الدعم بالافعال لا بالكلام ياجمهور الزعيم + كلام عبدالله بن مساعد + امنية
 

مساء الخير للجميع

اولا احب اتكلم معاكم وبدون زعل وبدون مجاملات انا اشوف ان اغلب الاخوان اللي يكتبون مواضيع في المنتدى اغلبهم ينتقدون والمشكله ماخلوا احد ماانتقدوه ولو تجي تسأل كل واحد فيه هل انت مشترك في موبايلي الهلال بيقولك لا طيب هل عندك قناه الزعيم ومشترك فيها بيقولك لا طيب ياخي كم مباره حضرتها للهلال هذا الموسم اغلبهم بيقول ماحضرت ولا مباره طيب ياخي العزيز قبل ماتنتقد وتتكلم ادعم ناديك وبعدين قل اللي تبي يعني انا استغرب من واحد ماشاء الله عنده انترنت متوفر 24 ساعه ولا يقدر يوفر 12في الشهر ريال حق اشتراك موبايلي الهلال وطبعا انا قلت اغلب اللي ينتقدون ماقلت كلهم وصدقوني الحب الحقيقي في الفعل مو في الكلام

الامير عبدالله بن مساعد قال في مامعناه في برنامج مقابله انه العمل الاداري لو كان في خطاء 20% فقط فهو عمل ناجح لكن بعض الناس مايدقق الا على هال20% ويجلس ينتقد وهذا يخوف الاداره من اي خطوه قادمه واللي اشوفه انا للاسف ان 80% من الكتابات في المنتدى انتقاد

بالنسبه لي عندي امنيه ولا اعتقد انها صعبه التحقق

الا وهي انه بعدد الكتابات والردود في المنتدى يكون الحضور الجماهيري

والله يوفق هلالنا في كل بطوله وفي كل معترك يدخله ليعود زعيم اسيا الى عرشه الذي لن يقبل بان يجلس احد عليه غير الزعيم

وشكرا

ايــه والله انك صادق..,,,

تلقاه يجلس بالبيت والكمبيوتر جنبه ويقعد يتصيد الاخطاء وبعدين يفتح الكمبيوتر

ويشتغل سب ....!!!!!!!!1

صراااحه موضوع جميل يستحق التثبيت


تحياتي لقلمك وعقلك

كلامك عين العقل

واكثر الي يسبون في الشريك الرسمي موبايلي ماهم مشتركين فيها


وبعد العرض الجديد لموبايلي ما احد عنده عذر

اول ثلاث شهور من باقه الموج الازرق مجانيه واشتراك في احد قنوات موبايلي الهلال لمده ثلاث اشهر بعشرين ريال

يرجال ودهم يزودون المشاركات

انا واعوذ بالله من كلمة انا ماخليت ولا مبارة للهلال من زمان مره بالرياض والمدن القريبه من الرياض ونادر ماانتقد ياجماعه شجعو الكيان لاتشجعو الاشخاص

كلام سليم
والله انك صادق
:):) ويعطيك العافيه

شكرا لكل من ردعلى الموضوع وماقصرتوا

والله يوفق زعيمنا ويارب يكون الموضوع مفيد للمنتدى