[ الموضوع الرسمي | MiDNiGHT CLUB : LoS AnGeLeS ] - صفحة رقم 14 - نادي الهلال السعودي - شبكة الزعيم

ALHLAL-20-15-14-9 · #1 26/02/2009, 05:18 PM

شباب كم سعر ميد نايت كلوب

11 التمياط · #2 27/02/2009, 12:18 AM

إقتباس

الرسالة الأصلية كتبت بواسطة ALHLAL-20-15-14-9


	شباب كم سعر ميد نايت كلوب

اخر شئ سمعته في البلايستيئن 3
210
اكس بوكس 360 كوبي 10 ريال

(((عبدالله))) · #3 27/02/2009, 03:25 PM

إقتباس

الرسالة الأصلية كتبت بواسطة ALHLAL-20-15-14-9


	شباب كم سعر ميد نايت كلوب

هلا اخوووي سعر الشريط 150 ريال جديد عند محل لعبتي اللي ع شارع حسان بن ثابت واذا قريبه البطحاء روح لها لانووو فيها كل شي رخيص . . .

تحياتي

ஜ ₣ ฮ เ ṥ λ Ŀ ஜ · #4 27/02/2009, 05:26 PM

شباب الي يبي يلعب معي اونلاين مدنيات وتفحيط يضيف

الجيمر تاج حقي بـ التووقيع

ابــي نــآس معي زحف استهبال

بـأنتظــآركم

طارق عن حبك مو تايب · #5 14/03/2009, 12:05 AM

طيب كيف احمل العاب من الكمبيوتر الى الـps3

ابي الطريقه بالتفصيل وشكرا

$موج البحر$ · #6 14/03/2009, 06:55 PM

انا شاري شريط 150 بالرياض

كوكو رونالدو · #7 17/03/2009, 06:37 PM

السلام عليكم مرة ثانية يا شباب .
ابكتب رد ان شاء الله يكون فيه فايدة لمعظم تساؤلاتكم. وان شاء الله بيكون فيه فايدة كبيرة.
من اطلاعي عالموضوع عرفت انكم فهمتم كيف تبيعون وتشترون وكيف تنافسون على السيارات والفلوس.

للمبتدأين .اقترح انكم تشترون سيارة جيدة وفيه كذا سيارة سعرها معقول وامكانياتها جيدة.
مثل: camaro consept.mazda rx7.mazda rx8
وفي حلين حلوين للناس اللي عندها صبر.
الاول:انك تروح عند القراج اللي في منطقة هوليوود. وتلقى جوا مهمات توصيل سيارات(delivery)وبكذا عملية توصيل بيجيك مبلغ حلو ويعتمد المبلغ على حاجتين اولا المدة اللي توصل فيها السيارة وثانيا الاضرار اللي تلحق بالسيارة .يعني كلما وصلت السيارة سريعة وبدون صدمات جت فلوس اكثر. وهالحل يساعدك على تحسين القيادة داخل المدينة واكتشاف اختصارات الطرق.
الاحل الثاني : امسك الدائري واي واحد تشوفه اكبس له ويا تشلخه يا يشلخك واذا كنت واثق من قدرات سيارتك ومن قيادتك انصحك انك تسابق حقين الالوان الحمراء والبرتقالية.لانهم يعطونك فلوس اكثر من غيرهم .والحل هذا يساعدك على سرعة البديهة والتحكم بالسيارة اثناء السرعات العالية.

طيب بما اني ختمت الشريط انصح اخواني بنصيحة خرافية
اول ما تبدا تبني نفسك ركز على هذي السيارة مع ان سعرها مرتفع ونص اللي يلعبون الشريط ما يفكرون فيها.s600 او البانوراما لانها لها فضل كبير في ختمي للشريط وبذكر لكم مميزاتها
سريعة .سهلة التحكم. راسية.واعتقد مافي احلى من كذا .
لكن عيبها الوحيد ان قومتها ثقيلة. وصدقوني عن طريق هذي السيارة رح تجيبون كل سيارات الDUBاللي هي مقدمة كجوائز بطولات.
ـــــــــــــــــــــــــــــــــــــــــــــــــــــــــــ
تعديل السيارات
ـــــــــــــــــــــــــــــــــــــــــــــــــــــــــــ
اول ما تشتري سيارة جديدة بيخطر في بالك انك تعدلها خصوصا مع الخيارات البطلة اللي متاحة لك في الشريط
عندي لك نصيحة
ابدأ بتعديل الperformance قبل لا تعدل الشكل. عشان تتطور قوة سيارتك.
اما عن تعديل الشكل فهو راجع لذوق الشخص . وموضوعه طويل جدا
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ــــــــــــــــ
بعض الخدع الحلوة اللي بتفيدك باللعبة
السباقات:قبل لا يبدا العد التنازلي خل يدك عالى الدعسة مع الجلنط ومع ضهور كلمة go فك يدك عن الجلنط وبتلقى قومة السيارة اقوى.
الشرطة : بعض الاحيان تتعدى خط المشاة والا تكون مفهي وواقف في مكان غلط
توقفك الشرطة ويكتبون لك تحت الطبلون pull over انت وقف كأنك واحد محترم
بيجبون لك التصوير من جوا الدورية والعسكري متجه ناحية سيارتك. اول ما يقرب العسكري من السيارة .انت افحط في وجه وبالتالي بتكون عندك مسافة حلوة عشان تغبر به ههههههههه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــ
هذا كل اللي يحضرني الحين
وان شاء الله بعلمكم باي شي يجد عندي

ஜ ₣ ฮ เ ṥ λ Ŀ ஜ · #8 19/03/2009, 02:14 AM

^
^

جربت حركة الدوريه هههههههههههههههههه

والله بطله

شباب بسئلكم

اليوم وانا العب اغلب الأوقات تطلع لي الطرق خربانه يعني لونها ابيض مدري وش السالفه !!

وتطلعلي سيارات فجــأهـ واصدم فيها !!

مع العلم اني اول العب فيه وكان عال العال واليوم يوم لعبت فيه مدري وش صار له !!

وشريطي كوبي اكس بوكس

ياليت الي صارله مثل كذا يعطيني خبر ويقولي وش السبب

11 التمياط · #9 19/03/2009, 11:47 AM

إقتباس

الرسالة الأصلية كتبت بواسطة Mr.pHp


	^ ^ جربت حركة الدوريه هههههههههههههههههه والله بطله شباب بسئلكم اليوم وانا العب اغلب الأوقات تطلع لي الطرق خربانه يعني لونها ابيض مدري وش السالفه !! وتطلعلي سيارات فجــأهـ واصدم فيها !! مع العلم اني اول العب فيه وكان عال العال واليوم يوم لعبت فيه مدري وش صار له !! وشريطي كوبي اكس بوكس ياليت الي صارله مثل كذا يعطيني خبر ويقولي وش السبب

اولا اسف على غيابي للجميع وذلك للاحوال التي يعيش فيها الزعيم فلم ادخل الكمبوتر الى لشبكة الزعيم ومنتدى الجمهور الهلالي عشان اشوف اخر اخبار المنتدى

اولا : طف الجهاز وانتظر خمس دقايق وادخل و ان ما ظبط
ثانيا : طبعا رما لا تاتيك الى اذا اسرعت فوقف السرعه على حنب الما يزين الطريف وانا ما زبط
ثالثا : اغسل الشريط بالماء ثمن امسحه بقماش او فنيله ثمن بمنديل وتاكد بان الشريط لا توجد به ولا قطرة ماء وادخله للجهاز وان ما ظبط
رابعا : احضر 10 ريال واشتره هخ

اتمنى اني افدتك

ஜ ₣ ฮ เ ṥ λ Ŀ ஜ · #10 19/03/2009, 12:39 PM

إقتباس


	طبعا رما لا تاتيك الى اذا اسرعت فوقف السرعه على حنب الما يزين الطريف وانا ما زبط

اخوي مافهمت هـ النقطه

...................

11 التمياط · #11 20/03/2009, 06:48 PM

إقتباس

الرسالة الأصلية كتبت بواسطة Mr.pHp


	اخوي مافهمت هـ النقطه ...................

مبروووووووووك ااول شئ مشاكاتك صارت 300 بالتمام
ثانيا يعني
الحين انت دعست بنزييييييييين وما بان عندك شئ جرب وقف خمس دقايق وان ما زان جرب الخيارات الي عطيتك اياها

ஜ ₣ ฮ เ ṥ λ Ŀ ஜ · #12 19/03/2009, 03:08 PM

السلام عليكمـ

شباب انا بسئلـكمـ

امس رحت سباق الي تراهن على سيارتك وراهنت عليها وفاز علي

عقبها صرت اتساابق ولا عاد يجيني فلووس !!

وش السالفه !!

11 التمياط · #13 20/03/2009, 06:41 PM

إقتباس

الرسالة الأصلية كتبت بواسطة Mr.pHp


	السلام عليكمـ شباب انا بسئلـكمـ امس رحت سباق الي تراهن على سيارتك وراهنت عليها وفاز علي عقبها صرت اتساابق ولا عاد يجيني فلووس !! وش السالفه !!

والله انت وشريطك ذا الي مدري وش سالفته

والله حاله غريبه يمكنك متسابق على سياره
ملاحظه بلاه ضفني في الاون لاين هخ

هلالي فوق الجبال · #14 20/03/2009, 03:24 PM

اكيد نصكم يبي يختم الشريط بدون مجهود يعني عجّاز مثلي

ختمات مني اليكم

للـنسخة الاوروبية

التخزينة الاولى 100%
http://db.gamefaqs.com/console/ps3/s...ub_la_eu_a.zip

التخزينة الثانية 100%
http://db.gamefaqs.com/console/ps3/s...ub_la_eu_b.zip

<<<فيها اودي R8 و 600 الف دولار

التخزينة الثالثة 41%
http://db.gamefaqs.com/console/ps3/s...club_la_eu.zip

<< فيها لامورجيني

للنسخة الامريكية
http://db.gamefaqs.com/console/ps3/s..._club_la_b.zip

<< فيها اوديR8

انا الي مجمعها

وابي بـ المقابل تدعون لي و لـ والدي

والي يبي ختمت اي شريط يرسلي اسمه بـ الانجليزي وانا حاضر

11 التمياط · #15 20/03/2009, 06:44 PM

إقتباس

الرسالة الأصلية كتبت بواسطة هلالي فوق الجبال


	اكيد نصكم يبي يختم الشريط بدون مجهود يعني عجّاز مثلي ختمات مني اليكم للـنسخة الاوروبية التخزينة الاولى 100% http://db.gamefaqs.com/console/ps3/s...ub_la_eu_a.zip التخزينة الثانية 100% http://db.gamefaqs.com/console/ps3/s...ub_la_eu_b.zip <<<فيها اودي R8 و 600 الف دولار التخزينة الثالثة 41% http://db.gamefaqs.com/console/ps3/s...club_la_eu.zip << فيها لامورجيني للنسخة الامريكية http://db.gamefaqs.com/console/ps3/s..._club_la_b.zip << فيها اوديR8 انا الي مجمعها وابي بـ المقابل تدعون لي و لـ والدي والي يبي ختمت اي شريط يرسلي اسمه بـ الانجليزي وانا حاضر

على اي جهاز
وشكرا اخوي على الروابط التختيم <<< انا متدين بسبب الشرطه اروح اصدهم واخليهم يلحقوني يا اني افحط فيه ترقبو الفديو في هجولتي هخ