هل فعلا نحتاج المحياني ؟؟؟؟ - نادي الهلال السعودي - شبكة الزعيم

هلالي جداوي · #1 14/01/2009, 05:15 AM

صبحكم الله بالخير

انا وجهة نظري بصراحه ان الهلال ما يحتاج المحياني , يا ناس احنا عندنا ياسر + العنبر + الصويلح + ويلهامسون + مهاجم اجنبي وعدنا فيه رئيس النادي

طبعا يوجد سلطان السعود والخراشي المعار

يعني بصراحه ما ادري احنا نتهم بعض الانديه بتكديس النجوم واحنا وش قاعدين نسوي

بالله وش شعور العنبر الي مستوا متطور لما يجي المحياني بحوالي العشرين مليون

خلونا منطقيين ومو عاطفيين , صح احيانا نطمع بفريقنا يكون كله نجوم بس مو بالصوره هذي

انا اتمنى من الاتحاد السعودي يوقف الصفقه والمبلغ هذا ينحط في لاعب يحتاجه الفريق

اتمنى اسمع ارائكم بكل منطقيه وشكرا

تحياتي

هلالي_15 · #2 14/01/2009, 05:19 AM

بالله انت تفهم بالكورررررره أكيد نحتاج المحياني هداف من الطراز الأول هداف الدوري قبل موسمين

العنبر سبيكه مو علشان كم مباراة جاب فيها قول نقول فنان والله يخلي التائب

الخراشي حده الأهلي ولاعب كبير 27 سنه !!

الصويلح ما أدري وش جاه دب صار وكثيره أصأباته

ويلهامسون يافهيم مايلعب مهاجم أبدا حتى مايلعب مهاجم ثاني

والمحياني راح يكون سعودي ومستواه انشالله مظمون وبيقعد معك سنين مو مثل الأجنبي موسم ويمشي

وأذا تبي الأسيويه لازم يكون عندك بدلاء على مستوى عالي جدا

وبالنهايه يخسوووووووووووون نادي الفقر الله لايوفقهم ياخذون لاعب بيجيبه الزعيم

الزقروتي · #3 14/01/2009, 05:23 AM

ويلهامسون مهاجم هاه؟؟

الله يصلحك بس ؟؟

الهلال بحاجة لاعب يخلص على طول وهذي ميزة المحياني ..

Faisl.b · #4 14/01/2009, 05:41 AM

والله باعتقادي الشخصي المتواضع ،، عيسى المحياني من نجوم الكره السعوديه ولاكن اعتقد انه موب مهم بالمرحله الجايه
فالعنبر يقدم مستويات جميله وشبيه الريح صرح انه ببجيب لاعب من الطراز الأول
الحل الأنسب بوجهت نظري هي ان تتم اعاره الكبتن محمد العنبر لنادي الوحده واستقطاب الكبتن عيسى
عيال بن مساعد ،، كل الشكر والاحترام والحب لكم ففانتم بعد الله سر تفوق الأزرق في كل شي
سيرو ونحن ورائكم،،

كاريرا · #5 14/01/2009, 06:48 AM

ويلهامسون يلعب جناح مو مهاجم

بعدين جتنا فتره الموسم هذا القحطاني و الصويلح كلهم مصابين

ما كان فيه احد غير العنبر

يعني زياده الخير خيرين و المحياني هداف يعرف طريق الشباك

دمت بود

واحد شوي · #6 14/01/2009, 07:14 AM

اخواني الهلال في حاجة الجميع من المهاجمين

واي مركز يحتاجه لان بطولة اسياااا في حاجه الى نفس طويل وبالنسبه للمهاجمين ترى المحياني اشوف انسب لاعب مع ياااسر والعنبر
وبالنسبه لصويلح صدقوني اعرفه في حواري الاحسااااء ماعندك احد اتمنى اعااارته للفتح او هجر وكثر الاصابات بس الجمهور الهلالي طيره في العجه جيبواا انجاااز للصويلح مع الهلال ماعندك احد ؟
اتمنى اعارته وصدقوني تطلع حقيقته مع اني اقدر احمد الصويلح بس هذا حق

من حقوق جمهور الهلال ابداء الراي وصدقوني الصويلح ماراح ينفع الهلال

Lover Sami · #7 14/01/2009, 08:03 AM

شكراً لك ،
نعم الزعيم بحاجة مهاجم .. سواء كان المحياني او غيره ،
نحتاج مهاجم هداف ليكون بجانب القناص ،
و مع إحترامي للي ذكرتهم إلا انهم مابين إصابات و غياب مستوى ..!
و فريق ينافس يجب ان يكون لديه هجوم ضاااارب ،
آما اللاعب الاجنبي فـ اعتقد ان نجاحه ليس مضموناً حتى نتنازل عن التعاقد مع لاعب
محلي يكون هداف ،

عااشق11نواف · #8 14/01/2009, 08:07 AM

والله انا أشــوف المحياااني سعرهـ كبير بالنسبه لمستواهـ .. وأشوووف الخراشي لو آخذ فرصه راح يبدع أحسن من المحيانـــي

وأكبر دليــــــل على اللي يقدمه الخراشي مع الاهلـــــي ..