بأختصر لك الاجابه في سطر

مصلحة الهلال اهم من مصلحة لاعب او لاعبين واللي تكسب به العب به

إقتباس الرسالة الأصلية كتبت بواسطة زعيـم هلالـي ياسر دولي وعيسى لا .. الصويلح بيصير صديق حميم ليقدح وعيسى استمراريته بالملاعب اطول ماشاء الله .. الاسيوية لما ياسر مايكون بيومه والصويلح على حالته مباراة يلعب وبسبتها يغيب 5 .. العنبر وياسر لحالهم بالاسيوية والله منتب جايبها ! ياسر ماسجل اي هدف بالبطولة الاسيوية بنسختها الاخيرة والرجال ماتوفق ! طبعا غير اننا كنسلنا عقد هدافنا بالاسيوية .. فريقنا يحتاج حل فوري .. معليش ترا الاسيوية تختلف كليا عن الدوري .. الدوري نقدر نجيبه بالتشكيلة الحالية وبدون اجنبي ثالث وبالراحة .. لكن الاسيوية يبي لها دكة احتياط بمستوى الاساسي .. انت فكر بمصلحة الهلال اول شيء .. لو ما استفاد من عيسى وهو شيء غير متوقع ان شاء الله .. ماراح نخسر بالعكس راح نكون حاولنا .. اتخيل اشوف السعود الورقة الرابحة بالاسيوية .. ياهي ضيقة صدر بعد تذكر يوم نقول الاتحاد يكدس ويخرب الكورة السعودية ايام كثرة الانتقالات لهم؟ النتيجة جابوا الاسيوية مرتين لانهم دعموا الفريق بعدد كبير من اللاعبين بين الفاشلين والناجحين طبعا .. وكلامك عن الشباب والناشئين يبي له عالاقل عالاقل سنتين الى ثلاث سنوات على ما يدخلون الفريق الاول ! انت فكر فيها بينك وبين نفسك .. هل من العدل تقحم العابد وفلاتة بمعمعة الاسيوية ؟ اجل بطولة فيصل وراهم حاطينها له ؟ ما اثبتوا وجودهم بالاولمبي حتى الان وانت تبغاهم بالاسيوية؟ لازم تعيد النظر بكلامك لان نظرتك الى مابعد 5 سنين .. والتايب مامنع الفريدي من البروز رغم انهم نفس الخانة .. الموهوب راح يفرض نفسه .. شف الكلثم كيف مستواه سيء بالرايد مثل ماكان سيء مع الهلال .. مع هذا المطالبات بالكلثم نشوفها رغم انها غير عقلانية ..!! مستوعب كيف جسم العابد الرقيق راح يدخل بالمعمعة مع اجسام الايرانيين والاوزبكيين؟ وهل خبرته بتشفع له مثلا بالهروب من المأزق الجسماني كما يفعل الشلهوب أيام عزه على سبيل المثال ؟ إطلاقا ياليت ماتاخذ الموضوع بسالفة الغلطان بكلامه سيء ومايفهم كورة لان الكل يخطئ .. انا هذا كلامي مع احتمالية الخطأ فيه لكن بواقعية نسبة الصواب فيه أكبر .. احترامي لك ووجهة نظرك سليمة لو مالنا مشاركة خارجية او ماهي طموحنا المشاركات الخارجية وميزانيتنا ماتسمح ..

<<<<<<<<<<<<<<<<<<<<<<<<<<<انا اؤيد كلامك ولك جزيل الشكر

لا يهمك يا حبيبي يا عيسى تعال نحن كلنا في انتظارك

وذهابك للجار تراه خسارة كبيره لك وسأل كامل الموسى و اسامة هوساوي

تعقيب بسيط :

بعض الاعضاء يقول ان لي مصلحة شخصية في هذا الموضوع ؛ إما لأني احد اقارب الصويلح ، أو اني عضو مندس يعني بالعربي نصراوي ....

وصراحة اولا اشكر الجميع على التفاعل مع الموضوع ، ورغم كثرة الردود الا ان تلك الردود ليس فيها تجريح او تعصب ، وهذا يدل على رقي الهلال والهلاليين ..

وانا لاني قريب للصويلح ،، ولاني نصراوي .. انا فقط ادلو بدلوي تجاه موضوع يطرح على الساحة الزرقاء ، مدعمة بأدلة منطقية من وجهة نظري

قد نتفق .. وقد نختلف .. ولكن نبقى متحدين في حب الهلال

هذه عبارة عن وجهة نظرك
أنت فقط
وأنت الذي سيكون في الاحتياط
وأنا من المطالبين بشدة بالمحياني
بالتوفيق لزعيمنا

إقتباس الرسالة الأصلية كتبت بواسطة بالونات نفسي اصدقك بس ماني قادرلأن الواقع يقول غير كذا استغرب كثرة مدح الصويلح المبالغ فيها وهو لم يقدم شيء الى الآن مافيه لها الا سببين : 1- تشوفون مباريات غير اللي اشوفها 2- اقرباء الصويلح كثيرين في المنتدى ماهي انجازات الصويلح ؟ ماذا استفاد الهلال من الصويلح ؟ اين الصويلح الآن ؟ مالمأمول من الصويلح اذا عاد ؟ المحياني مطلب كبير للهلال لعدة اشياء : 1- لا يوجد مهاجم يعتمد عليه في الفريق غير ياسر 2- اصابات ياسر كثرت في الآونة الاخيرة واعتقد ان المحياني يستطيع سد جزء كبير من غياب ياسر 3- التعامل بحزم من ادارة الهلال للثلاثي ( الصويلح والعنبر والسعود ) والتخلص من بعض اللاعبين اللي امضوا سنوات مع الزعيم دون فائدة وخصوصا الصويح والسعود

وربي قريت ردك بردت حرتي ما ابي اقرى باقي الردود

وياليت كل اللي هنا مثلك


اما جيل شخبط شخبيط هو اللي بيرجعنا لورى

اول شي الصويلح يفرق عن المحياني والمحياني افضل بمراحل فكيف اذا جا للهلال وتطور مستواهـ ثانيا الصويلح كثير الاصابات ثالثا وهو الاهم المدرب يلعب بخطة 4-5-1 لعدم وجود مهاجم مميز غير ياسر

معليش حبيبي استريح
المحياني يعتبر ثالث مهاجم في المملكة بعد ياسر ومالك تجي وتقارنة بالصويلح ؟؟؟؟؟؟؟؟
بحول الله وقوتة انة هلالي وراح يكون قوة ضاربة مع القناص في هجوم الازرق

ماقلنا كل لاعب يطلع نبيه .... المقصد ياعزيزي هو ان الزعيم مشتاق للاسيويه

و الاسيويه مايبيلها اي فريق يبيلها كل شي يكون 100% ولا تطلع من بدايتها


احنا نبي كاس العالم

إقتباس الرسالة الأصلية كتبت بواسطة dunhill_Jjjil ماقلنا كل لاعب يطلع نبيه .... المقصد ياعزيزي هو ان الزعيم مشتاق للاسيويه و الاسيويه مايبيلها اي فريق يبيلها كل شي يكون 100% ولا تطلع من بدايتها احنا نبي كاس العالم

>>

هلا اخوي

اتفق معك ان الهلال لازم يتجهز صح للاسيوية ..

واذا فرضا ان المحياني مهاجم قوي

وإذا قلنا فرضا ان مهاجمينا الشباب او الناشئين توهم يبي لهم وقت ؛طيب الاسيوية تبي مهاجمين لهم ثقلهم .. وسبق لهم الاحتكاك بفرق قوية وبلاعبين جامدين .. والمحياني لعب في الوحدة ، والوحدة لم يشارك في بطولات خارجية قوية ، وغير كذا هو لاعب غالي جدا يعروض بـ 26 مليون بحسب تصريح وكيل اعماله احمد القرون ..
هال26 مليون نقدر نجيب فيها مهاجم اجنبي من طراز اللاعبين المتمرسين


اشكرك على التفاعل .. والله يكتب مافيه الخير للجميع