|
خبرة مورينهو قليله جدا مقارنه بالأسطوره السير اليكس فيرجسون ولكن مورينهو مدرب داهيه وذكي جدا جدا وبكل تأكيد تعامل وخبرة فيرجسون مع المباريات الكبيره تفرق عن موري والافضليه لفيرجسون طبعا ولكن افضل مدربي العالم فيرجسون ثم فينجر حسب رأيي وأتوقع قمه مثييييييييره جدا بين المان والانتر الف تحيه |
مواجهات المدربين السابقه .. تفوق واضح لمورينهو وقد تستمر في المباراة القادمة |
^^ اول شئ انا متابع للدوري الانجيزي وانا ما قلت شئ في رافاييل بس اللي يشوفكم يقول مايكون على غفلة ثاني شئ انا ما قلت لك تيري ولامبارد وبالاك .!! هذا كلام من عندك وانا ما نيب راد عليه لأنه كلامك وانت اللي ترد على نفسك انا اقولك ديكو .. كارفالو ... تشيك ... ميكيل .. ايسيان ... دروجبا عطني من هؤلاء بدون مورينهو ؟؟؟؟ من اللي ابرزهم غير مورينهو طبعاً اذا كنت متابع وشكلك غير متابع .!! |
إقتباس:
مورينهو أتى لتشلسي وكان فيه لاعبين ممتازين ! دايمان داف وفيرون " لكن مادربه مورينهو " وتيري ولامبارد وجوكول وجودينسون وبريدج وقالاس وكريسبو و لايحضرني البقيه ! يعني رانييري اللي هو رانييري جاب الثاني بهذه التشكيله فما بالك بعبقرية مورينهو + صفقاته أول ماجى ! دورقبا وكارفاليو .. واللي ذكرتهم أنت ! هنا تختلف عن بداية فيرغسون مع مانشستر ! وتختلف أوضاع الفريقين في موسم قدوم مورينهو للدوري الإنجليزي , وبالنسبه لـ فينغر لا تحاول تدخله في الموضوع , الكلام عن مورينهو وفيرغسون ! وغير هذا أيضًا , صناعة فيرغسون :smilie47: للمواهب أقصد أساطير عفوًا أقصد مدربين ! أي مدرب يصنع مدرب !! أمثال " روبي كين وستيف بروس وبول اينيس وسلوسكاير .. والقائمه تطول " ! أيضًا فيما لو حسبنا إنجازاته الخالده غير كثرة بطولاته , " رباعية موسم 99 " أيضًا " ثلاثيه موسم 2008 " وإكتساح البريمر ليغ ! وإنجازات شخصيه على مستوى ولعل أبرزها لقب " السير " ! لا أنسى حبيت أقولك ! أنت تقول " عبقريه مورينهو وذكاءه وتبديلاته مثلاً مانختلف فيها ! " لكن تبخس حق فيرغسون يعني بالعقل حبيبي يحقق إنجازات لكنه مايقرى المباراة بعلاقنيه مثلا ؟ مايبحث عن أهم نقاط ضعف الفريق الخصم ؟ .. أشياء كثيره تتواجد في شخصية فيرغسون ! يعني تخيل معي عزيزي بخبرة السير الطويله في البريمر ليغ ! يذهب إلى البلوز مثلاً بأموال ابراموفيتش أو يذهب الى السيتزون ومخلفه أموال هـ الإماراتي , تتوقع يجيب الدوري الإنجليزي فقط ! فيما لو أتى بلاعبين مماثله لصفقات مورينهو 2005 ؟! زد على ذلك ! أن فيرغسون لعب 1050 مباراة تقريبًا في مختلف البطولات وحقق الفوز في 761 مباراة إن لم تخنني الذاكره ! و على حسب ماقريته في إحدى الإحصائيات ! إقتباس:
آه يابطني ! :d .. |
^^ وش فيه بطنك .!! ابيك تضبط التحويلة .. ظروف .. اصابات .. حظ .. تحكيم جهزها الين عقب المباراة :d |
إقتباس:
يالغالي أنا متابع من آواخر التسعينات ...!! وعمري هو اللي ما ساعدني أتابع من قبل ...!! أنت تعد لي لاعبين جوا لتشيلسي ومسكوا أساسي على طول ...!! يعني صفقات انتداب ...!! مثل صفقة إيفرا ... مثل صفقة برباتوف ... مثل صفقة فيديتش ... مثل صفقة كاريك ... مثل صفقة روني ...!! أبي لاعب من الصفر بدا ... يعني مورينهو صنعه صناعه كامله ...!! مثل قيقز ... بيكهام ... سكولز ... جاري نيفيل ... فيل نيفيل ... رافائيل:d ...!! يا رب إنك فهمت علي ...!! ورده |
^^ وانت ما فهمتني :d ياخي انا عديت لك لاعبين محد كان يعرفهم الا بمورينهو .!! والآن من اهم لاعبين العالم موب شرط انه ياخذهم من فريق الصغار جاب لاعب عادي وخلاه من اهم اللاعبين في العالم اتمنى انك فهمتني |
يالغالي أي لاعب عادي ...!! ديكو ... مع بورتو من قبل ما يجي مورينهو لبورتو ...!! وكان لاعب جيد ...!! كارفالهو ... نفس الكلام ...!! دروجبا ... مع مارسيليا ... وكان معروف ...!! إيسيان ... مع ليون بطل فرنسا ...!! ميكيل ... محترف بالنرويج ... يمكن هذا تقدر تقول صناعه ... لكن المشكله إن تشيلسي آخذهـ بعد ما تعاقد معه مانشستر ... وكانكـ متابع أكيد تذكر المشكله اللي ما أنحلت إلا الموسم اللي راح ...!! يعني بالله أي صناعه أنت تعني ...!! فهمتني ...!! بيكهام ... لاشيء من دون فيرغسون ...!! قيقز لاشيء من دون فيرغسون ...!! سكولز لاشيء من دون فيرغسون ...!! لكن أقدر أقولك كانتونا لاعب صنعه السير ... ما كان أحد يدري إنه مع ليدز بالأول ...!! برضوووهـ ماركـ هيوز ...!! تعال لـ يوركـ ... وآندي كول ...!! ليش ما نروح لـ شيرينغهام ...!! هؤلاء ما سميتهم صناعه ...!! هذي صفقات مثل صفقات مورينهو ...!! لاعب عندهـ إمكانيات ... إكتشفه مدرب آخر ...!! فيرغسون أو مورينهو شاف اللاعب وعرف إنه يقدر يقدم المزيد ...!! قدم له عرض ... وآخذه للفريق ... وفعلاً أصبح أحد أكبر اللاعبين بالعالم ...!! فهمت علي ...!!!؟ |
^^ بالنسبة للاعب انه معروف فهذي تختلف من شخص لشخص حتى لو كان معروف ماكان ولا بنص مستواه بدون مورينهو صحيح ان مورينهو ما طلع لاعبين من فريق الصغار والسبب واضح للجميع وهو ان مورينهو ما يطول مع الفريق عشان كذا ما يقدر ثاني شئ ممكن تعتمد على اكاديمية النادي وهذي مالها دخل في مورينهو انا بالنسبة لي الاكتشاف هو انك تجيب لاعب عادي وتخلي منه نجم اما فريق الصغار لازم ما تهمل من اللي طلعهم لفريق الكبار وهو مدرب الفئات السنية |
خذ هالـ ورده لتفهمكـ ... وتشرفت بالنقاش معكـ يالغالي:smilie47: ...!! |
جميعهما مدربان كبيران صراحة , لكن قد ترجح كفة " فيرغسون " لخبرته العريضة في التدريب عكس " مورينهو " الذي لم يبدأ مشواره التدريبي إلا قبل 7 سنوات :) مباراة الفريقين ستكون مواجهة للاعبين و مواجهة المدربين , " السير " بطل أوروبا مع المان الموسم الماضي , و الانتر خرج من دور الـ 16 في الموسم الماضي , و المانيو خبرته أكبر من خبرة الانتر , و الانتر الى الآن لا يقدر على الفوز بدوري الأبطال بتشكيلته الخالية من صانع الألعب التقليدي , أعتقد أن " السير " هو الأقرب للفوز بتشكيلته المتجانسه و المنتعشه بفوزها الأخير ببطولة كاس العالم للأندية :) كل التوفيق للشياطين الحمر :) ورده مشكور اخوي :) ورده ღ دمتم بــــــ خ ــــــير ღ<!-- / message --> |
O0ALZAEEM0O ما تستحي على وجهك تقارن مورينهو بعمه فيرغسون :d يا شباب استمرارية فيرغسون 20 سنة هي الرقم الصعب الصعب الصعب !</******> |
شباب انتم نقاشكم غريب .. خلقتو الأفضل بينهم عن طريق التاريخ والسرد الغريب من البعض .. فيرغي وموري مدربين لايختلف الجميع ع مكانتهم التدريبية .. لكن النقاش الي اشوفه .. دخلتم الأفضلية فقط بالتاريخ .. اذا ع التاريخ فـ من الصعب مورينيو ان يكون بجانب فيرغي كـ تاريخياً .. لكن كـ مقياس لبداية كل مدرب لسبب الفارق الكبير بين عمر فيرغي التدريبي الطويل وعمر مورينيو القصير بالنظر لـ فيرغي .. ستكون الإفضلية لمورينيو .. لكن خلونا ننظر للأمور الفنية .. فـ الإفضلية ستصب لمورينيو لدهائه التكتيكي الأفضل من فيرغي من وآقع تغيير مجرى المباريات في نهاية الوقت .. وايضاً مباريات خروج المغلوب .. " & " لكن خلونا نشوف صناعة النجوم والنظرة الثاقبة .. فـ الكفة تصب لـ فيرغي لسبب دهائه بأنتقاء اللآعبين من الصغر ويصنعهم نجوم لسبب ثقته في قدراتهم أنهم سيكونون كذلك .. لكن نشوف مورينيو .. موري يشوف لاعبين جيدين في أندية صغيرة او متوسطة ولكن هم ليس بالسبور ستار .. فـ مورينيو يأتي بهم ويملك ميزة تطوريهم للأفضل ويطلعهم للقمة فوق .. فـ هذي النقطة الكفة بنظري لفيرغسون أكثر لأنه يأتي بهم وهم أشبال صغار .. طيب نرجع لتاريخ لأعطاء فيرغي كامل حقه بالمقارنة بدون ذكر عمر التدريبي بينهم في هذي النقطة .. فـ بلاشك ومن المستحيل ان نجعل مورينيو أن يكون بجانب فيرغسون بطولآت كبيرة وكثيرة حققها وبـ فريق واحد .. ويكفي هذي الكلمة الآخيرة لأن نادر ماتجد مدرب يحقق بطولآت كثيرة بـ فريق وآحد .. " & " هذي مفارقات بسيطة بينهم .. لكن يبقى من الظلم ان نقارن مدربين ليس بدايتهم بالعمر التدريبي مع بعض أو قريبه من بعض .. فيكون ظلم لبعضهم .. كيف .. يعني اقارن فيرغسون الي عمرهـ التدريبي أكثر من 25 سنة مع مدرب بـ عمرهـ التدريبي سنوآت قليلة .. وايضاً من الظلم لمورينيو أن نقارنه بمدرب سبقه عمراً تدريبياً يفوق الـ 25 سنة .. وهو لسى في بدايته التدريبية .. فـ يبقى من العيب ان نخلق مقارنة غبية بين مدربين كبار لم يتعايشو العمر التدريبي معاً .. وأن كان من هنآلك مقارنة يريد الجميع ان يأتي بها فـ المباريات مع بعضهم هي الفيصل فقط .. شرط أن تكون بحدود مبارياتهم ولاتخرج لحدود التقليل للمدرب الآخر بسبب خسارته .. فـ المقارنة فقط بين نتائج لقاءاتهم .. s60s اما غير ذلك فـ هذا اجحاف وظلم لـ فيرغي وايضاً لمورينيو .. همسة .: مجرد وجهة نظر وليس رد لأجل الدخول بالنقآش .. :) |
إقتباس:
الله يسلمك بالعكس النقاش ممتع معك وخذ ورده ورده ابصير اكرم منك :d بالعموم لو يجيني واحد يقول حرام تظلم فيرجسون لانه قدم 25 سنه وبطولات واساطير وتقارنه بمدرب ماله 7 سنين اقولك وجهة نظر ولو جاني واحد ثاني يقول لا والله ياخي مورينهو في 7 سنين سوى الهوايل وصعب على اي مدرب انه يسوي اللي سواه في 7 سنين نفس الشئ اقولك وجهة نظر انا في ردودي ما فضلت واحد على الثاني لاني اشوف ان مافيه وجه للمقارنه بينهم لو قارنت بين مورينهو وبينيتز اقولك قريبين في السن لو قلت كابيلو وفيرجسون اقولك تقدر تقارن اما مورينهو وفيرجسون اعتقد ان مافيه مجال للمقارنه هذي وجهة نظري <!-- / message --> |
ياخي ذا المدرب مغرور جدا يبي يبرز شخصيته امام ناس قد حصدوا النجاح فنراه يهاجم فيرجسون وفينجر الأفضل والاعرق ويجحد جهود كريستيانو ويقول \انه لايستحق جائزة الويفا الصراحة ماادري وش يبغا مورينهو ؟؟؟؟؟؟؟؟؟؟؟؟ |
| الوقت المعتمد في المنتدى بتوقيت جرينتش +3.
الوقت الان » 12:54 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd