولد من منظمة الرفق بالخراف ولكنك احبطت انتمائه التنظيمي في مهده :cry:

الله يحفظك لك الوالده ويمدها بالصحة والعافيه

ودائما مع ابو طلال لن تستطيع التوقف عن القراءة ،،،

يعطيك الف عافيه اخي الحبيب :smilie47:

I don‘t know 23/01/2009 03:40 AM

هلا ابوطلال:smilie47:

الله حيووه:clapping:

الله يحفظ لك امك والله يلبسها لباس العافية بإذن الله...

طلال مصيره بيتعود ان شاء الله والله يخليه لك...:yes:

اما سالفة الإرتباكات هذي يبيلها كتاب كامل وبأجزاء لأخوي مايعرف يركب كلمتين على بعض من زود العجلة والحرارة:d

اخوي في ذات مرة ومنذو مبطي ايام ماكان صغير كان عنده بزر ويقعد يبي يضحك البزر ويقول له:اغووه:bx:
المهم الرجال وهو في محاولات لإضحاك ذلك البزر >>ياخوي مصختها تراك:d
دق التلفون >>عاد تعرفون كيف يتحمس الصغير للتلفون المهم دقت خالتي ورد عليها بيقول لها:الو ...قال لها:اغووه:d:d

وفي ذات مرة من المراريت:razz: كان اخوي طالع هو وولد خالي وهم طالعين حسوا بالجوع وقالوا نبي لنا مطعم المهم قرروا انهم يتعشون بأحد المطاعم وبينما هم ذاهبين لذلك المطعم وبكل شوق وحماس ذاهبين>>شوق وحماس كلمتين لايمكن ان يجتمعن في جملة:d:d:d

المهم تعرفون الواحد لازم يهايط ووده انه يهشي خويه المهم قال ولد خالي ولزم على اخوي قال والله ماتدفع وكل واحد يقول للثاني والله ماتدفع المهم قال اخوي رضخ للأمر الواقع:d المهم يوم جاء ولد خالي للهندي بيحاسبه وبينما هو بثقة بيعطيه الفلوس >>او بحسرة ان فلوسه قليلة:bx:

ماحصل الا ريال:laugh::laugh: وثم ممدري وش صار لكن مايبيلها اكيد اخوي دفع:d

.
.
مع i don't know مش حتقدر تفتح عينيك على موضوع ثاني:d

ابو طـــــلال 23/01/2009 04:15 AM

إقتباس:

الرسالة الأصلية كتبت بواسطة R D H (مشاركة 10799149)
:rose:







........................



عدنـا والعـود أحمـد ..


السلام عليكم ورحمة الله وبركاته ..



مسّكم بالخير جميعاً .. :razz::rose:




أتمنى تكون بخير .. :rose:


أعجبتني كثيراً القصه مع والدتكـ .. التي كانت تحت شعار ( اكسب موقف معي )


كثير من الأشخاص الله يهديهم بس .. يجون يطلبون منك طلبات بأوقات صعبه .. أو يطلبون منك شي يخصك وغالي عليك ..

الزبده أنت ماتكون لك خلق الحين .. وهو يدري أنه مالك خلق تسوي اللي يبيه منك ..

لكن يطلبه بقوة عين .. لأنه يبي يشوف ردة فعلك .. ويختبرك أنت شخصياً ..

وبالأصل هو مايبي شي .. بس بيكون احرجك لو رفضت .. أو بتكون كسبت موقف حلو معه لو وافقت وطلع مقلب ..



وكثيراً وقعت في مواقف محرجه .. حيث يقوم أحدهم بطلب شيء مني .. وأنا أرفض ..

ثم بعد ذلك يقول ../ ترا أمزح معك ما أبي إلا سلامتك .. :ga:

وقتها أحس بغبنه وقهر شديدين :no:.. أقول لنفسي ../ ليتني وافقت .. وكسبت موقف لصالحي ..



لذلك أصبحت لو أحد طلب مني شي غالي عندي .. أنا أوافق .. مو لأني فعلا موافق .. بل لأني أكون متوقع انه بس يبي يشوف ردة فعلي .. وغير كذا أكون عارف أنه مستحيل يكون متطفل وبجيح لهالدرجه لكي يتسلبط على شيء يخصني بهذه الجرأه ويأخذها ..

والحمدلله ربي أنقذني من أكثر من موقف هكذا ..


وترا فيه ناس تعشق أنها تحرج الناس على هذه الصوره .. والشخص إذا سوا معك هالحركه أكثر من مره .. أزبد له وقوله بقوة عين ../ لا منب معطيك .. :naughty:





ذكرتني بقصة ( صندوق البرتقان )

وهي قصه معروفه .. عن مجموعة شباب طلعوا برحله للبر ..

وكان معهم صندوق برتقال ..

وكان جاي معهم واحد لخمه . نظام يحوس أبو الجمله لا جا يتكلم ..

قعد يقولهم ../ ياشباب وين برتوق الصندقان ؟ :D

قالوا له ../ وش برتوق صندقان انت ووجهك ؟

قالهم ../ ياخي برتوق الصندقان وينه ؟

قالوله ../ ياخي وش تقول انت ؟

فجأه تنبه خويهم لغباءه .. وقال ../ أوووه ، قصدي صندوق البرتقان وينه ؟ هههههههههههههه :D




أو كالذي يقول لك يا أبو طلال .. فرصه سعيده .. أنت بترد عليه وبتقوله ../ أحنا الأسعد ..

أنا مره واحد قال لي عالجوال ../ فرصه طيبه .. رحت قلتله أحنا الأطيب ههههههههههههههه :D






من هنا وهناك ../ ( صور حياتيه خايسه :razz: لا يعني أنها حدثت لي :cry::d )



* لو بيوم من الأيام جا لك صديقك ، واستلف منك أي شي يخصك ، وقال لك برجعهم لك غداً قبل لا أسافر ، وأنت كنت حريص جدا أنه يرجعهم ووصيته مليون مره أنه ماينسى يرجعهم ، .. وفجأه اليوم التالي جاك اتصال منه يقول ../ أنا أسف ماقدرت ارجعهم لأني سافرت ..

هنا انتبه انتبه انتبه .. تنفجر بخويك وتقوله ../ تراني موصيك ترجعهم مليون مره ..

لا لا خلك ريلاكس .. وصدقني بأخر المكالمه بيقولك ../ أمزح معك ، أنزل يالله أنا تحت بيتكم أبعطيك غرضك :D






* لو كنت كاشخ بقلم جديد .. وجاك واحد تعرفه .. وقال لك ../ ورني القلم ..

أعطيه ياه بكل ثقه عادي .. ولو قعد يتفحصه ثم قالك ../ هديه مقبوله .. :bigeek:

خلك ريلاكس جداً .. وصدقني بـ نهاية المحادثه رح يعطيك ياه مره ثانيه ويقولك أمزح معك ..

ولو ما أعطاك ياه تعال وأنا أعطيك واحد جديد .. بس أهم شي لا تندفع بدلاخه وتقول ../ لا ياخي ترى توني شاريه :d.

أكسب موقف معه .. ولو انها مزح ..







* اللحمه سر الحياه :razz:، فاحرص أن تحبب بها أبناءك وأخوتك الصغار .. لا أن تجيب العيد اللي بعد العيد اللي ذبحتوا فيه الخروف ..

وتحاول تبرر ذلك .. بطريقه أرهابيه .. كذا الطفل مارح يقتنع باللي قلته ورح يعتبرها وحشيه غير مبرره ..

لذلك أوصل له المعلومه من ناحيه دينيه .. بأنها سنة مؤكده عن الرسول صلى الله عليه وسلم .. و على المسلمين القادرين أن يضحوا في عيد الأضحى ويعطوا الفقراء والمساكين ..


لكن مب تصورله في خياله فيلم أجنبي مرعب ..

أما بالنسبه لطلال يا أبا طلال .. فلا تقلق .. مصيره لما يكبر ياكلها ياكلها :d..






*

نفس الموقف حدث معي .. ومن خالي أيضا .. ( مشكلة لو كان خالك ماتمون عليه .. ويحرجك :d )

مره زمان قبل لا يسافر أخوي الكبير للدراسه .. كنت انا واقف وماسك شنطة اخوي ..

إلا ويجي خالي ويقول ../ ( مثل ما ودعت .. تلاقي ) .. << ( يعني زي ماودعت أخوك .. يارب تلاقيه )

أنا دايما أسمع هالجمله بالمسلسلات بس قهر ماتذكرت وش يردون عليها .. فقلت ../ اهااا :d

خالي وقتها فطس من الضحك علي :d

واللي يغبنك أنه ماقالي وش الرد الصح لها :d





//



بالنهايه .. لا يسعني إلا أن أشكرك أخي الكريم ..

وسعت صدورنا بسواليفك الله يحفظك .. ويخلي لك عيالك وأميمتك وكل أحبابك أن شاء الله ..


تقبل مروري المتواضع ..

لك :rose:

دمت بأجمل حال

إبراهيم


إبراهيم ... الله يسعدك على هالتعليق الحامي .. والسوالف الحلوه .. والنقاط المهمه .. والنصائح الاهم

تعليقك متعوب عليه .. قريته مرتين والثالثه ثابته :laugh:

بس لاتحلم اني اوافق على طلب أحد لمجرد اني اتوقعها ( مقلب ) .. إفرض الموضوع جد .. وش يفيدني التوقعات :razz:

مامثل قولة ( معصي ) على كل طلب .. وخل قلمك بمخباتك .. وحاجتك معك ..

طبعا إلا الجهات العليا مثل الوالدة .. والزوجة .:to:. اما الباقين قل معصي وانت تظحك :razz:

إبراهيم .. ماكلمت قرائة الموضوع أو انك طنشت .. .. وين شعارك اللى يناسب يوزرك ..

تبيني احطه عنك ..؟

خذ عندك .......... R D H مع قوة الدفع الرباعي :bx:


تحية لك يابطل .. وأسعدني حضورك وتواجدك s13s

ابو طـــــلال 23/01/2009 06:03 AM

إقتباس:

الرسالة الأصلية كتبت بواسطة المنفهق (مشاركة 10799179)
هلا ابوطلال وش الاخبار تصدق

توحشت خشتك بالزااااااااااااف

وسواليفك وحنا واقفين وتقطيع

بالخلق الله يتوب علينا

سلم لى على امك هى اللى تعرف لك اجل موعد اسنان

مع ان سنونك طقم بيالات نصها زنجبيل

وش اخبار التمر ديالك

توصى بشئ من ذيك الديرة اكيد عرفت وين انا

اللحين وابعطيك خيارات

1 السودان

2 كينيا

3 بوركينافاسو

4 المغرب :clapping::naughty:

يا الله يا الذيب ورنى شطارتك وتراى قلت كم كلمه ترمز للديرة اللى انا فيها اللحين


رايحن تسوي إشاعة لملك المغرب :naughty:

الإجابة ( البحرين ) صح ؟ :razz:

لارجعت علمني .. خلنا ناخذ علومك ياسيدي المنفهق ( واخا ؟):naughty:

وحاول تزر ع هالخط الصحراوي اللى فوق راسك ( فرصه ) :laugh:

ترجع بالسلامة يابعدي ... وشكرا لحضورك .. s13s

وردة الهلال 23/01/2009 07:39 AM

خخخخخخخخخخخخخخخخخخخخخخخخخخخ

مآآشآآء الله .. موضوع من العيآر الثقيل:smilie47::d


وزعت الموضوع ترا :d لليم عي ماسنجر يقرونه:smilie47:

يستحق صرآحه:rose:

اما طلول صرآحه رحمته بقووووووووووووووووووووووه

انا وانا كبيرة!! ما اشوف والسبب لما الذبيحه تتحرك من حرة الروح:cry: ويطشر ذاك الدم ويسيح:cry:

ماحب اشوفهم يذبحونها.

على طآريه ذيك السنه قبل عيد الاضحى جايبين اضاحيهم. الخرفآن مدلعين مايآكلون إلا ربيع:d

وجآوآ عند قرآوه :dمستانسين عليهم:dنعطيهم خبز:d

المسكين انحمر بطنه:d مااش ماقدرت معدته تهظم الخبز ومالسكين يشرب مويه كثير من كثرة ماتحمل
الي ببطنه

قام انعزل بزاويه وجلس:d وماغير متسدح:d

المهم الزبده ان الخبز هو ماتحمله وحنا كل يوم خبز له:d

الخروف بيدوع! وش السوآت؟

قالوا نذبحه خلاص وش نسوي وهو باقي على العيد كم يوم:razz:

ويجي ذاك اليوم.واسمع .صوت قوي بتكسير العظم!:d

المهم نزلت وش السالفه يا امي! ذبحوا الخروف.

ومالقوا إلا يذبحونه تحت غرفتي!! ويسلخونه ويكسرون فيه تحت غرفتي!!

المهم امي طبخت اللحمه.تعرفون شلون منقلبه سودا؟:d <من الخبز خخخخخخخخخخخخخ

ماحد مد يده. وانا كل من جيت بآكل.تذكرت صوت الدج بالعظم وابطل:cry:

الزبدة. خذت امي اللحم حقه. وعطته نآس

رفضنا نآكله كلنا.:ap::d


اما الكلمات.. كنا نتكلم ومندمجين..

المهم نتكلم عن الحواجب:d

شوي نطيت لختي وقلت لها ماني مشقره حواجزك؟:d

وليومك ماسكينها علي:d

الثآنيه..

قلت لأختي ذكريني انزل الكسآسآت و [ أصفطـهم ] :d

المهم انا ما انتبهت إلا إلي تسدحوآ ضحك:d وانا للحين مافهمت:d

قلت شفيكم؟:dقآلوآ عيدي الكلمة:d

واعيدها .ذكروني أنزل الكآسآت وأصفطهم:d ويتسدحون مره 2 خخخخخخخخخخخخ:d

ويوم عدتها فهمت :d

المشكلة عدتها بالغلط نفسه:d


تشكرآآت بو طلآل:rose:

رنـــــد 23/01/2009 10:34 AM

اهلن اهلن ابو طلوو الله حيووه ابو المصداقيه :laugh:


مسه بالخير جميعـآ :to:


طلال الله يصبره ومصيره بيكبر ويعرف الحقيقه:yes:


وامك الله يخليها لك ويلبسها لباس الصحه فديتـ ـها:smilie47::rose:


رنــد ((حيث كانت الطله البهيه ))
:naughty: مهاااايط :d


يسلموو ع هييك موضوع :rose:

سي يا

ابو طـــــلال 23/01/2009 05:26 PM

إقتباس:

الرسالة الأصلية كتبت بواسطة القيصر رهيب (مشاركة 10799188)
:D

الله يخلي لكـ أميمتكـ يا ليتهم مصورينكـ وأنت تنجر على خشمك :D

بالنسبة لولدك البكر والله حاس إن هالولد بيطلع مصري مدري ليه انتبه له بس

القيصر رهيب حتى ظله له مهآبه :naughty:

عليييييوووه ... الله يسعدك على هالتعليق .....:naughty:

فاهم وش ابي .. تصلحلي ....:clapping:

أجل القيصر الرهيب .. حتى ظله له مهآبه >>>>>>> والله قوي :d ولوك شركة إتصال لااخذ من عندك شريحة علطول بعد هالشعار :bx:

القيصر الرهيب .. حياة أسهل :naughty:

حياك يابطل ... ولاتحرمنا تواجدك وحضورك الجميل

الهنوووف 23/01/2009 07:43 PM



وعليكم السلام ورحمه الله

اهلين ابوطلال

ياعميري استاثمت بذا الضعيف :d
بس يستاهل ههههههههه قول له لاتسألوا عن أشياء إن تبدَ لكم تسؤكم :d

انا كنت اكل سمك عادي بس من شفته مرهـ وانا باديتن اكرهه :d
واكله بس لامدته لي امي او ابوي علشان ماكسفهموش:d:smilie47:

الله يخلي لك الوالدهـ احلى شي مقالب الاهل :smilie47: ماننحرمش

قفلتي
موضحه بردودي عاد :d
الهنوووف كانت هنا ورحلت :ga::smilie47:

وان بغيت غيرها بس فيها غرور :bx:

في سطور المجلس بسجل حضوري=هنوووف الرياض بالزين مكتوبي .
..في سطور الزعيم بسجل حضوري=هنوووف المجلس بالزين مكتوبي:d
في سطور موضوعك بسجل حضوري=هنوززف الزعيم بالزين مكتوبي

اختار الاجابه الصحيحه :d
:bx: تصدق اعجبتني شكلي بعتمدها :d
بس نغير بالزين علشان لانتهم بالغرور :ap:
وعسانا نسلم


\
:smilie47:
/
عوافي ابو طلوو :d
الله يوسع صدرك بالرضا والعافيه s13s


الهنوووف

كانت

هنا

ورحلت

عقد الياسمين 23/01/2009 08:21 PM

,,,

مرحـبا


وش رأيك برجال سمعت فيه ما يقدر يشوف الخروف وهو ينذبح :d لا ويبكي بعد لا شاف الدم و الخ الخ :d

عط طلول حبة شوكلاه و بيأكل :d أعتقد أنه بيأكل ترى مب متأكدة ..


والله يخلي لك ولدك وأمك يارب





















( حيثُ كان الجمــال ) :d:d:d

<<< احد عنده مانع ! :razz:


الوقت المعتمد في المنتدى بتوقيت جرينتش +3.
الوقت الان » 02:45 PM.

Powered by: vBulletin Version 3.8.7
Copyright ©2000 - 2025, Jelsoft Enterprises Ltd