|
خبر اكيد - شاهد المونديال بالمجان واقهر شيخ الذبان ..!! من واقع تجربه شخصيه وحثبره في الدش سويتها بنفسي .. كانت نتيجتها اني شفت مباريات كاس العالم اليوم كامله على القنوات الايرانيه وببث وبصوره اصفى من عين الحمامه ماشاء الله :) وانا في الرياض .. ولذلك احب انقل هالطريقه بالتفصيل لمن حرمهم شيخ الذبان الباكستاني فاسد خان اكبر غلام من متعة مشاهدة كاس العالم ... وماتحتاج له هو .. رسيفر عادي ( انالوج ) وليس ديجيتال .. وايضا راس ku ودش قطره متر وستين سنتي يعني دش صغير .. (( وهو نفس الدش المستخدم لاستقبال قنوات العربسات اللي تبث على ku اللي هي قطر والجزائر وليبيا والاردن )) والدش والراس مايكلفون 100 الى 150 ريال والرسيفر للي ماعنده فسعره مختلف على حسب النوع ... طريقة البرمجه .. في البدايه خل وضع الرسيفر على ku منخفض low وادخل التردد التالي 1346 باستقطاب راسي v .. واذا كان الدش غير مركب عندك وماتعرف تركبه فجبلك واحد يركبه ويوجه لقنوات العربسات ku او يوجه مباشره لهذه القنوات اذا كان يعرف موقعها من قبل .. واذا كان مركب عندك من قبل وموجه للعرب سات ku ( يعني جهة الغرب لمن هم في الرياض ) فما عليك الا انك تلف الدش جهة اليسار 90 درجه او 80 درجه تقريبا ليتوجه لجهة الجنوب وبعدين ارفع واجهة الدش للاعلى شوي وبعدها راح تلاحظ ان الشاشه راح تبدأ باستقبال الاشاره واذا ماطلع شي تابع تحريك الدش يمين ويسار وفوق وتحت بشكل بسيط الى ان تبدأ بوادر خروج القناة معك وبعد كذا حاول تصفي القناة اكثر شي تقدر عليه وهي عموما تكون صافيه تماما ... وبعد ماتطلع عندك ادخل الترددات التاليه عشان تطلع معك باقي القنوات الايرانيه .. ( 1214 ) , ( 1248 ) , ( 1422 ) وبالنسبه لتردد الصوت فهو 6.80 او 6.20 ... وان شاء الله تطلع معاكم زي ماطلعت معي بالامس بعد مافاتتني مباراة البرازيل وايضا مباراة ايطاليا الله لا يوفق اللي كان السبب ... وبالنسبه للديجيتال .. ففيه باقه كرواتيه اسمها HRT تنقل كاس العالم 100% ومعلومات برمجتها هي .. التردد / ( 12520 ) الاستقطاب / ( رأسي V ) SR / 27500 FEC / 3/4 وهذي القناه مشفره تشفير فياكسس ولكسر شفرتها تحتاج الى كرت ( الفن كارد ) وقيمته من 100 الى 130 ريال وتلقاه بالعاده عند الهنود اللي ياقفون قدام محلات الدشوش في السليمانيه وبعض المحلات وان كان اللي واقفين برا اسعارهم اقل .. ولكن احرص على انك تشترط عليهم يفكون شفرة هالقناة بالذات لانهم يعتقدون اللي يجونهم يجون عشان بس القنوات الاباحيه فهم مايبرمجون الا هالقنوات .. وبعد لازم تعلمهم عن نوع رسيفرك لان بعض الرسيفرات ماتشتغل عليها بطاقة الفن كارد وبعضها يشتغل عليها الكرت الذهبي بس وبعضها مايشتغل عليها اي شي ... وهذا عموما اللي اعرفه وحبيت اوصله للجماهيرالمغلوبه على امرها و اللي حرمها هذا العفن ومعه ثله المرتشين والمرتزقه متابعة كاس العالم الله يورينا فيهم يوم اسود مثل سواد قلوبهم قولوا آمين ... ملاحظه .. اذا كان فيه اي معلومه خاطئه او ناقصه فأتمنى من الجميع المشاركه لتعم الفائده :) .. |
إقتباس:
عن نفسي انا ما اشتركت بس أخذت جهاز أحد الزملاء اللي مايدري وش الكورة :) وعطيته جهازي .. الحاصل جهازه فيه كروت وزحمة الأهم انه فاتح قناة اليورو سبورت وتنقل المباريات وبتعليق فرنسي خيالي :) وفيه ميزة الناس تعتبرها نقطة سلبية وهي عرض المباراة بعد ساعة من بدايتها وانا مبسوط بصراحة يعني مافيه قومة الساعة 9 :) وتبي الجد التعليق أروع وأحسن من ربعك :yes: |
أخي الحبيب الله يعطيك ألف ألف ألف ألأف العافية وتسللللللللللللللللللللللللللللللللللللللللللللللللللللللللم وحسبنا الله على اللي كان السبب |
الغالي اوين ولو أني ما أدري وين هي موجهة بالنسبة للتشفير :D إلا أن أحد الاخوان ( الشباب ) :D ماقصر جاب لنا كرت الفن اللي تقول عليه :D وعبر جهازي الهوماكس 5400 نستطيع مشاهدة المباريات عبر ثلاث قنوات بواسطة القمر الاوربي الهوت بيرد الاولى وهي الأحسن قناة RAI1 الايطالية 11765 V SR27500 2\3 والثانية قناة euspnew 10719 27500 3|4 والثالثة القناة الكرواتية التي ذكرتها .. ويالله لك الحمد بلا منة الباكستانيين وقنواتهم :D مع تحياتي للجميع |
اخوي اوين مو بس على التماثلي حتى على الرقمي موجودة وهي وضع قمر على جهة الجنوب غير العربسات على تردد 11137 3/4 27500 verteical |
الله يعينكم يا أهل ديرتي ، الحمد لله انا في ديرة تنقل المباريات بالمجان |
عزيزي الاعصار .. ماشاء الله عليك مضبط امورك بدري :) .. مهوب زي الضعيف محاكيك اللي شاف مباراة الافتتاح ومباراة المهزله الثمانيه على غصب واحد .. وشاف مباراة الارجنتين في مقهى صبصبت فيه عرق الين قلت ابا الفرج :D .. وشفت مباراة انجلترا عند باكستاني في محل دشوش رحمني وخلاني اشوفها عنده :no: :( .. وباقي المباريات عليه العوض ومنه العوض ماعدى مباريات اليوم الله يخليلنا جمشيد محمدي وعلي منصوريان وقناة زنده ( داري ان معناها مباشر بالفارسي لايجينا احد يتفلسف بعد :yes: ) ... اخوي الكنز نواف .. الله يسلمك وهذا اقل شي نقدمه لجماهير الزعيم الغاليه .. وان شاء الله يستفيد منها اكبر عدد ممكن .. الغالي سور الصين .. تراني مانيب بعيد عنك في التشفير بس الحاجه تخلي الواحد يتعلم الشي غصب .. وبالنسبه لباقي القنوات اللي قلت فانا سمعت انها تنقل لكني ماشفتها بعيني زي ماشفت القناة الكرواتيه اللي ذكرتها وماحبيت انقل معلومه الا وانا متأكد 100% منها .. وعموما الله يعطيك العافيه على المعلومه المفيده .. اخوي sayedhassan .. والله ما كان عندي علم عنها .. لكن المهم ان تكثر المعلومات بهالخصوص ومنكم نستفيد .. اخوي ماجد .. الله يرجعك بالسلامه ويصبرنا على مطرسة ربعنا .. |
اخوي اوين اذا كنت تريد التردد والاتجاة حاضرين وهاي الرقم خوي 11137 vertical 27500 3/4 والاتجاة جنوب ورقم القمر (902)(62درجة) لاتنسى على الرقمي ومن مميزاتها انها تنقل الدوري الايطالي والدوري الالماني وابطال اوروبا |
ما شاء الله عليك يا الاعصار عندك ولا تجيب لي جهاز مثله مهند ومزبط وضعك بعد وتسلم اخوي اوين والله كل يوم تتطلعلنا قناة |
مساء الورررررررررررررررررررررررررررررررررررررررد الأخ الغالي / أوين أنا بأذن الله أبسوي اللي سويته !! لكن أحتاج شوية توجيه !! ((( على ku منخفض low وادخل التردد التالي 1346 باستقطاب راسي v ))) يبيلهاشرح شوي وبالأخص أستقطاب رأسي V ،، هذي اللي مافهمتها أبد !! وبأسرع وقت الله يخليك !! |
بالفعل طريقة مسكتة ... |
طيب انا جبت irt ويش اسوي:confused: |
أخوي أوين طيب لو وجهت الدش للجنوب ما تطلع قنوات العربسات ... يعني بس الإيرانيه |
الغالي sayedhassan .. انا بالنسبه لي ماتفرق معي لكن اللي يهمني ان المعلومات تزيد والجميع يستفيد يعني اللي مايحصلها مع هالقناة يحصلها مع ذيك .. ومشكور اخوي على اهتمامك ... الاخ الهلالي 11 .. الله يسلمك اخوي .. عزيزي سراب الدمع .. معليش على التأخير في الرد عليك لاني ماقريت الردود الا الان .. وبالنسبه لسؤالك فانا اقصد بku low او منخفض ان البث على الكي يو وليس c .. وعشان اشرحها وشلون تحطها فانا راح اتكلم عن رسيفر ايكوستار 730 .. راح تلاقي على الريموت زر مكتوب عليه EF اضغطه وبعدين اضغط رقم 9 مباشره مرتين متتاليات وراح تطلع على شاشة الرسيفر جملة من اربع وهن يا .. 1 - b-lo 2 - b-hi 3 - a-lo 4 - a-hi وانت اختار منهن الاولى وعشان تختار بينهن استخدم الزرين اليمين واليسار الكبار اللي جنب زرين الانتقال بين القنوات ... وبالنسبه ل v .. فانا ماخذ بيانات القناة من مجله وكانوا كاتبين كذا واعتقد انهم يقصدون العمليه التاليه .. اضغط على EF وبعدين رقم 9 وبعده رقم 3 وراح تلاحض ان شاشة الرسيفر راح يطلع عليها وحده من ثنتين .. lnu او nor وانت عليك تختار nor ... اما بالنسبه للتردد 1346 وكيفية ادخاله فما عليك الا انك تضغط زر video وتدخل التردد المذكور وبالنسبه لتردد الصوت 6.20 و 6.80 فما عليك الا انك تضغط الزر audio وتدخل التردد المطلوب ... ويمكن تحس ان الشرح معقد وصعب لكن تراه من اتفه مايكون لكن شرح واسلوب محاكيك لك عليه فلا تشره :) .. وان شاء الله اكون افدتك وافدت غيرك .. ولازم قبل ماانسى انك تلاحظ ان السلك بعد ماتجيبه من الراس لازم يدخل في الرسيفر مع الفتحه حقت ال ku وليست c وراح تلاحظها مكتوبه عند كل فتحه وبالنسبه للايكوستار فهي الفتحه اللي تحت .. اخوي سامي عبدالله .. المهم تعم الفايده ومشكور على المشاركه .. الاخ عاشق الكيان الازرق ... ان كان قصدك art فالله يعوض علينا وعليك وان كان قصدك شي ثاني فليتك توضح .. يالله فاتنا الشوط الاول من مباراة تونس وروسيا وكله لعيون الغالين يهون <== الله من زين الحتسي :D |
يا اخوان تكلموا عربي مهوب قلينزي كل حتسيكم ذا اللي فوق ما فهمت وجبت سواقنا الهندي وقال هذا فيه اردو نوع تاني انا ما فيه يأرف هزا كلام . قلت عاد الله يخلف ليتني ذاكرت قلينزي كويس ذيك الايام ولا نجحت بالتعويض . |
اخوي abo3abed .. معليش ماقريت ردك الا بعد مانزلت الرد وبالنسبه لسؤالك فقنوات العربسات راح تختفي للاسف وهي عموما اربع قنوات بس واحسنهن قطر .. فلا هيب حسوفه لان قنوات ايران حسب ما (( سمعت )) تنقل الدوري الايطالي وبطوله اوروبا والدوري الالماني .. والامر راجع لك اخوي .. |
يسلمووووووووووو اوين انا الحين رايح للسطح " الساعة 11" عز القايلة. |
اخوي العيار .. متى طلع ردك انت !!؟؟ ماشفته الا تو وانا اشيك على ردي الا هذا انت طالعلي .. من جد قمصت :) .. وسواقكم الهندي خله عنك مهوب نافعك .. واللي ماعرفته انت .. بس علمنا وشو .. وان كانك ماعرفت شي مره !! فالله لا يهينك شف اقرب محل دشوش وخله يحل مشكلتك .. :) :D ازرق وابيض .. الله يسلمك والله يعينا وياك .. وتحلى بالصبر وانا اخوك تراني من يومين كنت في مثل وضعك ومن الحراره مااقدر المس الدش عشان احركه فيستحسن تلبس دسوس :) .. |
مساء الوررررررررررررررررررررررررررررررررررررررررد أوين مشكووووووووور على الرد !! تكفى وش أسامي القنوات الأيرانية أو رمز القناة // لأن محاكيك جالس على الاب توب بها السطح تقوووول مقاول بس يالله التوافيق !! ونعتذر عزيزي أوين على دلاختنا !! |
هلا والله اخوي سراب الدمع .. وش اخبار الخلطه والبلك عساك صفيته زين :D :) اخوي انت مايهمك شعار القناه والا اسمها لانه مهوب مهم لانه يكفي تدخل التردد اللي عطيتك وماراح يطلع عليه الا القناة الايرانيه , يعني ماراح يطلع عليه قناة ثانيه .. وان كانك ملزم تعرف الشعار فهو ثلاث خطوط بالطول وواحد منهن اطول من الاثنين الثانيات :) ويطلع في اعلى الشاشه يسار واذا كانت تنقل المباراه طبعا على الهواء يكتبون تحت الشعار زنده يعني مباشر .. وباقي القنوات وحده اسمها مكتوب كذا( دو) ويكون في اعلى الشاشه يمين ووحده منهن شعارها نجمه ثمانيه ( اسلاميه ) ويكون في الاعلى يسار والرابعه شعارها يتغير لانها تاخذ من اكثر من قناة على مايبدوا .. وانا من رأيي تخلي شغلك في الدش في وقت احسن من هالوقت لان الشمس بتصلخ جلدك والمباريات ماراح يمديك عليها اليوم .. فتعوذ من ابليس وخل شغلك بين عشاوين :D والا تالي الليل في هالبراد يالله من فضلك .. |
مساء الورررررررررررررررررررررررررررررررررررررررد وبعد أن أصيب بضربة شمس !! وبعدأن غدى رويسه تقل هريس !! وبعد أن عجزتطلع عنده أي قناة !! وبعدهرت أبوه هالشمس !! مايقول غير يالله النجات من النار ،، والوعدبيت أوين !! ولنا محاولات عقب العصر !! ومطلعها مطلعها الله لايعووق بشر !! أخوكم المقاول الأفغاني / سراب الشمس أوه أقصد الدمع !! =========================== =========================== أخوي أوين ألف ألف ألف شكر !! والله ماقصرت ويكفي تفاعلك معنا !! المهم سير علي على الماسنجر الله لايهينك عشان أبيك شوي ،، لأن الغلط عندي والله العالم هو الأتجاه !! حيا الله أوين ومن يعز عليه [email protected] |
مشكورين |
اخوي اوين اقدر اطلع القناه على نفس راس عرب سات العادي الي فيه القنوات العربيه الـ20 العاديه يعني بس اغير الاتجاه والا لازم اجيب راس ثاني وبالمسطره والا ويش انا داري اني خاش عرض بس مالنا غيرك لو ماعليك امر بسرعه |
والله انك بطل ومخلص( ياأوين) وأني أحبك في الله !!!!!!!!!؟؟؟؟؟؟؟؟ |
مساء الورررررررررررررررررررررررررررررررررررررررد النداء الثاني للغالي أوين !! النداء الثاني للغالي أوين !! أرجو منك القدوم للمسنجر بأسرررع وقت ممكن [email protected] !! مراسلكم من سطح بيتهم / سراب الدمع !! |
أخوي الغالي والله العظيم احترت وعجزت وانا من بعد العصر الى الساعة 9 وبالأخير تطلع لي قناتين اسرائيلية وعالعموم الف شكر |
مساء الورررررررررررررررررررررررررررررررررررررررد أخوكم سراب الدمع يحييكم !! أنا طلعتلي قناتين هنديات !! وحده MTv حقت الأغاني !! والثانية ماري مدري أسم ززي كذا وعلى العموم فيها أفلام !! وبعدها طلعت قناة الجزائر اللي أختفت ولاعاد قدرت أجيبها !! وبعد كذا طلعت لي قناة أسودوأبيض صافية قلت يارب بس هي ،، وآخرتها طلعت روسية !! وهاأنا ذا أرتاح بعد عناء طويل ،، والوعد بكره وبحاول مرة ثانية !! يمكن تمشي الأمووووور !! وللمعلومية فأنا جربت الترددات هذي :- كيوباند (Q) 1346 1214 1248 1422 1098 1096 1099 1109 1117 ورسيفري فورتيك سامسونج !! =====>>>>>>> باقي عنده أمل وحاس أنه بيجيبها !! =====>>>>>>> (( مازال يحافظ على رباطة جأشه )) وشي ( جأشه ) ماأدري ؟؟؟؟؟؟؟؟؟؟؟؟؟؟؟؟؟؟؟؟؟؟ أخوكم اللي تمرمط بسطح بيتهم ( المقاول ) سراب الدمع مدة العمل اليوم ( 12 الظهرإلى 2 ) ( 5العصر إلى 10 ) كررررف على كيفكم !! باي :no: :no: :no: :no: :no: :no: :no: :no: :no: :no: :no: :no: :no: :no: :no: :no: :no: :no: :no: :no: :no: :no: :no: :no: :no: :no: :no: |
لم أشترك ....ولن أشترك مع هذا الانتهازي...حتى لو لم أشاهد كاس العالم... ولكن جانا العطاء من خارج ابناء الوطن ....من الطليان وأيران!!!!! عجبى لهذا الزمان؟؟؟!!!! |
والله يستاهل صالح كامل. من خساره لخساره ان شالله. |
بس النتيجة تكون مثل الهندي أول ما يجي عندنا $$$$$$$$$$$ ما تفهم وش يقولون |
الله حسبي عليك يا اوين بعد الدوخة والحوسة تدري من طلع لي طلع لي كاوان شيخ الذبان ( كاوان بالفارسي بقرة ) الضفدع كامل كل ما زينا الدش حاسة الله يحوسة . والله يالغالي مالي الا مثل ما قلت ابوهنود يظبط الدعوى ويظبط لنا معها كم قناة على الطريق . |
مشكور ويعطيك العافيه |
يحق لك يا ماجد ؟؟؟؟؟؟ |
اخوي اذا كنت اموجة القمر على العربسات وجه على جهة الجنوب (902) (62درجه) وبتطلع لك قنوات ايرانيه اسمها على الديجيتال tv1 tv2 tv3 tv4 tv5 ireb3 والقناة tv3 هي الي بتنقل المباريات والقناة tv2 بتنق المباريات الي بتكون الساعة 2.30 على تردد 11137 3/4 27500 vertical |
<br><br><font size=4><div style=" width:100%;filter:glow(color=#C8B676,strength=6);c<br /> <br> <br /> olor:#535736"><font face="Simplified Arabic Backslanted"><br><br>تــــــســلم أخي أوين <br><br> |
ما شاء الله على الشباب ما ينخاف عليهم |
| الوقت المعتمد في المنتدى بتوقيت جرينتش +3.
الوقت الان » 01:33 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd