بسم الله الرحمن الرحيم

السلام عليكم ورحمة الله وبركاته



لاحظت مثل غير كثرة المواضيع إللي تطالب وزارة التجارة بالوقوف
مع الزعيم وعدم بيع المنتجات الخاصة بنادي الهلال

لكن أنا مع المحلات الرياضية إللي تبيع كل ماهو متعلق بالهلال

وما أطالب بمثل ماتطالبون إنتم من وزارة التجارة ..!!

أولا ً : جمهور الزعيم جمهور نصف الأرض يغريه كل ماهو أزرق هلالي
من تذكارات ، ملابس ، أدوات وغيرها كثير وعلشان أشبع رغبتي
لازم أشتريها حتى لو كانت مقلده أهم شي هلالي ..

ثانباً صدقوني أنا أبعارض وأبوقف لكل من وزارة التجارة والمحلات
إللي تبيع منتجات الزعيم طيعاً لو كان فيه محلات وفروع خاصة
بنادي الهلال مو بس بالرياض أبيها بكل الأربع عشر منطقة إدارة بالمملكة ..

ساعتها صدقوني أضم صوتي لصوتكم أما حالياً أنا ضدكم ..
لأني ماراح أقول إني معك وأنا كل يوم والثاني أخذ لفه
على المحلات وأشتري لأخوي الصغير كل شي هلالي ..


تحياتي ..

والله صدق لو وقفوا الوزارة كان ماتشوف احد لأبس الهلال ولا شي
وش ذا الحـــــــــــــــسي
اقول اصكتوووووووووووو ياأأأأأأأأأأأأأأاخي

معك حق يابو نواف

لو قامت وزارة التجارة بدورها المطلوب
(( وهذا طبعاً مستحيل ))

كان ماشفت أحد لابس فنيلة الزعيم ..

تحياتي

الله يعطيك العافيه ياخوي وفعلا كلامك واقعي

لو وقفت وزارة التجاره ضد الزعيم مالبس الحد قميص الزعيم

..................................

إقتباس الرسالة الأصلية كتبت بواسطة تسحيب 15 الوليد الله يهدية كل يوم مطلع لنا موضوع عن المسأله هذي مدري شكلة ما يبي احد يلبس طقم الهلال (( يعني انا اخواني 5 وكل واحد يبي طقم الهلال والطقم بـ 240 بالله عليكم كم بدفع ابي ادفع 1200 ريال علشان اشتري لخواني 00على كذا ماراح تلاقي أحد يمشي بالشارع ولا بس طقم الهلال )) خلوا الناس تسترزق والهلال ليين يلبسون شعار ناديهم

الحل ماهوب اننا نخلي القرعة ترعى ..
ليش ما يكون تخفيض للأسعار من نفس الشركة .. ووضع درجات مختلفة من المنتجات .. A-B-C-D-E وكل جودة بسعر مختلف ..
لكن يالوليد .. أننا روح ذا اثلتس فوت .. ونشوف الطقم أخيس من التقليد .. وبـ 240 أو أكثر .. فاسمح لنا .. لو محد باعنا تقليد .. حنا بنصنع بايدينا تقليد ونلبسه ..

إقتباس الرسالة الأصلية كتبت بواسطة كان هنا الحل ماهوب اننا نخلي القرعة ترعى .. ليش ما يكون تخفيض للأسعار من نفس الشركة .. ووضع درجات مختلفة من المنتجات .. A-B-C-D-E وكل جودة بسعر مختلف .. لكن يالوليد .. أننا روح ذا اثلتس فوت .. ونشوف الطقم أخيس من التقليد .. وبـ 240 أو أكثر .. فاسمح لنا .. لو محد باعنا تقليد .. حنا بنصنع بايدينا تقليد ونلبسه ..

مطالبات مشرفنا الوليد ...

سبب في حرمان العديد من الاطفال ومن ذوي الدخل المحدود او اقل من هذا المستوى في الحصول على طقم الهلال !!


والله يا اخوان مالكم علي يمين ..

في ملعب في حارتنا يومياً امر عليه .. وامتع عيني فيه ..

الكبااااار اغلبهم بفنايل الزعيم ( طبعا ماهو الاصلي )

وفيه جنبه ملعب صغير كلهم اقل من 12 سنه .. جميعهم بالطقم الهلالي وكل يوم اوقف اطالعهم .. واغلب ارقامهم 20 - 14 - 15 ... ليش نحرمهم

مع ان هذا السن .. هو سن وضع بذرة العشق الزرقاء في قلب هذا الفتى .


تحياتي بلا حدود


ابو فارس

إقتباس الرسالة الأصلية كتبت بواسطة تسحيب 15 الوليد الله يهدية كل يوم مطلع لنا موضوع عن المسأله هذي مدري شكلة ما يبي احد يلبس طقم الهلال (( يعني انا اخواني 5 وكل واحد يبي طقم الهلال والطقم بـ 240 بالله عليكم كم بدفع ابي ادفع 1200 ريال علشان اشتري لخواني 00على كذا ماراح تلاقي أحد يمشي بالشارع ولا بس طقم الهلال )) خلوا الناس تسترزق والهلال ليين يلبسون شعار ناديهم

والله صدقت ياخوي وانا قلت كذا

في موضوع اخوي الوليد

الحين في كل مكان تحصل لون أزرق

لكن لو الوضع يصير نظامي صارم

كان ماتشوف الأزرق الا في شارع التحليه

لا تشيل هم الطقم الجديد ( الغير اصلي ) موجود بكل مكان وب 35 ريال

والله أنا معكم هذا الكلام عين الصواب

وصراحة أنا احالتي المادية ماتسمح إني أشتري الطقم ب 240 ريال بس الحمدلله على كل حال

ولكن إشتريت طقم من البغدادية في جدة ب 30 ريال ورقم ياسسسسسسسسر

فنيلة أصلية ب30 تقعد معاك سنتين

اقول لو ان الوزاره حيه ووزاره صح
كان شفت ملابس الهلال الاصليه ب 50 ريال
بس هذي وزاره ميته

يا شباب اذا بداء يطابقون القرار اكيد راح يكون فيه شيء يغني عن التقليدي

المشكله الحين اذا باعوك اصلي 240 وهو تقليد كيف تميز

شاكر ومقدرللجميع التفاعل مع موضوعي ..

تحياتي لجميع الزعماء ،،