|
￭￭￭ محمد العنبر ،، .هام جداً جداً ￭￭￭ السلام عليكم ورحمة الله وبركاته بدون مقدمات وبما ان اللاعب لا يسمع لانتقاد الجمهور..ولا الاداره تستمع للجمهور هذه سطور اتمنى ان تصل للكابتن محمد العنبر / كابتن محمد هل تعرف هذا الاسم >>>>>>>>>> خالد عزيز ؟؟ هذا الاسم الذي ذكرته كان قبل سنوات عاله على الفريق الهلالي كان جميع من ينتمي الى الهلال الا ما ندر يطالبون بتنسيقه كان الجمهور ينتقده في كل مباراة لانه كان باختصار لاعب عاله على الفريق ومستواه سيء وهفواته كثيره كان بعض الصحفيين يستهزأون بمستواه حتى في مقالاتهم والدليل على هذا الكلام لو رجعت لمقابلة الامير عبدالله بن مساعد في قناة الزعيم ذكر انه في السابق الكثير طالب بتنسيق خالد عزيز وهو يرفض . . ولكن الان ماذا ترى في خالد عزيز؟؟؟ الا ترى افضل محور في اسيا؟؟ الا ترى لاعب مقاتل كل من يواجهه في الملعب يهاب من اسمه؟؟ الا ترى لاعب من افضل 3 لاعبين في الزعيم؟؟ الا ترى لاعب عندما تشاهد مستواه ما شاء الله تبارك الله تعتقد انك تشاهد لاعب الميلان قاتوزو؟؟ تعتقد ان خالد عزيز يمتلك العصا السحري؟؟؟ او انه صحى من النوم احد الايام ووجد مستواه تغير بهذا الشكل؟؟ السر في خالد عزيز ؟؟ انه جعل من الانتقادات دفعه معنويه له وبدأ بتطوير مستواه وكثف التمارين وعرف ما ينقصه وما هي عيوبه وحاول من تطوير نفسه الى ما وصل الى ما هو عليه الان . . يجب عليك يا كابتن محمد ان تعلم ان الجمهور الهلالي لا يرحم ولا يجامل اي لاعب مهما كان اسمه وحتى المحللين الفنيين مثل ( نجيب الامام ) قال عنك انا نحاول ان نضع الملاحظات ونبدي رأينا لكي يتطور العنبر ولكن العنبر هو العنبر !! فأنت اما امرين * اما الاستسلام وتجاهل جميع الانتقادات وسترى ان نهايتك الاعاره او التنسيق خارج النادي * او تحاول ان تطور نفسك وتقضي على عيوبك وستجد مع الايام ان الجمهور الهلالي يهتف بأسمك اتمنى ما كتبت ان يصل للكابتن محمد فقد تكون معجزه ويحصل للكابتن محمد ما حصل للنجم المبدع خالد عزيز ونراه من اللاعبين الذي يعتمد عليهم الفريق يعطيكم العافيه عبودي 9 . |
اقوووووووووووووووووول عطنـــــــــي العنبر ... انت ماتفهم انت واشكالك هذه وششششششششششذا حاطين لكم كور و ملعب ومدربين ونسهر ليل نهار وانت بس تبربر اقول العنبر حسن من نفسك والا اقبض الباب وششششششششذا والله احترم عقول الشعب خل عندك اخلاق سعوديه وششششذا بعد الله قال عنبر من انت اصلا من انت اعرف نفسك والله |
انتو مايعجبكم العجب ولا الصيام فى الرجب يوم جاب اقوال على الشباب والاتفاق والحزم حطيتوه افضل لاعب فى العالم والحين تغير كلامكم والله ماينعرف لكم تحياتي |
خالد عزيز اخذ نص الفرصه الي اخذها العنبر واثبت وجوده صحيح انه كان عاله على الفريق في البدايه ولكن الحين اصبح ركيزهـ من ركائز الفريق اما العنبر اخذ فرصته وزيادهـ واثبت بلامجال للشك انه لاعب اقل مايقال عنه لاعب عادي لايمتلك مواصفات المهاجم البارع اتمنى اتاحة الفرصه له باعارته لاحد الانديه وان يلحق ببدر الخراشي وعبدالعزيز الكلثم |
مشكوووووووور على الموضوع ويليت تذكره بقصة المرشدي الذي كان اسوء دفاع في الهلال والان اصبح افضل لاعب خليجي |
من جد يوم جاب 7 اهداف وش قلتو انا اقولكم وش قلتو حرااام والله ظلمناك العنبر اذا جبت هدف لالاتتجه للجمهور لأننا مانستاهل عاد والعود احمدُ .......الخ |
وابتداااااااااااااااااااااء ابتداء المشوار ....... اه ياعنبر الله يعينك على بعض الـ ................... الله يهديهم الى الامام وبالتوفيق انت وباقي زملائك ولا تلتفت للخلف همسه : (( لن يبدع اي لاعب اذا هذا تفكير البعض )) |
العنبر مافي راسه كوره الجمهور طيره في العجه بطى الحركه مافيه كنترول ولامهاره عيوبه كثيره تنسيــــــــــــــــــــــــــــــــــــــــــــــــــــــــــق |
إقتباس:
و هاذي ما يبيلها كلام اللاعب اللي يفيد النادي... أكيد ندعمه لكن العاله على الفريق... لا والله بننتقده وش أستفيد اذا فقع كبدي أربع سنين بعد كذا يزين مستواه |
بالنسبه للي قال انه العنبر عاد بعد ما سجل كم هدف واللي قال لما سجل مدحتوه . انا بالنسبه لي العنبر هو العنبر اذا ما يسجل الا لما يكون التايب موجود؟؟؟ يا اخي انا لو تحطني قدام التايب او اي واحد يقرا الموضوع وانا اضمن انه بسجل هاتريك.. الموضوع مو موضوع تسجيل اهداف..اللاعب ما يحاول يطور مستواه ومهارته وهذا اللي قال عليه نجيب الامام انه العنبر هو العنبر ما بحاول يتطور. . يعطيكم العافيه |
انتم تبون اللاعب يسوي مراوح وكعب وكباري وامس قدم كل شي بس ماتوفق بالفرص وبالتوفيق للعنبر |
كلام جميل وواعي نتمنى عودة العنبر لتركيزة في الملعب من جديد |
تسلم عبووووووووودي9 ويعطيك العافيه كلامك رائع واكثر من رائع |
العنبر خله يخفف و زنه بعدين يصير خير أول مره أشوف مهاجم ما يعرف يركض بالكوره ثقيل هع |
عبادي والله كلامك جواهر ماشاءالله عليكـ بس الكلام هذا قله لواحد غير العنبر .!!! |
كلام جميل وواعي نتمنى عودة العنبر لتركيزة في الملعب من جديد |
[CENTER] إقتباس:
اتمنى تذكرني لو هجمه وحده خطيره امس طلعت من العنبر؟؟ مع احترامي لك مستحيل ان تجد من يقف بصف العنبر الا انسان لا يفهم بكرة القدم الجمهور لا ينتقد العنبر لمجرد الانتقاد..لكنه لاعب لا بحاول تطوير نفسه ومستواه نفسه لا يتغير ابداً !! . |
صاااااااااااااااااااااااااااااااااادق والله |
انتو مايعجبكم العجب ولا الصيام فى الرجب يوم جاب اقوال على الشباب والاتفاق والحزم حطيتوه افضل لاعب فى العالم والحين تغير كلامكم والله ماينعرف لكم تحياتي |
إبداع في إبداع عبودي 9 |
العنبرلاعبكبيير بس طاح بجمهووور مره يمدحه ومره يسبه والله حاااله |
العجلاني يوم كان يدرب الهلال كان لايرغب بوجود عزيز ويريد تنسيقه والحين أفضل محور أرتكاز بالسعوديه بل بالخليج ماعنكم الا تحطيم اللاعبين (العنبر):no: |
والله لو يصير هداف الدوري من زمان وحنا غير مقتنعين فيه ولاكن لا حياة لمن تنادي الواسطة تلعب دور مثل ماكان يجامل ياسر الياس الله يذكره بالخير |
العنبـــــــــــــــــــــــر لاعب لايستفيد من أخطاءه ولايوجد دافع لديه لتقديم ما هو جديد قصة تطوير الذات تنفع مع لاعب لديه موهبه وإمكانيات والعنبر لاتوجد لديه الموهبه ... اهدافه تجي من لاعب حواري .. وليس ابداع منه والدليل حتى الشي الوحيد اللي كان عندنا امل فيه رأسه ... وطله ما في رأسه كوره بعد مباراة الوطني ياليت يأخذ فرصته في جميع الانديه عدا الهلال ... تكفي يا العنبر ريحناااااااااااااااا |
انا ماتغير كلامي بالعنبر ولا قد مدحته لاني عارف قدراته حتى لو سجل طول السنه ماراح اقتنع ,, وهذا تعليقي على موضوع سابق نزله احد الاعضاء يمدح العنبر بعد اهدافه التي يعود اسباب تسجيلها إلى فضل الله ثم بفضل ابداعات البرنس إقتباس:
http://vb.alhilal.com/showthread.php...8#post10255598 |
اقووووووووووووووول ريحنا و العنبر لاعب فاشل و لا تقارنه بعزيز |
يا عبود 9 انت خير من ينتقد ارجو ان تستمر بهاذا الاسلوب الراقي |
اقول العنبر اكثر لاعب بالهلال اخذ فرصه بس هذا مستواه و تبون الأسيويه إذا كان مستواكم كذا نسقوه و جيبو لعيبه ثانين وربي طفشنا منه يا إداره ارحمونا من العنبر و شاكلته |
تسلم أخوي عبودي 9 على المواضيع البناءة لا تجريح ولا أنتقاص في حق اللاعب وبإذن الله العنبر يطور مستواه وإلا بتروح عليه الخانه حتى في غياب الدوليين |
بصراحة العنبر اخذ فرصته وكفاية ما تطور مستواه ولن يتطور وانا اعرفه من يوم كان في نادي السد وللأسف لم يتغير شيئ تحياتي عبودي |
العنبر لاعب ممتاز متى ما اشتهى ليته يعرف |
العنبر يوم فووووق ويوم تحت |
العنبر مرفوض مرفوض مرفوض هههههههههههههههههههههههههههههههههههههههه |
والله كلامك صح ميه بالميه عن تجربة عزيز بدون مبالغه المفروض تدرس للاعبين, عزيز كان في المحور يمشي حاله وبدا وحده وحده صار محور اساسي وذاك الوقت كان يعاني من عدم دقة التمرير والله كني اشوفه يتغير وحده لاحظوا الحين التمرير عنده صار مره متقن وكل ما له يكتسب صفات افضل. العنبر او غيره المفروض يشتغل على نفسه واخص العنبر بالذات ويليه سعد الذياب المفروض هم اكثر ناس يشدون حيلهم يا اخي تعالوا قبل التمرين وروحوا بعد ما ينتهي تدربوا على السرعه الانطلاقات الكنترول الاوفرات يعني كل واحد يتمرن على اللي ينقصه يعني مدري هم مو متخيلين نفسهم برا الزعيم ترا في يوم ولليله ممكن ينقال لهم اوت ما فيه شي بدون ثمن, خصيت اللعبين الثنين لان هم اللي ممكن يجي منهم لصغر سنهم وطبعا فيه لعيبه ما عاد ينفع معهم ما عندهم اكثر من كذا الايام كفيله بخروجهم من الزعيم انشاء الله. معليش بغثكم بتجربه لي ممكن تفيد اللعيبه اللي محتاجين تطوير, انا لاعب حواري قديم كنت افتقد لبعض اساسيات الكوره في عصرنا الحاضر نقص بسيط في الثقه والكنترول هذا الشي الوحيد اللي كان ينقصني وبعدها في الكليه صرت العب مع فريقي في الدوري الداخلي للكليه. وكان متوفر الملاعب الجيده والكور ما اكذب ولا ابالغ كنت احضر قبل التمرين وكانت تمارينا لياقه وبعدين تقسيمه كنت اجي قبلها بساعه واقول للشخص الموجود في الملعب اي واحد خذ الكوره وشوتها بأقوى شي عندك فوق وانا احاول اثبتها بقدر المستطاع وبعد كذا اخليه يمرر لي عرضيات على خط التماس وانا احاول اثبت الكوره وانا اجري الين يجي وقت حضور الفريق والتمرين الرئيسي وكان يستغربون وجودي قبلهم والشهاده لله ما كنت اقولهم ليه انا اجي بدري اصرفهم بأي شي. بعد ما ينتهي التدريب ويروحون اجلس شوي وبعدين اتمرن على الشوت من بعيد والفاولات وغالبا كنت لحالي والمرمى فاضي ما فيه احد فاضي لي. المهم تميت على الحاله هاذي حاولي ولاني متاكد 6 شهور وبعده حسيت بالتغير وربعي والله انهم صارو يكيلون المديح لي ويقولون مستواك متطور وصرت اساسي في الفريق مكان ناس اكبر مني سن وخبره وبعدها صار فيه افرقه ثانيه تناديني العب معها وبخصوص الفاولات والله صاروا نص الفريق يقعد حيطه واشوف التوتر اذا ارتكبوا فاول حول ال 18 . في الختام القصه اللي قلتها ومن واقع تجربه ابي يستفيد منها لعيبه الهلال صحيح انها حواري ولا هي احترافيه بس المقصد منها تطوير المستوى ليه ما يقول العنبر مثلا بطور نفسي وبخلي ياسر احتياط لي والذياب يقول بتدرب حتى اكون احسن من الزوري وقيس على كذا لعيبه كثار تحصلهم مهملين لانهم احتياط ناس نجوم يقول خلاص ما ني لاعب طالما النجم موجود لا والف لا طور في نفسك حتى تاخذ خانته شوفوا خالد عزيز مع ان الغامدي كان اساسي الحين عزيز الاساسي في الهلال والمنتخب المرشدي مثلا نجم كيف كانت عيوبه قبل لاكن طور في نفسه واشتغل على عمره شوي وقيس لعيبه اخرين. واسف على الاطاله |
العنبر مشكلته جسمه رخـــو ماهو مشدود وماعندهـ ليونه يعني مادري كيف صرآحه على العموم الله يوفقه مودتي |
إقتباس:
|
العنبر يبي له وقت |
يليت مقارنة بحد ثاني غير عزيز |
إقتباس:
|
شكراااااااااااااااااااااااااااااااااااااااااااااا عبووووووووووووووووودي 9 كفيت ووفيت . أما بالنسبة للعنبر فينطبق عليه قول الشاعر : لقد أسمعت لو ناديت حيا ولكن لاحياة لمن تنادي شكله ماراح يعمر بالهلال |
يا أخوي محمد العنبـــــر ولد عمي ورسالتك هذي نسختها وراح أرسلها له وأي شي عندك تباني أقوله له قول لـــــي |
والله مادمره الا انتم واشكالكم |
i agree with you |
مشكور على الموضوع العنبر ضاع من بعد اصابة طارق التايبsmilie47: |
| الوقت المعتمد في المنتدى بتوقيت جرينتش +3.
الوقت الان » 04:46 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd