|
فهد ونهاية الصبرر ... السلام عليكم ورحمة الله وبركاته ... تحيه لكل شخص في العالم يشجع الزعيم ... تحيه لصاحب السمو بانجازاته ولصاحب السمو في صفقاته ولشخص يخطط بكل احترافيه لنادي الهلال ليوصله الى العالميه باذن الله .. هو اول موضوع لي والحقيقه اني كنت لا ارغب بالكتابه لقناعتي بانه اذا لايوجد لديك المفيد لجمهور الزعيم فابقى متفرجا افضل .. فهد شخص تخرج من جامعة الملك سعود تخصص احياء وكان في قمة سعادته لكن سعادته ما تمت لانه صدر قرار تعينه مدرس في منطقه تبعد عن اهله مسافة 1500 كيلو واحتار هل يذهب يأمن مستقبله او يجلس عاطل في بيتهم تعب من كثر التفكير واخيرا قرر ان يروح للمنطقه البعيده كله عشان المستقبل والزواج والبيت وفي يوم الرحيل والوادع من اهله صار بكاء من اهله وخصوصا والدته والحقيقه فهد تمالك نفسه عشان ما تتعب امه اكثر وسافر وهو عارف انه راح يترك اهله الي هم اعز شي بالدنيا عنده وراح يترك اخوياه وشلة السهر والطلعات وراح يفقد مدينته المتطوره والي فيها كل شي وراح يروح لمدينه اقل امكانيات بكثير حتى ان المحلات تقفل عندهم بعد صلاة المغرب وفوق كذا ما يعرف احد ابد يعني الله يعينه بيكون علاقات جديده وبعد غير ان اللهجه يبغاله شوي عشان الناس تفهمه وبعد العادات والتقاليد خصوصا فهد متعود يلبس ملابس سبور والي راح لهم كل حياتهم ثياب يعني تلبس رياضه منقود عندهم طبعا ما اخفي عليكم جلس فهد تقريبا شهرين حتى كون له صديقين بس وشهرين ثانيه حتى تعود على اجواء المنطقه والعادات والتقاليد علما بان ولادته بالسعوديه وقرار تعينه بالسعوديه بس البعد عن اهله واصدقاءه ومدينته مو شي سهل ويمكن الي مجرب من الي بيقرون الموضوع يعرفون وش اقصد ... في نهاية الامر صار فهد يعتبر نفسه من اهل الديره ولا بعد شراء فيها قطعة ارض ويفكر يستثمر فيها وكل هذا لانه صبررر على الغربه ... نهاية القصه.. يا جمهور الزعيم يجب علينا الصبر وعدم الاستعجال في الحكم على لاعب محترف جديد والله ان الغربه مو شي سهل واختلاف العادات والتقاليد شي مو سهل واللغه وطريقة التواصل مو سهله والانتقال من حضاره الى حضاره اخرى مو سهل واكبر دليل على ذلك اللاعب السويدي ويلي وشفتو كيف لاحظنا فيه تطور في مستواه من مباراه الى مباراه .. يجب نصبرر على اللاعب الكوري سيول وباذن الله في حال التعاقد مع عيسى يجب ان نصبر عليه وعد توجيه الانتقاد بشكل قوي على اللاعب نعطيهم فرصه كم مباراه وبعدين نوجه الانتقاد بطريقة راقيه كم هو معروف عن جمهور الزعيم ... :to: << الصراحه ابي احط اي وجه في الموضوع ما لقيت شي مناسب من القهر حطيت ذا الخشه . |
فعلاً أخوي اللاعبين الاجانب لابد ان نصبر عليهم حتى يتعودو على اجواء السعودية . وأنــا متفائل باللاعبين الاجانب لانهم من اختيارات عضو شرف الهلال (كوزمن اولاريو) تخيلوا الدعيع الزوري .................. المرشدي ............. الهوساوي ................... نامي عزيز رادوي التــائب سول ................... ويلي القحطاني |
شكرا على مرورك .. فعلن تشكيله ناريه بس والله يبغالنا نصبرررر على الاعبين الجدد ... |
يقول الشاعر( صبر زين وكل مطرود ملحوق ) |
لاهنت اخوي الله يعطيك العافية و بالتوفيق للهلال و تشكيلة الجنرال تيري دماااااااااااااااااااار |
لاهنت اخوي الله يعطيك العافية و بالتوفيق للهلال |
كلامك صحيح وواقعي .. لكن الشخصيه اللي تذكرها تنطبق على الشخص السعودي .. اللي مو متعود على الغربه .. متعود يعيش بين اهله واقاربه .. ولكن الاعب او الشخصيه المحترفه هو مختلف تمام عن .. الاعب السعودي .. المحترف الاجنبي .. متعود على هذه الاجواء والتنقلات والغربه بين مدينه واخرى . ولا يعيقه هذا التفكير .. ويتأقلم مع الوقت فقط.. والعله اللتي تواجهه فقط هو التكيف مع الاجواء .. لكن نحن مسلمين .. ولله الحمد نحب الاستقرار .. والطمأنينه .. والراحه .. ولو اغتربنا .. لانستيطع ان تتأقلم بسرعه ...لكون ديننا الاسلامي ..هو بيت الراحه ... وشاكر لك |
كلام منطقي فعلا لابد من الصبر والتفائل في نفس الوقت |
ولكن الاعب او الشخصيه المحترفه هو مختلف تمام عن .. الاعب السعودي .. المحترف الاجنبي .. متعود على هذه الاجواء والتنقلات والغربه بين مدينه واخرى . ولا يعيقه هذا التفكير .. ويتأقلم مع الوقت فقط.. والعله اللتي تواجهه فقط هو التكيف مع الاجواء .. هنا مربط الفرس التكيف مع الاجواء ليس بالسهوله الي نتصورها مو معنى كلمة محترف انه في يوم وليله يستطيع ان يتاقلم .. اخوي اوراق زرقاء شاكر لك المشاركه الواعيه . صحيح يا شعيب الهلال :) شكرا لباقي الشباب لمرورهم والتكرم بالرد . |
إقتباس:
شكرا على الوتضيح |
الي يقول أن ويلهآمسون غير مبدع فهو مع احترآمي يجهل خفآيآ كره القدم .. ويلي لآعب يحرث لك الملعب طول وعرض ويغير مكانه بلمحه البرق ماشاء الله عليه .. لاعب يصنع لك من شبه الهجمه هجمه .. لاعب يشغل دفاع الخصم بتغيير مركزه وبالتالي لخبطه الدفاع .. ويلي هو ضاله الهلال ... |
والله الهلال مو شين لكن حنا الغير متفائلين |
إقتباس:
الدعيع الزوري .......... المرشدي ............. الهوساوي ..... نامي(الظهير المحلي) عزيز رادوي التــائب سول ................... ويلي القحطاني(المحياني) :rose: |
حرااااااااااااااااام عليكم وين الفيلسوف الصغير عنكم الفريدي الدعيع الزوري .......... المرشدي ............. الهوساوي ..... رادوي ( نامي ) عزيز الفريدي التــائب سول ................... ويلي القحطاني(المحياني) |
اصحاب اخر خمسة ردود مسيكم بالخير ولبى قلوبكم شكلكم فاهمين الموضوع خطأ بس ما يخالف نقاشكم عن التشكليه اضاف للموضوع لمسه تشويق شكرا لكم :) |
| الوقت المعتمد في المنتدى بتوقيت جرينتش +3.
الوقت الان » 06:43 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd