20/01/2009, 01:20 AM
|
| عضو مجلس الجمهور الهلالي | | تاريخ التسجيل: 18/05/2003 المكان: ايـنـمـا يحـل الزعـيـم
مشاركات: 311
| |
بسم الله الرحمن الرحيم
انا فقط عندي تعليق مهم
انا شخص اكلمكم من واقع شاهدته وليس كلام من الهوى جبته
انا متواجد مع الاخ محمد غندر في تقريباً اكثر مباريات الهلال هذا الموسم سواء داخل الرياض او خارجها
ولاحظت اختلاف بين بعض المدن في التفاعل مع الاهازيج
وركزوا على كلمة التفاعل مع الاهازيج ... انا هنا لا اقلل من جمهور الرياض
اللي مادري ليش الكل شان حمله عليه
ياعزيزي انت وياه جمهور الرياض لها مواقف كثيره مع الزعيم
ومن اكثر الجماهير اللي وقفت مع الهلال
لكن قد يكون عيبهم الوحيد عدم التفاعل مع الرابطه الا في النهائيات وهذي
حقيقه شاهدتها بنفسي
ايضا في مشكله اخرى وهي :.
انه القرار الجديد من الرئاسه يفرض على الرابطه التواجد على يمين المنصه سواء
في استاد الملك فهد الدولي او استاد الامير فيصل بن فهد
فكيف تطلب تفاعل والجمهور اغلبه يقعد بالواجهه والقليل يجلسون
جنب الرابطه ... والمشكله حتى اللي يجلسون جنب الرابطه
قليل مايتفاعلون ... لدرجة اني صرت اعرف اللي يتفاعلون
شخص شخص وهم بصراحه ينعدون على اصابع اليد الواحده
المشكله ايضاً واقولها بكل صراحه ان الجمهور الهلالي في الرياض
يفتقد لثقافة الاهازيج وهذي حقيقه اقولها يعني بين قوسين
جمهور جده والشرقيه وبعض المدن
ماعنده مشكله يغني مع الرابطه ويتفاعل بس جمهور الرياض
( عيييييييييييب عنده ويييييين اهلي يشوفوني اما اقعد اغني مع الرابطه )
جمهور الرياض خلوه بس يملى المدرجات في النهائيات والمباريات الكبيره
ويسوي موووووج وزلزااال لا بعد الزلزال مو كلهم بعضهم يقول روقنا ياعمي هذي كبري
اجلس اهز بالمدرجات ؟؟؟؟
نقطه اخيره اقولها بالنسبه للاهازيج محمد غندر دايماً يجيب اهازيج جديده
واهو اللي طلع (مستانسين ) اللي صارت مشهوره بين الجماهير بعد كل فوز هلالي
وآخرتها اهزوجه جديده جابها اليوم في مباراة الوطني
لكن وين التفاعل ؟؟؟؟؟؟؟
سامحوني على الاسهاب في الكلام
لكن والله من الغبنه ماحب احد يقول كلام وهو مايشوف بعينه ....
والف شكر على طرح الموضوع
|
الوضع الشجري
