|
مــانحتـاج ظهيــر أيمـن .. تدرون ليـه ؟ وكــذا بنستفيــد من ابو تريكـــه السلام عليكم ورحمة الله وبركاتــه .. كثر الحكي عن الظهير الايمن وابو تريكه .. وحسيت ان الجمهور بدا يتدخل بقـوه !! ياناس احنـا قاعدين نحقق أفضل النتايج والمستــويات .. الظهير الايمــن وش تبـون فيـه .. عشان العرضيات !! ياخي شوفوا ولهامسون وش قاعد يسوي وعرضياته المتقنــه !! تعيبون على نامــي بهالشي والمدرب اساسا ما فكر بعرضياته لأن ولي مكفي وموفي .. صحيح نعيب عليه بعض الاخطاء الدفاعيه .. لكن ابو عزيز مو مقصر بالتغطيـه .. ولو تلاحظون بعـد ان ولي بعــد يرجـع ويسانــد الظهير الايمن " نامي " يعني ولهامسون .. ظهير ووسط ايمن .. يعني وجوده مغطي مصايب في الهلال .. ليه نخسر فلوس على لاعب ظهير وولي مغطي كل شي .. وهذا معنى كلمة " تكتيكي " الي عجز يفهمها الكثير .. ,, ابـو تريكه .. انت مقبل على بطوله اسيويه والدوري طويل وعندنا كاس ولي العهد وكاس خـادم الحرمين .. انت تتوقع ان هالتشكيله ماراح تتعب !! لازم تكون عندك خيارات .. عندك بدلاء .. يطلع فريدي يلعب ابو تريكه .. وبالتبديل بينهم ولا بين ابو تريكه والتايب ولا ولي .. يعني عندك خيارات .. وعندك اكثر من تكتيك .. منت مجبور على لعب بطريقه وحده .. تقدر تعرض !! وتقدر تلعب بالعمق بينيات ! تقدر تراوغ ! تقدر تلعب 1 , 2 .. عندك خطط وتكتيكات .. !! تبون آسيا بالساهل .. والمهاجم بيجي ليه وقالها الرئيس .. خلوا ابو تريكه يجي والمهاجم بيجي .. وكل اموركم سهلات !! بس اصبروا .. ترا اسدرتوا راس الاداره بعتراضاتكم ... انت تخيل هالاعبين بتشكيلتك .. الدعيع .. الشمري .. العتيبي .. نامي .. الزوري .. المرشدي .. هوساوي .. المفـرج .. خيرات .. سامي .. الذياب عزيز .. الغامدي .. الغنـام .. الخثران .. "و لاعب جديد صغير لااعرف اسمه " التايب .. وليهامسون .. الفريدي .. الشلهوب .. ابو تريكه .. الدوسري ياسر .. العنبر .. الصويلح ..الآسيوي ,, بالعربي بتكون عندنا خيارات كثير وتكتيكات كثير وخطط واجد .. بس اصبروا .. |
والله ان معك ومايد كلامك ١٠٠٠٪ |
كلام صحيح 100% انا اايدك كلامك |
الله يعطيك العافيه واللاعب الصغير الي ماتعرف اسمه هو (صالح الدوسري) |
صراحه كلامك عسل بس ما تحس ان ابو تريكه و التايب يلعبون في خانه وحده يعني اذا لعب ابو تريكه مايلعب التايب و العكس |
ان يكون عندك لاعب بجماهيريه ياسر القحطاني وطارق التايب وابوتريكه فهذا مكسب كبير يحسب للاداره الراقيه الرائعه والله اتمنى ابوتريكه لاعب كبير ويستاهل اللعب في الزعيم |
إقتباس:
وجود ابو تريكه بيخفف على طارق التايب هجوم بعض الجماهير والاعلام عليه اثناء غيابه للاصابه او لنيله كروت توقفه مباراة .. ابو تريكه من افضل اللاعبين في القتاليه على الكوره والتحظين على الكوره |
اشكر الكل على التفاعل .. وبخصوص الي يقول ان التايب يلعب مكان ابو تريكـه .. اقوله .. ان التايب يلعب بكل الرجلين .. يعني تقدر توديه يمين ولا يسار .. وتقدر تبدل بالمراكز بينه وبين التايب .. يعني ابو تريكه بيفك الضغط على التايب والعكس .. وبكذا تضمن صانع لعب في العمق يوصل الكور .. هذا غير التجنيـح من ولي ولا التايب .. اقصـد مو ضروري الكل يكون موجود بالتشكيله .. بس على الاقل اذا طلعت التايب .. يكون الي يدخل احد يوازي امكاناته مثل ابو تريكه مثلا ً .. يعني بتكون هناك تكتيكات .. وعلى فكره .. ابو تريكه مهاري درجه اولى .. يعني تخيلوا الوسط كله مهاري " التايب .. ابو تريكه .. الفريدي .. ولي " يعني لو لعبنا مثلا ُ مع الاتحـاد .. مثلا ُ .. سعود كريري .. والمحور الي معاه .. يمسك مين ويخلي مين .. ,, حنا مانبي نسوي نفس غلط الاتحـاد .. ماعندهم بالوسط الا نور .. ونمسكه عزيز ويضيع فريقه ..!! نبي الفرق تدوخ معانــا .. ورانا .. الآسيويه ..! الف شكر للكل .. |
تشكرر على المجهووود:clapping: ... وموضوووع رااائع من زعيم راااائعs60s وكلام سليم ... بس يااخوووفي يطلع لك وااحد من اللي يحبووون المغالط ويغالطك بموضووعك:d |
تسلم اخوي كلامك عين الصواب يعطيك العافيه والله يوفق الزعيم |
ان يكون عندك لاعب بجماهيريه ياسر القحطاني وطارق التايب وابوتريكه فهذا مكسب كبير يحسب للاداره الراقيه الرائعه والله اتمنى ابوتريكه لاعب كبير ويستاهل اللعب في الزعيم |
الله يهدي زعمائنا ولايستعجلون في الحكم على الشي بسرعة |
اي والله يهدي البعض .. عجلين بالاحكـام على الاعبين .. لو يصبرون شوي بس .. الإداره مو غشيمه والمدرب ما وافق على ابو تريكه عبث الا وعنـده تكتيك .. اشكر الكل على التفاعل |
كلام صحيح 100% انا اايدك كلامك |
تسلم اخوي كلامك عين الصواب لاكن انا ابي اوضح لبعض الجماهير الي ماشافة ابو تريكه انه لاعب في كاس العالم للانديه كمهاجم وليس كصانع لعب وهو يلعب كمهاجم من يوم ماراح عماد متعب للاتحاد |
| الوقت المعتمد في المنتدى بتوقيت جرينتش +3.
الوقت الان » 12:46 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd