ياجماعة الخير الدقيقه 73 وحنا مهزومين 6 صفر ، وش السالفه .


هل هذا هو المنتخب السعودي ، هل هذا هو بطل اكبر قارات العالم ، هل هذا هو المنتخب الذي لعب خمس مرات متتاليه على كاس اسيا ، هل هذا هو النتخب الذي فاز بكاس الخليج . هل هذا سامي ، هل هذا نواف الذي خرج بنهايه الشوط الاول لانه يفكر في نفسه وفي الاحتراف الخارجي ، هل هذا هو الدوخي ، هل هذا هو الحسن ، والمصيبه الكبرى هل هذا هو الدعيع أسد حراس اسيا .


ياجماعة الخير ، هذولي مايعرفون يثبتون كوره ، ومايعرفون يباصون ، ومايعرفون يرفعون , ولايردون ولا يسجلون ، ولايعرفون يدافعون ولا يهاجمون .

هل هي رهبة كأس العالم طبعاً لا لانهم لعبوا سبع مباريات في كاس العالم ، هل هو الغرور ، هل هو الانانيه ، هل هو التفكير في الاحتراف .


اذا كان اللاعب السعودي هذا مستواه ، والله ثم والله ماراح احد يطلبهم ولا يشتريهم ، لانهم بصراحه مستواهم مايؤهلهم للاحتراف .


اقول خلوهم عندنا استر لنا ، بلا احتراف بلا خرابيط .

احسن شوي سويناه ، انا مااخذنا كروت ، بس .


لاحول ولا قوه الا بالله ، انا جالس اكتب وكل شوي اطالع في التلفزيون اخاف جاء السابع .


انا عدلت في الخطاب علشان اقول ان السابع جاء ، هذا اللي انا خايف منه وصار ، ياويلي ويلاه ، عن اذنكم خلوني اروح اصيح شوي احسن لي .


رددوا معي : ماطولك ياليل .



تحياتي