|
بما أنك شفت مباراتي المنخب الوديه (( تفضل للنقاش قبل بطولة الخليج )) السلام عليكم ورحمة الله وبركاته .. كيفكم إن شاء الله الجميع بخير .. وش رايكم بمستوى المنتخب السعودي خلال المباراة السابقه أمام البحرين ؟ ومباراة اليوم أمام سوريا ؟ أنا والعياذ بالله من كلمة أنا : أشوف أن مستوى المنتخب ضعيف أو بالأصح ضعيف جداً الدفاع ما أدري بالضبط وش فيه ... المحاور / جيد جداً .. الوسط مش ولا بد ويبغالنا واحد صانع العاب من النوع الممتاز يعني يحط الكوره لمالك وياسر أنت وضميرك .. الهجوم ما ألومه ما فيه صانع العاب ... ارجووو النقاااش من دون تجريح .. وتقبلووو خالص تحياتي ,,, |
بسم الله الرحمن الرحيم اولا مستوى عاادي دايم المنتخب قبل كل بطوله يلعب مباراه وديه ويكون مستواه ضعيف ولكن اذا دخل البطوله يكون غيييييير المهم المنتخب ما يظهر الا امام الكبار وراح اذكركم وتذكروا مبارياته الوديه قبل بطولة آسيا تحياتي |
ياسر ما ينفع مع التكتل الدفاعي |
المنتخب السعودي لم يظهر بمستواه المعهود لاكن نقول ودية جميع المنتخبات الخليجية في مبارياتها الودية مستواها ضعيف جدا ونامل ان تكون البطولة ذات مستوى ممتاز |
بصراحه المنتخب ضعيف جدا.. واذا استمر على ذلك سوف يخرج من بطولة الخليج من اول مبارات.. جميع الاعبين لم يؤدو مستواهم.. لكن ان شاء الله يعالج اخطائه.. ومبارات وديه فقط لمشاهدة مستوى الفريق.. |
ان معك ياعلشق الزعيم.............. |
اقول لك .. نور يرجع بس .. ويرجعون الدوخي , المنتشري , حسين عبدالغني , الدعيع ------- والله فريق اليوم مو ضعيف ولا شيء بس مافيه روح لازم يجبون لنا لاعبين كبار يفهون مو اي يلعب بالمنتخب |
انا رأيي المستوى مقارنة بالمبارة السابقة أفضل بشئ بسيط افضل شي في المبارة * تمريرات سليمه افضل من المباره السابقة وستغلال الكره الثابته واتمنى التركيز عليها اكثر . اما السلبيات * خط الدفاع هوساوي ومرشدي في تغير في اماكنهم ومافي تنظيم سليم وفي فراغات بينهم وكأنهم مايلعبون مع بعض في نفس الفريق انا استغرب مستواهم الي ظهرو في المباره هذي والمبارة السابقة انا ماتوقع المشكلة من الاعبين لان مع الهلال منظمين جدا واتوقع ان الخلل من المدرب مانظم الدفاع بصوره المطلوبه . * خط الوسط ضايع مافي مسانده للهجوم ولاحتى لدفاع والمحاولات كلها من الاطراف ولم تستغل الا من الهدف وهذا الحسنة الوحيده "كره ثابته" * لابد من تفعيل خط الوسط افضل من كذا في مساندة الهجوم والدفاع ومايعتمدون على محور واحد عزيز في تغطية الدفاع بيكون جهد كبير عليه تيسر الجاسم دخل الشوط الثاني وتحرك الوسط افضل من عبده عطيف وفريدي في الشوط الاول وكذالك في مبارة البحرين لم يفعلو اي شي *ماحس في تكتيك مدرب بقد ماهو اجتهادات لاعبين واعتماد الاعبين ع المهارات الفرديه الي بتضيعنا مثل ماضيعت المنتخب السعودي لشباب والناشئين في اعتمادهم ع الفرديه اكثر من العب الجماعي . عموما اتمنى ان يظهر المنتخب بشكل افضل في البطولة خصوصا ان الإمارات الأن ليس الإمارت في التصفيات . وكذالك قطر بالمستوى الي ظهر فيه المنتخب اليوم بيكون المنتخب سهل ع المنتخبات الخليجيه الاخرى . |
المستوى يخوف والمنتخب بكبره يخوف !! اذا استمر الحال على كذا ماتوقع بنتاهل للادوار النهائيه الله يوفق المنتخب وفي الاخير نقول مباراة وديه |
إقتباس:
s60s والله غريبة كانكم اول مره تتابعون المنتخب والله اليوم لعبو زين بعد انا استغربت اصلا عوايد المنتخب بالوديات فبل البطوله نفس المستوى الي شفناه ممكن تخوف من الاصابات الله واعلم لاكن هذا تكتيك المنتخب من زمان والله الموفق ،،، |
اخوي المنتخب دائماً في المباريات الوديه لايظهر في مستوى جيد. ولاكن في البطوله يظهر بمسوى جيد كحد ادنى .. |
بالنسبه لي انا ماشفتها لانها مشفره العالم كله يشوفون مباريات منتخب بلادهم بدون تشفير واحنا حتى الوديات مشفره -- فاز او انهزم ماتفرق |
يا شباب يا حلوين....... انا حاس انهم دخلوا الملعب وهم دايخين مادري شنو قصتهم...... المهم ... في بعض اللاعبين ما اد المطلوب... يعني الفريدي ... مادري وش وضعه اليوم ...مو مثل العاده....لكن وقت المباريات الرسمية لها دور ونشوف...(( لو علي كان خليت الفريدي ورقة رابحه استخدمها في الشوط الثاني )) اما عبده عطيف .. الصراحه ذا اللاعب ماخش مخي...صحيح انه مهاري وسريع.. لكن في بعض اللاعبين لهم عيوب وحتى لو كانوا نجوم.... عبده عطيف مشكلته يكثر من استخدام مهارته ونادر ما يصنع فرص للهجوم ... يا ناااس وش دور لاعبين الوسط ... دورهم معروف وهي صناعة الكورة للمهاجمين... عبده عطيف يقوم بدور المهاجم اكثر من دوره الاساسي وهو الوسط.... هذا رائي في اللاعب ... اتمنى انكم تتقبلونه .... ومشكورين يا حلوين.... اللي يطالبون انه لابد من ضم بعض لاعبين الخبرة مثل الدعيع والدوخي والخ... احب اقولهم ان هذه بطولة خليجية ولابد ان نعطي الفرصة للاعبين الشباب... واما لاعبين الخبرة لابد من وجودهم إذا قابلنا كوريا الشمالية ...اتمنى ان الجوهر يضم الدعيع والدوخي <<< للمعلومية إلا الآن مافي احد يقدر يغطي خانة احمد الدوخي ..صحيح في حسن معاذ وعبدالله شهيل وكامل المر ويقدمون مستوى جيد لكن انا اقول الحقيقة وهذه الحقيقه.... |
ياسر ما ينفع مع التكتل الدفاعي اذا ياسر لاينفع من هو ينفع هذى اخر نكتة فى سنة 2008 |
الدفاع لا يعيبه شئ لكن المشكلة واضحه وصريحة في مبآراة سوريا وفي مبآراة البحرين الاهداف كلها سهلة اللي تدخل والدليل شوف هدف سوريا اليوم اللعب شاتها في نص البآب في نص الباب يعني لو المسيليم واقف ما تحرك ردها لكنه بحركة خنفشارية نقز قبل ما يشوت اللاعب وفي مباراة البحرين ما ادري وشلون دخل هدفهم الواضح ان الدعيع مطلب كبير للمنتخب في الفترة الحالية و عطيف يجب ان يفتك من لعبه الاناني و لازم يجهزوون الموسى لان لياقته مش ولا بد منتخبنا ضعيف جدا في الوسط والحراسة لازم الجوهر يتحرك ويستدعي الدعيع وعلى عزيز انه يتفاهم مع كريري وعطيف لازم له حصة كاملة تفهمه ان الكورة لعبه جماعيه ولا تتفنن الا اذا كنا متقدمين واخر الدقائق بعدين لازم لاعب جدي في الوسط زي نور ولا الشلهوب حتى لو الشلهوب في نص مستواه لكنه جدي في اللعب بعكس الموجدين الحين نور يجب يتواجد اذا ما استدعاء الشلهوب لانه هو اللعب الوحيد اللي ممكن يمسك الوسط بجدية هذا رآئي ومشكور على الموضوع |
| الوقت المعتمد في المنتدى بتوقيت جرينتش +3.
الوقت الان » 01:53 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd