|
الخليفي..خالد جاسم VS يعقوب ونجيب. وش اللى قاعد يصير. بسم الله الرحمن الرحيم السلام عليكم ورحمة الله وبركاته ,, في البداية احب اشيد بمستوى البطولة من خلال الجولة الاولة ومافي شك كانت الكويت العلامة الابرز في هذه الجولة.. بخصوص مباراتنا غداً اتمنى كل التوفيق للأخضر واذا كنا فعلا ومثل ما يقول ( صالح الحمادي ) بأن المنتخب هدفة من خلال بطولة الخليج الاستعداد لتصفيات كأس العالم , فاعتقد احراز بطولة الخليج خير استعداد , اتمنى من اللاعبين والجهازين الفني والاداري عدم التخاذل بالبطولة. نجي عند زبدة موضوعي وهي المصارعة الحره اللى صارت قبل قليل في قناة الدوري والكأس . بتكلم كامشجع كنت عارف انه في خلاف بين الثلاث قنوات ( ابوظبي ودبي الرياضية ضد الجزيرة الرياضية) ومن خلال متابعتي للأحداث اللى صارت في برنامج المجلس كان كل شي على مايرام والمناقشات جارية بين مدير قناة الجزيرة ومحمد نجيب والعضو في اللجنة المنظمة . وطبعا كان اغلب الكلام ماله معنى وكامشاهد ما استفدت منه شي الى ان تدخل المحلل في البرنامج الخليفي , مع العلم بأني محايد لا يهمني فلان و علان لكن تدخل الخليفي كان قاسي جداً مع احترامي للجميع ومن وجهة نظري كان تدخل ( همجي) ماله اي معنى بالعكس كان الحوار من البداية لتوضيح بعض الامور ولكن مداخلة الخليفي ( زاد طين بله ) لم يحترم نجيب في البداية ولم يحترم المشاهد ولم يحترم الموجودين بالمجلس , اذا كان يقول بأن نجيب بداية معلق والان مدير مستجد ولكن نجيب كان من عمالقة المعلقين في الخليج ولا يختلف عليه اثنين ولكن بداية كامذيع حب انه يبرز بشكل سريع وبدأ بأسلوب ( الاتجاه المعاكس) وخسر فيها جمهور كبير لكن مع احترامي للخليفي , ما اعرفه ولا اعرف بداياتة كيف كانت , زبدة موضوعي هو الخليفي. الخليفي زاد من المشكلة بعد كانت في نهايتها وهو بداء فيها من جديد وممكن تنعكس على الشعبين القطري والاماراتي . مع كل احترامي للمذيع المتألق والمقدم خالد جاسم لكن كان من المفروض ما يعطي الموضوع اكبر من حجمة هذي السلبية الوحيدة في البرنامج يحاول يكبر الامور أكبر من اللازم. ع العموم اتوقع في اليومين القادمة بنشوف مبارزات وكلام رايح جاي . نقطة سلبية تحسب لكل من الخليفي, ونجيب, ويعقوب السعدي لان بينهم قاسم مشترك حب للكلام الزايد عن اللزوم والتجريح القاسي ولايوزنون الكلمة قبل لا يقولونها . اسف ع الاطالة . وصلى الله وسلم على نبينا محمد |
حيلهم بينهم << زبدة الكلام اهم شي علينا منتخبنا الله يوفقهم |
محمد نجيب فاشل ومكروه من الجميع وما ادري يا أنه يستعبط ولا هو غباء فطري جالس تتكلم عن مبالغ المظاريف ومديرقناة الجزيره يقول هاذي سريه لنا ولعملائنا وماجد ماقصر عطاه حقه جالس يقول الجزيره تسوي صفقات في غرف مظلمة وتحت الطاوله؟ قناة مثل سكاي وقنوات عالميه مسوت الي سواه ولاتذمرت من الجزيرة وجاي هو يستهبل عليهم هالاستعباطي ما ألوم ابو مساعد يوم قال انصح الجماهير الهلاليه بمقاطعة قناة ابو غبي لتطاولها على الهلال ورجال الهلال |
إقتباس:
صدقت حيلهم بينهم مشكور على مرورك وردك |
إقتباس:
مو هذا اللى اقصده طريقة التعامل فاشلة بينهم محمد نجيب طريقة تعاملة همجية وطريقة الرد همجي القصد من الموضوع الارتقاء بالاسلوب فقط ولا اثنين دبش مكشور على مرورك |
إقتباس:
عين العقل أخويs60ss60ss60s |
تخيلوا معي لو ان الحقوق راحت لأبوظبي وقتها بنشاهد اسوا تغطيه وبالعكس الجزيره مانراه هو من الخيال في النقل والاستوديوهات والاخراج وغيره وبالنسبه للخليفي فهو سيء بصراحه وتهجمه على نجيب ماهو الا اعلان لبدء تراشق اعلامي بين البلدين اشكرك |
حيلهم بينهم واهم شيء المنتخب السعودي |
إقتباس:
|
إقتباس:
بالعكس اسلوبه تمام :) |
صدقوني ما راح يوقفوا هاذولي الاشكال الا بتدخل من مركز عالي يهجدهم ويوقفهم عند حدهم وخاصة قناة ابوظبي اللي بدتها في خليجي 18 |
إقتباس:
وجهة نظر احترمها مشكور على ردك الراقي |
إقتباس:
واتوقع اليوم بتكون في احداث قوية راح تصير . مشكور على مرورك اخوي |
مع أن نجيب يستاهل ما جاه بس الخليفي هذا ماحد سلم من لسانه شخص بعيد كل البعد عن الاحترام وخالد ساكت يوم تلفظ ماجد بكلام سيئ وعقبها يدعي الحوار والشفافيه المفروض يسكته عيب هالكلام طبعا لأن القناتين قطريتين كانوا يضبطون لبعض بس أحلى شي أن اثنين ماأدانيهم طلعوا مع بعض ماجد ونجيب ((حط حيلهم بينهم)) بس قناة الدوري والكأس أنواع اللعب بالصوت تقصير وتطويل الصوت على كيفهم اذا تكلم ناصر الخليفي رفعوا الصوت والعكس لنجيب والسعدي في النهايه أثبتت قناة الجزيره أنها قناة ممتازه وأن قناة أبوظبي قناه رايحه فيها حتى اعلانات لأشهر معدوده سابقه ما عندهم مع اعجابي بقناة دبي الرياضيه التي تنقل الدوري الألماني في النهايه محمد نجيب والسعدي مو راضين يقتنعون أن الجزيره فازت بالحقوق والا غصب حنا ناخذها الجزيره عرضت 15 مليون دولار في البدايه على نجيب وهو يقول كثير ونزلوها الى 8 وبعدين الى5 والي أنا مستغربه ومافي أحد أذكره في القنوات أن (( صاحب البضاعه حر بالسعر الا اذا كان شي مايستغنون عنه المسلمين كالمواد الغذائيه المهمه الي يحتاجها عامة الناس أما موضوع النقل ياخي اذا ماتبي طق راسك بالجدار وهذا الموضوع ماأحد تكلم فيه ليش ماأدري يعني الجزيره ربحت النقل هم حرين يانجيب واذا بغوا مايبيعون النقل لكم كيفهم ليش محترق)) في النهايه ((محمد نجيب راحت عليك)) |
إقتباس:
مشكور على مرورك وردك الراقي والمنطقي |
| الوقت المعتمد في المنتدى بتوقيت جرينتش +3.
الوقت الان » 01:51 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd