اهلين عارف ..
تراي متعمد أخرت أسئلتي علشان اصير اول واحد يسألك يوم 14/6
<<== واحد توه يطب منتدى المطبخ وتفاجأ بالموضوع
المهم وشلونك يابو محمد وكيف الحال ؟
1) وش شعورك هالأيام وانت مقبل غير مدبر ( ويازينك مدبر ) على اكمال نصفك دينك الأخر ؟ يعني وش شعورك وانت تبي تعرس ؟
كأني شايفك وانت تقول ياشينك وانت تتفلسف
على طاري العرس .. ماتبي كفيل عند عبدالطيف جميل
2) يقولون والعلم عند الله ان البارق بغى يغرق وهو يسبح بحدى قلبان القصيم وهو هالحين بالـ ان عاش .. وانا ماصدقت هالكلام . احس ان حده بانيو ويخب .
علىطاري البارق .. ماتحس ان ماله داعي .. قصدي مختفي هاليومين
وسؤالي .. وش رايك بوكالة يقولون .. ومن تتوقع مطلع هالإشاعة ؟
3) منهو اقرب عضو بشبكة الزعيم لنفسك ؟ وتتمنى شوفة مشاركاته ومواضيعه دايم .
على طاري الشوفة .. منهو اللي تتمنى شوفة خشتة من اعضاء المنتدى ؟
4) عضو فقدته بشبكة الزعيم .. ورسالتك له ؟
على طاري الرسايل .. منهو اكثر عضو يراسلك على الخاص ;)
5) رايك بتغطية شبكة الزعيم لمونديال 2002 ورسالتك للجنة الاخبارية .
على طاري اللجنة الاخبارية .. سلملي عليهم كل ابوهم .. وقلهم ترى فيصل مايدري وشلون يشكركم .
6 ) مافيه سته ... شف اللي بعده .
7) انت من عشاق السفر والا من عشاق اللبده ؟
و اذا انت من عشاق اللبده ليش تلبد .. واذا انت من عشاق السفر وش احلى بلد زرته ؟ ووشو البلد اللي تتمنى زيارته ؟ ووش رايك بشهر عسل ياعسل بربوع الخرخير ؟
تراي انا بالشمال يعني الخرخير تبعدعني يمكن مسافة ثلاث يومين بسيكل البارق وثلاث شهرين بسيارة القلب الأزرق .
<<== واحد يبي يصرف
8) على طاري السيارات وشي سيارتك ؟ ووش لونها ؟
ووش رايك بهالألوان الجديدة حقت المنتدى ؟
9) على طاري اللون وش اللون المفضل لديك ؟
10) على طاري لديك انت تستخدم اي ايديك بالكتابة ؟
11) على طاري الكتابة وش رايك تكتب لنا قصيدة ؟
==>> اقول تراك مصختها
<<== ادري
12) من اول شخص ارسلتله دعوة لعرسك ؟
13) عضو تتمنى شوفته بعرسك ؟
14) ياترى ام محمد هلالية والا نصراوية
ياشينها وانت تقول مالك دخل
واذا كانت نصراوية تتوقع انك تقدر تفر راسها وتهلهلها يعني تخليها هلالية . لأن محاتسيك عجز يخلي ام دحموني هلاليه
15) كم تقعد ساعة على النت هالحين ؟ وكم تتوقع تقعد بعد العرس ؟
الله يستر لا يكون هذا أخر موضوع نشوفك فيه هههههههه
ادري اني ماطولتها عليك ..
واذا تبي اسئلة ثانية انا حاظر
سلام
الوضع المتطور
