كل سنه وانتم بخير


هذي ألفية قيلت عن العذاب

وناقلها لعيونكم

تفضلوا القصيدة


الألف أولف مـن عذابـي قصايـد
يبكي لها شخصِ عن العيـن نايـد


ممـا جرالـي خـذ علـومِ وكايـد
يحرم علـى قافـي كـلامِ خيالـي


والبا بـلادي كيـف فيهـا تغرّبـت
الناس جنبي بـس ياخـوك جنّبـت


كـلِّ شرابـه عـذب وأنـا تعذّبـت
يالعن أبـو وقـتِ يغّـر الرجالـي


والتـا توالفنـا وصرنـا ولايــف
ثم أفترقنا يـا حسيـن الوصايـف


خايف من الأيام يـا بنـت خايـف
إن ما أجتمعنا ويش يجري لحالـي


والثا ثمان سنين أمشـي وأناديـك
وأبكيت أهل الشرق من كثر ما أبكيك


أسمع صدى صوتي من سنين يدعيك
وأشكي على الله كل شـيِّ جرالـي


والجيم جاوبـت الحمـام بسماهـا
يا غايبـه وجـذور قلبـي معاهـا


ما أدري متى الأيام يقضـي بلاهـا
ويلتـم شمـلِ فرقـتـه الليـالـي


والحا حلفت لدار الأجنـاب لا أروح
يوم أنتهى صبري وضاقت بي الروح


لا صار سدّك بين الأنذال مفضـوح
أقلـب عقـارب ساعتـك للزوالـي


والخا خسـاره يـا بقيّـة ربوعـي
لفراقكم ترجـف محانـي ضلوعـي


والله مانـي للجماعـه قطـوعـي
لاشـك بركانـي يذيـب الجبـالـي


والــدال دللـنـي زمـانـي ودارا
أقفـى وخلانـا يهـود ونـصـارا


راحـت حياتـي مغتـرب باالديـارا
أشد كفّـي وأثـري الكـف خالـي


والـذال ذلّ النفـس صعـبِ علينـا
ننسى ولو با الموت شخصِ نسينـا


يا إللي نحت بـك كلمـة العاذلينـا
إللي حكى لك فيك ياما حكـى لـي


والرا رسم لي صاحبي لوحة أخلاق
في ليلةِ ظلمـا تهيّـض بمشتـاق


وبا الشمس سالت لوحته كلها نفاق
وأقسمت ما أنظر لوحةِ بـا الليالـي


والزاي زوله ساكـنِ فـي عيونـي
في سلوتي في خلوتي في شجونـي


لو خنتني أعاهدك لك مـا أخونـي
الحـب الأول .. مـا ينسيـه تالـي


والسين سافرنا إلى الغرب والشرق
وماشفت مثله في حياتي ولا عـرق


( بينه وما بين الأناثي صِدِقْ فرق )
مالـه مثيـلِ فـي دلال وجمالـي


والشين شفت الموت مليـون مـرّه
بس أن موتـي مـا بلانـي بشـرّه


ول يا غريـبِ جالـيِ عـن مقـرّه
يطرق على الفنجال صفـر الدلالـي

والصاد صبر أيـوب ربـي يجيبـه
عند الحبيب إللي غـدا لـه حبيبـه

تقلّبـت فـروة حـيـاةِ غريـبـه
وشربت كاس المرّ من بعـد حالـي


والضاد ضيقة صدر وأحزان وهموم
تجمّعت في صـدر رجّـال محـروم


صبّت عيونه ثم تابـت عـن النـوم
بارضِ بعيده دونها الشـوف مالـي


والطا طويـلات الليالـي سهرنـاه
والبعد والحرمان غصـبِ عرفنـاه


يالله أنــا طالـبـك يالله يــا الله
تفرج بجودك يـا عزيـز الجلالـي


والعين عيد الناس يذكر ولا شيـف
من لي ثمن سنين عيدي تصانيـف


تفرقوا يـا عيـد فيـك المواليـف
وحبل الرجا يا عيد با الحيل طالـي


والغين غرّ العيـن خـادع سرابـه
حتـى تخاوينـا أنــا والذيـابـه


مابيـن غربـات الزمـان وعذابـه
من بدّ كل النـاس أمشـي لحالـي


والفـا فـؤادي خايـفِ لا يتفطّـر
لا قمت في بعـض الليـال أتفكّـر


الله مـن وقـتِ عليـنـا تغـيّـر
عجاجةِ تصفـق بنـا كـل جالـي


والقاف قابلته وفي عينهـا دمـوع
وأقفيت عدّ القلب با الأرض مجدوع


يالله نسجد لك ونركع لـك ركـوع
أرحم عبادك يـا مجيـب السؤالـي


والكـاف كـلا ثـم كـلا وكــلاّ
ما أنسـاك مـا دام النهـار يتجـلاّ


لين الترايـب فـوق قبـري تهـلاّ
ويصير عقب المـوت حـبِّ خيالـي


واللام لابدّ السّرا يـدور يـا هيـه
يامن جحدت الطيب وأنكرت راعيـه


يالعن أبو طيبِ غـدا الهـمّ تاليـه
ماهي لنا يا عزوتي يـا حلالـي ؟


والنـون نـارِ تعتلـق وتغمـزلـي
تاكل عيوني ثـم بـا القلـب تدلـي


رجعت يا الراكب خـلاوي ورجلـي
ماعدّ لـك بحبـال شمّـر حبالـي


والها هنوفِ يابـو نايـف صغيـره
صارت لي بعقد المشايـخ عشيـره


وطفلِ صغيرِ مادرى عـن مصيـره
أوصيك كان الموت فـرّق غوالـي


والواو وصيتك بطفلي وأنـا أنخـاك
يارد لحاله لو يجي وسـط الأتـراك


وقل له تخلص نفسك اليوم يمنـاك
رصّه على الرمضا وبرد الشمالـي


والياء يا ربي رضينـا بمـا صـار
آمنت بك وأسلمت لك كـل الأقـدار


وأرجي عساها فكّةِ لي مـن النـار
طالبك ياللي با السما فـوق عالـي

منقول