كل مشكلة ولها حل - نادي الهلال السعودي - شبكة الزعيم

عريب عبدالله · #1 17/01/2009, 06:40 PM

يا الله من هالماصل

صاير قضية المجتمع هاليومين

هذا ثاني رد على التوالي يوجة لأخوي الغالي سلطان

بالنسبة لولد عمك أعتقد أن المسألة غلطة عمك الله يسلمة ويخلية لكم

إبتداء من أنه موليك علية

بصراحة أحس أنة ماخذ فيك مقلب

ندخل في السالفة

يعني يسرق نيدوا ينحد عشان نيدو شكلة ماعاش طفولتة ويبي رجعها بالنيدو

الاوش يسوون به لين سرقوة يسوون به ترامس حليب ويوزعونها على الفقراء

برضوة شطحنا ولازم نركز شوي في الحل

إقتباس


	أنا ما أقصر معه أحل له مشاكله اذا قدرت .. وأسلك له أحياناً . أقول اذا كبر بيعقل ان شاء الله ..!

شلون يعني تسلك له

إقتباس


	أنا عادي عندي يسرقون .. جيزهم جيز غيرهم

هنا تكمن المشكلة في الناصح والمرشد

لو تفتح عمل الشيطان لكن كتحليل للقضية<<طارق الحبيب على غفلة

الولد يبي يلفت نظر علاقة باردة في المنزل +شلة فاسدة + سلطان = راح فيها الولد

لحد الآن ما حليت الموضوع بما أن المسألة صارت

ولازلت أحملك المسؤلية فيها

فأعتقد ممكن أدفع قيمتة وزيادة ونسكر على الموضوع وعادة الشرطة يراعون هالمسائل حقة المراهقين
خصوصا أن السالفة نيدو <<ياشيخ أستح على وجهك سارق وفي النهاية نيدوا

على الأقل أسرق شي يسوى

الموهيم السالفة تبداء لين طلعته من الشرطة <<كسعودية بأشرشحة وأمسح به البلاط
لكن التصرف المناسب أني أتركة وما أحاكية وأخلية على أعصابة

ثمن أجلس معه في جلسة ودية ونبداء بالكلام بهدؤ الى أن يقتنع أن تصرفة غلط

لأنه راح يرجع لنفس التصرف فيما لو عطيته من التهزيء ما يبرر فعلة

لكن التصرف الهادئ يحسسة بالذنب لأنه تصرف بهالتصرف ينتقم منا لأنه مهمش

بعدين نبداء في الحديث عن المستقبل ونطعم كلامنا بشوي من الدين ورأي الدين في السرقة

الكلام لازم يكون مقنع وهو اللي يستنتج الحلول عشان يطبقها

بعدين نساعدة على الطريق الجديد اللي أختارة بعيد عن الشلة السابقة"الصاحب ساحب"

الولد هذا يحتاج حب ويحتاج صبر ويحتاج إهتمام من أهلة حتى يتعدل سلوكة

بس أعتقد أن المشكلة الكبيرة تكمن في المشاغب وليس الضحية ولد عمة

بالحب والإشراق

al7oot-99 · #2 17/01/2009, 06:47 PM

إقتباس


	المهم .. مراهقته خطيرة هالولد صار يدخن ويسمع أغاني غربية وكسرات

كسرات وغربي !! المفروض تعرف على طول ان الولد مخه مضروب

.,
افضل شي انك ترضي المصري وتخليه يتنازل بعدين تكلم عمك لان الموضع فلت من يدك الحين وصار فيه سرقة نيدو .

الـمـشـاغـب · #3 17/01/2009, 07:18 PM

nor alshams

إقتباس


	انك بتكلم الولد بالتوقيف انه مايعترف عن ابن عمك عندي سؤال / وش يبون بالنيدو يوم يسرقونه ؟!..

الولد يقول انه ما راح يتكلم ..
لكن الخوف انهم اذا ضغطوا عليه بيعترف غصبن عن خشم أمه

أما علبة النيدو .. يروحون يبيعونها بسعر قليل ويتقاسمون هالريالات ..!

مواصل من عام 1413هـ

إقتباس


	سؤالي : وش بيسوون بعلب النيدو بيحطون فيها ( إسمنت ) ويتدربون عليها تمارين صدر وبعدين هو يدخن ، يعني لو سرق بكت دخان ما راح ألومه !!.

يوم سألته قال لي انهم يبيعونها ويروحون يشترون عصيرات والا عشاء ..!
بصراحة هو مو محتاج لها .. لكن تعرف أنت المراهق وشلون يحب المغامرات ويحس انه عربجي

على فكرة .. ترى قال لي انهم مرة أخذوا فلوس من الهندي في بقالة .. بس لما شافني عصبت عليه حلف لي انه يمزح ..

إقتباس


	ما فيه حل إلا إني بروح للمصاريا وأحاول أعوضهم قد ما أقدر علشان يتنازلون ، حتى لو أوصلها لألف ريال.

من قبل ما يعلمني عن السالفة كانوا مكلمين المصري عن طريق واحد وعرضوا عليه فلوس .. لكن عيا المصري لين يجون اللي سرقوه بأنفسهم ..!

وجــدان

إقتباس


	علم عمك بالسالفه على الأقل هو رجال كبير وبيحلها بطريقته وبعدين خلهم يلعنون شكله عشان يتوب

بينجلد ويتوب هو؟
للأسف يا كثر ما جلدوه أهله ولا نفع فيه ..!

رائدة الزعيم

ضحكني ردك كثير الله يرج أعدائك الشيعة

إقتباس


	شلون يعني تسلك له

امممم .. يعني لما يكلم بنت بالجوال .. أسوي نفسي ما أدري انه يكلمها ..
وبنفس الوقت أذني تكون مركزة بالصوت الناعم وأتغيشم

إقتباس


	الولد يبي يلفت نظر علاقة باردة في المنزل +شلة فاسدة + سلطان = راح فيها الولد

ماجد مقبل شاف ولد عمي .. وشاف سيارته والشعارات اللي ملصقها بسيارته

وقال كلام قريب من كلامك وحملني المسؤولية

إقتباس


	فأعتقد ممكن أدفع قيمتة وزيادة ونسكر على الموضوع وعادة الشرطة يراعون هالمسائل حقة المراهقين

ما شاء الله عليك .. حلو حلك .. بس راح عن بالك اننا نخاف نظهر ولد العم قدام الشرطة عشان أهله ما يوصلهم الخبر ..!

al7oot-99

إقتباس


	كسرات وغربي !! المفروض تعرف على طول ان الولد مخه مضروب ., افضل شي انك ترضي المصري وتخليه يتنازل بعدين تكلم عمك لان الموضع فلت من يدك الحين وصار فيه سرقة نيدو .

مخه مضروب وقاضين .. لكن وش ينفع الكلام في الماضي؟

حلك .. رديت عليه فوق ..

نقطة : القضية صارت قبل عيد الأضحى والحمد لله انتهت بعد العيد ..!