|
متى يدرك الجوهر بأن مالك معاذ والشمراني مهاجمي أطراف وليسوا رؤوس حربة تقليدية كما في ياسر والهزازي ؟ وكذلك الجاسم مكانه محور متحرك وليس صانع لعب!! السلام عليكم ورحمة الله وبركاته : وليد ( المسيليم )هاردلكم التعادل .. رغم عدم ظهور اللاعبين ولابنصف مستوياتهم المعروفة .. ألا أن الجوهر يتحمل جزء من المسؤولية .. فنحن كجمهور مثقّف ونفهم بأمور الخطط والتكتيك ... نعرف أماكن اللاعبين التي يبدعون فيها .. سواء مع أنديتهم أو عندما كانوا على عهد أنجوس ؟؟ لكن الجوهر للأسف يحجب ابداعات اللاعبين بوضعهم في الأماكن الغير صحيحة !! لن أتكلم بدون دليل وهذه التشكيلة أمامكم وأحكموا(بين الأقواس الأحتياطي) : الزوري ( الخيبري ) ............. المرشدي ( العمري ) ............ هوساوي ( تكر ) ......... شهيل ( المر ) ............. عزيــــز محور ثابت دفاعي (كريري) ........................ ....................الجاسم محور متحرك هجومي (أ.عطيف) عبدالرحمن القحطاني وسط أيسر (الفريدي)....................................عطيف وسط أيمن ( أحمد الموسى ) مالك معاذ مهاجم أطراف ( الشمراني)................................................ .......................... ياسر رأس حربة ( هزازي )............................ *ملاحظات عن أماكن اللاعبين للجوهر : 1) عبدالرحمن القحطاني : أفضل وسط أيسر بعد الشلهوب بالدوري السعودي وكان مبدع في كأس آسيا والكل يتذكر ذلك وكان أساسيا وهو مبدع حاليا بالدوري السعودي وصغير بالسن ولا أعلم متى يقتنع به الجوهر بدل اختراعاته بالوسط الأيسر !! 2) تيسير الجاسم : أفضل محور متحرك سعودي ويشكل جانب عزيز ثنائي قوي ويجيد التسديد من بعيد ويأتي بعده أحمد عطيف ولا أعلم لماذا الجوهر مصرّ يلعبه بالشوط الثاني أو كلاعب وسط أيمن أو أيسر بدل مركزه الأصلي المحور المتحرك !! 3) أحمد البحري : أفضل ظهير أيمن تكتيكي .. فهو يجمع بين الدفاع والهجوم ولاعب جماعي .. شارك على عهد كالديرون 2006 وانجوس 2007 وأبدع فيهما .. إذا متى يقتنع فيه الجوهر !! المفترض يكون أساسي واحتياطي له شهيل أو حسن معاذ الذي لم يقتنع فيه الجوهر حتى الآن رغم نجومية حسن معاذ !! 4) مالك معاذ والشمراني : هؤلاء مهاجمي أطراف كما في أنديتهم وليسو رؤوس حربة تقليدية (مهاجم صندوق)كما في ياسر أو صالح بشير أو الحارثي أو هزازي .. لماذا نشاهد العكس مع الجوهر :upset::upset: نشاهد مالك والشمراني داخل المنطقة وياسر على الطرف ؟؟ لماذا الجوهر يحطّم نجومنا هكذا بوضعهم في غير أماكنهم !! ومعروف أصلا في كرة القدم الحديثة والجماعية يجب أن تكون لديك الأطراف أو الأجنحة قوية مع صناعة اللعب ..أتمنى من كل قلبي أن تصل هذه الرسالة إلى الجوهر . |
أتمنى من الجميع التفاعل .. لأن الموضوع فني ويهم الجوهر وأتمنى أن تصل له الرسالة .. |
والله انا اوافقك الرأي في جميع النقاط ولــكن لاحيـــآإة لمن تنــآإدي.." الله يعطيك العفيه اخوي ع الموضوع وياليت تصل الرساله.." |
معليش يالطيب الشمراني مو لاعب اطراف يوم كان يلعب بالطرف ما كنا ندري عنه في الوحده بس الحين راس حربه صريح ماتشوفه يتحرك يمين ويسار مالك انا معك بس والله مو المشكله بالهجوم ولا تضرب لي مثل في كاس اسيا الماضيه عشان وربي لافيها لا مدرب ولا لاعبين بعد الله البركه ياسر ومالك وارجع لكل اهداف المنتخب بذيك الدوره يا ياسر سجل او صلح ونفس الوضع ع مالك منتخبا من تخبيص الى تخبيص نبي مدرب يوظف اللاعبين صح ياخي منتخبنا ماله شخصيه وين الخبره وين المشاركات مدرب خطته شدوا حيلكم شباب منتخبنا حتى اذا جاب هالبطوله التنشيطيه صراحه يخوف والله يستر في التصفيات |
اسلوب ياسر ومالك والشمراني مشابه ياسر لايناسبه الا الحارثي ,, سعد الحارثي لاعب يجييد صناعة اللعب ومتعاون عكس مالك معاذ الذي يفوق الحارثي مهارياً .. لكنه اقل جدوى جانب ياسر ياسر لايجد اي مساند من مالك ولا انسجام مع الشمراني بالنسبى للقحطاني عبدالرحمن مع احترامي لرأيك مكانه فقط الأتفاق دمت ,, |
سلامتك يالغالي من قالك ان مالك مهاجم اطراف ياسر ومالك اثنينهم رؤوس حربه ويتبادلون المراكز ويرجعون يستلمون كوره طول المباراه وهذي طريقة المنتخب من عرفناه وياخي لاتضرب لي مثل في كأس آسيا لأن هالبطولة بدعنا فيها بإجتهادات اللاعبين ولا المدرب كديش ولا يعرفها لكن اللاعبين ماهوب في مستواهم وموب كل شي على الجوهر اللاعبين زلايب ماعدا الحارس وقلبي الدفاع هم عشره على عشره والأظهره لك عليهم والجوهر مثلي ومثلك انصدم من المستوى السيء وخاصه من اللاعبين المعول عليهم في المنتخب ياسر وعطيف ومالك وغيرهم يالله سترك لاتكون فضايح بس |
الجوهر شكله بيجيب الطعه كل مباراة بخطه ومافي تكتيك واضح تقول لعب حواري وانا مستغرب من استبعاد عبدالرحمن القحطاني المفروض يكون موجود واساسي لان الوسط اليسار بالمنتخب ميت وتخبرون كاس اسيا هو كان محرك الوسط وصانع الاهداف واكثر اهداف كاس اسيا هو الي صنعها |
معك بكل كلمه قلتها ناصر الجوهر مفلس والله يا عالم والله يعيينك يالاخضر تعبت وانا اقول مكان ناصر الجوهر مساعد مدرب مب مدرب !!! |
إقتباس:
وياعيني على الناس اللي فاهمة .. بعدين استغرب من الجمهور اللي يقولون انجوس ماله دخل بكأس آسيا 2007 ؟؟ هل يعقل منتخب يقدم مستويات ويلعب مباريات بدون مدرب ؟؟ هل تتذكرون منتخبنا قبل قدوم انجوس ؟؟ وما الفرق قبل وبعد قدوم انجوس ؟ انجوس ثبت عبدالرحمن القحطاني يسار والبحري يمين واعاد اكتشاف هوساوي بقلب الدفاع واعاد هيبة الوسط والتسديدات الصاروخية لتيسير الجاسم وكان تكتيكه واضح بجعل مالك معاذ على الأطراف بينما ياسر يكون بالعمق . كل هذا وتقولون انجوس من جنبها وماله دخل ؟؟؟ والله انتم اللي من جنبها !!!!!! |
صبـــاح الخير يا الغالي نـاصـر والله ما في راسه كورررره قد مره شفت على قناة إي أر تي يقول بأفوز على كوريــا الجنوبيه ههههههه خســرنـا مع أحترمي له أٌقوووله خلك في بيتكم أصرف |
موضوع ممتاز و لكن إذا سمحت لي أن أقول ,, ( في حياة اللاعب ياسر القحطاني لم يلعب يوماً رأس حربه ,, لأن المعروف أنه يلعب على الأطراف ,, و بعد هذه الموهبه لياسر فإنه من الصعوبه أن يلعب ياسر رأس حربه ,, لأنه مراقب من قبل مادفعي اللاعب تقريباً ) ,, الراس الحربه التقليدي هو ناصر الشمراني الف شكر لك |
[quote=الحضاري;10584887]من أحلى الردود الصراحة .. هذا من ذوقك يالغالي وشهادة اعتز فيها |
إقتباس:
الله يعافيك اخوي .. لأنه فعلا استغرب من اللي ينتقد عبدالرحمن القحطاني مع انه كان هو الصانع الأول في كأس آسيا 2007 وكانت توكل له الكرات الثابتة والركنية وكانت رفعاته او اوفراته تمثل خطورة على المرمى .. أيضا القحطاني الان مبدع مع الأتفاق إذا لماذا لانشاهده أساسي . هذا الفرق بين انجوس والعمل الأحترافي وبين مدربنا الجوهر !! |
مشكوووووور يارب العالمين الجوهر يتدارك اخطاءه |
| الوقت المعتمد في المنتدى بتوقيت جرينتش +3.
الوقت الان » 05:20 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd