|
للأسف الوضع يزداد سوءاً .. ثم يأتي من يتساءل عن سبب عدم حضور الجماهير !! للأسف الشديد .. حضرت مباراة الهلال و نجران .. نزلت من السيارة و توجهت مباشرة لبائعي الاسفنج كما هي العادة .. ( تخبرون ملعب الملز صبة تكسر الظهر و تحك العصعص حك !! خاصة للعصاقيل اللي مثلي ) شريت من عندهم اسفنج و استغربت انه باعه لي بأرخص من العادة !! بريالين فقط ! توجهت و شريت التذاكر و عند مروري من نقطة التفتيش قبل البوابة أجد رجل الأمن يسحب مني الاسفنجة و يلقي بها جانبا و يقول لي ممنوع ممنوع !! قلت وشو اللي ممنوع ؟؟ قال لي الاسفنج !! قلت ليه ؟؟؟!!!! قال تعليمات و ما لي دخل و من هالكلام .. طول عمرنا ندخل بالاسفنج !! أريد ان اعرف الشخص اللي قرر هالقرار .. هل قرره باعتباطية ؟؟ ام قرره لتعذيب الجماهير !! ام قرره لكي يُجمع الاسفنج و يعاد بيعه في الخارج !! مجرد قطعة اسفنج !! لو ارميها لن تضر أحد !!! لو ارفعها لونها ابيض سادة .. لا عليها شعارات ولا عليها كلام ولا عليها اي شيء !! خذوني على قد عقلي و علموني .. ليه صدر قرار بمنع الاسفنج من الدخول !! من زين هالمدرجات عاد .. اللي يشوفهم يقول صافين الكنب صف .. لعنبو بليسكم الجو برد موت .. و الصبة تكسر الظهر و مع البرد الله العالم بوضعنا !! يا اخي حضرنا مباراة في الخارج في احد الدول شبه المتقدمة .. شفنا فرق كبيييير يمر واحد معه وجبات خفيفة .. و مشروبات في علب خفيفة حتى لو رماها احد ما تضر احد !! كراسي مريحة .. تذكرتك على رقم كرسيك .. الامن خاص بالملعب يتعامل معك باحترام و بابتسامة .. اتمنى اعادة النظر في وضع الجمهور .. و تحفيزهم على الحضور بدلاً من تنفيرهم !!! حسبنا الله ونعم الوكيل على من قرر منع ادخال الاسفنج !! و السلام عليكم |
ماعليك منهم تخرييف يعني استعباااااااااااااااااااط منهم على العموم مبرووك الفوز |
وسع صدرك >>> توني تعوذت من الشيطان و الا كان بكتب كلام ما يعلم فيه الا رب العالمين ما نقول إلا : حسبنا الله و نعم الوكيل |
إستهبال طال عمرك وغباء متأصل |
والله العظيم شي يقهرررررررررررررررررررررر:upset::upset::upset: ليش الرئاسه ماتتحرك ليش ماتصدر قرارات زي الناس .. الله يرحـــــــــــــــــــــــــــــــــمــــــــك يافـــــــــــيصـــــل بن فــــــــــــهـــــــــــــد |
اشكر الجميع على المرور .. لكن الاخ مخدتي زرقاء .. ما اعتقد الرئاسة لها علاقة بالموضوع اللي صار .. صحيح ممكن بكلمة من سلطان بن فهد تنحل المشكلة .. لكن العلة في هاللي اصدر القرار .. تلقاه ضابط ما جاز له شكل الاسفنج و قرر يمنعه .. !! ولا الرئاسة ما تدري عن شي .. |
يارجااااال تسمي هذي ملاعب لا تعليييييق |
والله هو تصرف غير مقبول اطلاقاً لكن لاننسى بعض المتطفلين يسئون لعموم الجماهير وقد يستخدمون الاسفنج لتهريب بعض الامور الممنوعه مثل الليزر والادوات الحاده |
اخي الكريم ابن روق .. هل سبق لك ان حضرت مباراة في ملعب الملز ؟؟ هل سبق لك ان شاهدت الاسفنجة المسكينة الممنوعة من الدخول ؟؟ مجرد مربع نحيف ما فيه مجال تدخل ولا تحط .. و لو على كذا يعفطون الاسفنجة لين يتأكدون ان ما فيها شي .. لكن ليه المنع !!!! شاكر لك مرورك و متفهم وجهة نظرك لكن صدقني المنع مو حل !! اللي بيهرب بيهرب سواءاً باسفنج او بدون اسفنج !! |
إقتباس:
خصوصاً اثنا وقوفي بين مواصير شباك التذاكر انا معك اخوي لكن اكيد هذا احد اسباب المنع وانا اعرف ان الي يدخل الملعب بفروه يستطيع حمل مايريد>>يمكن يمنعونها بعد:d افضل من استخدام الاسفنج |
إقتباس:
والله عاد اسمح لي عرضها 2 صانتي وطولها يمكن 35 صانتي في 35 يعني وش يهرب فيها خخخ والله لو بيحط فوقها منديل وضح |
والله قمة القهر...! دايم احنا الجماهير اللي تجي علينا القرارات الغبيه...! |
حراااااااااااااااام عليك جمهورنا مهوب صاحي تقارن جمهور الدول المتقدمة بجمهور الفقراوية ................................,,,,,,,,,,,,,,,,,.....,.,.,.؟.,,؟ |
أنا حضرت مباراة الهلال و الإتحاد ........... و معاي شعار مكتوب عليه الزعيم بالإنجليزي منعني أدخله سألته لي؟؟ قال: عشان ما أعرف أقرأ إنجليزي.. |
انا تارك الحضور للملعب صارلي سنتين للأسباب التالية :- 1- المعاناة من إيقاف سيارتي على بعد ثلاثة كيلو من الملعب . . 2-الحصول على تذكرة الدخول بعد المضارب بالزحمة . 3- سوء معاملة رجال الأمن . 4- عدم وجود مقعد فاضي ، رغم أنه شرائك للتذكرة يعني وجوب توفير مقعد لك . 5- الجلوس على أرضية خرسانية لمدة ساعة ونصف . 6- فقد مكانك عند تركك له 7- منع دخول المشروبات للملعب . 8- الحصول على زجاجة ماء بعد المضارب بالزحمة . 9- الوصول للمنزل بعد 3 ساعات من انتهاء المباراة لزحمة المرور . |
| الوقت المعتمد في المنتدى بتوقيت جرينتش +3.
الوقت الان » 11:55 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd