برغم مرتبه المرتفع / مورينهو شحـّـاذ 5 نجوم ، والعجوز فينغر { ملياردير }. - نادي الهلال السعودي - شبكة الزعيم

skroo · #1 16/01/2009, 06:00 PM

^ ^ ^

الاسهم لمغرم كتابة
باعتقادي ان هالمشكلة منتشرة بكل المنتديات وهي ظاهرة ان لم تكن معي فانت ضدي
طبعا هالكلام مو وليد هاللحظه وبسبب وجهة نظرك عن الردود
ولكن شي في خاطري من زمان الاحظه وهذا اللي يخليني احجم عن المشاركة في كثير من المواضيع بسبب هالنقطة , ماله داعي ابدي رأيي ويجيني احد يرد بتشنج والا بتهور كأن ردي فيه استنقاص له او لشخصه !
حقيقة هذي مشكلة دائم اعاني منها علشان كذا خليت عندي نظام معين في اي رد , اذا ردي بيكون مخالف لبعض الاهواء لابد احط تنبيه بالاخير والف ملاحظه انه رأي شخصي ولا هو استنقاص في احد من المسلمين ولا غلطت على احد وكل هذا درءا لمبدأ ( الدرعمه ) المنتشر بشكل كبير بالمنتديات !
احيانا اتخيل لما انتقد رئيس نادي او مدرب كأني سبيت او شتمت احد من الاعضاء ؟
تخيل احيانا امزح على صورة رئيس نادي معين او مدري نادي معين ويجيني واحد من المنتمين لهالنادي ويحط صورة رئيس فريقي المفضل ويمزح عليه

والله ان فيه عقليات بهالشكل

طبعا لا احد يفهم كلامي كتبرير او تأييد للاخ مغرم كتابة اللي ما اعرفه الا من مواضيعه , ولكن شي في خاطري وذكرني فيه كلام مغرم كتابة والشيء بالشيء يذكر

اعذروني على المداخلة

إقتباس


	صحيح المدرب كفى ووفى .. لكن الطموح يبقى أكبر ، انظر الآن لكل الفرق بالعالم التي تمثّل - العواصم .. ستجدها في الطليعه على الدوام ، مدري لكن هذي وجهه نظري. ويبقى روما يقدّم كرة ممتعه بفضل مهارات لاعبيه .. والدعم الهائل المعنوي من قبل القائد الاسطوري توتي .. والنجم البارز الآخر دي روسي.

عزيزي مغرم كتابة

المال شيء مهم جدا في كرة القدم وهو المغذي الرئيسي للبطولات
صعبة تطلب من سباليتي انجازات خارقة مع ميزانية متواضعه من الادارة وملاك النادي
روما لا يملك ضخ اموال او دخل اعلانات ضخم ( مثل اليوفي والميلان والانتر مثلا ) ويعتمد على التجارة البسيطة
فانا اشوف ان اللي يسويه سباليتي بطل ويحسب له

مغرم كتابه · #2 16/01/2009, 06:23 PM

هلابك اخوي skroo والله يجزاك خير ، بطلع معك بنفس الخط .. مشكله " التعصّب " يمكن نهضمها في الوضع الداخلي ، هذا هلالي متعصب لفريقه وهذا نصراوي وهذا جبلاوي .. الخ نقول عادي.
لكن الغير عادي والغير طبيعي التعصّب - لفرق عالميه وهي مادرت عنّـا بصراحه ، جميل أن نتعاطف مع اي سي ميلان ، ونهيم حباً بالمان يونايتد .. ونعشق البرسا .. لكن - بحدود وتعقّل.
والكلام والله - ليس في منتدى الزعيم بل بأكثر المنتديات الرياضيه .. اذا تكلمت عن فريق معين - يجيك واحد وكأنك غلطان على أبوه ولا أخوه .. ويجلس يسب ويغلط ويهدد ويتوعد ... سلامات .؟
..
وهالشي لازم يتنبّه له اخواني المشرفين .. حتى يكون القسم بيئه صحيه ومشجّعه ومحفّزه على الدوام للتواجد والكتابه.
..
خلني ارجع معك بموضوع سباليتي والظاهر مابنخلص منه

.. يمكن مثل ماقلت الرجل يعمل حسب الإمكانيات المُتاحه ، بس مدري ليـه يرضـى بأن يكون اقل شأناً من جيرانه اليوفي والميلان والانتر حتى ، إن لم تكن الإداره قادرة على توفير متطلبات أساس الكرة الحديثه وهي ( المادة ) فالأفضل ألا يكون طموح سباليتي - مكانك راوح دون تقدم .. خلّه يشوف له فريق على قد الحال.
أما روما ومسأله مديونياته .. صراحه شيء غريب جداً ، روما ليس فريقاً سيرلانكياً او هندياً حتى نؤمن بمسألة الإستكانه تجاه الديون .. فريق عاصمي وجماهيري كبير جداً ويمتلك نجوم ذهبيه " من اكاديميات النادي " ربما توتي وبيروتا ودي روسي أحدهم .. فمالمانع من بيع النادي او حتى التفكير بسبل إستثمارية تكفل زياده المداخيل المادية بشكل اكبر وبشكل مستمر ( هذا موضوع آخر لكنه بنفس الإطار ).
الريال مثلاً في فتره من الفترات وصلت ديونه إلى حوالي الـ 200 مليون إن لم تخني الذاكره .. وبظرف سنوات بسيطه هاهو الآن من أنديه النخبه مادياً في العالم وبمركز متقدم جداً ..
النقاش يطول واترك الفرصه لمن أراد وحياكم ..

أبــو غــامــد · #3 17/01/2009, 01:33 AM

اخوي مغرم كتابه

انا اعتذر عن جملتي الي انت حددتها

وترى ماكتبتها رداً على أحد سواء عليك أو على غيرك

انا قلتها عفوية .. من باب تأييد لكلام مورينيو فقط لاغير

انا حبيت اعتذر لك .. إذا فهمت اي شيء ثاني من هالكلمة .. ام سو سوري