|
وربي لو تضيع ألف بطوله فدوه لـ (( ولد مساعد )) .. علموني وش يرضيكم بس ؟؟ السلام عليكم .. تحيه طيبه لزعماء الكره السعوديه واسياد الكره الاسيويه .. .. افتتاحيـه : (( اتمنى من جمهور الزعيم الوقوف مع لاعبينا واعطاهم ثقه اكبر )) من اقوال عبدالرحمن بن مساعد .. احس اني ممتلئ بالاسئله وبعقلي من الاستفهامات مليون !!! .. الرساله هذي موجهه لمين بالضبط ؟؟ اذا لم تعملوا بكلامه يا شعب الزعيم فمن سواكم يعمل به ؟؟ كيف كان حال النادي من قبله وكيف صار وكيف رح يكون ؟؟ ليه بالفوز نفرح ونبالغ ونقول رئيسنا ما قصر والمدرب (( داهيه )) واللاعبين (( اوروبيين )) وعند الخساره او (( التعادل )) نقول رئيسنا ما اختار صح والمدرب (( غامر وخسر )) واللاعبين (( صفر على الشمال )) ليه ما يكون عندنا (( ثقافه )) عند الفوز و (( روح )) بعد الهزيمه ؟؟ ليه ما نصدق ونقول الحق بعديـًا عن نتيجة المباراه .. سواء ايجابيه او سلبيه ؟؟ .. احس اني ممتلئ بالاسئله وبعقلي من الاستفهامات مليون !!! .. خروج عن النــص : ما تلاحظون انكم عطيتوا موضوع عيسى المحياني اكبر من حجمه ؟؟ لدرجة انكم صرتوا تصبحون على سيرته وبالمسى ما عندكم غير طاريه !! صحيح ان اللاعب (( مكسب )) ولكــــن نبي صحوه شوي يا شعب الزعيم اتركوا الموضوع لأهل الاختصاص وربي انه بأيدي امينه انظروا لحال فريقنا .. الدوري كمل مشواره وما رح ينتظر (( سعادتكم )) لين تنتهون مواضيعكم بطولة الدوري رح اسميها (( عروس )) وربي ندفع في مهرها كل ما في النفوس .. رجوع للنــص بعد عدة مطبات : (( امنيتي وحلمي ان يصبح لدي فريق احتياطي بنفس قوة الفريق الاول )) من اقوال ( عبدالرحمن بن مساعد ) محد فيكم فكر فيها ولو شوي بس وتعب نفسه اكثر وفهم وش قصد الرجل هذا ؟؟ ما يحتاج تفكر كثير لان الاجابه واضحه جدا .. ولد مساعد يبي يأسس فريقين بنفس القوه عشان يحقق كل البطولات بأقل مجهود طيب نرجع لنظام اسألني واجاوبك .. احس اني ممتلئ بالاسئله وبعقلي من الاستفهامات مليون !!! .. س : كم بطوله بالسنه من الممكن اي يشارك فيها الهلال ؟؟ ج : كثيره كثيره كثيره كثيره س : ممكن تعدهم لي اذا ما عليك امر ؟؟ ج : شوف يا طويل العمر (( بطولة الدوري .. كأس الملك .. ولي العهد .. بطولة فيصل .. البطوله الاسيويه )) س : اي بطوله من البطولات هذي يطمع فيها الجمهور الهلالي ويحب ان فريقه يفوز فيها ؟؟ ج : بما ان الجمهور هذا متعود على الذهب ويملك مناجم ذهب اقدر اقولك انه يبي كل البطولات هذي .. اشهد بالله انها حق مشروع لك يا جمهور الزعيم انك تطلب كل بطولات الموسم من غيرك يسويها ويطمع بالكل ؟؟ طيب نوقف هنا شوي .. اذا الجمهور يبي كل البطولات هذي كيف 11 لاعب (( بس )) رح يكون لهم طاقه على كل البطولات هذي ؟؟ ؟؟ ؟؟ ؟؟ عرفتوا ولد مساعد وش جالس يخطط عليه وبمساعدة (( الداهيه )) كوزمين طبعا تلوموني فيه ؟؟ الرجل هذا نظرته مستقبليه وابد ما يرضيه بطوله بكل موسم جالس يحاول يأسس صف ثاني بنفس قوة الفريق الاول ليه نكسر مجاديفه وهو للحين ما تعدا حدود المرسى ؟؟ .. يحسدوني عليك يا ولد مساعد ويحسدوني بحب الزعيم ويحسدوني على مناجم الذهب اللي عنده الزعيم دلعني وعزني وكم ألف مره فرحني احبه بكل عيوبه وربي ان حبي له مصيبه يا حلوها من مصيبه .. خاتمـــه : قد تغيب الشمس بيوم من الايام عن سماء الزعيم ويحل ليل دامس مظل حزين ولكن .. حبنا واخلاصنا لهذا الكيان سوف يكون نور ينير ظلامه .. ان اصبت فمن الله .. وان اخطأت فمن نفسي والشيطان شاكر ومقدر .. |
جمهور الزعيم مو متعود على الخسارهـ م تعود على الفوز والبطووولات لكن بنعوضها ان شاء الله الدوري هلالي مشكور على موضوعك اخوي احمدوا ربكم انها تعادل متى مباراهـ الاهلي مع الهلال |
لما فريق مثل الوطني يتعادل معك على ارضك ايش تسميه هذا الى ما يعرف ماذا يريد جمهور الهلال لا يكتب عن التبريرات و اننا سنعوض و امام مين تعوض اذا الوطني على ارضنا تعادل معنا دور الدوري يا الحبيب مبروك للاتحاد مقدما و هذا ملا اتمناه |
إقتباس:
عزيزي .. ياليت تقرا الموضوع كامل عشان تعرف وش اقصد بالضبط مصلحة الزعيم لا تحتمل (( عواطف )) وصدقني الدوري باقي فيه اللي يضمن لنا التصدر .. شاكر ومقدر |
ليس من يملك الامنيات يملك الفكر القادر على تحقيقها وكل شيء بامر الله سبحانه وتعالى اولا واخيرا الامور تحتاج الى موازنات كثيره وليس خروج عنالناص واظهار المثاليات وافتقادها في ابسط الاشياء ليس سهل ان تقود مؤسسة رياضيه عملاقه مكونه من نادي له تاريخ كبير وتريد ان تبرز انك الافضل جميعنا نعلم من اتوا نجوم الزعيم وكيف وصلوا وجميعنا نعلم من اين هي موارد الزعيم ولكن الذي لانعلمه الى متى يستمر حال الزعيم؟!!!! انت تقول كيف كان حال الهلال قبله؟! اتى للهلال والهلال بطل دوري على الاقل اتى للهلال والزعيم تاريخ مرصع اتى للهلال وكل من يلعب للهلال هو نجم اما بالنسبه للدوري فاعتقد طارت الطيور بارزاقها الاتحاد تعلم من درس العام الماضي الفارق يستع ولن يعود والله اعلم |
الفارق بين الوصيف الهلال و المتصدر الأتحاد مجرد ثلاث نقاط بمعنى لا تكبروا الموضوع |
عزيزي بو فهد لا يوجد فريق بالعالم لديه فريقين بنفس المستوى فيه شي اسمه فريق اولمبي او الرديف ولكن مستحيل يكون بنفس القوة المهم هو الاهتمام بالفئات السنية بالنسبه لماباراة امس انا ماقول غير انه ثقه زايده باللاعبين ودائما مانوضع بموقف محرج وكنت اتمنى ان يكون ياسر والفريري بالحتياط على ا لاقل يلعبون منتصف الشوط الثاني |
إقتباس:
منور يالغالي .. اتفق معك انها (( غلطه )) ولكن مثل ما قلت لك الدوري باقي عليه وان شاء الله فرصة التعويض موجوده ويمكن يكون كلامك صح .. ما فيه فريق يملك صفين بنفس القوه ولكن .. الفرق الكبيره تملك صف ثاني (( لا بأس فيه )) وهذا الشي الي يفقده الهلال واللي جالسين يسعون لتحقيقه وبعدين بسألك عزيزي الدوليين لهم يوم واحد راجعين من بطولة الخليج ولاعبين مباريات متتاليه وضغط كيف تبيهم يلعبون حتى لو شوط واحد وهم تنتظرهم مباريات من العيار الثقيل مع (( النصر و الاهلي )) اعتقد اللي صار اليوم غلطه ولكن (( اجباريه )) والحمد لله على كل حال |
إقتباس:
يا هلا .. اولا يا عزيزي اللي يخطأ يعني جالس يعمل وكيف رح يحقق حلمه لو ما ثابر واجتهد لين يوصله ؟؟ انت تقول الحلم شي والعمل عليه شي ثاني طيب قولي وش المفروض انه يسوي يعني يجلس وما يسوي شي ويترك الحلم يظل (( حلم )) ؟؟ .. وفيه نقطه انت عقبت عليها وانا احترم رايك انه تواجد بالهلال والهلال اصلا بطل وتاريخه يشهد له انا بقولك (( صح )) بس هو لما وصل ترك الهلال بنفس ما كان ؟؟ لا طوره اكثر واعتقد ان الكل عارف وش سوا وفعل للهلال منذ قدومه لدرجة ان طموحنا صار (( حصد كل البطولات )) بدون استثناء .. وارجع واكرر واقول .. الدوري باقي فيه مباريات كثيره ونقدر نعوض بأذن الله |
إقتباس:
الله عليك .. هذا كلام واقعي وكلام لازم نتمسك فيه شاكر ومقدر |
أناا أقول بدرى الدورى تراا المهم من الى يضحك أخيرااا وعند الاتحااااااااد مبااراة صعبه مع الاهلى يعنى أفهمواا نفوز على النصر وبعدين رااح نشوف سلم الترتيب |
تحذير=========> هذا الشخص لازال مقهور من التعادل ويفضل عدم اعطاء رأيه حاليا |
إقتباس:
هذا كلام واقعي وكلام لازم نتمسك فيه شاكر ومقدر |
وارجع واكرر واقول .. الدوري باقي فيه مباريات كثيره ونقدر نعوض بأذن الله |
لو تضيع الف بطولة تفداه !!! انت تتكلم عن نفسك ولا بالنيابة عن جمهور الزعيم !!! |
| الوقت المعتمد في المنتدى بتوقيت جرينتش +3.
الوقت الان » 08:35 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd