|
بصراحه متشوق اشوف المقطع ان كان عندك اسدح رابطه هنا لانني اعشق صالح الحمادي وتعليقاته .... لانه يجيبها دايم ع الجرح اسدح المقطع لاهنت |
افضل قناة في هذا الوقت قناة الكاس ؟؟؟؟ ليش تقول قناة انا ماني شايف شي يستدعي هالكلام |
إقتباس:
حتى بدا يتطنز عليه الكويتي الي معهم قاله لا قول 5000 بعد <<<منقهر الشيخي لاتلومونه مازال طالب بمدرسة الرياضي <<شفتوه يوم بدا يدافع عن منصور البلوي ولا يسميه الا الشيخ يلعن ام الذله حسبت البلوي ابوه *البرنامج ميزته بسيط وجلسه كثير ماتكون ممتعه بس مشكلتهم زي الحريم كلهم يهرجون بوقت واحد *بصراحه برنامج المساء الرياضي على الجزيره افضل منه لا ضيوف ولا اعدا ولا مقدم <<واهم شي رسالة عضو الزعيم(نسية اسمه )يوم يرحب ببشار عبدالله والله وصرنا مشهورين |
الحمادي ذكي جدا وحاولوا يستدرجونه للمصيده وهو قال هالكلام للغبي الشيخي في وجوده ماقدوا يتكلمون عليه وبس طلع فتره بسيطه من المجلس كلن يحاول يسي له لكن بمجرد رجوعه مره ثانيه التزموا الصمت جبناء همهم الاول والاخير الجيوب لايهمونك ياولد عتيبه انت المحامي الاول عن الوطن ولايهمونك المرتزقه |
اعجبني والله ابو عبدالله ( صالح الحمادي ) وهو يفضح مبتغى مقدم البرنامج الغبي خالد جاسم لما قاله بالحرف الواحد ( تراني منيب غبي ياخالد وعارف ايش تدور منه بهذي الحلقه ) بهذي اللحظه سكت خالد وبعدها رد عليه وقاله احنا هنا ما ندور اي شيء عليك بس انت اللي قلت هالكلام وكأن خالد جاسم يلمح للحمادي تراك بقناة قطريه ولاتخلينا ما نجيبك ببرنامج المجلس مره ثانيه ولكن الغبي خالد جاسم ما توقع سرعة بديهة الحمادي ورده القوي ( انا الكل يعرفني اني محلل رسمي بقنوات الارتي سبورت وانا استأذنت من الشيخ محي كامل علشان اجي اشاركم بمجلسكم بهذي البطوله بحكم الصداقه والزماله وعلشانها قناة خلجيه وقطريه ) .. بجد ارفع قبعتي أحتراما لك يا أبو عبدالله ويا جبل ما يهزك ريح .. اما الاخ محمد الشيخ اثبت للعالم وبشكل قطعي انه يقبض ثمن ما يكتبه بجريدة الرياض والكل لاحظ ردوده وتهجمه على الحمادي ومناقظته لنفسه بنفسه بهذه الحلقه ( يعني اخذ دراهم من قناة الكاس علشان يهاجم صالح الحمادي ) قال ايش قال حيلة الضعيف العزف على الوطنيه وربي انك قمة السخف والمهزله ويجب ان يتم محاسبته فور وصوله للمملكة .. |
والله ما قهرني الا الشيخي اللي مسويلي فيه انه يخاف على السمعة السعودية وقهرني زود يوم خش عرض عندما تحدى الحمادي المري يثبت سالفت الدماء الملوثة لكن االحمادي كبير ويا جبل ما يهزك ريح |
صالح الحمادي ما عليه خوف كفو يعرف يتكلم اطلق شي يوم سكت عبدالرضا عباس |
صالح الحمادي مافيه مثله ،، لأني أحد طلابه ،، |
منورين يالغالين بعدين بعض الشباب ماشاء الله يقولون ليه أحنا ننقد على القنوات ياخي إذا يرضيك الظلم هذا شي راجع لك ... لكن لاتظلمنا إذا قلنا الحقيقة أما إذا ما كنت تعرف الحقيقة فالأفضل لك لا تتكلم ووفر على نفسك جهد الكتابة وبكل صراحة بالفترة الماضية الكاتب المغمور والغير معروف تلقاه يكتب أمور ملفقه يحاول بها أثاره غضب الجماهير الهلالية مو لشي لكن عشان يكسب الشهرة فقط لانه عارف أن جماهير الزعيم هي أكبر قااعده جماهيرية بالسعودية والخليج بشكل عاااام يكفيك أنه زعيم نصف الأرض وعارف أنه متى ما أثار غضب هذي الجماهير الغفيره والغيوره على ناديها فسيتم تداول أسمة بالذم يعني حتى في غضبنا شهره لهم وحتى في ذمنا لهم شهره وعشان كذا هم ماشينا على هذا المنوال من باب ( خالف تعرف ) يعني يبي الشهره لو بالذب عنده عادي والأن القنواات الخليجية بدت تاخذ نفس المنهج والأسلوب لأنهم مايقدرون عارفين أن لزعيم قناه خاصة فيه فما فيه مجال أنهم يحاولون يثيرون عاطفة الزعماء فخالفوا الحقائق ولفقوا التهم حتى ينالوا الشهرة بالشتم والذم من أكبر قاعدة جماهيرية |
الله يشــــفيك..... صارت قناة الـع ـري والخـياس تحياتي للأسف |
من رأيي المتواضع ان الأستاذ صالح الحمادي لا خوف عليه لو يواجه عشرة مو ثلاثة ولا أربعة ما شاء الله عليه أما موضوع قناة الكاس فمن وجهة نظري ان برنامجها وان شابته بعض الشوائب لكنه برنامج مميز يجيدون فيه اختيار الشخصيات وان تنفافت مع ميولنا الا انهم يسعوون للكمال والحيادية ولا كامل الا وجه الخالق واللي يقول ان خالد جاسم مش محايد ومن هالكلام فأنا اختلف معه بعض الشيء لأن قناة الكاس تسعى لإرضاء الجماهير السعودية بمختلف ميولتها وابسط الأمور انه بعد انتهاء النقاش قالها وبكل شفافية (ماشاء الله عليك يا الحمادي لحالك وما كل الجو عليهم) ويقصد بها انه لم يستطع احد من المتواجدين وعلى رأسهم محمد الشيخ ان يؤثروا على رأيه وأطروحاته علماً بأني أكن كل تقدير واحترام للكاتب محمد الشيخ مع اختلاف الميول والتواجه ومشكور اخوي على طرحك هذا الموضوع |
اعجبتني ثقه صالح الحمادي والصحفي القطري اسلوبه كان واضح انه بيستفز صالح ! ! صالح ملح البرنامج بخفه دمه وعقلانيته وثقله :clapping: والبرنامج بشكل عام يعجبني واتابعه بشكل يومي لان فيه روح الخليج وجلساتهم ومافيه الرسميه اللي بكل البرامج :d |
كل الي تشوفونه سوالف وضحك قناة الكاس محايده وعيب عليك تطلق عليها مثل هالالقاب ونفسه الاستاذ صالح الحمادي مايرضى |
وش سالفة الحمادي بالله ! اشوفهم امس بس مادري وش السالفه ! معليش اخوي مووضوعك مافهمت شي منه |
والله ما قصر الحمادي كبير والله |
| الوقت المعتمد في المنتدى بتوقيت جرينتش +3.
الوقت الان » 07:44 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd