Freeway Racer ( متسابق حر )..........................Mission ( بعثة )

Tournament ( بطولة ) )......................................Wager ( رهان )

Pinkslips ( مفتاح ) ).......................Cruising Racer ( متسابق طواف )

Garage ( مرآب).............................................Time Trial ( وقت إبتدائي )

Series Race ( سلسلة سباقات ).......................Red Light ( الضوء الاحمر )

Payback ( استرداد ).....................................Delivery ( تسليم )

ـــــــــــــــــــــــــــــ

شباب ترى هذي من ترجمة قوقل .. يعني اذا كان فيه اي خطأ قولوا لي ..

ودمتم بحفظ الرحمن ورعايته ..

بالنسبة للمهمات هل اريحلي اني اجمع فلوس واشتري سيارة زي الناس وابدا مهمات

لان بصراحة المهمات السيارات الي فيها سريعة

إقتباس الرسالة الأصلية كتبت بواسطة Turki(الرايق)Turk بالنسبة للمهمات هل اريحلي اني اجمع فلوس واشتري سيارة زي الناس وابدا مهمات لان بصراحة المهمات السيارات الي فيها سريعة

اخوي بما انك توك شاري الشريط العب بأي شي اخضر وانصحك إنك تلعب باللي بالطرق الرئيسية لإنه شويه ومرة ثانية اقولك العب بالأخضر لما تشتري سيارة احسن
من اللي عندك ..

ودمت بحفظ الرحمن ورعايته ..

التفحيط مب اوكيشن
المجاكارات اوكيشن
السيارات اوكيشن
التزبيط والترهيم اوكيش اوكيشن
___________________
اولا التفحيط مايمديك تجيب عقده الا بالصعوبه لاكن تستطيع تنطل او تتكي لاكن التكي صعب مره
ثانيا: المجاكارات حلوه مره والمتسابقين اصبحوا اصعب واصعب يعني تحس بالحماس مب حق سوني 2 فايز فايز الا ان قبعت جدار
ثالثا: السيارات حليوات لاكن ابي اعرف ليش مايجيبون ددس او هلي <وش يحس به
لاكن لو يجيبون كامرس كابرس لومينا اوريون مازدا 77 بوكس ( البقره )
خخخخخخخخخخخخخخخخخخخ
لاكن مع وجود التشارجر يالبيه
رابعا التزبيط والترهيم:
والله ياهو اليم يمديك تزبط السياره مع جوء تحط حق الظغط والدركسون تغيره والمراتب والوان السياره الداخليه وتقدارتحط الباب ينفتح على فوق هذي زيادات عن الـ2
وفي شئ خامس الشرطه الدوريات الحكايم الحكومه
والله ياهي قروشه ان لحقتك الله يعينك لازم تمسك الدائري وتخش من تحت تريلات الدوريات العن دويره تلحق شفتها بحياتي صح انهم سبك يعني تمسك الايمن تشوف سياره فالايسر تخش يسار ثم يمين وهم قابعين قابعين او اشطف الجدار شطفه اليمه وعلى طول قابعين قابعين
وفيه ميزه سادسه يمديك تلعب سباق على سياره يعني انا وصلت الين التشارجر رهمتها فوق تحت وزبطتها فوق تحت واخوي الصغير راح لسبباق اللي ان خسرت تسلم مفتاح سياراتك وخسر
واخذو سيارتي لاكن بالقوه والعزيمه وكانت معي بقره بوكس مدري وش ااسمها جمعت لي فلوس وشريت RX8 لبه قلبها اسميها (المنقذه) فزت ورجعت سيارتي وبعت RX8 بخساره
ثم باريت اللي بعتها عليه واخذتها منه وبكذا كسبت فلوس ***
باختصار الميزه السادسه هي يمديك تراهن على سيارتك
لاكن الشريط ماينمل منه

إقتباس الرسالة الأصلية كتبت بواسطة عاشق كرستيان وفيه ميزه سادسه يمديك تلعب سباق على سياره يعني انا وصلت الين التشارجر رهمتها فوق تحت وزبطتها فوق تحت واخوي الصغير راح لسبباق اللي ان خسرت تسلم مفتاح سياراتك وخسر واخذو سيارتي لاكن بالقوه والعزيمه وكانت معي بقره بوكس مدري وش ااسمها جمعت لي فلوس وشريت RX8 لبه قلبها اسميها (المنقذه) فزت ورجعت سيارتي وبعت RX8 بخساره ثم باريت اللي بعتها عليه واخذتها منه وبكذا كسبت فلوس *** باختصار الميزه السادسه هي يمديك تراهن على سيارتك

نفس قصتي ..

بس انا Saleen S7 اللي اخذوها مني ..

ويمديك تراهن على فلوس بعد ..

ودمت بحفظ الرحمن ورعايته ..

إقتباس الرسالة الأصلية كتبت بواسطة عاشق كرستيان ثم باريت اللي بعتها عليه واخذتها منه وبكذا كسبت فلوس ***

اخوي مآني فاهم قصدك تمامـ ..
يعني هل انت تروح لواحد وتقوله يشتري السيارة
ولا زي بلايستيشن 2 تبيعها من الجراج .

تحيآآآآتي .

إقتباس الرسالة الأصلية كتبت بواسطة barcawi4ever اخوي مآني فاهم قصدك تمامـ .. يعني هل انت تروح لواحد وتقوله يشتري السيارة ولا زي بلايستيشن 2 تبيعها من الجراج . تحيآآآآتي .

أخوي هو راح لسباق رهن ..

بعدين جته خيارين يرهن فلوسه ولا سيارته ..

هو اختار رهن السيارة طبعا اللي يفوز ياخذ سيارة الثاني .. يعني انت فزت عليه تاخذ سيارته هو فاز عليك ياخذ سيارتك ..

ودمت بحفظ الرحمن ورعايته ..

إقتباس الرسالة الأصلية كتبت بواسطة مجروح الإحساس أخوي هو راح لسباق رهن .. بعدين جته خيارين يرهن فلوسه ولا سيارته .. هو اختار رهن السيارة طبعا اللي يفوز ياخذ سيارة الثاني .. يعني انت فزت عليه تاخذ سيارته هو فاز عليك ياخذ سيارتك .. ودمت بحفظ الرحمن ورعايته ..

مشكوور يالغلآ ...

تحياتي ..

نقاش :

ما الكاميرا او الشاشة التي تلعب بها اثناء لعبك في اللعبة ؟ ولماذا ؟

انا عن نفسي استخدم Static ، لإني متعود عليها من زمان وما اقدر اغيرها ..

نقاش ثاني :

هل انت تشتري السيارة من حيث شكلها ولا طاقتها ؟

انا اشوف الطاقات بعدين افكر بالشكل .. يعني اشتريها من طاقتها ..

ودمتم بحفظ الرحمن ورعايته ..

الشريط مره روعه وانا عندي الشاشه تقنيه HD طالع التصوير خطير بس عندي سؤال ؟

وشلون ابيع السياره ؟؟؟

إقتباس الرسالة الأصلية كتبت بواسطة احب زعيم نصف الارض الشريط مره روعه وانا عندي الشاشه تقنيه HD طالع التصوير خطير بس عندي سؤال ؟ وشلون ابيع السياره ؟؟؟

رح للقراج واظغط اول واحد تجيك السيارات الي تملكه وفي الزاويه السعر البيع وبعها

بس ما تقدر تبيع الى اذا كان عندك اكثر من سيارتين او سيارتين

إقتباس الرسالة الأصلية كتبت بواسطة 11 التمياط رح للقراج واظغط اول واحد تجيك السيارات الي تملكه وفي الزاويه السعر البيع وبعها بس ما تقدر تبيع الى اذا كان عندك اكثر من سيارتين او سيارتين

مشكوووووور اخوي

ياشباب انا لقيت الشريط
210 بحايل اشتريه ولا لا لاني بكرا ابي اروح
للقصيم اشتريه هناك ولا هنا
ارجو من الي في القصيم

يعطيني خبر

إقتباس الرسالة الأصلية كتبت بواسطة بيكهامـ ياشباب انا لقيت الشريط 210 بحايل اشتريه ولا لا لاني بكرا ابي اروح للقصيم اشتريه هناك ولا هنا ارجو من الي في القصيم يعطيني خبر

اشتره الحين لاني انا شاريه ب240 انا اقول اشتره احسلك

على شورك

مشكووووووور احب