24/12/2008, 03:37 AM
|
زعيــم فعــال | | تاريخ التسجيل: 13/04/2007
مشاركات: 447
| |
أنا متفائل، ومتفائل جداً، لكن أعتقد أن الأوراق مكشوفة للكل في خليجي وكل منتخب عارف الثاني، لذا فما فيه داعي لهالسرية.
وعدم قدرتنا على التسجيل سببها واضح، فريق يئس من الهجوم (وكلنا نذكر كيف كانوا مندفعين في الآسيوية وآخرتها انصكوا بأربعة، وفي الودية الثانية كانوا أكثر تحفظاً وانصكوا) فقالوا ما لها إلا نسنتر في الدفاع وياسر ومالك نمسكهم بثلاثة.
وهالشيء مو عيب أبداً، والكل يتذكر شلون أرسنال كاد يخسر من ستوك (الفريق الذي ترقى للدرجة الممتازة هذا الموسم فقط) لولا رأسية في الوقت بدل الضايع من الشخص الذي يعاب عليه قلة تسجيله بالرأسيات، فابريغاس (ولو أن أول رأسية في تاريخه كانت تسلل، والمرمى فاضي!).
وبالمناسبة، لو استمرينا بنفس تشكيلة بداية المباراة (واللي على الأرجح هي اللي بندخل بها خليجي) كان فيه احتمال نسجل.
وبخصوص الجوهر، فأنا بصراحة مستعد أعطيه فرصة لنهاية خليجي، أما الانتقادات اللي ضده فهي طبيعية، وكلنا يذكر كيف كانوا الناس يعتبرونه المنقذ لما انقلبت النتيجة اللي قدام الامارات لاثنين بعد خسارة!
عشان كذا أقول لا نتسرع بالحكم، وقدامنا الدورة القادمة، ونشوف وش يقدم. وحالياً أشوفه أفضل من أي مدرب أجنبي ممكن نجيبه "هالفترة" عشان يتحلم على رؤوسنا الحلاقة، ونقعد نرقع له ونقول: اصبروا عليه، توه جاي، خلوه يتعود ويتأقلمون اللعيبة معه.
عطوا ناصر كل الوقت اللي يحتاجه، ما مشى، يعطيك العافية وما قصرت، واتحادنا اللي من عوايده تغيير المدربين كل شهر مصيره يشوف لنا مدرب غيره. |