|
سؤال عن خطوط bmi البريطانية .... هل هي الخطوط الأنسب إلى بريطانيا ؟؟ السلام عليكم !! ياشباب انا رحلتي بعد اسبوتقريباً إلى إدنبره في شمال بريطانيا (اسكوتلندا) !! وبصراحه ابغى أسأل عن خطوط bmi البريطانية ... هل هي مريحة وجيدة للسفر لمسافه طويله مثل هذي ؟؟ انا سألت عن بقية الخطوط وقالوا لي ان مافيه رحلات مباشرة الى ادنبره كلها تروح لمطار هيثيرو في لندن وبعدها تنزل وتركب في طائرة bmi وتتجه لأدنبره !! اما اذا سافرت على خطوط bmi من البدايه راح تتوقف في لندن ساعتين بعدها تتوجه لأدنبره على نفس الخطوط !! وأيضاً أسعارهم أرخص بكثير من البقيه !! سعر التذكرة لأدنبره 2245 ريال ذهاب وعوده !! انا عارف اني ادوختكم كثير :d بس حبيت أسأل اللي مسافر على هالخطوط هل هي مريحه أو لا ؟؟ بإنتظاركم !! |
افـا لـؤي هـونـت عـن كـنـدا :D , ادنـبـرة مـديـنـة رايـقـة واخـتـيـارك حـلـو :) ، الـخـطـوط الـبـريـطـانـيـة جـربـتـهـا يـوم انـي جـيـت لـكـنـدا كـان خـط سـيـري ( الـبـحـريـن - لـنـدن - فـانـكـوفـر - كـالـونـا ) طـبـعـا مـن الـبـحريـن لـ لـنـدن و مـن لـنـدن لـ فـانـكـوفـر كـانـت عـلـي الـخـطـوط الـبـريـطـانـيـة لـكـن مـن فـانـكـوفـر لـ كـالـونـا لازم تـاخـذ طـيـران داخـلـي :) ، عـمـومـا اوصـخ طـيـران بـالـعـالـم هـهـهـهـهـه :d تـعـبـت كـثـيـر بـالـطـيـارة الـوجـبـات لـك عـلـيـهـا الأكـل يـهـون لـكـن الـمـشـكـلـة بـالـكراسـي ( اتـكـلـم لـو حـالـتـك زي وخـذيـت الـدرجـة الـعـاديـة :d ) كـل صـف 10 كـراسـي جـنـب بـعـض و خـذلـك انـواع الـضـيـق ! شـوي وتـجـلـس بـحـضـن الـي جـنـبـك مـن الـحـشـرة :( ، قـبـل مـارحـت لـمـقـعـدي بـالـدرجـة الـعـاديـة مـريـت عـلـي الـمـمـتـازة كـانـت مـاشـاء الله شـغـل حـلـو الـكـراسـي زي مـاتـقـول سـريـر بـعـدهـا مـريـت عـلـي الـدرجـة الـمـتـوسـطـة كـانـت بـرضـوا حـلـوة لان كـراسـيـهـا كـبـار وتـقـدر تـنـام وتـمـد رجـولـك لـكـن يـوم وصـلـت لـدرجـة الزلايـب الـي مـقـعـدي فـيـهـا :d , حـشـا زريـبـة غـنـم و قـلـق وكـراسـي مـاتـلـيـق بـ أوادم ! ، عـمـومـا الـطـيـران الـبـريـطـانـي اذا بـتـاخـذ فـيـه الـدرجـة الـمـمـتـازة ولا الـي تـحـتـهـا فـ بـتـرتـاح بـالـسـفـرة لـكـن اذا بـتـسـوي مـثـلـي عـز الله انـك بـتـصـيـح بالـطـيـارة :d مـوفـق عـزيـزي :) |
هلا والله اخوي هونتيلار s45s ياخي من يوم رحت لريال مدريد وأنت ساحب علينا :D الله من الغرور :D اي والله للأسف ماحصلت لي فانكوفر مع اني ودي بها !! وراح اجيها يوم من الايام إن شاء الله !! لكن الظروف غيرت مساري لأدنبره !! اما بالنسبه لكلامك عن الخطوط البريطانيه فأنت خوفتني بصراااحه !!!!!!!!! بس فيه معلومه ابعطيك اياها !! ترى فيه ثنتين الخطوط البريطانيه !! وحده bmi والثانيه مدري وش اسمها .. بس بريطانيه برضو !! على العموم اذا كان على كلامك حشره !! فأنا مع حامد زيد يوم يقول: السعه لابارك الله في الضيق السعه :D حتى لو فيها زيادة مبلغ ... بس على الأقل فيها راحه نفسيه ومعنويه !! خصوصاً ان الرحله مهيب قصيره !! على العموم مشكوووووووووووووور وماقصرت والله !! ويعطيك الف عااافيه :) بعدين عطنا وجه وادخل الماسنجر !! ترى مهوب انت اول واحد يلعب في الريال :D |
http://www.ameinfo.com/images/press/ba_logo.jpg اقـصـد هـذي الـخـطـوط طـال عـمـرك الـخـطـوط الـبـريـطـانـيـة :) ، عـمـومـا الـرحـلـة مـن هـنـا لـ لـنـدن تـقـدر تـقـول مـاتـتـعـب الـواحـد 7 سـاعـات اذا مـاخـانـتـنـي الـذاكـرة كـمـن مـجـلـة عـلـي فـيـلـم عـلـي قـزقـزة بـخـلـق الله و عـلـيـهـا غـفـوة وصـلـت :D , كـلامـك صـحـيـح اشـتـر راحـتـك خـصـوصـا انـك دافـعـهـا مـرة وحـدة :) مـتـواجـد اون لايـن حـالـيـا الـظـاهـر صـافـقـنـي بـ بـلـوك هـهـهـهـهـهـهـه :D . |
هلا اخوي بالنسبة للbmi انا جربتها من الرياض الى لندن فبل اسبوعين وجربت الخطوط السعودية بالنسبة لي الbmi افضل بس اضيق من الخطوط السعودية |
بسم الله .. اخوي الغالي وحبيبي لؤي .. انا جربت الخطوط البريطانيه bmi و الخطوط السعوديه والخطوط الاماراتيه والخطوط التركيه ... كل هذي الشركات رائعه ومع بعض التحفظ الشدد لخطوطنا الـ ... !! اذا كانت الـ bmi رخيصه مقارنه بالشركات الثانيه .. نصيحه استعجل في شراءها .. شركه رائعه بصرااحه .. وبتريجك من التنقل داخل المطار بواسطة الباص .. لانها توقف في الصاله رقم 1 .. يعني , مجرد وصلك من الرياض بالسلامه .. تكون في نفس الصاله ما تغيرها ..!! الله يسهل عليكـ , ويوصلك بالسلامه .. لا أوصيكـ رقمي عندكـ ,, علمني متى بتصل ان شاء الله لمطارنا " أدنبرهـ " .. عشان استقبلكـ .. ,, موفق يالغالي .. |
^^ كـفـو :) ، ربـعـنـا مـايـقـصـرون s45s لـؤي امـس اجـريـت بـحـث عـلـي الـ bmi الاغـلـب يـمـدحـونـهـا الـبـعـض يـقـول الـمـضـيـفـيـن عـلـي قـدر كـبـيـر مـن الـتـعـاون مـع الـركـاب و الـبـعـض يـقـول الـكـراسـي جـيـدة ومـثـل مـاقـال مـدمـن الازرق اذا بـتـنـزلـك فـي الـصـالـة رقـم 1 " Terminal 1 " فـ بـتـرتـاح اكـثـر لأن مـطـار لـنـدن كـبـيـر جـدا واذا تـبـي تـنـقـل مـن صـالـة لـ صـالـة بـ تـتـعـب مـن الـمـشـي و يـمـكـن تـضـيـع :D لأن مـطـار لـنـدن 5 صـالات ، عـمـومـا اخـوي اول مـاراح تـوصـل مـطـار هـيـثـرو بـتـشـوف الـبـشـريـة مـتـحـاشـريـن بـالـمـطـار وتـقـول لـو انـي قـاعـد بـديـرتـي اصـرفـلـي :D , لـكـن لاتـخـاف راح تـعـدي بـسـرعـة و تـتـفـاجـأ كـيـف خـلـصـوا امـورك بـسـرعـة :) . |
والله مدري وش أقول لكم ياشباب !! لكن عساني ما انحرم منكم والله s45s بالنسبه للخطوط البريطانيه فعلى كلامكم ان مميزاتها تغطي عيوبها ... إذا كان فيه عيوب !! وخصوصاً رخص سعرها مقارنة بباقي خطوط الطيران !! عشان كذا خلاص انا ان شاء الله ابسافر عليها ... والله يعين ان شاء الله !! إقتباس:
والحمد لله على سلامتك :rose: ان اشاء الله قبل ما اسافر ابدق عليك واعلمك بكل شي زي ماقلت لك !! يعطيك العافيه !! إقتباس:
لا ماعليك ابدور اقرب واحد والزق فيه عشان ما اضيع :D يعطيك العافيه هونتيلار ... ياحبني لك s45s إقتباس:
والله يكثر امثالك يالغالي :rose: |
ما سويت الا الواجب .. وكلنا اخوان , عسى الله يوفق الجميع .. في انتظاركـ .. |
الحمد لله على سلامتك .. انا الصراحة جربت KLM الهولندية من البحرين الى امستردام ومنها الى ابردين .. قريب من عندكم :) لكن الشباب ينصحوني بـ الخطوط البريطانية او بي ام اي كلها زينة .. لكن دوّر الرخيص وتوكل على الله :) اذا ناوي ترجع عندك موقع اسمه netflights تحط فيه من والى ومتى الروحة والرجعة ويطلع لك اسعار التذاكر من كل الخطوط تقريبا بالتوفيق لك اخوي |
| الوقت المعتمد في المنتدى بتوقيت جرينتش +3.
الوقت الان » 04:36 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd