|
معجم بالأعذار المعلبة لمساعدة البعض في التبرير لفشل أجانب الفريق السلام عليكم ورحمة الله وبركاته انا عن نفسي .. مؤمن بمقولة .. اللاعب الفنان يبان من أول لمسة ، طارق التايب على سبيل المثال .. من اول لمسة إلى آخر لمسة وضح عليه انه فنان ومكسب للفريق على الصعيد الداخلي ، يوسف الثنيان وسامي الجابر والدعيع وغيرهم من النجوم .. كانوا نجوم من أول لمسة لهم في الملاعب ... أما اللاعب ذو المستوى المتدني .... فقد وجدوا وللأسف من يسوغ لهم الأعذار ، العذر تلو الآخر ولهواة الأعذار .. اقدم لهم قائمة بالأعذار الجاهزة .. لمساعدتهم في ذلك أقول لمن ما زال مقتنع بمستوى اللاعب ويلي وكذلك اللاعب سيول إليك مجموعة من الأعذار المعلبة .. استخدمها .. وكل ما خلص مفعول عذر طلع اللي بعده .. الين ينتهي الموسم كما فعلتم نفس الشي مع ليلو ابو مراوح الموسم الماضي إلى ان انتهى الموسم اول شي قل اللاعب ما انسجم مع الأجواء اذا خلص مفعول العذر هذا .. انتقل للي بعده قل اللاعب لم ينسجم مع الفريق ، يعني هو كان يلعب كرة قدم بديرته غير كرة القدم اللي عندنا اذا خلص مفعول العذر هذا .. انتقل للي بعده قل اللاعب يحتاج فرصة أكثر .. يعني هو عنده مستوى ممتاز .. بس ماله نفس يطلعه الحين .. مغبيه لبعدين اذا خلص مفعول العذر هذا .. انتقل للعذر الأخير واللي ما يقدر أحد يقولك ثلث الثلاثة كم قل اللاعب تكتيكي |
كيف البرد عندكم شكله قووي |
صدقني إنك ماتعرف الكورة(أجل من أول لمسة للكورة) سؤال موجه لك هل رأيت لعب كماتشو وتفاريس عندما حضروا للهلال وكانت أول مباراة مع الاهلي وخسرناها 3-0 وكيف كان مستواهم(أصبحوا مع الوقت من نجوم الفريق)أتمنى أن تجاوب على هذه النقطة وليلو اللي تتكلم عنه كان في أول المباريات مبدع وبعدها ماحد حولك أقول والله لو نجيب كاكا وميسي وكرستيانو رونالدو وبارك جي سونغ ماراح تقتنع بعض الجماهير لكن ماأقول إلا الله يعين عليهم والبطولات هي من ستخرسهم إن شاء الله |
إقتباس:
ربعنا ما يبون من عينة كاكا ورونالدو لأن هذولا هدافين ربعنا يبون لاعب " تكتيكي " |
لا أوصيك تنصحهم يالفاهم وتقولهم باللاعبين اللي في بالك(علشان يستفيدون من فكرك الراقي تصدق ياليتك مدرب للهلال) بصراحة كم لاعب إنتقدته من قبل(يمكن المرشدي وعزيز والزوري والمفرج والخثران ووووو وسكتوك في الميدان يأبو الهدافين(إذا تبغى أهداف روح شجع فريق الاتحاد وإذا تبغى بطولات بتكتيك فأهلا وسهلا) |
إقتباس:
تدري وش مشكلتك انت وكثيرين مثلك !!! يرفضون أي نقد لأي لاعب هلالي .. هذي مشكلتكم بالضبط |
وتدري وش مشكلتك أنت وأمثالك إنكم تنتقدون دوما في الفوز والخسارة(مثل محللي القناة الرياضية) بإختصار نظرتكم سلبية دائما ولا تنظرون للجانب الايجابي لوأنهم في نادي آخر لمدحتموهم ومجدتم إداراتهم |
إقتباس:
ويلي لا يجيد التسديد لا يجيد الرفع لا يجيد المراوغة لا يجيد الأدوار الدفاعية لا يجيد الالتحام لا يجيد التسجيل عموماً وش عاجبك فيه !!! واذا راح لنادي ثاني .. وش بحسدهم عليه !!! |
اخوي كيف حالك المعجم هذا اخوي غديك تاخذه لتبرر فشلكم في فهم كورة القدم |
إذا فيه لاعبين برزوا من أول لمسه برضو فيه لاعبين برزوا بعد فتره انتقادات طويله ومنهم خالد عزيز واللي هاجموه جمهور الهلال بشكل مو طبيعي والحين اهم اعمده الهلال والمنتخب وافضل محور في اسيا وايضاً المرشدي خرج في بداياته ببعض الهفوات والاخطاء والان هو افضل لاعب بالخليج .!! لا تنظر بمنظار واحد ولا تستعجل .. وغير كذا ويلي مبدع بصراحه لكن ماادري انتم تبون اللاعب يدافع ويهاجم ويسجل مابقا الا تطالبونه بإختيار التكتيك المناسب للفريق .!! صراحه مشكله الجمهور العاطفي والمتواجد بكثره في هالمنتدى |
أخي الغالي كامل تقديري واحترامي لك ~ لكن ممكن تعطيني فائدة من طرحك لهذا الموضوع ؟ الأمير عبدالرحمن بن مساعد قال أن الأجانب لا يمكن تغيرهم ( وخصوص أنه لا يوجد أي تقصير في جلب لاعبين لهم مكانتهم وشهرتهم العالمية ) فهم الآن جزء من الفريق ، فلذلك يجي علينا دعمهم لأن دعمهم دعم للفريق لا أجد فائدة لموضوعك إلا أنها زعزعة لاستقرار الفريق وإن لم تقصد .. !! قد يكون لموضوعك فائدة لو كان توقيته في نهاية الموسم حيث تكون التصفية المحاسبة. مجرد رأي أتمنى أني لم أثقل عليك ~ |
إقتباس:
أشكرك على مداخلتك الرائعة والهادئة وعموما انا ارد على المداخلات المهذبة اللي مثل مداخلتك .. لان التفاعل معها يجلب الفائدة ( وخصوص أنه لا يوجد أي تقصير في جلب لاعبين لهم مكانتهم وشهرتهم العالمية ) نعم يوجد تقصير من الإدارة في جلب لاعبين ، ويلي وسيول أقل من المستوى لا أجد فائدة لموضوعك إلا أنها زعزعة لاستقرار الفريق وإن لم تقصد .. !! قد يكون لموضوعك فائدة لو كان توقيته في نهاية الموسم حيث تكون التصفية المحاسبة. يوجد فائدة من موضوعي .. فترة الانتقالات لم تنتهي بعد . ووصل عرض للنادي بطلب اللاعب ويلي ، لماذا لم يتم الاستغناء عنه وتسجيل آخر خصوصاً ان فترة الانتقالات لم تنتهي بعد . تقبل تحياتي |
الكوكب الازرق أقسم بالله انك بطل وتكتيكي بعد(ههههه) |
تسلم اخوي اسطورة الاساطير 9 |
الله يسلمك الكوكب الأزرق...... |
| الوقت المعتمد في المنتدى بتوقيت جرينتش +3.
الوقت الان » 12:31 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd