نادي الهلال السعودي - شبكة الزعيم - الموقع الرسمي - أفعال شبيه الريح في مهب الريح !!!!

بسم الله الرحمن الرحيم

والصلاة والسلام على اشرف الانبياء والمرسلين سيدنا محمد آله وصحبه أجمعين

(طلب ارجوا الاطلاع على الموضوع كامل وبتمعن قبل الرد )

عذرا على العنوان ولكن العنوان جزء من فكرة الموضوع

اخواني اعضاء منتدى الزعيم وجماهير الزعيم دخلت المنتدى ووجدت بعض الاطروحات من بعض الاعضاء لايرضى بها أي مجنون

فما بالك بالأنسان العاقل -المتزن-المدرك- الواعي............!
:no:

-الدوري راح.
-صفقات فاشله.
-نبي بدر المطوع.
-مدرب فاشل.
-اداره مثاليه.
-نبي مهاجم نبي ... نبي ...نبي.
-حرام عليك ياعبدالرحمن بن مساعد جب لنا فلان.
ومواضيع أخرى على نفس هذا النهج والاسلوب.

هل الأخوان اللي يطرحون مثل هذا الطرح يبغون يوصلون للإداره او الجمهور أنهم يعرفون كل شي وإن الراي الصح عندهم.لنفرض أنهم يعرفون ونمشي معهم أنهم يفهمون أشياء انا واللي يتفق معي مانفهمها. ودرجة الفهم عندهم خياليه وزائده عن الغير!!؟؟ وبنسألهم سؤال بسيط جدا وهو واحد ماله ثاني

إذا انتم تفهمون أحسن من العالم ليش درجة الفهم اللي عندكم ماتساعدكم على فهم رسالة الأمير عبدالرحمن بن مساعد الاخيره في حواره لقناة الزعيم وكانت خاصه لجمهور الهلال وعادها وزادها اكثر من مره؟؟؟؟؟؟؟؟؟؟؟؟؟؟؟

لا يكون يا أخوان انا ظلمتكم بالسؤال هذا!!!! افا تنشدهم انك ظلمتهم اكيد انت ظلمتهم. يا أخوان اعتذر عن السؤال

لان سؤالي ماله داعي وإجابته واضحه وبسيطه ومالها ثاني مثل السؤال

الجواب واضح إن درجة الفهم ماتوصل الى اعلى مستوياتها عندكم إلا إذا بغيتوا تطرحون مثل الامثله المذكوره أعلى!!!!!!!!!!!!!!
.

.

.
يااااااااااااااا لله العجب

انسان صادق معكم ويلبي لكم أغلب ماتطلبون وهمه الاول والاخير هذا الكيان ويقف خلفه أعضاء شرف وإداريين على مستوى عالي ويحسدونكم العالم عليهم كل هالعالم غلط وانتم صح

رسالة الامير واضحه وراح ابسطها لكم وبثلاث نقاط وبسطحيه لان مستوى فهمي جدا سطحي وانتم مستويات الإدراك والفهم عاليه جدا عندكم فإعذروني

1- مافيه غير اللاعبين اللي ذكرهم الامير في تصريحه والامير اجتهد

2-الاجانب يحتاجون لفتره للإنسجام مو من كم مباراه تحكمون عليهم وتصفونهم بالفاشلين

3-طالب بدعمكم هذي الفتره فقط الشي الوحيد اللي طلبه دعمكم . ودعمكم مو معناتها حضوركم للمباريات من الدعم انكم تكفون الانتقادات اللي لا تغني ولا تسمن من جوع ونهاية الموسم انتقدوا وقال انه بيتقبل نقدكم بصدر رحب.

شطحه

الطفل تعطيه حلاوه يفرح ويقول انت احسن واحد بالعالم واذا جاك في يوم من الايام ولا اعطيته شي قال انت مافيك خير

هذي بصراحه شطحه تنطبق على بعض الجماهير وانا قلت بعض واقليه بعد اذا فاز الفريق مباراه يصير الفريق احسن فريق من إداره ولاعبين ومدربين بس هزيمه او عثره بسيطه

جوك يتعادون على المنتديات وافتحوا موضوع واكتبوا يا اللاعب الفلاني او المدرب او الإداره فاشلين طيب هم نفس اللاعب ونفس الإداره ونفس المدرب اللي فرحوك بعد الله طبعا كل شي. وش اللي تغير يا ناس

بإختصار للفلسفه والشطحه اللي فوق

مافيه شي تغير

الأشخاص ثابتون والعقليات متحركه

إغلاق

لن تذهب افعال شبيه الريح في مهب الريح إن شاء الله

أفعاله رياح تنحت الصخر
.
.
تاريخاً للهلال وجماهيره :alzaeem:

شبيه الريح

دمت لنا بخير ودام جمهور الزعيم بألف خير

.

.

.