شوفوا وش صارلي بعد هزيمة المنتخب في نيويورك
 

السلام عليكم....

والله كلنا تأثرنا من الهزيمة القوية اللي أكلناها من ألمانيا

بس الواحد يحمد ربه انه مهو بره السعودية زي حالاتي ......

طبعا من اسمي المستعار ، اي واحد يعرف اني في مدينة نيويورك

وطبعا ان اهل امريكا معروفين لعدم حبهم لكرة القدم كثيرا ولكني لم اكن محظوظ .....

قبل المبارة ماتشوفوا أخوكم الا يسوي دعاية للمنتخب اننا ابطال اسيا وافضل لعيبة واننا حنهزء المانيا وحنبهرم بالمستوى ... حتى اني خليتهم كلهم يتابعونها

وشوفلك بعد المبارة الاتصالات من كل واحد .... وخذلك سلك حش على المنتخب من كل من هب ودب .....

بس طبعا أخوكم فاهملها ، رحت قفلت الجوال ....
والحمد الله افتكيت منهم الا واحد مصري سابلي مسج فب الجوال قعد يتريق ويضحك في المنتخب وقالي : (بالمصري)

ايه ده ياراجل !!!! ده فريق يلعب كورة !!!!
دهوا ايه ..الالمان لعبوا وحدهم ... وانتوا بتقولوا برازيل العرب ... ده برازيل ... ده طحين
امشي ياراجل انتى وفريق الغلابة .....
عاوزك تتصل بي عشان اتشمت عليك الساعة ثمانية والدقيقة بالظبط صفر ..... هاهاهاهاهاها سلام


قلنا يلا مافي مشكلة مصري واعرف ارد عليه

المهم اروح الكلية ... وانا في الباص احصلك واحد اسباني .. تكلمنا انا وياه عن كاس العالم . وهو كان ناسي اني من السعودية . وشوفلك الاسباني مافي الا حش في السعودية . وعشان مايشك فيني ، برضه حشيت معاه على المنتخب :laugh: :laugh:

و في الاخير جاءت وحدة ارجنتينية وضحكت في وجهي وقالت اشفيهم منتخبك !!!! :eek: :eek:
الا والاسباني دري اني من السعودية واديله ضحك على منتخبنا

قلنا مافي مشكلة اتحمل حتى اني اوصل الكلية

كان عندنا اختبار نهاءي لمادة المحاسبة
طبعا حضرنا قبل الاختبار بنص ساعة ... الا احصلك المصري يضحك في وجهي .. وراح يقول للبقية اننا انهزمنا من المانيا 8 ومن الكاميرون 1

وبعدين الفصل كله تشمت في شماتة .... ذكروني لما ينهزم الهلال ويجوك النصراوية شماتة :smilewink :smilewink

واحد يقول هذا فريق زبالة ... والثاني يسأل: ليه هم ماخذوا شنطهم وروحوا بعد ألمانيا :sad: :sad: :sad:

الين في الاخير جاء البرفسور وفكني منهم

الشي اللي انبسطت منهم انهم كلهم شهدوا لنواف التمياط انه لاعب كبير وكان اغلبهم حافظين اسمه حتى بعضهم قال حرام انه يلعب مع فريقكم !!!!

المهم احب اقلكم الواحد يحمد ربه انه في بلده

كله من الحقد اللي بقلوبهم
والله يعينك
اما بالنسبة للمصريين يكفي انهم الو فريق عربي ينهزم بسبعة في كاس العالم

والله يوفقك ويرجع للسعودية سالم وغانم

ما علية يا خوي استحمل كلها كم سنة وبترجع ان شاء الله سالم معافى الى بلدك الغالي واقول ان شاء الله انك ما تقعد الى كاس العالم 2006هههههههههه

لايهمونك المصاريه اكلناهم خمسه وش عليه والباقي يفتح الله مانقدر نقول شي
بس ماعليك منهم

خخخخخ
 

اشوا اني فالسعوديه

وسع صدرك

ههههههههه
تستاهل.

ههههههههههههههههههههه

يا رجال سكر على نفسك بس من بعد صلاه المغرب ..


لا تجيك مداهمه ولا شي ..


الله يرجعك سالم ويفكك منهم :(

شيء طبيعي جدا ان يحدث هذا

وهذه ردة الفعل طبيعية جدا للهزيمة المذلة

وهل كنت متوقع بأنهم سوف يعقدون مناحة لخسارة منتخبنا

ولو كنت في السعودية نفسها لسمعت اكثر من ذلك بكثير

ولكن الغير طبيعي مع احترامي لك هي انهزاميتك امامهم

وقد يكون لك بعض العذر ولكن هذا منتخب بلدك والمفروض ان تفتخر به فاز أو هزم

ولو أنك واجهت الموقف من البداية بشجاعة لما تعرضت لمثل هذا الحرج الذي تحس به الآن

تحياتي لك .

أشكر لكم جميعا وحتى للذين ضحكوا علي اقولهم يحقلكم

أما الاخ THE FUGITIVE /

وش تبيني اقلهم !!!! تراها ثمانية !!!!!

والله ثمانية !!!!!!!!

حتى المنتخب اليمني مانهزم ثمانية !!!!!!!!

والله انك لو كنت مكاني ماتدري وش تسوي

وشكرا لك

ماهي نهاية العالم و ان شاء الله القادم احلى

ومن قال لك انهم غير مهتمين بالكورة
بل اراهم متجهين للكورة وبسرعة
والازعاج من الامريكان اكثر
خصوصا ان منتخبهم مقدم عروض قوية

اما العرب طنشهم
اما احسن شيء في امريكا فهو نقل القناة الاسبانية UNI
للمونديال بكل حماس ومجاني ومشكلتهم الوقت من 1.30 منتصف الليل حتى 8 والنصف صباحا رغم وجود قنوات الكيبل espn الاول والثانية

وانتبه على نفسك من قانون الطواري تراهم مايصدقون
والله الله بالمحافظة على الصلاة

هلا والله باخوي هلال تكساس ، أقول وش وداك عند الكوبوي ترهم عندك متعصبين أكثر من عندنا .

بس المهم مشكور لك وعلى قولك على القناة الاسبانية هي احسن شيء بالرغم اني مافهم ولا كلمة

هههههههههههههههههههههههههههههههههههههههههه
وبعدين لا تخاوي مصارية
وذكرهم بالخمسة في كأس القارات

لو شفتك انا وانا سعودي راح اتشمت في المنتخب قل ليش المنتخب موفر له جميع مايطلبه لكن بوجود فريق اداري غير كفو وفريق فني كذلك فاني مقتنع تماما من النتيجه

فريق يعسكر ثلاث شهور وخذ مباريات وديه وتكسير من هاللاعبين لحد ماصفت على هالمجموعه لو سعد الدوسري والشيحان وطلال المشعل واحمد خليل موجودين لكن للمنتخب كلام ثاني حرمو الانديه من لاعبيها علشان هالمسكر الايطالي الي ماله داعي اصاب اللاعبين بالملل والتعب