السلام عليكم ورحمة الله وبركاته

ها قد عدت اليكم من جديد >>>>>. ما تعرف مقدمات ...

في البدايه ...

الف الف الف مبرووووووووووووك فوز منتخبكم ع المنتخب الاماراتي ...
واللي كلنا عينين في راس >>> ادري انه متأخر لكن يالله زين مني اني ابارك وانتو فايزين علينا
لا والله ... صدق صدق مبرووووك وتستاهلون الفوز في ذيج المباراه ...

بالنسبة لنا ... انا اقولها الحمدلله انه خسرنا منكم وردينا لبلادنا ...>>> لأنه لو كنا متأهلين ما بنتقبل الخسارة من الفريق العماني كثر ما نتقبلها منكم ... وسبحان الله اعتبر خسارتنا كان الانسب في ظل كل الامور اللي كانت في البطولة
بدايتاُ في النقل ... او ملاعب التدريب ... وصولا بالاعبين ... والجماهير ...

الكل يدري باللي صار ... في حقوق النقل ... وما تبعته من كوراث ...

ملاعب التدريب ... كان فيه خربطه وايده في الجداول ... وساعات التدريب ...

ولاعبينا حليلهم ... بعد مباراة قطر ... ما خلوهم يتسبحون ... قطعووو الماي عنهم ... وراحو للفندق عشان يتسبحون

الجماهير ... وما ادراك مالجماهير ...

اخواني رادين ... وسيايرهم مكسرة ... المناظر الجانبيه للسياره مشلوله ... وغيرهااا

ريلي ... راد ... وثيابه كله دم من فوق لين تحت ...

وعيال الناس مرقدين في المستشفى ...

وفاشين تواير السيارات ... وغيرها من المشاكل ... اللي لا صارت ولا استوت في كاس الخليج من قبل ...

الأمـــــــــــــــــــــن حدث ولا حرج عندهم ...

اخواني رايحين لمغفر الشرطة اللي في مسقط ... خبروهم انه السياير مكسورة ... والناس تنضرب ...
يقولون شو الدليل ... ؟؟؟ بلاه عليكم هذا اسلوب ...؟؟؟ كل اللي واضح يدام الاعيان ... ويبون دليل ...؟؟
هذا ان دل دل على ضعف الامن في عمان للأسف ...

حقوق النقل ...

بعد الكلام ... واللي استوى مني مناك ... قطر الامارات ... ابوظبي ودبي ... الجزيرة والكاس ...
آخر شي ... طاح الحطب وحلوة الحياة ...

>>>>>>>> كانت مسألة وقتيه فقط لا غير ... كل حد قام ويتسامح مع الثاني ...
نحن آاااسفين وانتو مسموحين ... العشى عندي والغدى عندكم ... وغيرها من هالامور ...
وطاح الحطب وحلوة الحياة ...
القطريين دخلو الشيخ محمد بن زايد في السالفه ... وبرنامج شاعر المليون ... وغيره ...
اقوللهم انه الشيخ محمد بن زايد أكبر من هالتفاهات ... والكل عنده خير الحمدلله ...

الكورة جيه ...
اليوم غالب وبكرة مغلوب ... واليوم خاسر وبكرة فايز ...
هاذي الحياة ... ولازم نرضى بالامر الواقع ...

برنامج المجلس ... الحسنة الوحيدة بنظريه هالسنة ..
انه عرفنا على صالح الحمادي ... ما شاء الله ابداع في كل الامور ...
من تحليل ... افكار ... حلول ... وصولا بالثقة والثقافه اللي عنده ...
عيني عليه بارده ...
والبحريني ... ما يحضرني اسمه حاليا ... شرات صالح الحمادي ...

المنتخب السعودي ... وجهة نظرية ... انه عنده الكثير والكثير ...
ياليت ... يطلع كل اللي عنده في المباراة النهائية ...
منتخب عند من النجوم ... الكثير ... من مهاجمي ووصولا لحارس المرمى ...

بعد خروج المنتخب الاماراتي ...
نحن قلبا وقالبا مع المنتخب السعودي ...

التعليق الرياضي ... كم كنت اتمنى انه فارس عوض يعلق ع المباراة النهائية ...
ونستمتع صدق بطعم نهائي الخليج ...
بس يالله خيرها في غيرها يا فارس ...


وفي النهاية >>>>>> ادري طولت ...

يـــــــــــا رب البطولة




سعـــــــــــــــــودية