طلقتها بـ الثلاث ! / القصيبي قرارك مش كويس !! - صفحة رقم 3 - نادي الهلال السعودي - شبكة الزعيم

الشانزليزيه · #31 31/12/2008, 09:26 PM

يا هلا بـ فيووو

يعني يابنت شكلك بتخليني أشيل فكرة التخرج من بالي وأزيد سنه بعد من عندي
تخيلي قسم خمس سنين وأنا معطيه نفسي سنه مجانا ومن كلامك شكلي خلاص بهون وبعشش بالجامعه زياده

عليشه لتذهبي للجحيم

إقتباس


	آمنيه ! اشوف ناهد / ثناء / الجزائريه مطرودات ، صح الاولى و الثالثه مادرسوني و الثانيه اول ماجت ياحلاوة وتحط المنديل ههههههههههههههه بس بعد ثاني كورس لها افردت عضلاتها

الأولى والثالثه مادرسوني
بس الثانيه !

يخرب مخها أنا مشيت معها الحمد لله
بس وحده من صديقاتي رسبتها

!
,‘
آه صح نسيت أقولك مبروك التخرج وعقبالي

----
بالنسبه لقرار القصيبي!

هو من ناحية مش كويس فهو مش كويس
للأسف وزارة العمل لازالت تهتمُ بالتقليل من بطالة الشباب ! اللي صاح ويصيح منها أولياء الأمور ، والمجتمع بأسره ! .
القرار هذا مايجي عليه الا سؤال واحد
والشباب السعوديون يا وزير العمل ! ؟
يعني يجلس كذا عاطل لاشغل ولا مشغلة يكبر وسادة النوم

إلين مايفرجها الله عليه، وأبشر بطول سلامة يا مربعُ على قول الشاعر ! ، واللي ما يعجبه يروح يبلط البحر ! وإذا ما قدر يبلطه يشرب منه !

قرارك ××

عوافي فيوو ورده

Al Suwalih 9 · #32 31/12/2008, 11:29 PM

إقتباس


	:: مايستفاد من فضفضتي :: تخرجت من عليشه و أنضميت لـ فئة العاطلات !

انا سيم سيم <<< بيعلمكم انه متخرج من كلية العلوم التطبيقية تخصص الات طبية معدل 4,7 :

الفيروسه الزرقاء · #33 01/01/2009, 05:32 AM

هلا بـ الشانزليزيه تشان .

إقتباس


	تخيلي قسم خمس سنين وأنا معطيه نفسي سنه مجانا ومن كلامك شكلي خلاص بهون وبعشش بالجامعه زياده عليشه لتذهبي للجحيم

هههههههههههه

ههههههههههه لا لا تخيسين فيها من زينها

.. شدي حيلك و أفتكي منها

.
الا كيف الزحمه عندكم هـ السميستر !! يقولون فتحوا نيو بيلدنج ، غير كذا فتحو د.كيف .. حركتات و الله الجامعه تطورت بعد ماطلعت

.

إقتباس


	بس الثانيه !

طب الثانيه ، ثناء شنو

!!

إقتباس


	يخرب مخها أنا مشيت معها الحمد لله بس وحده من صديقاتي رسبتها !

هي مزاجيه نمبر ون ، اصلاً اول ماجت كانت تحط المنديل

وتنجح البنات بـ دي

، بعدها بـ سميستر يوم فكت حجابها و شكلها تعرفت ع مصريات وخربوها !! بدأت تفرد عضلاتها و تستقعد لـ البنات

.. المصيبه كذا مره احل كويس و اعطيها زبدة الحل لـ المسائل القضائيه الا أني أقع فـ شباكها !

المصيبه انها تعرفني عدل

---> معرفتها ماجابت خير !

الحمدلله انها الان ماصارت تحتكر المواد

أول كانت لـ مسكت ماده درست كل شعبها !! بس بعد مارفعنا شكوى عليها عند العماده تسنعت صح وجابوا شبكات

.

إقتباس


	آه صح نسيت أقولك مبروك التخرج وعقبالي

الله يبارك بـ عمرك وعقبالك

، الا ماقلتِ لي كم باقي لك !!
ماوصيك شدي حيلك عدل و أتركِ عنك الاهمال ..

إقتباس


	يعني يجلس كذا عاطل لاشغل ولا مشغلة يكبر وسادة النوم إلين مايفرجها الله عليه، وأبشر بطول سلامة يا مربعُ على قول الشاعر ! ، واللي ما يعجبه يروح يبلط البحر ! وإذا ما قدر يبلطه يشرب منه !

الله يعينهم شبابنا

، إن شاء الله ربي يفرجها لهم و ينصرهم ..

--> حشى داخلين حرب!!
إلا قول هـ الشاعر عجبني ههههههههه

ههههههههههه أبشر بطول سلامه يـ مربع

.

صن كيو خيتو ع مرورك

و بـ التوفيق لك ورده

هلا بـ Al Suwalih 9 كن .

طب معدلك حلو ، ليه ماتقدم فـ مستشفيات خاصة و إلا عند وزارة الصحه

!

بـ التوفيق لك ورده .

سي يا .

فيّو تشان

لــوريــن · #34 01/01/2009, 06:54 PM

اهليييييين خيتووو ,,,

إقتباس


	بوجهة نظري الشاب أحق من المرأة بـ التوظيف ..

إقتباس


	لان الشاب تترتب عليه واجبات و مسؤوليات اكثر من المراة !

ليش يعني أحق منها ؟؟؟

في نساااء كثير عائلات لأسر ..
وحتى لو ماتعيل اسره .. من حقها انها تستقل عن اسرتها مادياً..
وبعدين كل واحد له نصيبه .. ومافي احد ياخذ رزق أحد ,,
واللي يفرق هنا مو الجنس ,, المؤهلات والخبرات ,,
ومو ذنبها انها حاصله على أعلى المؤهلات ,,
مو معقوله نطلب من وحده مؤهلاتها اعلى من الرجل تتنازل
عن وظيفتها للرجل بحجة انو أحق منها ,,

مغسي بكووو ,,, خيتو عالموزوع,,

بلد الوليد · #35 02/01/2009, 03:06 AM

^
اختكم في الله اي شي فيه ولد وبنت لازم تجي تعارض فاهمه حقوقها غلط

الفيروسه الزرقاء · #36 02/01/2009, 03:14 AM

^
^
^
هلا بك خيتو .

" بلد الوليد وخر رآسك شوي

"

يب كل واحد له نصيبه وموزع الازراق ربك سبحانه ..

يـ الغلا الآن مثلاً ، أنتِ متوظفه وتقدم لك شاب مامعه وظيفه ! معقوله بـ توافقين عليه !!
أكيد بترفضينه و السبب ماعنده وظيفه

!
أما لو تقدم شاب لـ فتاة ، فهو ماراح يرفضها ! اذا كانت جالسه بـ البيت او متوظفه ، وفيه بعد بنات مايتوظفون الا بعد مايتزوجون !
تقولك زوجها مايبها تجلس بـ البيت من دون شغله ، فـ جاب لها وظيفه !

فـ الوظيفه لـ الشاب بـ وجهة نظري مهمه جداً ، اما البنت براحتها تبي تتوظف اهلاً و سهلاً ماتبي ماهي مجبوره مثل الشاب اللي المجتمع فارض عليه الوظيفه !

إقتباس


	واللي يفرق هنا مو الجنس ,, المؤهلات والخبرات ,,

إلا يفرق الجنس ! بـ قرار القصيبي يفرق

!
الآن انتِ عندك شركة وش أفضل طريقه توظفين 5 بنات وإلا 5 شباب ، كلهم نفس الخبرات و المؤهلات

!
اكيد بيوظفون 5 بنات !
اولاً : بنت عن شابين ! فـ نظام السعودة هذا اذا تطبق النظام حالياً !!
ثانياً : رواتب البنات عادة أقل من الرجال !

لذالك محد بيستفيد من هـ القرار إلا الشركات ، اما البنات ماظنتي بيستفيدون ورده!
عن نفسي أكسين ع وظائف العمل عن بعد اللي تتعلق غالباً بـ التسويق !!

ياريتني بس ولد

، كل شي قدامك مفتوح !!
أجل ولد خالي اللي كبري

لسه بيتخرج من امريكا ووظيفته محجوزه له !
بس خالي ينتظره يرجع ويخليه يداوم !!

لا تلوموني اذا كرهت القطاع الحكومي

المدراء يحجزون الوظائف لـ عيالهم و اقاربهم !

وهـ بس يازين الخاص

.

بـ التوفيق لـ الجميع ورده .

فيّو تشان

برق الزعيم · #37 02/01/2009, 01:26 PM

مساءالخير

وكل عام وانتي بخير

نجي للموضوع

إقتباس


	مدري هل أبليس يذكرني علشان أرجع مره ثانيه و أفتح كمبيوتر

شكل بليسك ياباني

إقتباس


	احتساب المرأة برجلين في تقييم نسبة السعودة

قووويه

إقتباس


	أدري أني طولت عليكم

صريحه

إقتباس


	عليشه

الله يازين هالحي ذكرتيني بايام المراهقه كناساكنين فيه

-------> وش يبي

موضوع نوعاماجيد ----> تكفى

يعطيك الف عافيه

وتقبلي تحياتي

ابودانه ودناوبس

كيفوه · #38 02/01/2009, 10:37 PM

مع هالأسماء صار الواحد يشك هل هو داخل موضوع ولا شركة مقاولات

إقتباس


	تخرجت من عليشه و أنضميت لـ فئة العاطلات !

مبروك التخرج ..

إقتباس


	تخصصات مطلوبة بسوق العمل لكن غير متوفره حالياً فـ الجامعة !!

والعكس أيضا صحيح

بما انك محبة للغة اليابانية ولا تعانين كما يبدو لي وبحكم البطالة من مشاكل الوقت

وش رايك بـ "قاموس ياباني عربي" يتم فيه عرض بعض الكلمات أو الجمل وترجمتها باللغة العربية

شكرا لكِ،،

الفيروسه الزرقاء · #39 02/01/2009, 11:18 PM

هلا بـ برق الزعيم كن .

وأنت بصحة و سلامه

.

إقتباس


	شكل بليسك ياباني

لوووووووووو

وووووووووول ليته ياباني ، كان مستانسه عليه ويمكن اعشقه

!!

إقتباس


	الله يازين هالحي ذكرتيني بايام المراهقه كناساكنين فيه -------> وش يبي

إلا ياشينه هـ الحي

شوارعه ضيقه ! و انواع الزحمه فيه

تبي جامعة الملك سعود بنات و الكلية تطبيقيه تحصلها موجوده ! تبي مباحث فيه

جد .. سوء تنظيم فيها

الحمدلله اني طلعت من عندهم و صرت خبيره بـ دواعيس عليشه و طرقها

---> لازم تختصر طريقها لـ عليشه

صن كيو خيو ع مرورك

و سلمني ع بنوتاتك

.

هلا بـ كيفوه تشان .

إقتباس


	مع هالأسماء صار الواحد يشك هل هو داخل موضوع ولا شركة مقاولات

ليه شنو دخل شركات المقاولات !
الا ع طاري المقاولات ، دريتي بـ الخبر الجديد

!
لازم المواطن مايملك الا أرضين فـ الرياض ، و اذا ملك فوق الارضين يأخذون من قيمة الارض بـ نسبة 20%
هـ الخبر زين شين

، يحد شوي من هوامير العقارات ، و أنتِ شكلك هاموره عقار

.

إقتباس


	مبروك التخرج ..

الله يبارك بـ عمرك

إقتباس


	وش رايك بـ "قاموس ياباني عربي" يتم فيه عرض بعض الكلمات أو الجمل وترجمتها باللغة العربية

سبقوني عليها المترجمين

.

صن كيو خيتو ع مرورك

سي يا

فيّو تشان

الســفيرة · #40 03/01/2009, 09:13 PM

باكوو

سوري عالسحبة بس الاختبارات هدت حيلي

إقتباس


	:: الخبر اللي خلاني انبسط ! واتنرفز بـ نفس الوقت :: احتساب المرأة برجلين في تقييم نسبة السعودة

فعلا الرجل احق من المرأة بالعمل ،،

مصيبة لو صارت الاولوية لتوظيف البنات ،، القوامة عالرجل مو الحرمة

..>> بيكفخوني البنات

لو ربي ماكتبلي وظيفة وقعدت بالبيت مابتتعطل مصلحة زي لما يقعد شاب متخرج بالبيت

إقتباس


	ان شاء الله اتوظف في هـ الفتره البسيطه -----> نذله !

لبى قلبك

إقتباس


	:: وظيفة سيكورتي بحري ::

ههههههههههههههههههههههههههههههههههههه ضحكتيني وانا ماودي اضحك

>> معفسه اليوم باختباري

إقتباس


	تخصصات مطلوبة بسوق العمل لكن غير متوفره حالياً فـ الجامعة !! القانون مهم جداً لـ المرأة السعودية ، لكن مابعد اعترف بـ القسم دولياً !!

الي قاهرني في تخصصات مكتفين منها منزمان وللحين جامعاتنا تخرج دفعات عاطلين

والعكس بعد

في تخصصات يحتاجها سوق العمل وحضرتهم مو موفرينها ويخلون الشباب يبتعثون برا

هذا غير الي جامعاتنا مركزها بالاخير بتصنيف جامعات العالم واغلبها مو معترف فيها برا مانقدر حتى نطلع بشهاداتنا

اقترح

الميزانيه الي ترصد للبعثات يفتحون فيها جامعات راقية معترف فيها وفيها تخصصات عدله تغني الشباب والبنات عن الابتعاث

فيوتشان

الف مبروك التخرج ياقلبي

بس ماقلتي

كيف القعدة بالبيت؟

سيووشن

عقد الياسمين · #41 03/01/2009, 09:46 PM

هلا أختــي الفيروسه ..

مـــبـــرووووك التخـــرج .. بس صراحة اول مرة ادري أن ((الفياروسات)) يتخرجون

الا كيف الجلسة في البيت شكلها طفش

وعلى طاري د.كيف .. ترى والله زحمممة أشوف البنات يتكووون هناك وأنا ما استحمل انتظر 20 دقيقة بـ اللاين عشان اشتري ((كوفي ))

يازين قهوة بيتنا بس

الا شكلك ما شفتي النيو بيلدنق حق المحاسبة مرررررررة خطير

بس الجو بارد هناك بقوووة

امممم وش بعد شي جديد ..

سلامتك

وشكراً على الموضوع يا فايروس

هلاليه كووول22 · #42 04/01/2009, 12:09 AM

\
هلا وغلا فيو

الف مبروك التخرج

عقبالي يارب

امنيتي اتخرج وافتك منهم

بس كل اللي تخرجوا يقولون على مهلك لا تستعجلين

\
/
موبس جامعتكم خطيرة بعد جامعتنا اخطر

دفعتين تخرجوا وهم يبون يخصصون قسم المحاسبه الى مسارات محاسبه وتمويل ,محاسبه ونظم المعلومات , لين الحين ماسار شي ويتعذرون انو مافي دكاترة يعطون هالمسارات

وادارة الاعمال ومساراتها ماشاءالله تبارك الله

والقانون

هالقسم ممتع اخذت مبادئ قانون(ماده اختياريه ) ممتعه الى ابعد حد
وكل الدكاترة مصريين اودكاترة سعوديين عن طريق الشبكات
بس تبقى فيه مشكلة الوظايف

\
/
قرارا القصيبي حلو مو حلو
حلو للبنات بس الشباب لا

مع انو الشباب اولى بالوظايف

ياليت يخلي كل قرارات لتوظيف البنات لين مااتخرج وبعدين يهتم بالبنات

وكمان ماأفضل العمل عن بعد

وظيفة سكيورتي بحري خطيييرة

ع الاقل مانعاني من هالانقطاع

\
/
الف مبروك التخرج مرة ثانيه

وانبسطي وفليها نوم و طلعه الين ما تنضمين لفئة الموظفات

ان شاءالله في القريب العاجل
وسلميني على ابليسك

ويعطيك ربي الف عافيه

الفيروسه الزرقاء · #43 04/01/2009, 01:48 AM

هلا بـ صديقتي

أحلاهم و أتحداهم تشان

ولكمووو يـ الغلا ، و عادي كأن مارجعتي

أهم شي دراستك ، شدي حيلك بـ الأختبارات لا تكونين مثلي

.

إقتباس


	لو ربي ماكتبلي وظيفة وقعدت بالبيت مابتتعطل مصلحة زي لما يقعد شاب متخرج بالبيت

إقتباس


	>> معفسه اليوم باختباري

شدعووووووه

يـ الله إن شاء الله تعوضينها بـ الميد الثاني ! و اذا كان راح بإذن الله تعدينها بـ الفاينل

ماوصيك الله الله بـ دراستك

، حاولي تحطين لك جدول و اذا انتِ ماتذاكرين الا ليلة الاختبار مثلي فـ عندي لك حل

صلحي لك جدول والا بـ التقويم اكتبي ان عندك اختبار مثلاً السبت ، و اختبارك فعلياً يوم الاثنين .. بس توهمين نفسك حتى تشدين حيلك

.. انا كنت اسويها احط الماده قبل يومها ،

و احيانا تكون عندي مادتين ورا بعض

.. اذا صارت مادتين ورا بعض ما اسوي هـ الحركه

حتى لا اكلها

.

إقتباس


	الي قاهرني في تخصصات مكتفين منها منزمان وللحين جامعاتنا تخرج دفعات عاطلين والعكس بعد في تخصصات يحتاجها سوق العمل وحضرتهم مو موفرينها ويخلون الشباب يبتعثون برا

صدقتي

.

إقتباس


	هذا غير الي جامعاتنا مركزها بالاخير بتصنيف جامعات العالم واغلبها مو معترف فيها برا مانقدر حتى نطلع بشهاداتنا

ههههههههه

هههههههه جامعتنا يوم كانت ع وشك الانحدار

، ع طول عدلوها و اضافوا الخدمات الالكترونيه وخلوا كل عضو هيئة تدريس له بيج ، و فتحوا نشاطات لـ كليتنا

بـ العربي تسنعوا

..
و الحمدلله رفعوا من مستواها وعدلوها ... و الا كان محد راح يعترف فيها دولياً

.

إقتباس


	الميزانيه الي ترصد للبعثات يفتحون فيها جامعات راقية معترف فيها وفيها تخصصات عدله تغني الشباب والبنات عن الابتعاث للاسف الجامعات عندنا كثيره بس الكادر التعليمي مش ولا بد !!

عموما،،
حالياً جامعة الامام وجامعة الاميرة نوره فتحوا اقسام تتماشى مع متطلبات سوق العمل ، و بإذن الله تكون دراستهم قويه ، تفيد الطلاب و الطالبات ..
و الأهم أتمنى انهم يخلونهم يطبقون

مثل ماتربويات يطبقون بـ المدارس ، فـ المفروض يتفقون مع شركات / بنوك / .. إلخ ، و يخلون البنات يطبقون فيها ،،
لان صعب جداً تدرس مواد بحاجه لـ تطبيق ولا تطبقها فقط نظري !!
صح نسوي برزنتيشنات ، بس الممارسه العمل فـ بيئة العمل غير عن البرزنتيشن

.

إقتباس


	الف مبروك التخرج ياقلبي

الله يبارك بـ عمرك خيتو و عقبالك

.

إقتباس


	كيف القعدة بالبيت؟

ماعاد صرت أجلس بـ البيت

، يوم الاربعاء رحت أنا و صحباتي وسجلنا بـ الاكاديمية .. صح 4 ساعات ! و نقوم من 7 ونص بس شي احسن من لاشي

تشوفين اليوم لاني تأقلمت ع السهر ، واصلت ولا نمت الا 6 يوم جت الساعه 10 اقوم

طافتني حصتين

.. الله يعيني باقي لي يومين من رصيدي فـ الغياب

.
مدري ليه بس 3 ايام غياب

.

صن كيو ع مرورك يالغلا

.

هلا بـ سوليدره تشان .

الله يبارك بـ عمرك ، وعقبالك

إقتباس


	بس صراحة اول مرة ادري أن ((الفياروسات)) يتخرجون

ليه ع رأسنا ريشه

.

إقتباس


	الا كيف الجلسة في البيت شكلها طفش

لا و الله حلوه

.. خصوصاً فـ أيام البرد

.

إقتباس


	وعلى طاري د.كيف .. ترى والله زحمممة أشوف البنات يتكووون هناك وأنا ما استحمل انتظر 20 دقيقة بـ اللاين عشان اشتري ((كوفي ))

أنا وصلني الخبر

قلت لهم وين مكانها قالوا لي عند الادآب ، قلت الله لنا يـ كليتنا

مايفكرون يحطون فيها شي

.. ع قولة وكيلتنا ، كلية الاداب البنت المدللـه لـ عليشه

.

إقتباس


	يازين قهوة بيتنا بس

مايمديك تشربين من قهوة بيتكم

أتذكر لازم أمر كل صبحيه ع ستار بكس أو د.كيف او دانكن دونات و أخذ لي كافي ، ولازم بق سايز

..
عاد ايام الاختبارات ما اخذ الا من د.كيف ههههههههه

هههههههه علشان أخذ ريلاكس

ومعه شي حار

---> لازم تعدل مزاجها

.

إقتباس


	الا شكلك ما شفتي النيو بيلدنق حق المحاسبة مرررررررة خطير بس الجو بارد هناك بقوووة

لا ماشفته

... اصلاً ماطبيت عليشه من عقب مأخذت الوثيقه

صح فقدوني

.. وأول أسبوع من الدراسه اتصلت ع وحده من منسقات قسمنا تبغاني أساعدها فـ مشكله واجهتها

، عاد ماحبيت أفشلها و أقول لها تراني تخرجت

! المصيبه هي اللي معلمتني عن موعد الوثائق متى نأخذها ,, فقلت لها لا أنا بـ البيت ماجيت قالت أجل اشوفك بعدين

شكلها استوعبت اني متخرجه ولا عاد اتصلت ع

.. ياحبي لهم

مالومهم يومهم يفقدوني

.. يـ الله أعتقوا رقبتي

-----> تراها معروفـه بـ عليشه بـ المشاغبه و المشاكسه

.

أجل اول يوم لي بـ عليشه ماعندي وقت داخله ع العميدة المركز حصة المبارك بسوي وياها لقاء ههههههههههههههه

هههههههههههههههه
مدري وش أبي من الحياة يومي داخله عليها و بصلح معها لقاء لـ صالح شبكتنا

ياحبي لي

من يومي صعنطوطه و أنا أفكر بـ مجلسنا

.

إقتباس


	امممم وش بعد شي جديد ..

لا تخافين أخبار الجامعه اول بـ اول توصلني

... عندي رادارات هناك

.

إقتباس


	سلامتك

الله يسلمك

صن كيو ع ردك يـ سوليدره

.

هلا بـ هلاليه كووول22 تشان .

الله يبارك بـ عمرك و عقبالك

إقتباس


	بس كل اللي تخرجوا يقولون على مهلك لا تستعجلين

يب ع مهلك ، بس أهم شي توخي الحذر

مو تمشين ع مهلك ثم يجيك انذار

!

إقتباس


	موبس جامعتكم خطيرة بعد جامعتنا اخطر

طب شنو جامعتك ، هـ اللي تنافس جامعتنا بـ الخطاره

إقتباس


	مع انو الشباب اولى بالوظايف ياليت يخلي كل قرارات لتوظيف البنات لين مااتخرج وبعدين يهتم بالبنات

ههههههههههههه

هههههههههههه سبحان الله تشبهين لي

إقتباس


	وانبسطي وفليها نوم و طلعه الين ما تنضمين لفئة الموظفات

للاسف ماراح أشبع

غامرة و دخلت مع صحباتي ---> ندمانه انها تخلت عن سريرها

.

إقتباس


	ان شاءالله في القريب العاجل

آمين يارب العالمين ، و الله يسهل لك امر تخرجك و وظيفتك

إقتباس


	وسلميني على ابليسك

يوصل

إقتباس


	ويعطيك ربي الف عافيه

ولووو خيتو ماسويت شي

... يسلمو ع تواجدك الرائع

بـ التوفيق لـ الجميع

فيّو تشان

عقد الياسمين · #44 05/01/2009, 07:02 PM

هلا وحلا فيروسه .. ترى رجعت

يا مرحبا بي صح

إقتباس


	مايمديك تشربين من قهوة بيتكم أتذكر لازم أمر كل صبحيه ع ستار بكس أو د.كيف او دانكن دونات و أخذ لي كافي ، ولازم بق سايز .. عاد ايام الاختبارات ما اخذ الا من د.كيف ههههههههههههههههه علشان أخذ ريلاكس ومعه شي حار ---> لازم تعدل مزاجها

لا بالعكس أنا اول ما خشيت الجامعة كنت امر على دانكن دونات ( قبل لا اقاطع المنتجات الامريكية ) واشتري من هناك هوت شوكليت أو كوفي , بس بعدين مع الزحمة والتأخير احياناً صرت ما اسوي كذا

الآن تعودت قبل اطلع للجامعة آخذ كوب القهوة معي واشربه بـالسيارة

إقتباس


	-----> تراها معروفـه بـ عليشه بـ المشاغبه و المشاكسه . أجل اول يوم لي بـ عليشه ماعندي وقت داخله ع العميدة المركز حصة المبارك بسوي وياها لقاء ههههههههههههههههههههههههههههههه مدري وش أبي من الحياة يومي داخله عليها و بصلح معها لقاء لـ صالح شبكتنا ياحبي لي من يومي صعنطوطه و أنا أفكر بـ مجلسنا .